https://www.facebook.com/771995222654138/

Saint Padre Pio Sub-Parish - SPPC Dolmar, Blk 10 Lot 19 Sampaguita Street phase 1 Golden Hills subd. Loma De Gato, Marilao (2026)

Q: What is the address?

Blk 10 Lot 19 Sampaguita Street Phase 1 Golden Hills Subd. Loma De Gato

28/09/2026

𝟮𝟳 𝗦𝗘𝗧𝗬𝗘𝗠𝗕𝗥𝗘 | 𝗗𝗔𝗟𝗔𝗪 𝗦𝗔 𝗡𝗔𝗬𝗢𝗡 𝟮𝟬𝟮𝟲

“𝘈𝘯𝘨 𝘱𝘢𝘨𝘥𝘢𝘭𝘢𝘸 𝘯𝘨 𝘔𝘢𝘩𝘢𝘭 𝘯𝘢 𝘉𝘪𝘳𝘩𝘦𝘯𝘨 𝘔𝘢𝘳𝘪𝘢, 𝘢𝘯𝘨 𝘐𝘯𝘢 𝘯𝘨 𝘈𝘸𝘢, 𝘴𝘢 𝘒𝘢𝘱𝘪𝘭𝘺𝘢 𝘯𝘪 𝘚𝘵𝘰. 𝘗𝘢𝘥𝘳𝘦 𝘗𝘪𝘰 𝘯𝘨 𝘗𝘪𝘦𝘵𝘳𝘦𝘭𝘤𝘪𝘯𝘢.”

𝗠𝗔𝗦𝗗𝗔𝗡 | Mga kuhang larawan mula sa ginanap na Ikatlong Linggo ng Dalaw sa Nayon 2026 noong Setyembre 27, 2026 , kung saan buong galak at pananampalataya nating tinanggap ang pagdalaw ng imahen ng Mahal na Birheng Maria, ang Ina ng Awa, sa Kapilya ni Sto. Padre Pio ng Pietrelcina.

Ang pagdalaw na ito ay isang mahalagang bahagi ng ating paghahanda para sa nalalapit na Kapistahan ng Mahal na Birheng Maria, ang Ina ng Awa. Sa pamayanang kanyang dinadalaw, nawa’y patuloy nating maramdaman ang mapagmahal na paggabay ng ating Mahal na Ina at higit tayong mapalapit sa kanyang Anak na si Hesukristo.

Nawa’y ang pagkakataong ito ay maging daan upang muling mapatibay ang ating pananampalataya, mapalalim ang ating pananalangin, at mapalakas ang pagkakaisa ng bawat pamilya at ng buong pamayanang patuloy na kumakapit sa awa at pagmamahal ng Diyos.

Taos-puso po ang aming pasasalamat sa lahat ng naging bahagi at tumulong upang maging maayos at makabuluhan ang pagdalaw na ito. Maraming salamat po sa ating mga lingkod, tagapaglingkod sa kapilya, mga deboto, mga pamilya, at sa lahat ng mananampalatayang nakiisa sa pagtanggap at pagsama sa Mahal na Birheng Maria, ang Ina ng Awa.

Mahal na Birheng Maria, Ina ng Awa, patuloy mo kaming akayin patungo sa iyong Anak na si Hesus. Ipanalangin mo kami at ang aming mga pamilya.

Ina ng Awa, kami ay iyong lingapin.
Mahal na Birheng Maria, ipanalangin mo kami!

28/09/2026

𝗦𝗘𝗧𝗬𝗘𝗠𝗕𝗥𝗘 𝟮𝟳 | 𝗜𝗞𝗔𝗧𝗟𝗢𝗡𝗚 𝗟𝗜𝗡𝗚𝗚𝗢 𝗡𝗚 𝗗𝗔𝗟𝗔𝗪 𝗣𝗔𝗧𝗥𝗢𝗡 𝗡𝗚 𝗠𝗔𝗛𝗔𝗟 𝗡𝗔 𝗕𝗜𝗥𝗛𝗘𝗡𝗚 𝗠𝗔𝗥𝗜𝗔, 𝗔𝗡𝗚 𝗜𝗡𝗔 𝗡𝗚 𝗔𝗪𝗔

𝐓𝐢𝐠𝐧𝐚𝐧 | Kahapon, ika-27 ng Setyembre, ipinagpatuloy ang ikatlong linggo ng Dalaw Patron ng Mahal na Birheng Maria, Ang Ina ng Awa, bilang bahagi ng ating paghahanda sa nalalapit na kapistahan.

Mula sa SPPC Marilao GreenForbes – St. Jude Thaddeus, sama-samang naglakbay ang mga deboto at lingkod patungo sa SPPC Dolmar – Saint Padre Pio Sub-Parish, upang ihatid at ipagkatiwala ang Mahal na Birhen sa panibagong pamayanan.

Naging pagkakataon ang pagdalaw na ito upang magkaisa sa panalangin, magpasalamat, at patuloy na palalimin ang ating debosyon sa Mahal na Ina. Sa kanyang pagdating sa panibagong pamayanan, nawa’y maging daan ang kanyang presensya upang higit nating madama ang pagmamahal, awa, at paggabay ng Diyos.

Nawa’y sa bawat tahanan at pamayanang kanyang dinadalaw ay mag-iwan ang Mahal na Birhen ng pag-asa, kapayapaan, at pagkakaisa. Sa kanyang paggabay, nawa’y lalo tayong mapalapit sa kanyang Anak na si Hesukristo at maging matatag sa ating pananampalataya.

Patuloy nating samahan ang Mahal na Ina sa kanyang paglalakbay at makiisa sa mga susunod na linggo ng Dalaw Patron habang sama-sama nating ipinaghahanda ang dakilang pagdiriwang ng kanyang kapistahan.

𝗩𝗜𝗩𝗔 𝗟𝗔 𝗩𝗜𝗥𝗚𝗘𝗡!

Ina ng Awa, ipanalangin mo kami!

26/09/2026

𝗦𝗘𝗧𝗬𝗘𝗠𝗕𝗥𝗘 𝟮𝟲 | 𝗜𝗞𝗔𝗗𝗔𝗟𝗔𝗪𝗔𝗠𝗣𝗨'𝗧 𝗔𝗡𝗜𝗠 𝗡𝗔 𝗟𝗜𝗡𝗚𝗚𝗢 𝗦𝗔 𝗞𝗔𝗥𝗔𝗡𝗜𝗪𝗔𝗡𝗚 𝗣𝗔𝗡𝗔𝗛𝗢𝗡

𝗠𝗔𝗦𝗗𝗔𝗡 | Mga larawang kuha mula sa banal na misa noong Setyembre 26, 2026, sa pagdiriwang ng Ikaladalawampu't Anim na Linggo sa Karaniwang Panahon at Linggo ng mga Naglalayag sa Dagat at mga Migrante. Pinangunahan ito ni Rdo. P. Edward C. Pecson, ang ating Paring Tagapangasiwa.

Sa Mabuting Balita, itinuturo ni Jesus ang kagalakan ng Diyos sa pagsisisi ng mga makasalanan at pagbabalik-loob nila sa Ama, kaysa mga taong turing sa sarili ay matuwid at hindi tumutugon sa tawag ng pagbabagong-buhay.

Ipinapaalala sa atin ni Jesus na ang Diyos ay hindi naghihintay upang tayo ay parusahan, kundi patuloy na naghihintay sa ating pagbabalik. Kapag ang isang taong naligaw ng landas ay nagsisi at muling lumapit sa Diyos, nagkakaroon ng kagalakan sa langit. Ipinakikita nito ang lalim ng awa at pagmamahal ng Ama na handang tumanggap sa sinumang taos-pusong nagbabalik-loob.

Paalala rin ito sa atin na ang pagiging malapit sa Diyos ay hindi dahilan upang ituring natin ang ating sarili na higit na mabuti kaysa sa iba. Sa halip, dapat tayong maging maunawain at mapagkumbaba, sapagkat tayong lahat ay nangangailangan ng awa, kapatawaran, at patuloy na pagbabagong-buhay.

Nawa’y matuto tayong magsisi sa ating mga pagkukulang at huwag matakot na bumalik sa piling ng Panginoon. At kapag may kapatid tayong nagbabalik-loob, nawa’y tanggapin natin siya nang may pagmamahal at kagalakan, tulad ng pagtanggap ng Diyos sa bawat isa sa atin.

25/09/2026

𝗗𝗔𝗟𝗔𝗪 𝗦𝗔 𝗡𝗔𝗬𝗢𝗡 𝟮𝟬𝟮𝟲 | 𝗦𝗣𝗣𝗖 𝗦𝗧𝗢. 𝗣𝗔𝗗𝗥𝗘 𝗣𝗜𝗢 (𝗗𝗢𝗟𝗠𝗔𝗥) | 𝗦𝗘𝗧𝗬𝗘𝗠𝗕𝗥𝗘 𝟮𝟳 – 𝗢𝗞𝗧𝗨𝗕𝗥𝗘 𝟯

“𝘈𝘯𝘨 𝘱𝘢𝘨𝘥𝘢𝘭𝘢𝘸 𝘯𝘨 𝘔𝘢𝘩𝘢𝘭 𝘯𝘢 𝘉𝘪𝘳𝘩𝘦𝘯𝘨 𝘔𝘢𝘳𝘪𝘢, 𝘢𝘯𝘨 𝘐𝘯𝘢 𝘯𝘨 𝘈𝘸𝘢 𝘴𝘢 𝘒𝘢𝘱𝘪𝘭𝘺𝘢 𝘯𝘪 𝘚𝘵𝘰. 𝘗𝘢𝘥𝘳𝘦 𝘗𝘪𝘰 𝘯𝘨 𝘗𝘪𝘦𝘵𝘳𝘦𝘭𝘤𝘪𝘯𝘢.”

Inaanyayahan ang lahat na makiisa sa Dalaw sa Nayon 2026, bilang paghahanda sa nalalapit na Kapistahan ng ating Mahal na Ina, ang Ina ng Awa.

𝗦𝗘𝗧𝗬𝗘𝗠𝗕𝗥𝗘 𝟮𝟳
- 𝗣𝗮𝗴𝗱𝗮𝘁𝗶𝗻𝗴 𝗻𝗴 𝗠𝗮𝗵𝗮𝗹 𝗻𝗮 𝗕𝗶𝗿𝗵𝗲𝗻𝗴 𝗠𝗮𝗿𝗶𝗮

𝗦𝗘𝗧𝗬𝗘𝗠𝗕𝗥𝗘 𝟮𝟴 – 𝗢𝗞𝗧𝗨𝗕𝗥𝗘 𝟯
- 𝗥𝗼𝘀𝗮𝗿𝘆𝗼 𝗮𝘁 𝗡𝗼𝗯𝗲𝗻𝗮 | 𝟰:𝟬𝟬 𝗡.𝗛.

𝗢𝗞𝗧𝗨𝗕𝗥𝗘 𝟯
- 𝗕𝗮𝗻𝗮𝗹 𝗻𝗮 𝗠𝗶𝘀𝗮 | 𝟴:𝟭𝟱 𝗡.𝗚.

𝗢𝗞𝗧𝗨𝗕𝗥𝗘 𝟰
- 𝗣𝗮𝗴𝗹𝗶𝘀𝗮𝗻 𝗻𝗴 𝗠𝗮𝗵𝗮𝗹 𝗻𝗮 𝗕𝗶𝗿𝗵𝗲𝗻𝗴 𝗠𝗮𝗿𝗶𝗮

Halina’t makiisa sa pananalangin at sama-samang salubungin ang ating Mahal na Ina. Nawa’y ang kanyang pagdalaw sa ating pamayanan ay maging daan upang higit tayong mapalapit sa Diyos at maranasan ang Kanyang awa at pagmamahal.

25/09/2026

𝗦𝗘𝗧𝗬𝗘𝗠𝗕𝗥𝗘 𝟮𝟯 | 𝗞𝗔𝗣𝗜𝗦𝗧𝗔𝗛𝗔𝗡 𝗡𝗜 𝗦𝗔𝗡 𝗣𝗜𝗢 𝗡𝗚 𝗣𝗜𝗘𝗧𝗥𝗘𝗟𝗖𝗜𝗡𝗔

𝐓𝐢𝐠𝐧𝐚𝐧 | Buong galak na ipinagdiwang noong ika-23 ng Setyembre ang Kapistahan ni San Pio ng Pietrelcina sa SPPC Dolmar – Sto. Padre Pio Chapel, bilang paggunita sa buhay at banal na halimbawa ng minamahal na santo.

Sa pamamagitan ng Banal na Misa, nagtipon ang mga mananampalataya upang sama-samang manalangin, magpasalamat, at humingi ng patnubay at pagpapala sa Panginoon sa pamamagitan ng panalangin ni San Padre Pio.

Matapos ang Banal na Misa, isinagawa ang prusisyon ng imahen ni San Padre Pio sa paligid ng pamayanan. Sama-samang nakiisa ang mga deboto sa panalangin at pag-awit bilang pagpapahayag ng kanilang pananampalataya at debosyon sa banal na patron.

Sa kanyang buhay, itinuro ni San Padre Pio ang kahalagahan ng pananalangin, pagtitiis, pagpapakumbaba, at lubos na pagtitiwala sa Diyos. Nawa'y magsilbi siyang inspirasyon sa bawat isa na manatiling matatag sa pananampalataya at maging tapat sa paglilingkod sa Diyos at sa kapwa.

Nawa'y sa pagdiriwang na ito ay higit nating mapalalim ang ating pananampalataya at matularan ang halimbawa ni San Padre Pio—isang buhay na inialay sa Diyos, sa panalangin, sakripisyo, at paglilingkod.

San Padre Pio ng Pietrelcina, ipanalangin mo kami!

(c): Echo Mariae – Mother of Mercy Quasi-Parish Commission on Social Communication

24/09/2026

𝗥𝗔𝗙𝗙𝗟𝗘 𝗙𝗢𝗥 𝗔 𝗖𝗔𝗨𝗦𝗘 | 𝗥𝗔𝗙𝗙𝗟𝗘 𝗗𝗥𝗔𝗪 𝗪𝗜𝗡𝗡𝗘𝗥𝗦

|| 𝗠𝗔𝗝𝗢𝗥 𝗣𝗥𝗜𝗭𝗘𝗦

𝗚𝗥𝗔𝗡𝗗 𝗣𝗥𝗜𝗭𝗘 | 𝗘𝗟𝗘𝗖𝗧𝗥𝗜𝗖 𝗕𝗜𝗞𝗘
• 0084 — GEMMA UY

𝟮𝗻𝗱 𝗣𝗥𝗜𝗭𝗘 | 𝗪𝗔𝗦𝗛𝗜𝗡𝗚 𝗠𝗔𝗖𝗛𝗜𝗡𝗘
• 0675 — DARYL SARABOSING

𝟯𝗿𝗱 𝗣𝗥𝗜𝗭𝗘 | 𝗕𝗟𝗨𝗘𝗧𝗢𝗢𝗧𝗛 𝗦𝗣𝗘𝗔𝗞𝗘𝗥
• 1201 — ALEX DULAY

|| 𝗖𝗢𝗡𝗦𝗢𝗟𝗔𝗧𝗜𝗢𝗡 𝗣𝗥𝗜𝗭𝗘𝗦

1. 0799 - THELMA SARABOSING
2. 0677 - SHEENA MARIE SAAVEDRA
3. 0905 - MARICEL GADO
4. 0245 - JOCELYN MELINAS
5. 0381 - JEAN CONCEPCION
6. 0596 - CHONA TOLENTINO
7. 0074 - APHIE NEPOMUCENO
8. 0727 - HELEN TIU
9. 0579 - NANCY DE GUZMAN
10. 0296 - LYN BACERO
11. 0216 - ROMMEL DEL ROSARIO
12. 0127 - EARL EZPARAZ
13. 0762 - LILY FACTOR
14. 0027 - EVELYN LATOZA
15. 0491 - EDZEL PIANO
16. 0208 - MA. EAMA KASHA
17. 0353 - MARILYN ALCARAZ
18. 0865 - VANGIE BROSAS
19. 0257 - JANETTE ROL
20. 0927 - WINNIE TACTICA

Lubos po ang aming pasasalamat sa lahat ng nakiisa, bumili ng mga tiket, nagbigay ng tulong, at naging bahagi ng ating Raffle for a Cause.

Ang lahat ng pondong nalikom ay direktang ilalaan sa pagpapatayo ng Kapilya ni Santo Padre Pio. Sa pamamagitan ng inyong kabutihang-loob at patuloy na suporta, sama-sama nating naitatayo ang isang tahanan ng panalangin para sa ating komunidad.

Maraming, maraming salamat po sa inyong pagmamahal, pagkakaisa, at suporta sa proyektong ito. Tunay na malaking tulong ang bawat ambag upang maisakatuparan ang ating hangarin para sa ating kapilya.

Nawa'y patuloy kayong pagpalain ng Poong Maykapal at suklian ang inyong kabutihang-loob.

“𝘔𝘢𝘯𝘢𝘭𝘢𝘯𝘨𝘪𝘯, 𝘶𝘮𝘢𝘴𝘢, 𝘢𝘵 𝘩𝘶𝘸𝘢𝘨 𝘮𝘢𝘨-𝘢𝘭𝘢𝘭𝘢. 𝘞𝘢𝘭𝘢𝘯𝘨 𝘯𝘢𝘪𝘥𝘶𝘥𝘶𝘭𝘰𝘵 𝘢𝘯𝘨 𝘱𝘢𝘨-𝘢𝘢𝘭𝘢𝘭𝘢. 𝘈𝘯𝘨 𝘋𝘪𝘺𝘰𝘴 𝘢𝘺 𝘮𝘢𝘢𝘸𝘢𝘪𝘯 𝘢𝘵 𝘥𝘪𝘳𝘪𝘯𝘨𝘨𝘪𝘯 𝘕𝘪𝘺𝘢 𝘢𝘯𝘨 𝘪𝘺𝘰𝘯𝘨 𝘱𝘢𝘯𝘢𝘭𝘢𝘯𝘨𝘪𝘯.”
- 𝘚𝘵𝘰. 𝘗𝘢𝘥𝘳𝘦 𝘗𝘪𝘰 𝘯𝘨 𝘗𝘪𝘦𝘵𝘳𝘦𝘭𝘤𝘪𝘯𝘢

Sto. Padre Pio ng Pietrelcina, ipanalangin mo kami!

24/09/2026

𝗦𝗘𝗧𝗬𝗘𝗠𝗕𝗥𝗘 𝟮𝟯 | 𝗥𝗔𝗙𝗙𝗟𝗘 𝗙𝗢𝗥 𝗔 𝗖𝗔𝗨𝗦𝗘 𝟮𝟬𝟮𝟲

𝗠𝗔𝗦𝗗𝗔𝗡 | Mga kuhang larawan mula sa isinagawang Raffle for a Cause—Raffle Draw noong Setyembre 23, 2026, bilang bahagi ng pagdiriwang ng Kapistahan ni Sto. Padre Pio ng Pietrelcina sa Kapilya ni Santo Padre Pio, Golden Hills Subdivision, Loma de Gato, Marilao, Bulacan.

Isinagawa ang Raffle for a Cause bilang bahagi ng ating pagtutulungan para sa mga pangangailangan at proyekto ng ating kapilya. Higit pa sa pagkakataong manalo ng mga papremyo, ang gawaing ito ay naging daan upang maipakita ang pagkakaisa, malasakit, at pagiging bukas-palad ng ating pamayanan.

Lubos at taos-puso ang aming pasasalamat sa lahat ng ating sponsors, donors, at mga indibidwal at pamilyang nagpaabot ng kanilang tulong at suporta para sa gawaing ito. Malaking bahagi ng tagumpay ng raffle na ito ang inyong kabutihang-loob at kahandaang makibahagi sa ating layunin. Sa bawat papremyong inyong ipinagkaloob at bawat tulong na inyong ibinahagi, nakatulong kayo sa patuloy na pagsasakatuparan ng mga proyekto at pangangailangan ng ating kapilya.

Maraming salamat din sa lahat ng bumili at sumuporta ng mga tiket, sa mga tumulong sa paghahanda at pagsasagawa ng raffle, at sa lahat ng nakiisa sa ating gawain. Ang inyong suporta ay isang magandang halimbawa ng pagkakaisa sa pananampalataya at paglilingkod sa ating pamayanan.

Binabati rin namin ang lahat ng mga naging mapalad na nagwagi sa Raffle for a Cause! Nawa’y maging pagpapala sa bawat isa ang inyong mga natanggap.

Maraming salamat sa lahat ng ating sponsors, donors, supporters, at sa buong pamayanang patuloy na nakikiisa at sumusuporta sa ating mga gawain!

24/09/2026

𝗦𝗘𝗧𝗬𝗘𝗠𝗕𝗥𝗘 𝟮𝟯 | 𝗣𝗥𝗨𝗦𝗜𝗦𝗬𝗢𝗡 𝗣𝗔𝗥𝗔 𝗦𝗔 𝗞𝗔𝗣𝗜𝗦𝗧𝗔𝗛𝗔𝗡 𝗡𝗜 𝗦𝗧𝗢. 𝗣𝗔𝗗𝗥𝗘 𝗣𝗜𝗢 𝗡𝗚 𝗣𝗜𝗘𝗧𝗥𝗘𝗟𝗖𝗜𝗡𝗔 𝟮𝟬𝟮𝟲

𝗠𝗔𝗦𝗗𝗔𝗡 | Mga kuhang larawan mula sa isinagawang prusisyon bilang bahagi ng maringal na pagdiriwang ng Kapistahan ni Sto. Padre Pio ng Pietrelcina noong Setyembre 23, 2026.

Sa pamamagitan ng prusisyon, sama-sama nating ipinahayag ang ating pananampalataya at debosyon kay Sto. Padre Pio habang inililibot ang kanyang banal na imahen sa ating pamayanan. Sa bawat hakbang at panalangin, naging pagkakataon ito upang sama-sama nating ialay sa Panginoon ang ating mga hangarin, pasasalamat, at mga panalangin para sa ating mga pamilya at sa buong pamayanan.

Ang prusisyong ito ay naging isang makabuluhang pagtatapos ng ating pagdiriwang, na pinagbuklod ang mga mananampalataya sa iisang pananampalataya at pag-asa. Nawa’y patuloy nating isabuhay ang mga aral at halimbawa ni Sto. Padre Pio, lalo na ang kanyang matatag na pananalig, pagtitiis, pananalangin, at lubos na pagtitiwala sa Diyos.

Taos-puso ang aming pasasalamat sa lahat ng nakiisa, naglingkod, naglaan ng oras, at naging bahagi ng matagumpay na prusisyong ito. Nawa’y pagpalain at patuloy na gabayan ng Diyos ang bawat isa.

“𝘔𝘢𝘯𝘢𝘭𝘢𝘯𝘨𝘪𝘯, 𝘶𝘮𝘢𝘴𝘢, 𝘢𝘵 𝘩𝘶𝘸𝘢𝘨 𝘮𝘢𝘨-𝘢𝘭𝘢𝘭𝘢. 𝘞𝘢𝘭𝘢𝘯𝘨 𝘯𝘢𝘪𝘥𝘶𝘥𝘶𝘭𝘰𝘵 𝘢𝘯𝘨 𝘱𝘢𝘨-𝘢𝘢𝘭𝘢𝘭𝘢. 𝘈𝘯𝘨 𝘋𝘪𝘺𝘰𝘴 𝘢𝘺 𝘮𝘢𝘢𝘸𝘢𝘪𝘯 𝘢𝘵 𝘥𝘪𝘳𝘪𝘯𝘨𝘨𝘪𝘯 𝘕𝘪𝘺𝘢 𝘢𝘯𝘨 𝘪𝘺𝘰𝘯𝘨 𝘱𝘢𝘯𝘢𝘭𝘢𝘯𝘨𝘪𝘯.”
- 𝘚𝘵𝘰. 𝘗𝘢𝘥𝘳𝘦 𝘗𝘪𝘰 𝘯𝘨 𝘗𝘪𝘦𝘵𝘳𝘦𝘭𝘤𝘪𝘯𝘢

Sto. Padre Pio ng Pietrelcina, ipanalangin mo kami!

Saint Padre Pio Sub-Parish - SPPC Dolmar

28/09/2026

28/09/2026

26/09/2026

25/09/2026

25/09/2026

24/09/2026

24/09/2026

24/09/2026

Address

Opening Hours

Website

Alerts

Shortcuts

Share

Category

Listing takedown request