14/03/2026
LENTEN RECOLLECTION || đź’śđź’ś
Kabataan at Pamilya: Kalakbay sa Paghuhubog at Pagmimisyon sa Simbahan sa Halimbawa ng Banal na Mag-anak
Muli ating mapagnilayan ang mahalagang papel ng kabataan at pamilya sa ating pananampalataya. Ang pamilya ang unang paaralan ng pagmamahal, paggalang, at pananampalataya. Tulad ng ipakita sa atin kung paano mamuhay nang may pagtitiwala sa Diyos, pagmamahalan, at pagkakaisa sa loob ng pamilya.
Bilang kabataan, mahalagang maunawaan natin na tayo ay hindi lamang bahagi ng pamilya kundi bahagi rin ng misyon ng Simbahan. Sa pamamagitan ng ating mga mabubuting gawa, paggalang sa ating mga magulang, at pagtulong sa kapwa, nagiging instrumento tayo ng pagmamahal ng Diyos sa iba. Ang halimbawa ng Banal na Mag-anak ay paalala na kahit sa simpleng pamumuhay, maaaring maging banal at makabuluhan ang ating buhay kung ito ay iniaalay natin sa Diyos.
Sa panahon ng Kuwaresma, inaanyayahan tayong magnilay, magbago, at lalong mapalapit sa Diyos. Ang recollection na ito ay nagsilbing gabay upang mas mapagtibay ang ating relasyon sa ating pamilya, sa ating kapwa, at higit sa lahat sa Diyos.
Lubos din kaming nagpapasalamat sa ating tagapagsalita na si Bro. Chester Velasco sa kanyang makabuluhan at inspiradong pagbabahagi. Sa pamamagitan ng kanyang mga salita at karanasan, mas naunawaan namin ang kahalagahan ng pagiging kabataan na may pananampalataya at ang mahalagang papel ng pamilya sa paghubog ng ating pagkatao.
Nawa’y patuloy naming maisabuhay ang mga aral na aming natutunan at maging liwanag kami sa aming pamilya, paaralan, at komunidad.
Maraming salamat po at nawa’y patuloy tayong gabayan ng Diyos sa ating paglalakbay sa pananampalataya.
