06/05/2026
Reflection of the day ❤️
Sa atong kinabuhi, daghan ta ug butang nga atong gihagoan—trabaho, pamilya, pangandoy. Pero usahay malimtan nato nga dili tanan bunga sa atong kusog. Daghan niini bunga sa grasya ni Jesus.
Ang grasya dili nato mapalit, dili sad nato ma-earn pinaagi sa atong buhat. Kini libre nga gihatag—usa ka regalo gikan kang Jesus. Sa matag adlaw nga kita buhi, sa matag problema nga atong nalampasan, ug bisan sa kalisod nga nakapaduol nato sa Ginoo—anaa ang iyang grasya.
Usahay dili nato dayon makita ang grasya, labi na kung lisod ang sitwasyon. Pero kung ato ning tan-awon sa mas lawom nga paagi, makita nato nga ang grasya naglihok—naglig-on sa atong kasingkasing, naghatag paglaum, ug naggiya sa atong dalan.
Ang pangutana karon: giunsa nato pagdawat ug pagpaambit sa grasya?
Dili lang kay dawaton nato kini, kundi ipasa usab sa uban—pinaagi sa gugma, pasaylo, ug pagtabang.
Cenologist Team
