The Marikina United Methodist Church

The Marikina United Methodist Church Contact information, map and directions, contact form, opening hours, services, ratings, photos, videos and announcements from The Marikina United Methodist Church, Religious organisation, 18 P. Zamora Street , Jesus Dela Peña, Marikina City.

27/08/2026

MIDWEEK SERVICE
August 27, 2026

27/08/2026

𝗙𝗔𝗠𝗜𝗟𝗬 𝗔𝗟𝗧𝗔𝗥
Biyernes, Agosto 28, 2026

𝗣𝗔𝗚𝗕𝗔𝗦𝗔 𝗦𝗔 𝗕𝗜𝗕𝗟𝗜𝗔
Roma 5:12-17

𝐒𝐔𝐒𝐈𝐍𝐆 𝐓𝐀𝐋𝐀𝐓𝐀
“Sa pamamagitan ng pagsuway ng isang tao, naghari ang kamatayan. Ngunit sa pamamagitan din ng isang tao, si Jesu-Cristo, ang mga taong pinagpala nang sagana at itinuring na matuwid ng Diyos ay maghahari sa buhay.” — Roma 5:17

PAGBUBUKAS NG MGA REGALO

Noong bata pa ako, bumili ang aking mga magulang ng bagong sofa. Dumating ito na may balot na plastik, at piniling huwag tanggalin ng aking ina upang mapanatili sa maayos na kondisyon ang sofa. Ngunit dahil nakabalot pa rin ito, para bang hindi pa ito ganap na bahagi ng aming tahanan. Naideliver na ang sofa, ngunit parang hindi pa naming lubos na natatanggap.

May ilang bagay sa ating espirituwal na buhay na katulad nito. Ibinibigay ng Diyos ang isang kaloob, ngunit hindi natin ito lubos na binubuksan. Naalala ko ang Banal na Hapunan. Ibinigay ni ito ni Jesus upang maranasan natin ang kanyang kapatawaran. Ngunit lubos ba nating tinatanggap ang kapatawarang kanyang iniaalok, o nagiging ritwal lamang ito na ginagawa natin nang hindi tunay na tinatanggap ang kanyang iniaalok? Paano naman ang natatanging mga kaloob na ibinigay ng Panginoon sa bawat isa sa atin? Sabi sa 1 Pedro 4:10, “Bilang mabubuting katiwala ng iba’t ibang kaloob ng Diyos, gamitin ninyo sa kapakinabangan ng lahat ang kakayahang tinanggap ng bawat isa sa inyo.” Ang mga kaloob na ito ay hindi lamang para hangaan kundi para gamitin.

Sa huli, tinanggal din ng aking ina ang plastik sa sofa, at doon lamang namin naramdaman na naging bahagi ito ng aming tahanan. Kaya’t buksan natin ang mga kaloob na ibinigay ng Diyos at simulang gamitin ang mga ito.

𝐈𝐒𝐈𝐏𝐈𝐍 𝐍𝐆𝐀𝐘𝐎𝐍𝐆 𝐀𝐑𝐀𝐖
“Ang Espiritung ibinigay ng Diyos ay hindi nagdudulot ng takot, kundi nagbibigay ng kapangyarihan, pag-ibig, at pagpipigil sa sarili” (2 Timoteo 1:7)

𝗜𝗣𝗔𝗣𝗔𝗡𝗔𝗟𝗔𝗡𝗚𝗜𝗡
Lubos na pagtanggap sa mga kaloob ng Diyos

𝗣𝗔𝗡𝗔𝗟𝗔𝗡𝗚𝗜𝗡
Mahal na Ama sa langit, Ikaw ang nagbibigay ng lahat ng mabubuting kaloob. Salamat sa Iyong masaganang pagkakaloob, lalo na sa kaloob ng Iyong Anak na si Jesu-Cristo. Amen.

(Gng.) Carol Westerlund (Uusimaa, Finland)

The Upper Room
Kasama ni Jesus

26/08/2026

𝗙𝗔𝗠𝗜𝗟𝗬 𝗔𝗟𝗧𝗔𝗥
Huwebes, Agosto 27, 2026

𝗣𝗔𝗚𝗕𝗔𝗦𝗔 𝗦𝗔 𝗕𝗜𝗕𝗟𝗜𝗔
2 Timoteo 3:14-17

𝐒𝐔𝐒𝐈𝐍𝐆 𝐓𝐀𝐋𝐀𝐓𝐀
“Salita mo’y isang tanglaw na sa akin ay patnubay, sa landas kong daraanan, liwanag na tumatanglaw.” — Awit 119:105

ISANG GABAY PARA SA BUHAY

Ang aming pastor ay nasa bakasyon, kaya nagkaroon ako ng pagkakataon na magbigay ng mensahe para sa mga bata sa aming pagsamba sa Linggo. Nang nakapaligid na ang mga bata sa akin, itinaas ko ang papel kung saan nakasulat kung paano laruin ang isang kilalang board game at tinanong sila kung alam nila kung ano iyon. Sumagot ang isang bata, “Ipinapakita nito kung paano laruin ang laro.” Pagkatapos ay ipinakita ko ang larawan ng aking lawn mower at ang manwal. Muli kong tinanong kung para saan ang mga iyon, at sumagot ang isa pang bata, “Ipinapakita nito kung paano ayusin kapag hindi gumagana.”

Ang huli kong ipinakita ay isang Biblia. Alam nilang lahat kung ano iyon, at tinanong ko kung sa tingin nila ay katulad ito ng dalawang naunang ipinakita ko sa kanila. Matapos ang maikling katahimikan, sumagot ang isang bata, “Opo, dahil itinuturo nito kung paano tayo mabubuhay.”

Tama ang mga bata. Ang Biblia ay naglalaman ng mga tagubilin ng Diyos upang gabayan tayo sa isang makabuluhang buhay. Hindi lamang ito aklat tungkol sa Diyos; ito ay aklat mula sa Diyos na nagdadala ng pagbabago. Binabasa natin ito upang makilala ang Diyos, upang mapalapit sa Kanya, at upang matuklasan ang layunin ng Diyos para sa ating buhay. Tunay na kamangha-manghang kaloob!

𝐈𝐒𝐈𝐏𝐈𝐍 𝐍𝐆𝐀𝐘𝐎𝐍𝐆 𝐀𝐑𝐀𝐖
Ang nakasulat na salita ng Diyos ay gabay tungo sa masaganang buhay kay Jesu-Cristo.

𝗜𝗣𝗔𝗣𝗔𝗡𝗔𝗟𝗔𝗡𝗚𝗜𝗡
Mga ministeryo para sa mga bata

𝗣𝗔𝗡𝗔𝗟𝗔𝗡𝗚𝗜𝗡
Mahal na Diyos, salamat sa kaloob na Biblia. Tulungan mo kaming basahin, unawain, at sundin ang Iyong salita. Amen.

(G.) John D. Bown (Minnesota, USA)

The Upper Room
Kasama ni Jesus

25/08/2026

𝗙𝗔𝗠𝗜𝗟𝗬 𝗔𝗟𝗧𝗔𝗥
Miyerkules, Agosto 26, 2026

𝗣𝗔𝗚𝗕𝗔𝗦𝗔 𝗦𝗔 𝗕𝗜𝗕𝗟𝗜𝗔
1 Tesalonica 5:8-15

𝐒𝐔𝐒𝐈𝐍𝐆 𝐓𝐀𝐋𝐀𝐓𝐀
Dahil dito, palakasin ninyo ang loob ng isa’t isa at magtulungan kayo tulad ng ginagawa ninyo ngayon. — 1 Tesalonica 5:11

PAGPAPALAKAS SA MGA NAGPAPALAKAS NG LOOB
Pagdating ko sa simbahan, naroon na si Joyce. Nakapagtimpla na siya ng kape para sa Sunday School at marahil ay siya rin ang naglinis ng silid-aralan. Ngayon ay paikot-ikot siya sa loob ng santuwaryo, binabati ang mga tao na may ngiti sa kanyang mukha. Napansin kong sinisig**o niyang makausap ang matatanda. Niyakap niya ang isang babae sa wheelchair at isa pang babae na may tungkod. Nang magsimula ang pagsamba, umupo siya sa upuan sa harap ko at lumingon upang bigyan ako ng yakap at ngiti.

Pagkatapos ng pagsamba, tinanong ko siya kung kumusta siya. Sandali siyang nag-atubili at saka nagsabi, “Mabuti.” Muli kong tinanong, “Kumusta ka talaga?” Nawala ang kanyang ngiti at inamin na siya ay nahihirapan. Nakakaramdam siya ng kalungkutan. Naisip niya kung tunay ba siyang kabilang sa aming simbahan. Nagulat ako sa kanyang sinabi. Lagi siyang tila masigla. Wala akong ideya na siya ay nasasaktan. Nangako akong ipagdarasal siya at ipinangako sa aking sarili na regular ko siyang kukumustahin.

Mahal natin ang mga tagapagpalakas ng loob sa ating paligid at pinahahalagahan ang pag-ibig na ibinubuhos nila sa atin. Ngunit naiisip ba natin na sila man ay nangangailangan din ng suporta o pagbibigay ng inspirasyon? Maaari tayong lumapit hindi lamang sa mga bisita at sa mga mukhang nag-iisa kundi pati na rin sa mga madalas na lumalapit sa atin at nagungumusta. Maaaring kailangan nila ng tainga na handang makinig at pusong bukas sa pang-unawa.

𝐈𝐒𝐈𝐏𝐈𝐍 𝐍𝐆𝐀𝐘𝐎𝐍𝐆 𝐀𝐑𝐀𝐖
Sino ang nais ng Diyos na palakasin ko ang loob ngayon?

𝗜𝗣𝗔𝗣𝗔𝗡𝗔𝗟𝗔𝗡𝗚𝗜𝗡
Mga nagpapalakas ng aking loob

𝗣𝗔𝗡𝗔𝗟𝗔𝗡𝗚𝗜𝗡
Mahal na Diyos, tulungan mo kaming alalahanin ang mga nagpapalakas sa amin, at ipakita mo sa amin ang mga paraan upang sila’y amin ding palakasin. Amen.

(Ms.) Susan Thogerson Maas (Oregon, USA)

The Upper Room
Kasama ni Jesus

24/08/2026

𝗙𝗔𝗠𝗜𝗟𝗬 𝗔𝗟𝗧𝗔𝗥
Martes, Agosto 25, 2026

𝗣𝗔𝗚𝗕𝗔𝗦𝗔 𝗦𝗔 𝗕𝗜𝗕𝗟𝗜𝗔
Juan 8:12–20

𝐒𝐔𝐒𝐈𝐍𝐆 𝐓𝐀𝐋𝐀𝐓𝐀
“Muling nagsalita si Jesus sa mga tao: ‘Ako ang ilaw ng sanlibutan. Ang sinumang sumunod sa akin ay hindi na lalakad sa kadiliman, kundi magkakaroon ng ilaw ng buhay.’” — Juan 8:12

PAGSUNOD SA LIWANAG

“Daddy!” sigaw ng aking anak na babae. “May maingay sa loob ng fireplace!”
Pumunta ako sa sala upang alamin ang pinagmumulan ng kumakaluskos na tunog mula sa loob ng tsimenea. Marahil ay isang ibon ang pumasok doon upang mag-usisa. Naisip ko na kung nakapasok ito, tiyak na makakalabas din ito sa sarili nito. Ngunit lumipas ang ilang sandali, napagtanto kong hindi na ito makalalabas nang mag-isa.

May nabasa akong mungkahi sa internet na maglagay ng flashlight sa labas ng bukasan ng fireplace upang sundan ng ibon ang liwanag pababa ng tsimenea. Inilagay ko ang flashlight, at sa aking pagkamangha, makalipas lamang ang ilang minuto ay lumitaw ang ibon. Binuksan namin nang bahagya ang pinto ng bahay at nagawa naming gabayan ang ibon palabas. Pinanood ko itong iwinasiwas ang mga pakpak at lumipad pabalik sa mga puno tungo sa kalayaan.

Sinabi ni Jesus sa mga tao sa Judea na Siya ang ilaw ng sanlibutan, at ang sinumang sumunod sa Kanya ay hindi lalakad sa kadiliman kundi magkakaroon ng buhay. Tulad ng ibong sumunod sa liwanag upang makalabas sa dilim ng tsimenea, gayundin tayo ay maaaring sumunod sa liwanag ni Jesus patungo sa bagong buhay

𝐈𝐒𝐈𝐏𝐈𝐍 𝐍𝐆𝐀𝐘𝐎𝐍𝐆 𝐀𝐑𝐀𝐖
Si Jesus ang aking liwanag ng bagong buhay.

𝗜𝗣𝗔𝗣𝗔𝗡𝗔𝗟𝗔𝗡𝗚𝗜𝗡
Na masundan ko ang gabay na liwanag ng Diyos

𝗣𝗔𝗡𝗔𝗟𝗔𝗡𝗚𝗜𝗡
Mapagmahal na Tagapagligtas, salamat sa pagiging liwanag na gumagabay sa amin tungo sa pagkaunawa, pag-asa, at bagong buhay. Amen.

(G.) Peter Eckblad — Wisconsin, USA)

The Upper Room
Kasama ni Jesus

23/08/2026

𝗙𝗔𝗠𝗜𝗟𝗬 𝗔𝗟𝗧𝗔𝗥
Lunes, Agosto 24, 2026

𝗣𝗔𝗚𝗕𝗔𝗦𝗔 𝗦𝗔 𝗕𝗜𝗕𝗟𝗜𝗔
Lucas 10:38–42

𝐒𝐔𝐒𝐈𝐍𝐆 𝐓𝐀𝐋𝐀𝐓𝐀
“Pinili ni Maria ang mabuting bahagi, na hindi aalisin sa kanya.”
— Lucas 10:41–42

PAGPILI

Nagtatrabaho ako sa isang nursery school, at isang araw ay ginampanan naming mga g**o ang kuwento nina Maria at Marta. Habang binabasa ko ang bahaging ito upang gumawa ng script, ang mga salitang “pinili ni Maria” ay tila umalingawngaw sa aking puso. Isang malalim na pakiramdam ng pamilyaridad ang biglang sumibol sa loob ko. Si Maria ay gumawa ng isang mahirap na pasya. Malamang ay alam niyang dapat sana’y tinutulungan niya ang kanyang kapatid sa paghahanda ng pagkain para sa kanilang bisita. Ayon sa nakagawiang papel ng kababaihan noon, tila hindi katanggap-tanggap na manatili lamang siya sa kanyang kinauupuan. Marahil alam niyang siya ay mapupuna ng iba. Ngunit sa huli, pinili niyang lumapit kay Jesus.

Si Marta, na sa kanyang sariling paraan ay nagsisikap ding mapasaya si Jesus, ay tiyak na nais ding lumapit sa kanya. Ngunit naramdaman niyang siya ang may pananagutang magbigay ng mainit na pagtanggap bilang host. Dahil sa mga pinili nilang tungkulin, si Maria ang nagkaroon ng kapayapaan sa kanyang puso.

Araw-araw, ang ating buhay ay puno ng mga pagpili—mga maliliit at mahahalagang desisyon. Ngunit bilang mga Cristiano, ang ating mga pagpili ay hindi dapat nakabatay sa kapalaluan, katayuan sa lipunan, o sa kung paano tayo titingnan ng iba. Sa halip, dapat nating piliing lumapit kay Jesus, sapagkat ito ang daan tungo sa buhay na may kasaganaan.

𝐈𝐒𝐈𝐏𝐈𝐍 𝐍𝐆𝐀𝐘𝐎𝐍𝐆 𝐀𝐑𝐀𝐖
Kahit ako’y nag-aalinlangan, nawa’y piliin ko pa ring lumapit kay Jesus.

𝗜𝗣𝗔𝗣𝗔𝗡𝗔𝗟𝗔𝗡𝗚𝗜𝗡
Na maging prayoridad ko ang aking pananampalataya

𝗣𝗔𝗡𝗔𝗟𝗔𝗡𝗚𝗜𝗡
Panginoong Jesus na aming minamahal, tulungan mo kaming manatili sa patuloy na pakikipag-ugnayan sa Iyo sa gitna ng aming abalang pang-araw-araw na buhay. Amen.

(Gng.) Akemi Kawashima — Saitama Prefecture, Japan

The Upper Room
Kasama ni Jesus

23/08/2026

August 23, 2026

22/08/2026

𝗙𝗔𝗠𝗜𝗟𝗬 𝗔𝗟𝗧𝗔𝗥
Linggo, Agosto 23, 2026

𝗣𝗔𝗚𝗕𝗔𝗦𝗔 𝗦𝗔 𝗕𝗜𝗕𝗟𝗜𝗔
Jeremias 18:1–6

𝐒𝐔𝐒𝐈𝐍𝐆 𝐓𝐀𝐋𝐀𝐓𝐀
“Sapagkat nalalaman ko ang mga panukala ko para sa inyo,” sabi ng Panginoon, “mga panukala para sa inyong ikabubuti at hindi para sa kapahamakan, upang bigyan kayo ng pag-asa at ng magandang kinabukasan.” — Jeremias 29:11

HAYAAN ANG DIYOS NA MAGING DIYOS
Noong nakaraang taon, nagpasiya akong regaluhan ang aking sarili ng buwanang pagpapamanicure. Inaasam-asam ko ang mga sandaling iyon ng pagpapahinga at ang natatanging pag-aarugang natatanggap ko. Kilala na ako ngayon ng aking manikurista at alam na niya ang aking mga nais tungkol sa haba at hugis ng aking mga kuko. Pagkatapos ng bawat pagbisita, nasisiyahan akong pagmasdan ang aking mga kuko at maalalang may isang bihasang propesyonal na nag-aalaga sa akin. Hindi niya ako binibigo at ni minsan ay hindi ako nadismaya.

Isang buwan, habang nagpapamanicure ako, napagtanto kong sa halip na magrelaks ay nababalisa ako tungkol sa magiging resulta. Paulit-ulit kong sinasabi, “Tandaan mo kung paano ang gusto kong hugis ng aking mga kuko. Huwag mong hahayaang masyadong humaba ang aking mga kuko.” Siyempre, napakapropesyonal ng manikurista kaya ngumiti lamang siya at ipinagpatuloy ang kanyang ginagawa.

Habang nakababad ang aking mga daliri sa maligamgam na tubig na may sabon, may isang katotohanang tumimo sa akin: Ganito rin ba ang ginagawa ko sa Diyos? Ako ba ay nagbibigay ng tagubilin sa aking Maylalang kung paano dapat hubugin ang aking buhay? Matatapatan ba ng aking limitadong kaalaman ang walang hanggang karunungan ng Diyos?

Mahirap para sa akin ang isuko ang pagkontrol, tulad din ng maraming tao. Ngunit ipinapangako ng Diyos na gagabayan Niya ang ating buhay sa mga paraang magdudulot ng pagpapala at ikabubuti natin kung hahayaan natin Siya.

𝐈𝐒𝐈𝐏𝐈𝐍 𝐍𝐆𝐀𝐘𝐎𝐍𝐆 𝐀𝐑𝐀𝐖
Sa anong mga bahagi ng aking buhay kailangan kong isuko ang pagkontrol sa Diyos?

𝗜𝗣𝗔𝗣𝗔𝗡𝗔𝗟𝗔𝗡𝗚𝗜𝗡
Tiwala sa paggabay ng Diyos

𝗣𝗔𝗡𝗔𝗟𝗔𝗡𝗚𝗜𝗡
Dakilang Diyos, akayin mo kami tungo sa mas malalim na pagtitiwala sa Iyo. Amen.

(Bb.) Brenda B. Williams — Washington, USA)

The Upper Room
Kasama ni Jesus

21/08/2026

𝗙𝗔𝗠𝗜𝗟𝗬 𝗔𝗟𝗧𝗔𝗥
Sabado, Agosto 22, 2026

𝗣𝗔𝗚𝗕𝗔𝗦𝗔 𝗦𝗔 𝗕𝗜𝗕𝗟𝗜𝗔
Isaias 43:1–7

𝐒𝐔𝐒𝐈𝐍𝐆 𝐓𝐀𝐋𝐀𝐓𝐀
Sinabi ni Jesus, “Ako ang mabuting pastol. Kilala ko ang aking mga tupa, at kilala rin nila ako.” — Juan 10:14

ANG MABUTING PASTOL

“Ang posisyon ay para sa iyo, ngunit kailangan mong tanggapin ito sa loob ng dalawang oras.” Ito ang mensaheng natanggap ko pag-uwi ko sa bahay, at agad akong napaharap sa isang matinding pag-aalinlangan. Nais kong tanggapin ang bago at mas mapanghamong posisyong ito, ngunit natakot akong gumawa ng isang napakalaking pasya para sa aking sarili at sa aking pamilya sa napakaikling panahon. Kakailanganin kong iwan ang trabahong mahal ko. Kailangan naming ipagbili ang aming tahanan, iwan ang aming pamilya sa simbahan at mga kaibigan, at lumipat nang 350 milya ang layo. Paano kung hindi maging maayos ang lahat?

Palakad-lakad ako sa aming tahanan habang sumisigaw sa Diyos, “Ano po ang dapat kong gawin?” Habang lalo akong nananalangin, lalo rin akong dinadalaw ng takot at pangamba. Ngunit malinaw kong narinig, “Hindi ba ikaw ay akin? Hindi ba’t inaalagaan ko ang mga akin?” Agad nawala ang aking takot; ako ay pag-aari ni Jesus, at Siya ang sasama at mag-aalaga sa amin. Kaya tinanggap ko ang posisyon.

Pagkatapos naming lumipat, nakatagpo kami ng isang kahanga-hangang pamilya sa simbahan at nagkaroon ng maraming mabubuting kaibigan. Napakalaking kayamanan ang katiyakang ito — na anuman ang problemang harapin ko, ako ay pag-aari ng Diyos, at Siya ay nagmamalasakit sa akin! Hindi na kailangang matakot o mabahala, sapagkat si Jesus ang ating Mabuting Pastol at Siya ang mag-aalaga sa atin.

𝐈𝐒𝐈𝐏𝐈𝐍 𝐍𝐆𝐀𝐘𝐎𝐍𝐆 𝐀𝐑𝐀𝐖
Si Jesus ang ating Mabuting Pastol. Siya ay nagmama-lasakit sa atin.

𝗜𝗣𝗔𝗣𝗔𝗡𝗔𝗟𝗔𝗡𝗚𝗜𝗡
Mga taong lumilipat ng tirahan dahil sa trabaho

𝗣𝗔𝗡𝗔𝗟𝗔𝗡𝗚𝗜𝗡
Mapagmahal na Diyos, salamat sa pagpapadala mo ng Iyong anak na si Jesus, na nag-alay ng kanyang buhay para sa amin, tumanggap sa amin bilang kanyang pag-aari, at nagmamalasakit sa amin. Amen.

(G.) Bob Tilley — Texas, USA)

The Upper Room
Kasama ni Jesus

20/08/2026

MIDWEEK SERVICE
August 20, 2026

Address

18 P. Zamora Street , Jesus Dela Peña
Marikina City
1804

Website

Alerts

Be the first to know and let us send you an email when The Marikina United Methodist Church posts news and promotions. Your email address will not be used for any other purpose, and you can unsubscribe at any time.

Contact The Place Of Worship

Send a message to The Marikina United Methodist Church:

Shortcuts

Share

Category