27/10/2025
Maligayang Kapistahan ni San Simon Makabayan!
Isa sa labindalawang apostol ni Hesus, si San Simon ay kilala sa kanyang masidhing pagmamahal sa Diyos at sa kanyang bayan.
Nawa’y tularan natin ang kanyang sigla ng pananampalataya, katapatan sa misyon ni Kristo, at puso ng tunay na paglilingkod.
Panalangin kay San Simon ang Taga-Sigasig (San Simon Makabayan)
Aming mapagmahal na Diyos,
ipinagkaloob Mo kay San Simon ang alab ng pananampalataya at ang tapang upang ipahayag ang Mabuting Balita.
Tulungan Mo kaming tularan ang kanyang sigasig sa paglilingkod at katapatan sa Iyo, kahit sa gitna ng mga pagsubok.
San Simon Makabayan, apostol ni Kristo, ipanalangin mo kami upang maging matatag sa pananampalataya,
masigasig sa paggawa ng kabutihan, at tapat sa aming pagtugon sa tawag ng Diyos.
Nawa’y ang iyong halimbawa ay magbigay-inspirasyon sa amin na mahalin ang Diyos nang buong puso,
at maglingkod sa kapwa nang may kababaang-loob at malasakit.
San Simon Makabayan, ipanalangin mo kami.
Amen.
Larawan mula sa Prusisyon ng Linggo ng Muling Pagkabuhay 2025:
Sa pangangalaga nila Gng. Kalayaan Suarez at Pamilya Cruz
