SPPC San Rafael Arkanghel

29/09/2026

𝐃𝐚𝐤𝐢𝐥𝐚𝐧𝐠 𝐊𝐚𝐩𝐢𝐬𝐭𝐚𝐡𝐚𝐧 𝐧𝐠 𝐦𝐠𝐚 𝐌𝐚𝐠𝐢𝐠𝐢𝐭𝐢𝐧𝐠 𝐧𝐚 𝐀𝐫𝐤𝐚𝐧𝐠𝐡𝐞𝐥 𝐬𝐚 𝐊𝐚𝐥𝐚𝐧𝐠𝐢𝐭𝐚𝐧 𝐚𝐭 𝐈𝐤𝐚-𝟐𝟑𝟎 𝐏𝐢𝐬𝐭𝐚𝐧𝐠 𝐏𝐚𝐭𝐫𝐨𝐧

Bilang pakikiisa sa pagdiriwang ng Dakilang Kapistahan ng mga Arkanghel, ang Sub-Parish Pastoral Council ni San Rafael Arkanghel ay nakiisa sa pang-umagang prusisyon, matapos ang Banal na Misa na ginanap kaninang ika-6 ng umaga.

San Miguel, Gabriel at Raphael Arkanghel, ipanalangin ninyo po kami!

22/09/2026

𝐈𝐊𝐀𝐋𝐀𝐖𝐀𝐍𝐆 𝐀𝐑𝐀𝐖 𝐍𝐆 𝐌𝐈𝐒𝐀 𝐍𝐎𝐁𝐄𝐍𝐀𝐑𝐘𝐎 𝐏𝐀𝐑𝐀 𝐊𝐀𝐘 𝐒𝐀𝐍 𝐌𝐈𝐆𝐔𝐄𝐋 𝐀𝐑𝐊𝐀𝐍𝐆𝐇𝐄𝐋 | 𝐒𝐄𝐓𝐘𝐄𝐌𝐁𝐑𝐄 𝟐𝟏

Ang Bisita ni San Rafael Arkanghel ay nakiisa sa Misa Nobenaryo para sa nalalapit na Liturhikal na Kapistahan ng mga Arkanghel, na sina Miguel, Gabriel at Rafael para sa ikalawang araw ng pagsisiyam. Kasama nito ang Bisita ng Sto. Cristo ng Ibayo SPPC, Mother Butler Mission Guilds, Legion of Mary at Pamparokyang Sentro ng Katekesis.

Matapos nito, isinagawa ang pag-aalay ng mga kandila sa paanan ng mga Arkanghel. Sinunod naman dito ang Banal na Misa na pinangunahan ni Rev. Fr. Rr Reyes - Katuwang na Pari sa ating Parokya.

Arkanghel, San Miguel, Gabriel at Rafael,
ipanalangin po ninyo kami.

17/09/2026

Matapos ang halos dalawang buwan na suspendido ang ating mga Banal na Misa sa Bisita, ngayong darating na Sabado ay muli po tayong magtipon-tipon bilang isang sambayanan ng Diyos sa Bisita ni San Rafael Arkanghel. At bilang bahagi sa buwan ng mga Anghel.

Inaanyayahan po namin kayong makiisa at makibahagi.

10/08/2026

Sa kadahilanang sama ng panahon dulot ng Habagat, taas ng tubig baha at malakas na ulan, ang ating pagdaraos ng Healing Mass bukas ay KANSELADO na po. Ito ay para sa kaligtasan ng bawat isa.

Tayo po ay maging alerto, mag-ingat at manalangin para sa isa’t isa.

10/08/2026

Sa lagay ng masamang panahon pagsama-samahin nawa natin ang ating tinig sa pananalangin. Isang bayang nagkakaisang tumatawag sa Poong Maykapal para sa mabuting lagay ng panahon at kaligtasan ng bawat isa.

Patuloy po tayong maging alerto sa bawat sandali at mag-ingat.

Panalangin: https://www.facebook.com/share/p/1LdcmnaJYH/?mibextid=wwXIfr

10/08/2026

09/08/2026

𝐌𝐚𝐥𝐢𝐠𝐚𝐲𝐚𝐧𝐠 𝐊𝐚𝐩𝐢𝐬𝐭𝐚𝐡𝐚𝐧, 𝐒𝐭𝐨. 𝐃𝐨𝐦𝐢𝐧𝐠𝐨 𝐝𝐞 𝐆𝐮𝐳𝐦𝐚𝐧 𝐧𝐠 𝐕𝐢𝐥𝐥𝐚 𝐂𝐨𝐧𝐬𝐮𝐞𝐥𝐨 𝐒𝐏𝐏𝐂 | 𝐀𝐠𝐨𝐬𝐭𝐨 𝟖

Ang pakikiisa ng Sub-Parish Pastoral Council ni San Rafael Arkanghel sa Pistang Pasasalamat ng Villa Consuelo sa kanilang Pintakasi ang Sto. Domingo de Guzman.

Isang Masaya at Mabiyayang Pagbati!

Sto. Domingo de Guzman, ipanalangin mo kami!

09/08/2026

Ang Bisita ni San Rafael Arkanghel ay nakiisa sa ikaanim na araw ng nobenaryo sa karangalan ni Sto. Domingo de Guzman. Bilang paghahanda para sa kanilang nalalapit na kapistahan sa ika-8 ng Agosto.

Kasabay ang iba’t ibang organisasyon, matapos pagdarasal ng rosaryo at pagsisiyam, isinagawa naman ang pag-aalay ng kandila sa paanan ng imahe ni Sto. Domingo de Guzman.

Sto. Domingo de Guzman, ipanalangin mo kami!

29/07/2026

𝐏𝐀𝐆𝐆𝐔𝐍𝐈𝐓𝐀 𝐊𝐈𝐍𝐀 𝐌𝐀𝐑𝐓𝐀, 𝐌𝐀𝐑𝐈𝐀 𝐀𝐓 𝐋𝐀𝐙𝐀𝐑𝐎 𝐍𝐆 𝐁𝐄𝐓𝐀𝐍𝐈𝐀 | 𝐇𝐔𝐋𝐘𝐎 𝟐𝟗

Ngayong araw, ika-29 ng Hulyo ay ginugunita ng Simbahan Katolika ang tatlong magkakapatid na taga-Betania o ang Los Hermanos de Betania.

Matutunghayan ang kanilang mga ngalan at naging papel sa buhay ni Kristo sa ilang bahagi ng banal na kasulatan. Sina Marta, Maria at Lazaro ay itinuturing na mga banal at matalik na kaibigan ng ating Panginoong Hesukristo. Mula sa Ebanghelyo ni San Lukas - nakasaad dito na binisita ni Hesus ang bahay nina Marta at Maria gayundin sa Ebanghelyo naman ni San Juan kung saan nasusulat ang pagkamatay at muling pagbuhay ni Hesus kay Lazaro. Habang nakasaad din sa Ebanghelyo ni San Juan bago ang araw ng pista ng Paskuwa, muling binisita ni Hesus ang magkakapatid sa Betania. Pinaglingkuran ni Marta ang Panginoon at kasa-sama nila sa hapag si Lazaro at Maria naman ay nagbuhos ng mamahaling pabango sa paanan ng Panginoon.

Nawa’y tulad ni Maria ng Betania, matutuhan nawa natin na makinig sa salita ng Panginoon sa kabila ng ingay ng mundo. Salitang nakapagpupuno ng buhay at nakapagpapalakas ng loob. Tularan natin si Maria magkaroon ng isang taingang marunong makinig at huwag maging mabagabag sa makamundong gawain. Gaya ni Maria na handang ipagkaloob ang lahat na mayroon siya sa Panginoon kahit ang mamahaling pabango.

Tampok sa larawan, ang imahe ni Santa Maria de Betania na nasa pangangalaga ng isang pamilya na kinasasakupan ng ating Bisita. Ang imaheng ito ay matatagpuan din tuwing Miyerkules Santo, Biyernes Santo, Pasko ng Pagkabuhay at sa kaniyang Kapistahan.

Santa Marta, Santa Maria at San Lazaro ng Betania, kami’y inyong ipanalangin.

23/07/2026

𝗠𝗔𝗟𝗜𝗚𝗔𝗬𝗔𝗡𝗚 𝗞𝗔𝗣𝗜𝗦𝗧𝗔𝗛𝗔𝗡 𝗜𝗡𝗔 𝗔𝗧 𝗥𝗘𝗬𝗡𝗔 𝗡𝗚 𝗕𝗔𝗬𝗔𝗡 𝗡𝗚 𝗠𝗔𝗥𝗜𝗟𝗔𝗢

𝗠𝗔𝗗𝗥𝗘 𝗗𝗘 𝗟𝗔 𝗗𝗜𝗩𝗜𝗡𝗔 𝗚𝗥𝗔𝗖𝗜𝗔