Diocesan Shrine and Parish of Nuestra Señora de los Desamparados

Diocesan Shrine and Parish of Nuestra Señora de los Desamparados Contact information, map and directions, contact form, opening hours, services, ratings, photos, videos and announcements from Diocesan Shrine and Parish of Nuestra Señora de los Desamparados, Catholic Church, J. P. Rizal Street corner V. Gomez St. , Sta. Elena, Marikina City.

This is the Official page of the Diocesan Shrine and Parish of Nuestra Señora de los Desamparados, the home of the Queen and Patroness of the City of Marikina

24/05/2026

𝐋𝐈𝐕𝐄 | Banal na Misa para sa Linggo ng Pentekostes mula sa Pandiyoses na Dambana at Parokya ng Nuestra Señora De Los Desamparados, Lungsod ng Marikina - Mayo 24, 2026 - 5:15 PM




“PAGBABA NG ESPIRITU SANTO” | Linggo ng Pentekostes (A)Mayo 24, 2026Pagninilay:Ngayon po ay Linggo ng Pentekostes, ang a...
24/05/2026

“PAGBABA NG ESPIRITU SANTO” | Linggo ng Pentekostes (A)

Mayo 24, 2026

Pagninilay:
Ngayon po ay Linggo ng Pentekostes, ang araw na bumaba ang Espiritu Santo, limampung araw matapos ng Muling Pagkabuhay ni Hesus. Ito ang itinuturing na kaarawan ng Simbahan kaya isa itong malaking pagdiriwang! Kaya tayo nagkaroon ng Simbahan kung saan naroroon si Kristo araw-araw nang walang patid ay dahil nagtagumpay na si Hesus. Siya ay nagpakasakit, namatay, at inilibing. Siya ay nabuhay muli, umakyat sa Langit, naluklok sa kanan ng Ama at pinababa ang Espiritu Santo sa atin. Oo, sa atin. Wala ang Diyos sa malayo. Siya ay nananahan sa ating mga puso. Lahat ng nabinyagan ay templo ng Espiritu Santo kaya naman tayo ay ginawa para sa mabuti hindi para manakit. Ngunit dahil tayo ay mahihina, binubuksan ng Diyos ang araw-araw na pagpapatawad sa atin sa Sakramento ng Kumpisal at sa ating pananalangin sa Kanya. Kaya naman kung ito ang katotohanan, mahalagang magsuri tayo sa kung paano tayo namumuhay. Ang pamumuhay ba natin ay base sa Espiritu ng Diyos o espiritu ng mundo? Ang buhay sa Espiritu ng Diyos ay punong puno ng pagpapahalaga sa Kanyang Salita bilang batayan at gabay ng ating buhay. Ang Salita ang dapat nasusunod sa bawat desisyon na kailangan nating gawin. Kung gugustuhin nating pag-aralan at pahalagahan ang pananampalataya ay madali lang ito dahil nariyan ang internet na maraming Katolikong media. Humingi tayo ng tulong ng Espiritu Santo para tunawin ang pagiging malamig natin sa pagtugon sa paanyaya ng Diyos na mabuhay sa Espiritu Santo at mas makilala pa Siya. Ang buhay na ito kasama ng Diyos ay puno ng pagmamahal at malasakit sa kapwa kahit walang kapalit. Puno rin ito ng pagpapatawad sa kapwang nakagawa sa atin ng mali. Sa huli, ginagawa tayong tulad ni Hesus ng Espiritu Santo. Si Hesus na ating tinatanggap sa Banal na Eukaristiya ay ating modelong dapat sundin. Araw-araw nating tawagin ang Ama, Anak at Espiritu Santo upang mamuhay tayo kasama nila, malayo sa tukso ng mundo dahil ang sanggalang natin ay ang Salita ng Diyos na siyang ilaw sa ating lakaran. Amen. +

Marga Samson Tongo | Desamparados de Marikina Social Communications Ministry




Join us for an inspiring evening of prayer, praise, and sacred music in honor of our beloved Mother through 𝐌𝐚𝐠𝐧𝐢𝐟𝐢𝐜𝐚𝐭: ...
24/05/2026

Join us for an inspiring evening of prayer, praise, and sacred music in honor of our beloved Mother through 𝐌𝐚𝐠𝐧𝐢𝐟𝐢𝐜𝐚𝐭: 𝐕𝐨𝐢𝐜𝐞𝐬 𝐟𝐨𝐫 𝐌𝐚𝐫𝐲.

Experience heartfelt songs and choral masterpieces presented by the Andrea O. Veneracion Sing Philippines Youth Choir as we celebrate faith, devotion, and music through voices raised for Mary.

📍 Diocesan Shrine and Parish of Nuestra Señora de los Desamparados, Marikina
📅 May 29, 2026
🕖 7:00 PM
🎟️ FREE ADMISSION

Bring your family and friends and be part of this special evening of worship and harmony as we honor our Blessed Mother through song.

“𝑴𝒂𝒈𝒏𝒊𝒇𝒊𝒄𝒂𝒕 𝒂𝒏𝒊𝒎𝒂 𝒎𝒆𝒂 𝑫𝒐𝒎𝒊𝒏𝒖𝒎.” 🤍




PAGGUNITA KAY STA. JUANA NI CUSA | Mayo 24Sa Ebanghelyo ni San Lucas, may isang babae na hindi madalas binibigyang pansi...
24/05/2026

PAGGUNITA KAY STA. JUANA NI CUSA | Mayo 24

Sa Ebanghelyo ni San Lucas, may isang babae na hindi madalas binibigyang pansin pero malaki ang ginampanan sa misyon kay Hesus. Siya ay si Juana, asawa ni Cusa na tagapamahala ng sambahayan ni Herodes Antipas.

Hindi siya ordinaryong babae lamang sa panahon nila. Dahil sa mataas na posisyon ng kanyang asawa, nasa kanya ang ginhawa ng palasyo - may yaman, may impluwensya, at may katayuan. Pero nang makatagpo niya si Hesus at maranasan ang kanyang pagmamalasakit at pagpapagaling, pinili ni Juana na iwan ang mga luho para sumunod kay Hesus.

Kasama sina Maria Magdalena at Susana, naging bahagi si Juana ng grupo ng mga babaeng tahimik na sumusuporta sa Panginoon. Hindi sila nangaral sa harap ng maraming tao, sa halip ginamit nila ang sarili nilang ari-arian para tulungan si Hesus at ang mga alagad sa pagkain, damit, at iba pa nilang pangangailangan, naglalakbay mula bayan patungo sa malalayong lugar.

Ang gawain ni Juana ay paalala na hindi lang sa pangangaral nasusukat ang paglilingkod. Ito ay sa pag-aasikaso, pagbibigay, at pangangalaga. Siya ay isa sa mga unang nakasaksi ng muling pagkabuhay ni Hesus, kasama nya sina Maria Magdalena at Maria na ina ni Santiago na nagtungo sa libingan. Sila ang unang nakarinig sa mensahe ng Anghel: “Wala Siya rito, Siya’y muling nabuhay!” Si Juana ang isa sa nagbalita nito sa mga Apostol. Sa panahon na nagkawatak-watak ang mga alagad dahil sa takot, nanatili ang mga babaeng tulad ni Juana sa tabi ni Hesus, hanggang sa paanan ng Krus at sa libingan nito. Tahimik na naglilingkod nang walang hinahangad na papuri at anumang kapalit.

Panalangin:
O Santa Juana ni Cusa, turuan mo kaming maglingkod nang walang ingay at hindi naghihintay ng kapalit. Tulungan mo kaming gamitin ang mga biyayang nakamit sa aming buhay, maliit man ito o malaki para sa pagpapalaganap ng kaharian ng Diyos. Amen.

Santa Juana ni Cusa, ipanalangin mo kami.

Jenny Gaetos | Desamparados de Marikina Social Communications Ministry




24/05/2026

𝐋𝐈𝐕𝐄 | The Holy Eucharistic Mass for the Pentecost Sunday, from the Diocesan Shrine and Parish of Nuestra Señora de los Desamparados - Marikina City - May 24, 2026 - 9:30 AM

Mass Presider: Rev. Fr. Lamberto Ramos




22/05/2026

PAANYAYA | Panapos at 4th Saturday Devotion to Nuestra Señora de los Desamparados

Ang ating patrona, Maria Bambina, ay isa sa mga tampok na patron sa Grand Procession bukas, Mayo 23, Sabado. Ito ay pakikiisa sa Panapos na Pagdiriwang ng Kapistahan at 4th Saturday Devotion ng Diocesan Shrine and Parish of Nuestra Señora de los Desamparados.

Magsisimula ito pagkatapos ng Banal na Misa ng 4:30 PM.

"O Maria Bambina, batang sanggol, ipanalangin mo kami."

Viva Maria Bambina!
Viva Nuestra Señora de los Desamparados, ang Patrona at Reyna ng Marikina!


22/05/2026

The processional image of our beloved St Gabriel of Our Lady of Sorrows will be participating in this year's Pistang Bayan festivities. We invite all parishioners, devotees, and the faithful of Marikina to join us in prayer and celebration.

Let us come together as one community in faith and devotion.

Layout: Marky Mendoza

𝐈𝐬𝐚𝐧𝐠 𝐌𝐚𝐫𝐢𝐧𝐠𝐚𝐥 𝐧𝐚 𝐏𝐚𝐠𝐥𝐚𝐥𝐚𝐤𝐛𝐚𝐲 𝐧𝐠 𝐏𝐚𝐧𝐚𝐧𝐚𝐦𝐩𝐚𝐥𝐚𝐭𝐚𝐲𝐚𝐧𝐠 𝐌𝐚𝐫𝐢𝐤𝐞ñ𝐨, 𝐛𝐮𝐤𝐚𝐬 𝐧𝐚!Malugod po naming inaanyayahan ang lahat na makiis...
22/05/2026

𝐈𝐬𝐚𝐧𝐠 𝐌𝐚𝐫𝐢𝐧𝐠𝐚𝐥 𝐧𝐚 𝐏𝐚𝐠𝐥𝐚𝐥𝐚𝐤𝐛𝐚𝐲 𝐧𝐠 𝐏𝐚𝐧𝐚𝐧𝐚𝐦𝐩𝐚𝐥𝐚𝐭𝐚𝐲𝐚𝐧𝐠 𝐌𝐚𝐫𝐢𝐤𝐞ñ𝐨, 𝐛𝐮𝐤𝐚𝐬 𝐧𝐚!

Malugod po naming inaanyayahan ang lahat na makiisa sa 𝐆𝐫𝐚𝐧𝐝 𝐏𝐫𝐨𝐜𝐞𝐬𝐬𝐢𝐨𝐧 ng mga Patron at Patrona ng mga Parokya at Basilika sa loob ng Bikaryato ng OLA, kasama ang mga Kapilyang nasasakupan ng Diocesan Shrine and Parish of Nuestra Señora de los Desamparados, bukas, Mayo 23, 2026.

Ang maringal na pagdiriwang na ito ay magsisilbing panapos na pagdiriwang ng Pistang Bayan at Kapistahan ng Nuestra Señora de los Desamparados — ang Reyna, Patrona, at Birhen ng Marikina.

Ang Banal na Misa ay gaganapin sa ganap na ika-4:30 ng hapon, na susundan ng 𝐆𝐫𝐚𝐧𝐝 𝐏𝐫𝐨𝐜𝐞𝐬𝐬𝐢𝐨𝐧 sa ika-5:30 ng hapon.

Narito po ang rutang daraanan ng prusisyon. Inaanyayahan din po ang lahat ng mga motorista na dadaan sa mga nasabing lansangan na maglaan ng alternatibong ruta upang mabigyang-daan ang maayos at taimtim na pagdaraos ng prusisyon.

Halina’t sama-sama nating parangalan ang ating Mahal na Ina at ipagdiwang ang pananampalatayang nagbubuklod sa sambayanang Marikeño




PAGGUNITA KAY SANTA RITA NG CASCIA, NAMANATA SA DIYOS | Mayo 22Tuwing ika-22 ng Mayo ay ipinagdiriwang ng buong Simbahan...
22/05/2026

PAGGUNITA KAY SANTA RITA NG CASCIA, NAMANATA SA DIYOS | Mayo 22

Tuwing ika-22 ng Mayo ay ipinagdiriwang ng buong Simbahan ang paggunita kay Santa Rita ng Cascia, ang patrona ng mga bagay na imposible, ng mga sugatang puso at ng mga mag-asawang dumaranas ng pagsubok sa kanilang relasyon.

Isinilang si Sta. Rita noong 1381 sa Roccaporena, Italya. Bata pa lang siya nais na niyang maging madre, ngunit sinunod niya ang kagustuhan ng kanyang magulang at nag-asawa sa murang edad na 12. Ang kanyang asawa ay marahas at mainitin ang ulo. Sa loob ng 18 taon, tiniis ni Sta. Rita ang hirap sa pamamagitan ng panalangin, pagpapakumbaba, at pag-ibig. Kalaunan, dahil sa kanyang dasal, ay nagbago ang kanyang asawa bago ito mamatay. Hindi nagtagal at sumunod ding namatay ang kanyang dalawang anak. Matapos nito ay tinupad ni Sta. Rita ang matagal na niyang pangarap na pumasok sa kumbento ng mga Agustina sa Cascia, at doon namuhay siya ng puno ng pagpepenitensya at paglilingkod.

Noong 1442, habang nananalangin sa harap ng krusipiho, isang tinik mula sa korona ni Kristo ang bumagsak at tumusok sa kanyang noo. Ang sugat na ito ay nag-iwan ng matinding sakit at amoy, ngunit tiniis niya ito bilang pakikiisa sa paghihirap ni Hesus. Ito ang naging tanda ng kanyang kabanalan.

Tinawag siyang patrona ng mga imposible dahil sa dami ng milagrong iniuugnay sa kanya pagkatapos niyang mamatay noong ika-22 ng Mayo, 1457. Maraming deboto ang nagpapatotoo na sa pamamagitan ng kanyang panalangin, natupad ang mga bagay na akala nila’y hindi na mangyayari gaya ng paggaling ng mga may sakit, pagbabati ng magkakaaway, pagkakaroon ng anak ng mga baog at marami pang iba. Si Santa Rita ay paalala na walang imposible sa Diyos. Sa gitna ng ating mga problema sa pamilya, trabaho, o kalusugan, nariyan ang Diyos na nakikinig sa ating mga dasal.

PANALANGIN:
O maluwalhating Santa Rita, patron ng mga bagay na imposible, tulungan mo kami sa aming mga pangangailangan. Ipanalangin mo kami sa Diyos na mapuno kami ng pag-asa at pag-ibig tulad mo. Amen.

Santa Rita ng Cascia, ipanalangin mo kami.

Jenny Gaetos | Desamparados de Marikina Social Communications Ministry




21/05/2026

Kaisa ang komunidad at Kapilya ni San Lorenzo sa darating na Panapos na Pagdiriwang sa Kapistahan ng Patrona at Birhen ng Marikina, Nuestra Señora de los Desamparados.

Ang imahen ni San Lorenzo ay isa sa mga tampok na patron sa prusisyon ng Mayo 23, Sabado. Magsisimula ito sa Banal na Misa ng 4:30 PM.





Address

J. P. Rizal Street Corner V. Gomez St. , Sta. Elena
Marikina City
1801

Telephone

+6326461781

Website

Alerts

Be the first to know and let us send you an email when Diocesan Shrine and Parish of Nuestra Señora de los Desamparados posts news and promotions. Your email address will not be used for any other purpose, and you can unsubscribe at any time.

Contact The Place Of Worship

Send a message to Diocesan Shrine and Parish of Nuestra Señora de los Desamparados:

Shortcuts

Share

Category