Kpk Mga Tanong at Mga Sagot

02/04/2022

KABANATA 24
Panalangin at Pagsambang Katoliko
______________________________
Paano mapanibago ang debosyon kay maria ?

》Maaaring mapadalisay ,mapanibago at mapatotohanan ang mga kinagawiang debosyon kay Maria at mga sinasabing "pagpapakita" sa pamamagitan ng pag-uugnay kay Maria:
●Kay Kristo at sa Banal na Santatlo
●sa persona at gawain ng Espiritu Santo
●sa Simbahan at misyon nito;at
●sa gawain ngayon para sa katarungan at tanging pagkiling para sa dukha.

02/04/2022

KABANATA 25
Bagong Buhay kay Kristo:
Binyag at Kumpil
__________________________________
Ano ang kahulugan ng"Tatak o Karakter ng Binyag"?

●nagtatatak ang tatlong sakramento (Binyag , Kumpil at Orden ) ng di nawawalang espirituwal na tatak o karakter sa kaluluwa na nagtatakda ng partikular na ugnayan kay Kristo at sa Simbahan .

pasensya na po mga kapanalig , ngayon lang po ako nakabalik ng pag popost ng katesismo.
Salamat po sa pag-unawa, God Bless.

Pumasok na po kasi ako sa seminaryo.

19/12/2021

>TALAHULUGAN<
absolusyon: Sa Sakramento ng Pagbabalik-loob, ay pormula na binibigkas ng Pari sa nagsisising makasalanan, na nagsasaad ng kapatawaran sa mga personal na kasalanan sa bisa ni Kristo.

BIKARYO NI KRISTO: Ang Santo Papa bilang nakikitang pinuno ng Simbahan, na gumaganap sa ngalan ni Kristo. Ang basehan ng Bibliya ng titulo/gampaning ito ay ang (Juan 21:15-17):Pakanin mo ang aking mga tupa".

19/12/2021

KABANATA 3
ang Ating Tugon:
Sumasampalataya Tayo
________________________________________
Ano ang nagagawa sa atin ng pananampalataya kay Kristo?
Ang pananampalataya kay Kristo ay:

>tumutulong sa ating umunlad sa pagiging mga taong may sapat na pag-iisip na maaaring makipag-ugnayan sa iba nang mapanagutan at ganap;
>nagpapalaya sa atin mula sa pagka-alipin ng kasalanan; at
>nagbubukas sa atin sa malalim na kagalakan at kaligayahan sa Panginoon.

🙏

19/12/2021

KABANATA 14
ang Hamon ng Pagsunod
Kay Kristo
________________________________________
Anong pagtugon mula sa atin ang hinihingi ng Kaharian?

Nananawagan ang Kaharian ng Diyos para sa:
>paggagalangan sa bawat isa;
>kaisahan ng lahat; at
>katapatan sa Diyos at sa isa't isa.

19/12/2021

KABANATA 10
Jesu-Kristo:Misyon at Persona
_____________________________________________
Paano natin makikilala kung SINO si Jesus?

Makikilala natin si Jesus mula sa kanyang NAGAWA at patuloy na GINAGAWA .
Kaya, mahalagang malaman ang makasaysayang buhay at ginawa ni Jesus sa pamamagitan ng palagiang pakikipag-ugnay sa mga Ebanghelyo upang sa gayud ay malaman natin sa pananampalataya na "Si Jesu-Kristo ang Panginoon"(Filipos 2:11).

05/12/2021

11/11/2021

KABANATA 11
Si Kristo ay Namatay
________________________________________
Bakit nagpasakit ay namatay si Kristo?

Malaya at buong malay na hinarap ni Jesus ang kanyang kamatayan upang maisakatuparan ang misyon na tinanggap niya mula sa kanyang Ama.
Nakita niya ang kanyang sarili na tumutupad sa mga hula sa Matandang Tipan sa pamamagitan ng " pagbibigay ng kanyang buhay sa ikatutubos ng marami "( Marcos 10:45).

Ibinigay ng ating tagapagligtas na si Jesu-Kristo ang kanyang sarili upang iligtas tayo sa lahat ng kalikuan at linisin para maging kanyang bayan na nakatalagang gumawa ng mabuti " ( Tito 2:14).

11/11/2021

KABANATA 11
Si Kristo ay Namatay
____________________________________________
Paano inilalarawan ng KREDO ang mapangtubos na sakripisyo ni Kristo?

Inilalarawan ng KREDO ang limang yugto ng mapangligtas na sakripisyo ni Kristo :
siya'y nagpasakit , ipinako , namatay , inilibing , at nanaog sa kinaroroonan ng mga yumao.

11/11/2021

KABANATA 10
Jesu-Kristo:
Misyon at Persona
_____________________________________
Bakit tinawag na "Tagapagligtas" si Jesus ?

Gaya ng ipinahayag bagi pa man siya isilang , ang sanggol ay pangangalanang Jesus sapagkat " siya ang magliligtas sa kanyang bayan sa kanilang mga kasalanan"(Mateo 1:21).

Panginoon , sa pamamagitan ng iyong Krus at muling pagkabuhay , pinalaya mo kami. Ikaw ang Tagapagligtas ng Sandaigdigan.

11/11/2021

KABANATA 9
Ang Diyos ay Nangako ng
Isang Tagapagligtas
_______________________________
Saan matatagpuan ang pangako ng kaligtasan ng Diyos sa Matandang Tipan?

Ang Pangako ng Diyos ay matatagpuan sa lahat ng tatlong bahagi ng Matandang Tipan : Ang Batas (Torah) , ang mga Propeta , at mga sulat ( ang mga aklat ng karunungan at mga Salmo ).