12/10/2025
Ika-12 ng Oktubre: KAPISTAHAN NI SAN CARLO ACUTIS
Bilang pagdiriwang ng kanyang unang kapistahan bilang Santo, nakatanghal ngayon sa ating Parokya ang kayang imahen at ang relikya ng kanyang mga damit. Ito ay mananatili hanggang pagkatapos ng ika-4:30 na Banal na Misa.
Si San Carlo Acutis, isinilang noong Mayo 3, 1991 sa London at lumaki sa Milan, Italy, ay kinilala sa kanyang matinding pagmamahal sa Eukaristiya, na tinawag niyang "highway to heaven." Ginamit niya ang kanyang husay sa computer at programming upang lumikha ng isang online exhibition ng mga "Eucharistic Miracles," na nagpalaganap ng pananampalataya sa buong mundo. Sa kabila ng pagiging karaniwang kabataan, nabuhay siya nang may disiplina at pananampalataya, nagpapaalala na "Ang lahat ay isinilang bilang orihinal, pero maraming namamatay bilang kopya." Sa edad na 15, inalay niya ang kanyang sakit na leukemia para sa Simbahan bago pumanaw noong Oktubre 12, 2006. Pagkatapos makilala ang mga kababalaghan sa kanyang pamamagitan, siya ay idinambana bilang Beato noong Oktubre 10, 2020, at opisyal na kinanonisa bilang Santo noong Setyembre 7, 2025, ni Pope Leo XIV, at ngayon ay patron ng mga kabataan at ng mga gumagamit ng internet.
OPISYAL NA PANALANGIN KAY SAN CARLO ACUTIS
San Carlo, ngiti ng langit para sa mundong ito na sugatan at walang kapayapaan, pinupuri namin ang Diyos para sa iyong payak, masaya, at banal na buhay.
Tinanggap mo nang may pagtitiwala na talikuran ang iyong kabataan upang italaga ang iyong sarili sa langit, kasama sina Hesus at Maria, sa isang misyon ng pag-ibig na walang hanggan. Habang ang iyong katawan ay nakahimlay kung saan si San Francisco ng Assisi ay nagtakwil ng lahat ng makamundong bagay sa kanyang sarili, ikaw ay nagpapahayag kasama niya sa mundo na si Hesus ang lahat ng ating kaligayahan.
Binatang puno ng pangarap, naakit sa kalikasan, ng paglalaro, ng internet, ngunit mas nabighani ng himala ni Hesus na tunay na naroroon sa Banal na Eukaristiya, tulungan mo kaming maniwala na Siya ay naroroon, buhay at totoo, ang mistikong "highway" patungong langit, at turuan mo kaming pagmasdan Siya kasama ni Maria, sa mga misteryo ng Banal na Rosaryo.
Ipaliwanag mo sa amin, Carlo, na, higit sa bawat uso, tanging si Hesus, sa pamamagitan ng pakikipag-isa sa Kanya, ang gumagawa sa ating "mga orihinal at hindi mga photocopy," na tunay na malaya. Ipagkaloob mo sa amin na malaman kung paano Siya makikilala sa bawat nilalang, lalo’t higit sa mga mahihirap, upang ang sangkatauhan ay maging mas makatarungan at may diwang pangkapatirang mayaman sa kagandahan at pag-asa, sa kaluwalhatian ng Ama, ng Anak, at ng Espiritu Santo. Amen.
Salin mula sa orihinal na Ingles,
Imprimatur ng Lub. Kgg. Domenico Sorrentino DD.,
Obispo ng Assisi, Nocera Umbra, Gualdo Tadino at ng Foligno.
Assisi, ika-23 ng Mayo 2024
Ika-12 ng Oktubre: KAPISTAHAN NI SAN CARLO ACUTIS
Bilang pagdiriwang ng kanyang unang kapistahan bilang Santo, nakatanghal ngayon sa ating Parokya ang kayang imahen at ang relikya ng kanyang mga damit. Ito ay mananatili hanggang pagkatapos ng ika-4:30 na Banal na Misa.
Si San Carlo Acutis, isinilang noong Mayo 3, 1991 sa London at lumaki sa Milan, Italy, ay kinilala sa kanyang matinding pagmamahal sa Eukaristiya, na tinawag niyang "highway to heaven." Ginamit niya ang kanyang husay sa computer at programming upang lumikha ng isang online exhibition ng mga "Eucharistic Miracles," na nagpalaganap ng pananampalataya sa buong mundo. Sa kabila ng pagiging karaniwang kabataan, nabuhay siya nang may disiplina at pananampalataya, nagpapaalala na "Ang lahat ay isinilang bilang orihinal, pero maraming namamatay bilang kopya." Sa edad na 15, inalay niya ang kanyang sakit na leukemia para sa Simbahan bago pumanaw noong Oktubre 12, 2006. Pagkatapos makilala ang mga kababalaghan sa kanyang pamamagitan, siya ay idinambana bilang Beato noong Oktubre 10, 2020, at opisyal na kinanonisa bilang Santo noong Setyembre 7, 2025, ni Pope Leo XIV, at ngayon ay patron ng mga kabataan at ng mga gumagamit ng internet.
OPISYAL NA PANALANGIN KAY SAN CARLO ACUTIS
San Carlo, ngiti ng langit para sa mundong ito na sugatan at walang kapayapaan, pinupuri namin ang Diyos para sa iyong payak, masaya, at banal na buhay.
Tinanggap mo nang may pagtitiwala na talikuran ang iyong kabataan upang italaga ang iyong sarili sa langit, kasama sina Hesus at Maria, sa isang misyon ng pag-ibig na walang hanggan. Habang ang iyong katawan ay nakahimlay kung saan si San Francisco ng Assisi ay nagtakwil ng lahat ng makamundong bagay sa kanyang sarili, ikaw ay nagpapahayag kasama niya sa mundo na si Hesus ang lahat ng ating kaligayahan.
Binatang puno ng pangarap, naakit sa kalikasan, ng paglalaro, ng internet, ngunit mas nabighani ng himala ni Hesus na tunay na naroroon sa Banal na Eukaristiya, tulungan mo kaming maniwala na Siya ay naroroon, buhay at totoo, ang mistikong "highway" patungong langit, at turuan mo kaming pagmasdan Siya kasama ni Maria, sa mga misteryo ng Banal na Rosaryo.
Ipaliwanag mo sa amin, Carlo, na, higit sa bawat uso, tanging si Hesus, sa pamamagitan ng pakikipag-isa sa Kanya, ang gumagawa sa ating "mga orihinal at hindi mga photocopy," na tunay na malaya. Ipagkaloob mo sa amin na malaman kung paano Siya makikilala sa bawat nilalang, lalo’t higit sa mga mahihirap, upang ang sangkatauhan ay maging mas makatarungan at may diwang pangkapatirang mayaman sa kagandahan at pag-asa, sa kaluwalhatian ng Ama, ng Anak, at ng Espiritu Santo. Amen.
Salin mula sa orihinal na Ingles,
Imprimatur ng Lub. Kgg. Domenico Sorrentino DD.,
Obispo ng Assisi, Nocera Umbra, Gualdo Tadino at ng Foligno.
Assisi, ika-23 ng Mayo 2024
