04/04/2021
"ANG KANTIDAD SA PAGDUMOT" 🙃
✍️Wa' ko masayod, nga "MAHAL" man diay kaayo ang kantidad sa "PAGDUMOT".. Gusto man gud nakong masayran ang ''KANTIDAD'' niini.. Mao nga nangita gyud ko ug tindahan kung diin kini mapalit..
''Ug sa dihang nakakita ra gyud ako ug nag-inusarang tindahan nga nagbaligya niini., dali dayon ako'ng misulod..
Ug abtik usab kaayo ang mao'ng negosyante nga miabi-abi kanako.. Nagbisti siya ug puro itom nga sotana ug daw dugo ang iyang mga mata.. Gibati ako ug gamayng kahadlok apan nagpadayon gihapon ako..
Ug giingnan ko siya sa akong tuyo nga mopalit unta ako ug ''USA KA TASA'' nga PAGDUMOT..
Ug mipahiyom siya kanako, apan makahahadlok gayud iyang mga mata nga daw may dugo..
Niya pa; ''MA-APAS'' mo kaha ang kantidad niining imong gustong paliton kanako?
Busa ako sab dayon siyang gitubag; ''PILA'' man diay ang kantidad balor ug usa ka "TASA" niana?
Ug nanghupaw siya.. Dayon daw mipahiyom kanako nga malimbongon.
Niya pa,, Hilabihang ''MAHALA'' baya sa usa ka tasa niini, kay KOMPLETO kini sa sangkap.. Apan, ''PAHANGYOON'' ko ikaw..
Unsa man diay ang mga sangkap ni-ana nga perte mang "MAHALA"? ako siyang gipangutana.. .
Ug gisugdan dayon niya sa pagyagyag kanako ang mga sangkap sa "PAGDUMOT"..
Niya pa;
🔷KUHAON NIINI ANG KALINAW SA IMONG HUNAHUNA
🔷MAWALA ANG KAHAPSAY SA IMONG PAGBATI
🔷PIRMI KA SAPUTON, BISAN PA SA SAYONG KABUNTAGON
🔷MOSAMOT ANG IMONG MGA KABALAKA
🔷NABATASAN NA NIMO ANG PAGPAMALIKAS UG PAGPANG-HIMARAUT
🔷DILI MAHUPAY IMONG MGA KASUKO
🔷GAKUSMOD PIRMI IMONG NAWONG UG DAW WALA KAY KALIPAY SA IMONG KINABUHI
🔷PASUK-ON ANG IMONG KASINGKASING
🔷KUSOG KAAYO KA'NG MAG-PATAMA UG MAGPADUNGOG-DUNGOG
🔷KUNG DILI KA UNAHAN UG TIMBAYA SA TAWO, LABAW PA KANG DILI MOTIMBAYA
🔷MASINA KA UG SAMOT SA MGA TAWONG IMONG GIKASUYAAN
🔷MOSAKA IMONG DUGO MATAG PANAHON NGA MAKITA MO IMONG MGA KAAWAY
🔷KUNG MAGMALIPAYON ANG UBAN TAWO, IMONG DUGHAN GABUTO-BUTO SA KALAGOT, KAY IKAW NAGTOO NGA DILI KINI NILA DESERVE
🔷MALUYA KA SA KASUYA KUNG MAKITA MO ANG KALAMPUSAN SA IMONG MGA SILINGAN
🔷SA PANAHON NGA SILA NAGKATAWA UG NAGSADYA, IMONG KASINGKASING NAGHILAK SA HILOM SA KALAGOT
🔷DILI GYUD KA MAKALIMOT SA MGA BINGKIL, BUSA DILI GYUD NIMO MAHIMO NGA MOPASAYLO
🔷SAMTANG NAGPLANO SILA SA ILANG KAUGMAON, IKAW NAG AMPO HINOON NGA SILA MAPAKYAS
🔷GI-AMPO NIMO SILA NGA MAGABAAN
🔷PIRMI KANG NAGA-DAMGO UG NGIL-AD NGA DAMGO
🔷WALA KAY LAIN KALIPAY KUNDILI ANG ILANG KATALAGMAN
🔷DILI KA KADAWAT NGA MALABWAN KA SA BISAN UNSANG BUTANG
🔷DILI NA KA GANAHANG MO-AMPO UG MAGPASALAMAT SA GINOO
🔷LAYO ANG PANALANGIN KANIMO UG PIRMI KANG GA-HUNAHUNA SA KABALAKA
🔷ANG BALAANG ESPIRITU SA DIOS MOBIYA KANIMO
🔷MAMATAY KA NGA WALA SA PANAHON TUNGOD SA KONSOMISYON
🔷UG LAGMIT, IMONG KALAG MOPADULONG SA KALAGLAGAN
🔷UG. . ...
✍️Nagpadayon pa gihapon siya sa pagtanyag sa mga sangkap sa "PAGDUMOT", apan DALI-DALI na akong mibiya didto..
Nibiya ako,, kay akong napamalandongan; "HILABIHANG MAHALA" man diay sa PAGDUMOT?
Ug ang SANGPUTANAN ra diay niini mao ang KALAGLAGAN?
"NAHINUKLOG AKO"..
Ngano man gyud nga ako kining ''TUYO-AN'', nga barato ra man gani kaayo ang "GUGMA" ni GINOONG HESUS..
Dili lang gani diay barato, ''LIBRE PA GYUD''
Busa gibati ako ug kahadlok sa akong gibuhat, ilabi na kung mahunahunaan ko ang panagway sa mao'ng negosyante.. Ang bisti nga puro itom, malimbongon nga pahiyom niini, ug ang mga mata nga daw may dugo.. MAKALILISANG kaayo..
👉mga KAIGSOONAN ko, DILI nato tugotan nga naay mohanyag kanato ug PAGDUMOT.. Oh kaha kita maninguha nga MOPALIT niini.. Bisan pa gani ug LIBRE kining ihatag ni Satanas kanato.. Ato gayud nga BALIBARAN ug LIKAYAN.. Kay KALAGLAGAN gayud ang PADULNGAN nato ni-ana.. DANGOP kita kang GINOONG HESUS.. Kay gawas nga LIBRE ang Iyang GUGMA,, "KINABUHING DAYON" pa gyud mao'y ganti niini..
➡️EFESO 4: 31, Biya-i ninyo ang tanang kayugot, pagdumot, ug kasuko.. Ayaw na kamo pagsiningkahay ug pag-ininsultohay..Hikalimti ang bisan unsang kaligutgot.
➡️PROVERBIO 10: 18, Ang tawo nga nagtipig ug pagdumot, BAKAKON.. Buang-boang ang tawo nga magsabwag ug libak.
is❤️
is salvation
