Camillian Vocation PH

04/10/2026

MILOY SUNDAY REFLECTIONS:

Oktubre 4, 2026.

Ika-27 Linggo sa Karaniwang Panahon (A)

MABUTING BALITA
Mateo 21, 33-43

Ang Mabuting Balita ng Panginoon ayon kay San Mateo

Noong panahong iyon, sinabi ni Hesus sa mga punong saserdote at matatanda ng bayan: “Pakinggan ninyo ang isa pang talinghaga. May isang taong nagtanim ng ubas sa kanyang bukid, at ito’y binakuran niya. Gumawa siya roon ng pisaan ng ubas at nagtayo ng isang mataas na bantayan. Pagkatapos, kanyang iniwan sa mga kasama ang ubasan, at siya’y nagtungo sa ibang lupain. Nang dumating ang panahon ng pitasan, pinapunta ng may-ari ng ubasan ang kanyang mga alipin upang kunin sa mga kasama ang kanyang kaparte. Ngunit sinunggaban ng mga kasama ang mga alipin; binugbog nila ang isa, pinatay ang ikalawa, at binato naman ang ikatlo. Pinapunta uli ng may-ari ang mas maraming alipin, ngunit gayun din ang ginawa ng mga kasama sa mga ito. Sa kahuli-huliha’y pinapunta niya ang kanyang anak na lalaki. ‘Igagalang nila ang aking anak,’ wika niya sa sarili. Ngunit nang makita ng mga kasama ang anak, sila’y nag-usap-usap: ‘Ito ang tagapagmana. Halikayo! Patayin natin nang mapasaatin ang kanyang mamanahin. Kaya’t siya’y sinunggaban nila, inilabas sa ubasan at pinatay.

“Pagbalik ng may-ari ng ubasan, ano kaya ang gagawin niya sa mga kasamang iyon?” Sumagot sila, “Lilipunin niya ang mga buhong na iyon, at paaalagaan ang ubasan sa ibang kasama na magbibigay sa kanya ng kaparte sa panahon ng pamimitas.” Tinanong sila ni Hesus, “Hindi pa ba ninyo nababasa ang talatang ito sa Kasulatan?

‘Ang batong itinakwil ng mga tagapagtayo ng bahay ang siyang naging batong panulukan.
Ginawa ito ng Panginoon,
at ito’y kahanga-hanga!’

Kaya nga sinasabi ko sa inyo: hindi na kayo ang paghaharian ng Diyos kundi ang bansang maglilingkod sa kanya nang tapat.

Ang Mabuting Balita ng Panginoon.

Pagninilay:

Si Hesus ay itinanggi ng mga tao noong unang panahon. Hindi Siya itinuring na propeta ng iba at sa halip ay kinutya pa. Hanggang ngayon ay itinatanggi pa rin Siya ng mga taong ang nais lamang ay mabuhay ayon sa sariling kagustuhan. Tuwing pinipili natin ang sarili at hindi ang Salita ng Diyos bilang sentro ng ating buhay, itinatakwil din natin ang Diyos. Madalas nga lang ay hindi ito nalalaman ng tao dahil mas madali sumunod sa sarili kaysa sa Diyos na nangangailangan ng sakripisyo. Sa kabila nito, ang paglilingkod sa Kanya ng tapat ay may kaakibat na gantimpala. Hindi man dito ngunit sa buhay na walang hanggan. Marahil, hindi natin agad nakikita ang mga bunga ng ating pagsasakripisyo at mabubuting gawa para sa Diyos at kapwa. Hindi agad pinapapurihan at pinapalakpakan ang bawat ginagawa nating tama, ngunit ang Diyos ay nagmamatyag at mayroon Siyang tamang panahon para sa mga bagay. Tinatawag Niya tayong maging tulad Niya - iyong taong handang tiisin ang lahat para sa pagtatanggol sa Kanya at sa pananalig na totoo. Ngunit paano pa tayo makakapagtanggol ng tama kung tayo mismo ay naliligaw na at hindi na alam o tinatanggap man lamang ang katuruan ng Simbahan? Aralin, tanggapin at isabuhay natin ito. Nang sa gayon, malaman natin paano magtanggol ng pananampalataya. Sa paninindigan lamang na ito tayo magiging tulad ni Hesus na isang propeta ngunit itinakwil. Kung tayo ay nagdurusa ngayon, tiyak na tayo ay babangon at makakaahon din kasama ng Diyos na ating sinusundan. Mayroon tayong gantimpala sa Langit na aasahan mula sa Kanya. Amen. +
______________________
DARE TO CARE
Be a Camillian Brother or Priest.
If You Are:
-a grade 10 completer;
-a senior high school graduate;
-a college undergraduate;
-a college graduate or a professional
Contact now:
The Vocation Team
St. Camillus Seminary
105 B. Gonzales St., Varsity Hills, Loyola Heights,
1108 Quezon City, Philippines
Email: [email protected]
Mobile No: 0976 454 2832 (Globe)
0962 608 6325 (Smart)

29/09/2026

27/09/2026

MILOY SUNDAY REFLECTIONS:

Setyembre 27, 2026.

Ika-26 na Linggo sa Karaniwang Panahon (A)

MABUTING BALITA
Mateo 21, 28-32

Ang Mabuting Balita ng Panginoon ayon kay San Mateo

Noong panahong iyon, sinabi ni Hesus sa mga punong saserdote at mga matatanda ng bayan: “Ano ang palagay ninyo rito? May isang tao na may dalawang anak na lalaki. Lumapit siya sa nakatatanda at sinabi, ‘Anak, lumabas ka at magtrabaho sa ubasan ngayon.’ ‘Ayoko po.’ tugon niya. Ngunit nagbago ang kanyang isip at siya’y naparoon. Lumapit din ang ama sa ikalawa at gayun din ang kanyang sinabi. ‘Opo’ tugon nito, ngunit hindi naman naparoon. Sino sa dalawa ang sumunod sa kalooban ng kanyang ama?” “Ang nakatatanda po,” sagot nila. Sinabi sa kanila ni Hesus, “Sinasabi ko sa inyo: ang mga publikano at masasamang babae’y mauuna pa sa inyong pasakop sa paghahari ng Diyos. Sapagkat naparito sa inyo si Juan at ipinakilala ang matuwid na pamumuhay, at hindi ninyo siya pinaniwalaan. Ngunit pinaniwalaan siya ng mga publikano at ng masasamang babae. Nakita ninyo ito, subalit hindi pa rin kayo nagsisi at naniwala sa kanya.”

Ang Mabuting Balita ng Panginoon.

Pagninilay:

Marahil mas madalas na nauuna ang ating paghuhusga sa mga tao. Mas natural sa atin na makita ang pagkakamali nila kaysa sa pagkakamali natin. Ito ay isang kahinaan na ang mapagmataas nating sarili ang nagtutulak sa atin upang isipin na tayo ang nakakaangat sa kanila. Ganito nga rin ang nangyari sa ebanghelyo ngayong araw. Ang mga saserdote o mga pari, at ang mga matatanda ng bayan ay hindi naniniwala kay Hesus. Sa halip, nauuna pa silang maghusga sa Kanya. Ang pagsama ni Hesus sa mga publikano (mga opisyal sa sangkot sa korapsyon) at masasamang babae ay isa sa dahilan ng kanilang matinding paghuhusga. Subalit ang mga makasalanang ito na hinuhusgahan nila ay naniwala kay Hesus at nagbago dahil sa grasya at awa ng Diyos. Hindi sila nanatiling makasalanan noong nakilala nila si Hesus. Sa halip, tinalikuran nila ang lahat upang sumunod sa Kanya. Hinayaan nilang baguhin ng Diyos ang kanilang buhay habang ang mga mapaghusga ay nananatiling mapagmataas at naghuhusga. Hindi nila pinapasok si Hesus sa kanilang buhay. Hindi nabago ang kanilang sarili at buhay.

Mga kapatid, isa itong paalala na ang kailangan nating gawin ay tingnan ang sariling pagkakamali upang mabago rin ng Diyos ang ating buhay. Kababang loob ang susi upang makamtan natin ang tunay na kaligayahan sa Langit. Lahat tayo ay mga makasalanan at kailangang talikuran ang ating mga kasalanan. Kung hindi natin ito makita, tayo ay bulag at kailangan ng grasya ng Diyos upang makakita. Ang lahat ng makakamtan natin dito sa mundo ay panandalian lamang. Palakpakan man tayo ng tao, ito ay lilipas din. Ang dapat nating makuha ay ang pag-apruba ng Diyos sa atin at sa ating buhay. Kung hindi natin kayang magpakababa, humingi tayo ng grasya mula sa Diyos nang sa gayon ay tuluyang magbago ang ating buhay dahil nakilala natin Siyang tunay sa pamamagitan ng Kanyang awa. Ang taong mapagmataas ay nananatiling sarado sa kanyang sarili at tila may hinahanap na hindi niya alam at makita. Ang taong nagpapakababa ay iaangat ng Diyos at ipagtatanggol Niya. Amen. +
______________________
DARE TO CARE
Be a Camillian Brother or Priest.
If You Are:
-a grade 10 completer;
-a senior high school graduate;
-a college undergraduate;
-a college graduate or a professional
Contact now:
The Vocation Team
St. Camillus Seminary
105 B. Gonzales St., Varsity Hills, Loyola Heights,
1108 Quezon City, Philippines
Email: [email protected]
Mobile No: 0976 454 2832 (Globe)
0962 608 6325 (Smart)

26/09/2026

FEAST OF BLESSED LUIGI TEZZA, MI

Today, the global Camillian Family remembers and celebrates Blessed Luigi Tezza (1 November 1841 – 26 September 1923) on his Feast Day!

​Following in the footsteps of St. Camillus de Lellis, Blessed Luigi was deeply moved to serve the sick with unwavering compassion. This profound inspiration led him to co-found the Daughters of St. Camillus, dedicated to bringing Christ's healing touch to those in need.

​His missionary heart later took him to Peru, where his tireless service and devotion to the poor and sick earned him the cherished title "Apostle of Lima."

Today, his legacy continues to shine brightly, inspiring healthcare professionals—especially our own Camillian Fathers, Brothers, Sisters, and Lay partners—to see the face of Christ in every suffering person.

​Blessed Luigi Tezza, pray for us and for all who care for the sick!

​

25/09/2026

SEARCH-IN 2026 & COMMUNITY NIGHT

Three days of experiencing the life of a Camillian seminarian! Our Search-In brothers joined us in our daily seminary schedule and became part of our community. From prayer and formation to fellowship and Community Night, they experienced the simple joys and challenges of living as Camillian seminarians.

We humbly ask for your prayers for our Search-In brothers, that they may continue to discern God's call, persevere in their vocation, and find the courage to follow the Lord even when the journey becomes difficult.

Welcome to our home, brothers! May we continue to grow together in faith, love, and service!

“In serving the sick, we serve Jesus Christ.”
__________
Support future Priests - DONATE!
Metrobank Katipunan Branch
Branch Code 093
The Camillian Fathers Inc.
Acct No. 093-7-09352804-9
Swift Code: MBTCPHMM
__________
Want to know if you are called to as serve the Sick? - DISCERN WITH US!
__________
Desire to serve the Sick as Priest? - JOIN US!
https://www.facebook.com/camillianvocationph
__________
Prayer and Mass Intentions - MESSAGE US!
https://www.facebook.com/St.CamillusSeminary

24/09/2026

24/09/2026

𝐕𝐨𝐜𝐚𝐭𝐢𝐨𝐧 𝐏𝐫𝐨𝐦𝐨𝐭𝐢𝐨𝐧
@ 𝐀𝐫𝐜𝐡𝐝𝐢𝐨𝐜𝐞𝐬𝐞 𝐨𝐟 𝐏𝐚𝐥𝐨
𝐒𝐞𝐩𝐭𝐞𝐦𝐛𝐞𝐫 𝟐𝟏–𝟐𝟑, 𝟐𝟎𝟐𝟔

Participated in by Fr. Carl Masip, MI and Bro. Soy Arma, MI, as we visited parishes and schools, and shared the joy, beauty, and mission of the priestly vocation.

May the Lord continue to call generous hearts to serve His Church.

_____________________
DARE TO CARE
Be a Camillian Brother or Priest.
If You Are:
-a grade 10 completer;
-a senior high school graduate;
-a college undergraduate;
-a college graduate or a professional
Contact now:
The Vocation Ministry Office
St. Camillus Seminary
44 Apitong Street Marikina Heights, Marikina City, Philippines
Email: [email protected]
Mobile No: 0997 5826 733

20/09/2026

MILOY SUNDAY REFLECTIONS:

Setyembre 20, 2026.

Ika-25 Linggo sa Karaniwang Panahon (A)

MABUTING BALITA
Mateo 20, 1-16a

Ang Mabuting Balita ng Panginoon ayon kay San Mateo

Noong panahong iyon, sinabi ni Hesus sa kanyang mga alagad ang talinghagang ito: “Ang paghahari ng Diyos ay katulad nito: lumabas nang umagang-umaga ang may-ari ng ubasan upang humanap ng mga manggagawa. Nang magkasundo na sila sa upa na isang denaryo maghapon, sila’y pinapunta niya sa kanyang ubasan. Lumabas siyang muli nang mag-iikasiyam ng umaga at nakakita siya ng iba pang tatayu-tayo lamang sa liwasang-bayan. Sinabi niya sa kanila, ‘Pumaroon din kayo at magtrabaho sa aking ubasan, at bibigyan ko kayo ng karampatang upa.’ At pumaroon nga sila. Lumabas na naman siya nang mag-iikalabindalawa ng tanghali at nang mag-iikatlo ng hapon, at gayun din ang ginawa niya. Nang mag-iikalima ng hapon, siya’y lumabas uli at nakakita pa ng mga ibang wala ring ginagawa. Sinabi niya sa kanila, ‘Bakit kayo tatayu-tayo lang dito sa buong maghapon?’ “Wala pong magbigay sa amin ng trabaho, e!’ sagot nila. At sinabi niya, ‘Kung gayon, pumaroon kayo at gumawa sa aking ubasan.’

“Pagtatakip-silim, sinabi ng may-ari ng ubasan sa kanyang katiwala, ‘Tawagin mo na ang mga manggagawa at sila’y upahan, magmula sa huli hanggang sa buong nagtrabaho.’ Ang mga nagsimula nang mag-iikalima ng hapon ay tumanggap ng tig-iisang denaryo. At nang lumapit ang mga nauna, inakala nilang tatanggap sila nang higit doon; ngunit ang bawat isa’y tumanggap din ng isang denaryo. Pagkatanggap nito, nagreklamo sila sa may-ari ng ubasan. Sabi nila, ‘Isang oras lang pong gumawa ang mga huling dumating, samantalang maghapon kaming nagpagal at nagtiis ng nakapapasong init ng araw. Bakit naman po ninyo pinagpare-pareho ang upa sa amin?’ At sinabi niya sa isa sa kanila, ‘Kaibigan, hindi kita dinadaya. Hindi ba’t nagkasundo tayo sa isang denaryo? Kunin mo ang ganang iyo, at umalis ka na. Maano kung ibig kong upahan ang nahuli nang tulad ng upa ko sa iyo? Wala ba akong karapatang gawin ang aking maibigan sa ari-arian ko? O naiinggit ka lang sa aking kabutihang-loob?’ Kaya’t ang nahuhuli ay mauuna, at ang nauuna ay mahuhuli.”

Ang Mabuting Balita ng Panginoon.

Pagninilay:

Kung babasahin at makikinig tayo sa ebanghelyo ngayon, maaring ganoon din ang ating magiging reaksyon. Tulad ng ibang manggagawa sa ebanghelyo, nagreklamo sila sa may-ari sapagkat buong araw silang pumasok, ang iba ay hindi, matapos ay pare parehas lang sila ng sweldo. Tama naman ang sinabi ng may-ari. Magkasundo sila sa isang denaryo na sweldo kaya ganoon din ang matatanggap niya sa huli. Sa halip na magpasalamat ay nagreklamo sila. Ang may-ari ng ubasan na ito ay ang Diyos at tayo ang manggagawa.

Nagiging ganito tayo kung nakatuon lagi ang pansin natin sa iba. Hindi nakita ng mga manggagawa na ito ang kabutihan ng may-ari kundi ang pagkainggit. Hindi nila tinitingnan ang biyayang mayroon sila kundi na mas nakakaangat ang iba. Ngunit para sa Diyos, walang nakakaangat sa atin at lahat tayo ay lubusan Niyang minamahal. Lahat tayo ay binibiyayaan ng Diyos. Tayo lamang ang nahihirapang tanggapin ito lalo kung tayo ay nakatuon sa iba sa halip na sa Diyos at kung paano Niya tayo minamahal. Ngayong Linggo ay humiling tayo ng kababaang loob sa Diyos. Nawa ay makita natin ang Kanyang awa at pagpapala hindi kung ano ang natatanggap ng iba. Hindi lang tayo ang may misyon. Ang ibang tao rin. Kung sila ay tinawag, tayo ay tinawag din. Mahuli man o mauna, ang pinakamahalaga sa lahat ay tayo ay naging tapat sa pinagagawa ng Diyos, ano man ang gawin at matanggap ng iba. Amen. +

______________________
DARE TO CARE
Be a Camillian Brother or Priest.
If You Are:
-a grade 10 completer;
-a senior high school graduate;
-a college undergraduate;
-a college graduate or a professional
Contact now:
The Vocation Team
St. Camillus Seminary
105 B. Gonzales St., Varsity Hills, Loyola Heights,
1108 Quezon City, Philippines
Email: [email protected]
Mobile No: 0976 454 2832 (Globe)
0962 608 6325 (Smart)

20/09/2026

𝐇𝐨𝐦𝐞 𝐕𝐢𝐬𝐢𝐭𝐚𝐭𝐢𝐨𝐧 𝐚𝐧𝐝 𝐕𝐨𝐜𝐚𝐭𝐢𝐨𝐧 𝐏𝐫𝐨𝐦𝐨𝐭𝐢𝐨𝐧
@ 𝐎𝐮𝐫 𝐌𝐨𝐭𝐡𝐞𝐫 𝐨𝐟 𝐏𝐞𝐫𝐩𝐞𝐭𝐮𝐚𝐥 𝐇𝐞𝐥𝐩 𝐏𝐚𝐫𝐢𝐬𝐡 𝐓𝐚𝐠𝐮𝐢𝐠

Grateful for the warm welcome extended by Fr. Joselito Jopson, Parish Priest of Our Mother of Perpetual Help Parish, Taguig. Thank you for your hospitality and support for vocation promotion! 🙏

_____________________
DARE TO CARE
Be a Camillian Brother or Priest.
If You Are:
-a grade 10 completer;
-a senior high school graduate;
-a college undergraduate;
-a college graduate or a professional
Contact now:
The Vocation Ministry Office
St. Camillus Seminary
44 Apitong Street Marikina Heights, Marikina City, Philippines
Email: [email protected]
Mobile No: 0997 5826 733