San Francisco de Asis Community, Asis, Mendez, Cavite

15/12/2025

06/10/2025

Fiesta San Francisco 2025

Isang dakilang pagdiriwang ng pananampalataya at pagkakaisa ang idinaos sa kapistahan ng ating minamahal na Serafikong Ama, San Francisco de Asís. Sa pamamagitan ng Banal na Misa at ng pagdambana, muling ipinamalas ng pamayanan ng ating kapilya ang taos-pusong debosyon at pagmamahal sa ating pintakasi.

Ang buong selebrasyon ay nagsilbing patunay ng buhay na pananampalataya ng mga mananampalataya na patuloy na sumusunod sa halimbawa ni San Francisco ang mamuhay nang may kababaang-loob, kapayapaan, at malasakit sa kapwa.

Nawa’y magpatuloy sa bawat isa ang diwa ng kapistahan at ang inspirasyong hatid ng ating Serafikong Ama habang sama-sama nating pinatatag ang ating paglilingkod sa Diyos at sa kapwa.

03/10/2025

Maligayang Kapistahan ng ating Serafikong Ama San Francisco ng Asisi!

Sa dakilang araw na ito, sama-sama nating ipinagdiriwang ang kapistahan ng ating mahal na patron, ang Serafikong Ama San Francisco ng Asisi, isang huwaran ng kabanalan, kababaang-loob, at tunay na pagmamahal sa Diyos at sa lahat ng Kanyang nilikha.

Ang ating Serafikong Ama San Francisco ng Asisi ay nag-iwan ng napakalalim na halimbawa ng pamumuhay na simple at puspos ng pananampalataya. Sa kanyang pagtalikod sa kayamanan at karangyaan, kanyang pinili ang landas ng kahirapan upang lubos na masundan ang yapak ng ating Panginoong Hesukristo. Dahil dito, siya ay naging ilaw sa lahat ng nagmimithi ng kabanalan at tunay na kalayaan ng espiritu.

Sa ating pagdiriwang ng kanyang kapistahan, nawa’y magpatuloy tayong humugot ng inspirasyon mula sa kanyang buhay ang pagiging bukas-palad, mapagpakumbaba, at tapat sa paglilingkod sa Diyos at kapwa. Nawa’y ang halimbawa ng ating Serafikong Ama San Francisco ng Asisi ay magsilbing paalala na ang tunay na kayamanan ay matatagpuan hindi sa mga bagay ng sanlibutan, kundi sa pusong marunong magmahal at magbahagi.

Tayo ay sama-samang manalangin at humiling ng kanyang makapangyarihang pamamagitan upang patuloy tayong pagkalooban ng Panginoon ng kapayapaan, pagkakaisa, at tibay ng pananampalataya sa ating pamilya, pamayanan, at buong bayan.

Viva, Serafikong Ama San Francisco ng Asissi!

02/10/2025

PAGMASDAN:

Matagumpay na idinaos ang makulay na Karakol sa Nayon bilang pagdiriwang at pagpupugay sa ating mahal na patron, ang ating Serapikong Ama San Francisco ng Assisi. Ito ay naging isang makabuluhang pagkakataon ng pananampalataya, pagkakaisa, at pasasalamat na nagbuklod sa buong pamayanan.

Taos pusong pasasalamat sa lahat ng mga nakilahok, nakiisa, at nag-alay ng kanilang panahon at serbisyo upang maging matagumpay ang ating pagdiriwang. Ang inyong debosyon at pakikibahagi ay patunay ng matibay na pananampalataya at pagmamahal sa ating patron.

Nawa’y patuloy tayong pagpalain at gabayan ng ating Serapikong Ama San Francisco ng Assisi sa ating pamumuhay at paglilingkod.

¡Viva San Francisco de Asis!

02/10/2025

SAN FRANCISCO DE ASSISI SA PAGLALAYAG SA NAYON NG ASIS!!

¡VIVA SAN FRANCISCO DE ASSISI!

01/10/2025

𝐊𝐀𝐑𝐀𝐊𝐎𝐋 𝐒𝐀 𝐍𝐀𝐘𝐎𝐍 𝟐𝟎𝟐𝟓

Halina at makiisa sa makulay at masayang KARAKOL SA NAYON 2025 sa karangalan ng ating mahal na patron, San Francisco de Asís, dito sa Bario ng Asis

Oktubre 2, 2025
1:00 NH – Pagdarasal ng Novena
2:00 NH – Misa de Caracol
3:00 NH – Karakol ng Nayon

Inaanyayahan ang lahat na magsuot ng mga angkop na kasuotan para sa banal na pagdiriwang. Maaari po tayong magsuot ng uniporme ng ating samahan, grupo, o organisasyon na kinabibilangan. Maaari rin po ang Official T-shirt ng Parokya, ngunit iwasan ang pagsusuot ng mga di-akmang kasuotan gaya ng sando at shorts.

Paalala:
Ang Karakol ay isang relihiyoso at banal na gawain. Ito ay panatang sayaw na may kasamang panalangin. Iwasan natin ang mga kilos o hakbang na hindi nararapat habang isinasagawa ito.

Maraming salamat po at magkita-kita tayo sa ating pagdiriwang!

𝐕𝐈𝐕𝐀 𝐒𝐀𝐍 𝐅𝐑𝐀𝐍𝐂𝐈𝐒𝐂𝐎 𝐃𝐄 𝐀𝐒Í𝐒!

TENA'T MAG KARAKOL!

30/09/2025

IKA-ANIM NA ARAW NG NOVENA MISA ALAY KAY SAN FRANCISCO DE ASÍS

Ngayong Setyembre 29, 2025, ipinagpatuloy natin ang Pagsisiyam at Novena Misa bilang paghahanda sa nalalapit na kapistahan ni San Francisco de Asís. Pinangunahan ang Banal na Misa ni Rev. Fr. Boyet Alegre mula sa Asís, na sa kanyang homiliya ay nagbigay-diin na si San Francisco ay isang tapat na deboto ni San Miguel Arkanghel. Ipinaalala niya sa atin na tulad ni San Miguel na tagapagtanggol laban sa kasamaan, si San Francisco ay nagsabuhay ng kabanalan at tapang sa pananampalataya upang ipagtanggol ang kabutihan at ipalaganap ang kapayapaan.

Lubos po ang aming pasasalamat sa lahat ng naglingkod at sa ating Mass Sponsors para sa Ika-anim na Araw ng ating Novena Misa.

VIVA SAN FRANCISCO DE ASÍS!

30/09/2025

IKA-LIMANG ARAW NG NOVENA MISA ALAY KAY SAN FRANCISCO DE ASÍS

Ngayong Setyembre 28, 2025, ipinagpatuloy natin ang Pagsisiyam at Novena Misa bilang paghahanda sa kapistahan ni San Francisco de Asís. Pinangunahan ang Banal na Misa ni Rev. Fr. Joseph Viet Nguyen na nagbigay-diin sa kahalagahan ng tunay na pananampalataya, pagkakaroon ng pusong mapagpatawad, at pagiging instrumento ng pagkakaisa sa ating pamayanan mga katangiang isinabuhay ni San Francisco.

Taos-puso po kaming nagpapasalamat sa lahat ng naglingkod at sa ating Mass Sponsors para sa Ika-limang Araw ng ating Novena Misa.

VIVA SAN FRANCISCO DE ASÍS!

28/09/2025

PANG-APAT NA ARAW NG NOVENA MISA ALAY KAY SAN FRANCISCO DE ASÍS

Ngayong Setyembre 27, 2025, ipinagpatuloy natin ang Pagsisiyam at Novena Misa bilang paghahanda sa kapistahan ni San Francisco de Asís. Pinangunahan ang Banal na Misa ni Rev. Fr. Joseph Viet Nguyen na nagbigay-diin sa kahalagahan ng pagiging mapayapa, mapagkumbaba, at handang maglingkod sa kapwa bilang pagsunod sa yapak ni San Francisco.

Ang amin pong taos-pusong pasasalamat sa lahat ng mga naglingkod at sa lahat ng ating Mass Sponsors para sa Pang-apat na Araw ng ating Novena Misa.

VIVA SAN FRANCISCO DE ASÍS!

28/09/2025

PANGATLONG ARAW NG NOVENA MISA ALAY KAY SAN FRANCISCO DE ASÍS

Ngayong Setyembre 26, 2025, ipinagpatuloy natin ang Pagsisiyam at Novena Misa bilang paghahanda sa kapistahan ni San Francisco de Asís. Pinangunahan ang Banal na Misa ni Rev. Fr. Serge Arianga na nagpaalala sa atin na manatiling tapat sa pananampalataya, maging bukas-palad sa paglilingkod, at palaging magtiwala sa kalooban ng Diyos tulad ng ginawa ni San Francisco.

Ang amin pong taos-pusong pasasalamat sa lahat ng mga naglingkod at sa lahat ng ating Mass Sponsors para sa Pangatlong Araw ng ating Novena Misa.

VIVA SAN FRANCISCO DE ASÍS!

28/09/2025

PANGALAWANG ARAW NG NOVENA MISA ALAY KAY SAN FRANCISCO DE ASÍS

Ngayong araw na ito, Setyembre 25, 2025, ay ipinagpatuloy natin ang Pagsisiyam at Novena Misa sa karangalan ni San Francisco de Asís. Ang Banal na Misa ay pinangunahan ni Rev. Fr. Eleomer Dendiego na nagpaalala na manatiling tapat sa pananampalataya, mamuhay nang may kababaang-loob, at maglingkod ng may pagmamahal sa Diyos at sa kapwa.

Taos-puso ang aming pasasalamat sa lahat ng naglingkod at sa lahat ng Mass Sponsors para sa Pangalawang Araw ng ating Novena Misa.

VIVA SAN FRANCISCO DE ASÍS!