Parroquia de San Antonio de Padua - Bucal, Maragondon, Cavite

01/05/2026

Isang handog ng pananampalataya at debosyon para sa Mahal na Birhen.

Sa pagpasok ng buwan ng Mayo, muling ipinagdiriwang ang tradisyon ng Flores de Mayo bilang pag-aalay sa Mahal na Birhen—isang panahon ng pananampalataya, debosyon, at pagkakaisa ng pamayanan.

Ipinapakilala ang mga Reinas na kumakatawan sa iba’t ibang imahe at birtud. Bawat isa ay may dalang simbolo at kahulugang sumasalamin sa kagandahan, kabutihan, at malalim na debosyon.

Ating kilalanin at pahalagahan ang bawat titulong kanilang kinakatawan.

30/04/2026

Isang buwan ng debosyon, pag-asa, at pagkakaisa. Halina’t makibahagi sa Flores de Mayo 2026 at ialay ang ating mga panalangin at bulaklak para sa Mahal na Birhen. Sa bawat hapon ng Mayo, sama-sama tayong mag-alay ng banal na rosaryo, awit ng papuri, at taos-pusong panalangin bilang tanda ng ating pagmamahal at debosyon kay Maria.

Inaanyayahan ang lahat—mga bata, kabataan, at matatanda—na maging bahagi ng makabuluhang tradisyong ito, suot ang ating pinakamagagandang kasuotan habang inaalay ang mga bulaklak bilang simbolo ng ating pananampalataya at pasasalamat. Nawa’y sa ating sama-samang pagdiriwang, higit pang mapalalim ang ating ugnayan sa Diyos at sa isa’t isa bilang isang nagkakaisang pamayanan.

29/04/2026

𝐅𝐋𝐎𝐑𝐄𝐒 𝐃𝐄 𝐌𝐀𝐘𝐎 𝟐𝟎𝟐𝟔

Sa pagsisimula ng buwan ng Mayo, muli nating isasagawa ang araw-araw na Nobena at pagdarasal ng Santo Rosaryo tuwing ika-4 ng hapon, na susundan ng pagdiriwang ng Banal na Misa bilang pag-aalay sa Mahal na Birheng Maria.

Inaanyayahan ang lahat na makiisa at makibahagi sa banal na gawaing ito, gayundin ang pagbibigay ng suporta sa ating Hermana Mayor 2026, Bb. Hannah Zaria P. Pinlac, sa mga gawain para sa Flores de Mayo.

Gaganapin ito mula Mayo 1-30, 2026, at magtatapos sa Grand Flores sa Mayo 31, 2026, na may Nobena, Banal na Misa, at Prusisyon.

𝗠𝗮𝗵𝗮𝗹 𝗻𝗮 𝗕𝗶𝗿𝗵𝗲𝗻𝗴 𝗠𝗮𝗿𝗶𝗮, 𝗜𝗽𝗮𝗻𝗮𝗹𝗮𝗻𝗴𝗶𝗻 𝗺𝗼 𝗸𝗮𝗺𝗶!

29/04/2026

𝐏𝐈𝐒𝐓𝐀𝐍𝐆 𝐌𝐀𝐘𝐎 𝟐𝟎𝟐𝟔!

Sa nalalapit na pagdiriwang ng ika-139 na kapistahan ng Nuestra Señora dela Paz y Buen Viaje - Pantihan 3, sama-sama tayong maglakbay sa diwa ng ating tema: “Panahon ng Pakikinig at Pagsunod sa Landas na Binigay ni Maria patungo kay Hesus.”

Sa buwang ito ng Mayo, inaanyayahan ang bawat isa na makiisa at makibahagi sa mga gawain at selebrasyon—isang paanyaya upang higit pang mapalalim ang ating pananampalataya at mapagyaman ang ating debosyon sa Mahal na Birhen. Nawa’y sa ating pakikiisa, mas maging buhay ang ating pananampalataya at mas mapalapit tayo kay Hesus sa pamamagitan ng Kanyang Ina.

𝗩𝗶𝗿𝗴𝗲𝗻 𝗠𝗮𝗿𝗶𝗮 𝗗𝗲𝗹𝗮 𝗣𝗮𝘇, 𝗜𝗽𝗮𝗻𝗮𝗹𝗮𝗻𝗴𝗶𝗻 𝗺𝗼 𝗸𝗮𝗺𝗶!

𝘝𝘪𝘷𝘢 𝘭𝘢 𝘉𝘪𝘳𝘩𝘦𝘯!
𝘝𝘪𝘷𝘢 𝘕𝘶𝘦𝘴𝘵𝘳𝘢 𝘚𝘦𝘯̃𝘰𝘳𝘢 𝘋𝘦𝘭𝘢 𝘗𝘢𝘻 𝘺 𝘉𝘶𝘦𝘯 𝘝𝘪𝘢𝘫𝘦!

26/04/2026

Linggo ng Mabuting Pastol at Araw
ng Panalangin para sa Bokasyon

26/04/2026

[𝗕𝗔𝗡𝗔𝗟 𝗡𝗔 𝗢𝗥𝗔𝗦] Araw ng Panalangin para sa Bokasyon

26/04/2026

23/04/2026

𝐌𝐚𝐥𝐢𝐠𝐚𝐲𝐚𝐧𝐠 𝐊𝐚𝐩𝐢𝐬𝐭𝐚𝐡𝐚𝐧 𝐓𝐮𝐥𝐚𝐲 𝐁!

Sa araw na ito ng makabuluhang pagdiriwang, sama-sama nating alalahanin ang kanyang katapangan, katapatan, at matibay na pananampalataya sa Diyos. Nawa’y magsilbi siyang inspirasyon sa bawat isa sa atin upang harapin ang bawat hamon ng buhay nang may lakas ng loob, tapang ng puso, at buong pananalig sa Maykapal. Sa gitna ng ating mga pagsubok at tagumpay, patuloy nating isabuhay ang kanyang halimbawa bilang gabay sa ating pang-araw-araw na pamumuhay.

Sa pagkakaisa ng ating komunidad, ipagdiwang natin hindi lamang ang tradisyon ng kapistahan kundi ang mas malalim nitong diwa—ang pagmamahalan, pagtutulungan, at pananampalatayang nagbubuklod sa atin bilang isang pamilya. Nawa’y ang biyayang hatid ng pagdiriwang na ito ay magbigay sa atin ng bagong lakas, pag-asa, at inspirasyon upang magpatuloy nang may pusong puno ng pasasalamat at pananalig, sama-sama sa saya at biyaya sa ilalim ng patnubay ng Diyos.

22/04/2026

22/04/2026

𝐖𝐎𝐑𝐋𝐃 𝐃𝐀𝐘 𝐎𝐅 𝐏𝐑𝐀𝐘𝐄𝐑 𝐅𝐎𝐑 𝐕𝐎𝐂𝐀𝐓𝐈𝐎𝐍𝐒

Sa patuloy na panawagan ng Simbahan na magdasal para sa mga bokasyon, gaganapin sa Ang Mabuting Pastol Parish - Pala-pala, Dasmariñas ang Holy Hour for Vocations at susundan ng Banal na Misa sa pagdiriwang ng 63rd World Day of Prayer for Vocations na may temang Bokasyon: Bukas sa Misyon sa ika-26 ng Abril sa ganap na ika-2 ng hapon.

Patuloy tayong manalangin sa Panginoon ng Anihan upang magpadala ng mga manggagawa sa kanyang anihan.

21/04/2026

𝐏𝐀𝐆𝐆𝐔𝐍𝐈𝐓𝐀 𝐀𝐓 𝐏𝐀𝐆-𝐀𝐋𝐀𝐀𝐋𝐀 𝐊𝐀𝐘 𝐏𝐎𝐏𝐄 𝐅𝐑𝐀𝐍𝐂𝐈𝐒
‎
‎Ngayong araw, ginugunita natin ang unang anibersaryo ng pagpanaw ni Pope Francis. Isang pastol na nagpaalala sa atin na ang Simbahan ay para sa lahat—lalo na sa mga dukha, sa mga sugatan, at sa mga naghahanap ng pag-asa. Sa kanyang kababaang-loob at malasakit, iniwan niya ang isang pamana ng pagmamahal, awa, at pagkakaisa.
‎
‎Patuloy nating isabuhay ang kanyang mga aral sa ating pang-araw-araw na buhay. Sama-sama tayong maging ilaw at pag-asa sa isa’t isa.
‎
‎"𝘈𝘯𝘨 𝘵𝘶𝘯𝘢𝘺 𝘯𝘢 𝘱𝘢𝘯𝘢𝘯𝘢𝘮𝘱𝘢𝘭𝘢𝘵𝘢𝘺𝘢 𝘢𝘺 𝘯𝘢𝘪𝘱𝘢𝘱𝘢𝘬𝘪𝘵𝘢 𝘴𝘢 𝘱𝘢𝘨-𝘪𝘣𝘪𝘨 𝘢𝘵 𝘱𝘢𝘨𝘭𝘪𝘭𝘪𝘯𝘨𝘬𝘰𝘥"

𝗠𝗮𝗿𝗮𝗺𝗶𝗻𝗴 𝗦𝗮𝗹𝗮𝗺𝗮𝘁, 𝗣𝗼𝗽𝗲 𝗙𝗿𝗮𝗻𝗰𝗶𝘀!