22/09/2025
Mayap at magrasyang ka-orasan pu kekatamu ngan. Mumuna pu bibie ku ing kapasalamatan king Ginung Mayupaya at milabas yapu ing Pamagdalo da reng Cruzada ning Virgen delos Remedios at Sto Cristo del Perdon keti king baryu mi king mitmung tula at payapa.
Cambe dapu deng kayabe kung Chapel Pastoral Council at Chapel Youth Ministry at deng parishioners keti king baryu Sto. Cristo bibie mipu ing taos puso ming kapasalamatan kekayung memie donasyun (cash and in kind), suporta, meki pagvigil, sinaup at menantabe kilub napu ning atlu lang aldo keti bisitas
Pasalamatan mila naman pu deng kekaming Damas de Caridad at Caballeros, Barangay Council, Tanod at Hijos keng suporta at pamanantabe at karen pung sinaup a memgayak king kekatamung cruzada.
Mananu na sana ing pamanantabe, pamisanmetung at pamikakalugud manatili ya king puso tamu at king baryu tamu.
Antimurin pu pasalamat kami pu kareng kayabe tamung opisyales na ning kekatamung parokya king Parish Pastoral Coordinator, Bro. Jess Punzalan at Bro. Paul Elijah Mandap keng masanting at makalbaldugan dang mensahe kekatamung talasalpantaya keti baryu Sto. Cristo.
Katataulian pu Among dakal pung dakal salamat king lugud at suporta yu kekaming anak mu keti baryu Sto. Cristo.
Viva Virgen de Los Remedios!
Viva Sto. Cristo Del Perdon Y Caridad!
Dakal a dakal pung salamat!
by: Luisa Magat
