Parish Commission on Youth-OLFP

17/08/2026

10/08/2026

MAGNILAY AT ISABUHAY | Ikalabing-siyam na Linggo sa Karaniwang Panahon

“Sa pamamagitan ng ating pananahimik, binubuksan natin ng puwang ang ating mga puso upang magsalita ang Diyos sa ating mga buhay. ”
- Rev. Fr. Alvin De Leon

10/08/2026

KAPISTAHAN SA SIMBAHAN | SAN LORENZO, DIYAKONO AT MARTIR

"Pinagpala ang mga inuusig nang dahil sa kanilang pagsunod sa kalooban ng Diyos, sapagkat kabilang sila sa kaharian ng langit.”
Mateo 5:10

Nang si San Lorenzo ay inutusan ng emperador ng Roma na isuko ang kayamanan ng simbahan, dali-dali niyang tinipon ang mga ulila at dukha. Matapang niyang inilahad na sila ang tunay na kayamanan ng simbahan.

Dahil sa katapangang ipinamalas niya sa harap ng nagbabadyang kamatayan, si Lorenzo ay kinoronahan ng pagiging martir, nang siya ay pinarusahan na ihawin ng buhay sa isang 𝘎𝘳𝘪𝘥𝘪𝘳𝘰𝘯. Sinasabi rin na dinaig niya ang init ng apoy at inimungkahi pa na siya ay baliktarin na dahil luto na ang isang bahagi ng kanyang katawan. Doon siya nakilala bilang patron ng mga bumbero at mga tagapag-luto.

Hindi makakaila ang katapatan ng pananampalataya ni San Lorenzo, Diyakono at Martir. Matayog niyang hinarap ang kamatayan dahil sa buong pagtitiwala na ang Panginoong Hesus ay sumasakanya. Ngayong kaniyang kapistahan, tinatawagan tayo na tibayan ang ating pananampalataya sa anumang pag uusig sa atin bilang isang mga Kristiyano. At ang pagmamahal natin sa kapwa—lalo na sa mahihirap—ang nagsasaad ng mga bunga ng ating katapatan sa Diyos.

San Lorenzo, Diyakono at Martir, ipanalangin mo kami.

09/08/2026

PANALANGIN SA PANAHON NG KALAMIDAD

Amang Makapangyarihan,

Hari ng kalangitan at kalupaan, hindi Mo kailanman ninais na kami'y mapahamak. Ngayong kami'y nahaharap sa kalamidad na dulot ng habagat, pawiin Mo ang aming takot at pangamba. Tulad ng kapanatagang ibinigay ni Hesus sa mga alagad nang sila ay humarap sa malakas na unos sa dagat sa Galilea, dinggin Mo kami Ama na humihingi ng kaginhawaan mula sa init ng pangangalaga Mo.

Ama, balutin Mo kami ng iyong mga palad, Iyong ipagkaloob ang kaligtasan ng lahat laban sa anumang napipintong panganib na hatid ng masamang panahon. Sa Iyong kapangyarihan, ibalik ang kaayusan at kapayapaan sa pamamagitan ni Hesukristo.

kasama ng Espiritu Santo magpasawalang hanggan. Amen.

N. Panginoon naming Diyos, ipakita mo na ang pag-ibig mong wagas.

B. Kami ay lingapin at sa kahirapan ay iyong iligtas.

Mahal na Birhen ng Fatima, ipanalangin mo kami.
San Miguel Arkanghel, ipanalangin mo kami.
San Roque, ipanalangin mo kami.
San Lorenzo Ruiz, ipanalangin mo kami.
San Pedro Calungsod, ipanalangin mo kami.

08/08/2026

PAALAM AT SALAMAT, MADRE DIVINA!

Makalipas ang isang linggong pananatili ng pinipintakasing imahen ng Madre de la Divina Gracia de Marilao sa Tahanan ni Fatima, siya’y magbabalik na sa kaniyang dambana, tangan ang ating mga panalangin at pasasalamat sa biyaya ng kaniyang pagdalaw.

Sa kaniyang paglisan, nawa’y manatili sa ating puso ang kaniyang halimbawa ng buong-pusong pagtugon sa tawag ng Panginoon, upang tulad niya, tayo rin ay maging bukas-palad sa pagsunod sa kalooban ng Diyos.

Ang aming pamayanang parokyal ay buong-pusong nagpapasalamat sa St Michael the Archangel Parish Marilao, Bulacan na may buong sigasig at debosyon na nanguna at nagsakatuparan sa banal at mabiyayang pagdalaw na ito. Nawa’y patuloy na pagpalain ng Panginoon ang kanilang marubdob na paglilingkod at debosyon, at gawin silang higit pang instrumento ng Kaniyang biyaya at pagmamahal sa sambayanan ng Diyos.

Hanggang sa muli mong pagdalaw sa Tahanan ni Fatima, Mahal naming Madre Divina!

07/08/2026

PANALANGIN SA MADRE DE LA DIVINA GRACIA DE MARILAO

Ama naming makapangyarihan
ng walang hanggang karunungan,
sa lyong pagpapala
ninais Mong ang Mahal na Birheng Maria
ay maging tagapagdala
ng pinagbubuhatan ng biyaya,
at maging kabahagi Niya
sa pagdudulot ng kaligtasan
sa sangkatauhan.
Dulutan nawa niya kami ng masaganang
biyaya at dalhin niya kami
sa kanlungan ng walang hanggang kaligtasan.
Hinihiling namin ito sa pamamagitan
ng aming Panginoong Hesukristo, Iyong Anak,
na nabubuhay at naghahari
kasama Mo at ng Espiritu Santo, Diyos, magpasawalang hanggan. Amen.

MADRE DE LA DIVINA GRACIA,
IPANALANGIN MO KAMI.

05/08/2026

It’s Chelsea’s Birthday!

A joyful heart is one of God's most beautiful gifts, and yours continues to bring warmth and happiness to those around you. Thank you for sharing your kindness, positivity, and light with our youth community.

May you continue to live life to the fullest, treasuring each moment as a blessing from God and trusting Him through every chapter of your journey.

Happiest Birthday, Chelsea! May the Lord bless your heart with peace, your dreams with purpose, and your days with endless reasons to smile. 💌

’sSeya’sBirthYay!
-OLFP