Our Lady of Fatima Parish - Meralco Village, Lias, Marilao, Bulacan

Our Lady of Fatima Parish - Meralco Village, Lias, Marilao, Bulacan OLFP is a Roman Catholic Church located in Fuse St. Meralco Village, Brgy. Lias, Marilao, Bulacan.

KAPISTAHAN SA SIMBAHAN | SAN BARTOLOME APOSTOLSa bawat yapak ng isang apostol ay nakaukit ang kuwento ng isang pusong tu...
24/08/2026

KAPISTAHAN SA SIMBAHAN | SAN BARTOLOME APOSTOL

Sa bawat yapak ng isang apostol ay nakaukit ang kuwento ng isang pusong tumugon sa tawag ni Kristo. Ngayong ika-24 ng Agosto, buong galang at debosyon nating ginugunita si San Bartolome Apostol. Siya ay isang saksi ng pananampalataya, isang lingkod ng Mabuting Balita, at isang buhay na naging salamin ng katapatan sa Diyos.

Sa kaniyang buhay, ipinapaalala sa atin na ang pananampalataya ay hindi lamang tinatanggap sa puso, kundi isinasabuhay sa bawat hakbang. Ang kaniyang tapang sa pagsunod at katapatan sa misyon ay nagsisilbing tanglaw sa mga pusong patuloy na naghahanap ng landas patungo kay Kristo.

Nawa’y sa paggunita sa kabanalan ni San Bartolome, matuto rin tayo nawang tumugon sa tawag ng Panginoon nang may buong puso. Hindi upang maging dakila sa paningin ng mundo, kundi upang maging tapat sa paningin ng Diyos.

San Bartolome Apostol, ipanalangin mo kami.




MAGNILAY AT ISABUHAY | Ikadalawampung Linggo sa Karaniwang Panahon Paano ba natin tunay na makikilala ang Kristo Hesus?“...
24/08/2026

MAGNILAY AT ISABUHAY | Ikadalawampung Linggo sa Karaniwang Panahon

Paano ba natin tunay na makikilala ang Kristo Hesus?

“Layunin ng Panginoon na ang bawat pananampalataya ng bawat tao ay hindi lamang dapat isalalay sa mga nababasa, sa mga naririnig, sa mga turo ng mga pari o katikista o ng mga magulang. Kundi kailangan din na ito’y maging garantisa na personal na ikaw mismo ang makadiskubre, at ikaw mismo ang magbibigay patunay. Hindi nakasalalay sa ibang tao, kundi nakasalalay sa’yo.”

- Rdo. P. Valentino Banag Jr.




IKADALAWAMPU'T ISANG LINGGO SA KARANIWANG PANAHON "Kayo po ang Kristo ang Anak ng Diyos na buhay" Mateo 16:16Tunghayan a...
23/08/2026

IKADALAWAMPU'T ISANG LINGGO SA KARANIWANG PANAHON

"Kayo po ang Kristo ang Anak ng Diyos na buhay"
Mateo 16:16

Tunghayan ang mga kaganapan sa ginanap na huling misa ngayong araw. Ang pagdiriwang ng Eukaristiya ay pinangunahan ng ating kura paroko Rdo. P. Valentino Banag Jr. Pagkaraan ng nasabing Misa, agad naman itong sinundan ng isang pagpaparangal at prusisyon para sa kagalang-galang na Santisimo Sakramento.

Nawa ang lahat ay nakapaghayag ng kanilang mga panalangin sa Panginoon. Bilang mga Kristiyano, misyon natin na mas palalimin pa ang ating pagkakakilanlan kay Kristo Hesus. Ngayong linggo, tinatawag tayo na tulad ni Pedro, tayo ay maging matatag tulad ng isang bato; tatagan ang ating pananampalataya at buong pusong sikapin na makilala ang nag-iisa, tunay, at buhay na Diyos



PAGGUNITA | PAGKA-REYNA NG MAHAL NA BIRHENG MARIAMababa ang loob, mapagmahal, at tagasunod sa layunin ng Panginoon; ilan...
22/08/2026

PAGGUNITA | PAGKA-REYNA NG MAHAL NA BIRHENG MARIA

Mababa ang loob, mapagmahal, at tagasunod sa layunin ng Panginoon; ilan lamang ito sa mga dakilang katangian ng Mahal na Inang Birheng Maria.

Maraming dekada na ang nakaraan nang ang Birheng Maria ay itinatag bilang Reyna ng Sanlibutan—ang tumawag sa maraming katoliko, at gumabay sa sanlibutan patungo sa paanan ng Hesukristo. Tinutupad ni Maria ang tungkulin bilang isang Reyna sa paraan ng paglilingkod sa Dakilang Manunubos at sa sanlibutang Kaniyang tinubos. Tunay na sinasalamin nito ang buhay ng ating Panginoon na naparito sa mundo upang gabayan at paglingkuran ang mga dukha at nangangailangan.

Ngayong araw ng paggunita sa pagka-Reyna ng Inang Birhen, hinihikayat ang lahat na alalahanin at sundan ang pananampalataya ng Ina ng Awa. Ang Ina na lumuluha para sa sanlibutan, ang Ina na kailanman ay hindi bibitaw sa nalulunod na kamay, ang Ina na hindi nakaupo sa malayong trono ngunit nasa ating kanan—gumagabay patungo sa Mabuting Pastol. Ating bigyan ng marapat na pagkilala ang nagiisang Reyna at Ina ng Sanlibutan.

Mahal na Inang Birheng Maria, Reyna ng Langit, ipanalangin mo kami.




𝐏𝐀𝐆𝐁𝐀𝐓𝐈 𝐒𝐀 𝐈𝐊𝐀-𝟕 𝐓𝐀𝐎𝐍𝐆 𝐂𝐀𝐍𝐎𝐍𝐈𝐂𝐀𝐋 𝐈𝐍𝐒𝐓𝐀𝐋𝐋𝐀𝐓𝐈𝐎𝐍 𝐀𝐍𝐍𝐈𝐕𝐄𝐑𝐒𝐀𝐑𝐘, 𝐁𝐈𝐒𝐇𝐎𝐏 𝐃𝐄𝐍𝐍𝐈𝐒Ngayong araw, buong kagalakang ipinagdiriwang ng...
21/08/2026

𝐏𝐀𝐆𝐁𝐀𝐓𝐈 𝐒𝐀 𝐈𝐊𝐀-𝟕 𝐓𝐀𝐎𝐍𝐆 𝐂𝐀𝐍𝐎𝐍𝐈𝐂𝐀𝐋 𝐈𝐍𝐒𝐓𝐀𝐋𝐋𝐀𝐓𝐈𝐎𝐍 𝐀𝐍𝐍𝐈𝐕𝐄𝐑𝐒𝐀𝐑𝐘, 𝐁𝐈𝐒𝐇𝐎𝐏 𝐃𝐄𝐍𝐍𝐈𝐒

Ngayong araw, buong kagalakang ipinagdiriwang ng Sambayanan ng Diyos sa Diyosesis ng Malolos ang ika-7 anibersaryo ng Canonical Installation ni Lub. Kgg. Dennis C. Villarojo, D.D., bilang ika-limang Obispo ng Diyosesis ng Malolos.

Sa pitong taon ng kanyang pagpapastol, patuloy niyang ginagabayan ang sambayanan sa pananampalataya, pag-asa, at paglilingkod, habang sama-samang isinusulong ang misyon ng Simbahan sa Diyosesis ng Malolos.

Patuloy nating ipanalangin ang kanyang paglilingkod bilang pastol ng ating Diyosesis, upang patuloy siyang pagkalooban ng Panginoon ng karunungan, lakas, at biyaya sa kanyang banal na tungkulin.


=================
Visit our Website and Follow our Social Media Platforms!
Website: https://dioceseofmalolos.ph/
Facebook: https://www.facebook.com/angsandiganmalolos
Instagram: https://www.instagram.com/angsandiganmalolos
Youtube: https://www.youtube.com/c/angsandiganmalolos
TikTok: https://www.tiktok.com/

KAPISTAHAN SA SIMBAHAN | SANTA ELENA“𝑨𝒏𝒈 𝒔𝒂𝒍𝒊𝒕𝒂 𝒎𝒐'𝒚 𝒊𝒍𝒂𝒘𝒂𝒏 𝒔𝒂 𝒂𝒌𝒊𝒏𝒈 𝒎𝒈𝒂 𝒑𝒂𝒂, 𝒂𝒕 𝒍𝒊𝒘𝒂𝒏𝒂𝒈 𝒔𝒂 𝒂𝒌𝒊𝒏𝒈 𝒍𝒂𝒏𝒅𝒂𝒔. ” 𝐌𝐠𝐚 𝐀𝐰𝐢𝐭 𝟏𝟏𝟗...
18/08/2026

KAPISTAHAN SA SIMBAHAN | SANTA ELENA

“𝑨𝒏𝒈 𝒔𝒂𝒍𝒊𝒕𝒂 𝒎𝒐'𝒚 𝒊𝒍𝒂𝒘𝒂𝒏 𝒔𝒂 𝒂𝒌𝒊𝒏𝒈 𝒎𝒈𝒂 𝒑𝒂𝒂, 𝒂𝒕 𝒍𝒊𝒘𝒂𝒏𝒂𝒈 𝒔𝒂 𝒂𝒌𝒊𝒏𝒈 𝒍𝒂𝒏𝒅𝒂𝒔. ”
𝐌𝐠𝐚 𝐀𝐰𝐢𝐭 𝟏𝟏𝟗:𝟏𝟎𝟓

Sa buhay natin, mayroon at mayroong mga pagsubok na hahamon sa ating lakas at pananampalataya. Minsan, sa gitna ng ating paghihirap, mas madali na lamang piliing sumuko, ngunit ating tandaan na may dahilan ang bawat pagsubok na ating pinagdaraanan. Katulad ni Santa Elena, na nakaranas din ng mga pagsubok sa kanyang misyon na hanapin ang Banal na Krus, pinili niyang magpatuloy at manatiling matatag sa kabila ng mga hamon.

Si Santa Elena ay ang ina ni Emperador Constantino at kilala bilang isang huwaran ng pananampalataya sa kasaysayan ng Kristiyanismo. Sa kanyang paglalakbay, nagtungo siya sa Banal na Lupain upang tuklasin at alamin ang mga lugar na may kaugnayan sa buhay ni Hesus. Sa pagkakataong ito, ipinagkatiwala sa kanya ng Diyos ang isang mahalagang misyon— ang hanapin ang Banal na Krus, na nagpapaalala sa atin ng sakrispiyo at pagmamahal na ibinuhos ng Diyos para sa atin.

Ang bawat isa sa atin ay binigyan ng Diyos ng kaloob at misyon sa mundo. Nawa'y maging inspirasyon ng bawat isa ang katulad ni Santa Elena, upang hindi sumukong hanapin ang ating misyon, dahil nariyan ang Diyos upang gabayan at ilawan ang ating mga hakbang, at yakapin tayo sa oras ng ating paghihina.




Agosto 16, 2026 | Pagtatalaga sa Ministry of Altar Servers“Ang pananawagan ng Diyos sa paglilingkod sa dambana ay hindi ...
17/08/2026

Agosto 16, 2026 | Pagtatalaga sa Ministry of Altar Servers

“Ang pananawagan ng Diyos sa paglilingkod sa dambana ay hindi basta-basta, kinakailangan ang pag-aalay ng sarili upang lalong makita at maranasan ang tunay na pag-ibig ni Kristo.”

Mula sa katahimikan ng dambana ay umalingawngaw ang panibagong tugon ng mga pusong handang maglingkod. Ngayong ika-16 ng Agosto, ginanap ang Investiture at Renewal of Commitment ng Ministry of Altar Servers, muling nag-alab ang diwa ng paglilingkod habang buong kababaang-loob na iniaalay ng mga sakristan ang kanilang sarili sa banal na gawain ng Simbahan.

Hindi madali ang landas ng paglilingkod, sapagkat ito ay nangangailangan ng sakripisyo, katapatan, at pagtalima sa tawag ng Diyos. Ngunit sa bawat hakbang patungo sa altar, mas lalong nahahayag ang kagandahan ng isang pusong nakatuon kay Kristo.

Sa kanilang muling pangako at pagtanggap sa banal na pananagutan, nawa’y patuloy silang maging mga tanglaw ng pananampalataya at mga lingkod na sumasalamin sa pag-ibig ng Panginoon sa Kaniyang sambayanan.




16/08/2026

MAGNILAY AT ISABUHAY | Ikadalawampung Linggo sa Karaniwang Panahon

Homiliya mula sa misa sa ikadalawampung linggo sa karaniwang panahon na pinangunahan Reb. P. Alvin De Leon




KAPISTAHAN SA SIMBAHAN | PAG-AAKYAT SA LANGIT NG MAHAL NA BIRHENG MARIA“Si Maria ay dinala sa langit; nagagalak ang koro...
15/08/2026

KAPISTAHAN SA SIMBAHAN | PAG-AAKYAT SA LANGIT NG MAHAL NA BIRHENG MARIA

“Si Maria ay dinala sa langit; nagagalak ang koro ng mga anghel.”

Ngayong ika-15 ng Agosto, ipinagdiriwang ng Simbahan ang Dakilang Kapistahan ng Pag-aakyat sa Langit ng Mahal na Birheng Maria—ang maringal na pag-alaala sa pagtanggap kay Maria sa kaluwalhatian ng langit, katawan at kaluluwa.

Si Maria, ay naging larawan ng isang buhay na lubos na ipinagkatiwala sa Diyos. Mula sa kaniyang mapagpakumbabang pag “oo” sa kalooban ng Panginoon hanggang sa kaniyang katapatan sa bawat pagsubok, pinili niyang mamuhay hindi para sa kaniyang sarili, kundi para sa Diyos at sa Kaniyang plano.

Sa pag-akyat ni Maria sa kaluwalhatian, ipinapakita sa atin ng Diyos ang bunga ng isang buhay na inialay sa Kaniya—isang buhay na sa huli ay humahantong sa ganap na pakikipag-isa sa Diyos.

Nawa'y maging inspirasyon sa atin si Maria na sa bawat “oo” natin sa Diyos, sa bawat sakripisyo, at sa bawat pagkakataong pinipili nating manatiling tapat, ay patuloy tayong lumakad patungo sa pangakong buhay na walang hanggan.

Mahal na Birheng Maria, Ina ng Diyos at Ina naming lahat, ipanalangin mo kami. Upang tulad mo, matuto kaming magtiwala sa Diyos hanggang sa huli at matagpuan ang tunay na kaluwalhatian sa Kaniya.

Maligayang Kapistahan ng Pag-aakyat sa Langit ng Mahal na Birheng Maria!




Address

Fuse Street , Meralco Village 1, Lias Marilao, Bulacan
Marilao
3019

Opening Hours

Tuesday 9am - 12pm
2pm - 5pm
Wednesday 9am - 12pm
2pm - 5pm
Thursday 9am - 12pm
2pm - 5pm
Friday 9am - 12pm
2pm - 5pm
Saturday 9am - 12pm
2pm - 5pm
Sunday 9am - 12pm
2pm - 5pm

Website

Alerts

Be the first to know and let us send you an email when Our Lady of Fatima Parish - Meralco Village, Lias, Marilao, Bulacan posts news and promotions. Your email address will not be used for any other purpose, and you can unsubscribe at any time.

Contact The Place Of Worship

Send a message to Our Lady of Fatima Parish - Meralco Village, Lias, Marilao, Bulacan:

Shortcuts

Share

Category