IFI Parokya ng Santo Niño de Marikina

24/05/2026

23/05/2026

Sa loob ng tatlong araw ng ating Triduum Novena, sama-sama nating iniaalay ang ating mga panalangin, pasasalamat, at debosyon sa Mahal na Birheng Maria. Sa bawat awit, panalangin, at pagninilay, muli nating pinagtitibay ang ating pananampalataya at pagtitiwala sa Diyos sa pamamagitan ng mapagmahal na paggabay ng ating Mahal na Ina.

Nawa’y maging daan ang banal na pagdiriwang na ito upang mapuno ang ating mga puso ng pag-asa, kapayapaan, at mas malalim na pagmamahal sa Panginoon. Patuloy nawa tayong magkaisa bilang isang sambayanan ng pananampalataya, tangan ang liwanag at biyayang hatid ni Maria sa ating buhay.

23/05/2026

Sa ikatlong araw ng ating Triduum Novena, taos-puso nating pinasasalamatan ang Mahal na Ina ng Diyos sa Kaniyang walang sawang pagmamahal at pag-aaruga.

Nawa’y maging inspirasyon sa atin ang Kaniyang kabutihan, kababaang-loob, at lubos na pagtitiwala sa Panginoon upang ang ating buhay ay maging tunay na handog ng pananampalataya at pagmamahal.

23/05/2026

MASDAN | Larawan ng mga mag-aaral na magtatapos sa ating Vacation Church School 2026.

Punong-puno ng saya at pagpapala ang pagtatapos ng ating mga kabataan sa VCS na may temang “Ako ay Kawangis ng Diyos.” Tunay na kahanga-hanga ang kanilang pagkatuto, pananampalataya, at masasayang alaala na kanilang nabuo kasama ang kanilang mga kamag-aral at g**o.

Ang pag-upload ng mga larawang ito ay may pahintulot ng kanilang mga magulang o tagapag-alaga.

23/05/2026

Mahal na Ina ng Diyos, salamat sa Iyong walang sawang pagmamahal at pag-aaruga. Nawa’y matularan namin ang Iyong kabutihan at pagtitiwala sa Panginoon upang ang aming buhay ay maging tunay na handog ng pananampalataya at pagmamahal.

22/05/2026

Sa ikalawang araw ng ating Triduum Novena, buong pusong iniaalay natin kay Maria ang ating mga pangarap, pagod, at suliranin. Nawa’y yakapin tayo ng ating pinakamamahal na Ina sa oras ng pangamba at panghihina, at akayin tayo tungo sa liwanag at pag-asa ng Diyos.

22/05/2026

Masayang ipinagpatuloy ngayong araw ang ating Vacation Church School 2026 sa pamamagitan ng masayang paglalaro, kwentuhan, at masayang pagsasama-sama ng bawat bata at g**o.

Sa gitna ng tawanan, samahan, at iba’t ibang gawain, mas lalo nating pinagtibay ang pagkakaibigan, pagkakaisa, at pagmamahalan bilang isang masayang komunidad na ginagabayan ng Diyos.

Nawa’y patuloy nating dalhin ang masasayang alaala at aral na nabuo sa bawat sandali ng ating pagsasama.

22/05/2026

O Maria, pinakamamahal naming Ina, sa Iyo namin iniaalay ang aming mga pangarap, pagod, at suliranin. Yakapin Mo kami sa oras ng pangamba at panghihina, at akayin Mo kami tungo sa liwanag at pag-asa ng Diyos.

21/05/2026

Sa unang araw ng ating Triduum Novena, taimtim nating iniaalay ang ating mga panalangin sa Mahal na Birheng Maria, Ina ng awa at pag-ibig. Samahan Nawa Niya tayo sa bawat araw ng ating buhay at turuan tayong maging mapagkumbaba, matatag sa pananampalataya, at laging tapat sa Panginoon sa gitna ng anumang pagsubok.

21/05/2026

Masayang ipinagpatuloy ngayong araw ang ating Vacation Church School 2026 kung saan sama-sama nating sinimulan ang Yunit 3: Maglilingkod nang sama-sama.

Sa pamamagitan ng mga awitan, aralin, gawain, at pagbabahaginan, mas lalo nating naunawaan na tayo ay nilikha ng Diyos na may pagmamahal, kabutihan, at natatanging layunin.

Patuloy nating hubugin ang puso’t pananampalataya ng bawat bata bilang tunay na kawangis ng Diyos.

21/05/2026

Mahal na Birheng Maria, Ina ng awa at pag-ibig, samahan Mo kami sa bawat araw ng aming buhay. Nawa’y turuan Mo kaming maging mapagkumbaba, matatag sa pananampalataya, at laging tapat sa Panginoon sa gitna ng anumang pagsubok.