PREX San Fernando de Dilao Parish - Paco, Manila

PREX San Fernando de Dilao Parish - Paco, Manila Parish Renewal Experience

PREXsayahan Grand Reunion 2026May 2, 2026 | PCS Covered CourtSharing some beautiful moments from our PREXsayahan Grand R...
13/05/2026

PREXsayahan Grand Reunion 2026
May 2, 2026 | PCS Covered Court

Sharing some beautiful moments from our PREXsayahan Grand Reunion 2026 ✨

Maraming salamat sa lahat ng PREX graduates, volunteers, mentors, donors, parish staff, at kay Rev. Fr. Sanny De Claro na nakiisa at sumuporta sa espesyal na pagtitipong ito. Dahil sa inyong presensya, pagmamahal, at patuloy na paglilingkod, naging masaya, makabuluhan, at matagumpay ang ating pagdiriwang.

Nakakatuwang makita ang muling pagsasama-sama ng iba’t ibang batches bilang isang pamilya nagkakwentuhan, nagtawanan, nagkumustahan, at muling nagkaisa sa iisang misyon.

Tunay ngang ✨ Isang Pamilya, Isang Misyon ✨

Maraming salamat, PREX family! Hanggang sa muli!🤟

Congratulations, PREX Batch 22!🎉Maraming salamat sa inyong pagtugon sa paanyaya ng Panginoon. Nawa’y patuloy kayong magi...
10/05/2026

Congratulations, PREX Batch 22!🎉

Maraming salamat sa inyong pagtugon sa paanyaya ng Panginoon.

Nawa’y patuloy kayong maging puspos ng Espiritu Santo namumuhay sa pag-ibig, pananampalataya, at pagsunod sa kalooban ng Diyos.🙏🏻

Ang tunay na pagmamahal kay Hesus ay hindi lamang nasasabi sa salita, kundi nakikita sa paraan ng ating pamumuhay, pagmamahal sa kapwa, at pagtitiwala sa Kanya araw-araw.

Dalangin namin na manatili kayong matatag sa inyong pananampalataya at maging buhay na saksi ng Kanyang pag-ibig sa mundo.

Para sa mga nagnanais ding makaranas ng ganitong biyaya,
inaanyayahan namin kayo sa susunod na PREX seminar. 🤟

📩 Para sa detalye at pagpaparehistro,
mangyaring mag-message sa aming page.

Sa tawag Niya tayo nagsimula…sa Kanya rin tayo muling magsasama. 💙🎉 PREXsayahan Grand Reunion📅 May 2, 2026📍 PCS Covered ...
25/04/2026

Sa tawag Niya tayo nagsimula…
sa Kanya rin tayo muling magsasama. 💙

🎉 PREXsayahan Grand Reunion
📅 May 2, 2026
📍 PCS Covered Court
⏰ 4:00pm-7:00pm

✨ Isang Pamilya, Isang Misyon.

See you mga Kuya at Ate!🤟

20/04/2026

Hello mga Kuya at Ate!👋

Miss niyo na ba ang sama-samang kwentuhan, tawanan, at panalangin?

Tara, magkita-kita ulit! 🎉

PREXsayahan Grand Reunion 2026
📅 May 2, 2026
📍 PCS Covered Court
⏰ 4:00pm - 7:00pm

✨ Isang Pamilya, Isang Misyon

See you!💙🤟

Feast of the Divine Mercy ✝️🤍In the simplicity of the ABC’s,we are reminded how to live in His mercy:A — Ask for His Mer...
12/04/2026

Feast of the Divine Mercy ✝️🤍

In the simplicity of the ABC’s,
we are reminded how to live in His mercy:

A — Ask for His Mercy
Come to Him as you are.

B — Be Merciful to Others
Let His love flow through you.

C — Completely Trust in Jesus
Surrender everything to Him.

Sa kabila ng ating kahinaan,
ang awa ng Diyos ay walang hanggan,
laging handang magpatawad, magpagaling,
at magbigay ng bagong simula.

Jesus, I trust in You.

— PREX Paco

Maligayang Pasko ng Pagkabuhay! 🌅✝️Hindi nagtapos sa krus ang kwento.Hindi nagtapos sa sugat.Hindi nagtapos sa luha at p...
04/04/2026

Maligayang Pasko ng Pagkabuhay! 🌅✝️

Hindi nagtapos sa krus ang kwento.
Hindi nagtapos sa sugat.
Hindi nagtapos sa luha at paghihirap.

Sapagkat si Kristo ay muling nabuhay,
at kasama ng Kanyang muling pagkabuhay
ang bagong buhay para sa ating lahat.

Kung may bahagi sa atin na pagod,
nasaktan,
nawalan ng pag-asa,
o tila matagal nang “patay”,
ito ang paalala ng Pasko ng Pagkabuhay:

May bagong simula sa Diyos.
May buhay pagkatapos ng dilim.
May pag-asa pagkatapos ng krus.

Si Hesus ang Buhay at ang Muling Pagkabuhay. 🤍

— PREX Paco

Sabado de Gloria 🕯️Ito ang araw ng katahimikan.Ang araw na tila walang sagot.Ang araw na tila wala nang natitirakundi pa...
04/04/2026

Sabado de Gloria 🕯️

Ito ang araw ng katahimikan.
Ang araw na tila walang sagot.
Ang araw na tila wala nang natitira
kundi paghihintay.

Ngunit dito rin tayo tinuturuan ng Diyos
na kahit sa katahimikan,
kahit sa dilim,
kahit sa tila kawalan,
Siya ay kumikilos.

May mga yugto sa buhay
na parang hindi natin Siya maramdaman.
Ngunit ang pananampalataya
ay nananatili kahit walang kasiguruhan.

Nawa’y matuto tayong maghintay
nang may tiwala,
sapagkat ang Diyos ay hindi natatapos sa Biyernes Santo.
May umagang darating. 🤍

— PREX Paco

Biyernes Santo ✝️Sa krus, hindi lamang paghihirapang ating nasasaksihan —kundi ang pinakadakilang anyo ng pag-ibig.Si He...
03/04/2026

Biyernes Santo ✝️

Sa krus, hindi lamang paghihirap
ang ating nasasaksihan —
kundi ang pinakadakilang anyo ng pag-ibig.

Si Hesus ay hindi lamang namatay para sa atin.
Pinili Niya tayong mahalin
hanggang dulo.

Sa bawat pako,
sa bawat sugat,
sa bawat pagbagsak sa ilalim ng krus —
may mensahe ang Diyos para sa atin:

“Mahal kita.”

Nawa’y sa araw na ito,
matutunan nating yakapin ang ating mga krus
hindi bilang sumpa,
kundi bilang daan tungo sa pag-ibig at kaligtasan. 🤍

— PREX Paco

Huwebes Santo ✝️Sa araw na ito, ipinakita ni Hesusna ang tunay na pag-ibigay hindi naghahari —ito ay nagpapakumbaba at n...
02/04/2026

Huwebes Santo ✝️

Sa araw na ito, ipinakita ni Hesus
na ang tunay na pag-ibig
ay hindi naghahari —
ito ay nagpapakumbaba at naglilingkod.

Hinugasan Niya ang paa ng Kanyang mga alagad
upang ipakita na ang pag-ibig
ay hindi nasusukat sa salita,
kundi sa handang mag-alay ng sarili.

Nawa’y matutunan nating magmahal
hindi lamang sa magagaan na sandali,
kundi lalo na sa paglilingkod,
pagpapatawad, at tahimik na pagsasakripisyo. 🤍

— PREX Paco

Mapagpalang Linggo ng Palaspas! 🌿Sa pagpasok natin sa Mahal na Araw,naaalala natin ang pagpasok ni Hesus sa Jerusalem —t...
29/03/2026

Mapagpalang Linggo ng Palaspas! 🌿

Sa pagpasok natin sa Mahal na Araw,
naaalala natin ang pagpasok ni Hesus sa Jerusalem —
tinanggap bilang Hari,
ngunit handang ialay ang Kanyang sarili
dahil sa Kanyang dakilang pag-ibig.

Nawa’y matutunan nating tularan si Hesus:
na ang bawat sakripisyo natin
ay hindi dahil sa obligasyon,
kundi dahil sa pag-ibig. 🤍

Sa bawat pagsubok at paghihirap,
alalahanin natin —
ang tunay na pag-ibig ay handang magsakripisyo.

Hosanna sa Kaitaasan!

— PREX Paco

Congratulations, PREX Batch 21! 🎉Maraming salamat sa inyong pagtugon sa paanyaya ng Panginoon. ✝️Ngayon, kayo’y muling n...
23/03/2026

Congratulations, PREX Batch 21! 🎉
Maraming salamat sa inyong pagtugon sa paanyaya ng Panginoon. ✝️

Ngayon, kayo’y muling nabuhay —
at si Hesus ay nabubuhay sa inyong mga puso.
Sapagkat Siya ang Buhay at ang Muling Pagkabuhay. 🤍

Nawa’y patuloy kayong lumakad sa pananampalataya
at maging saksi ng Kanyang pag-ibig sa mundo.

Para sa mga nagnanais ding makaranas ng ganitong biyaya,
inaanyayahan namin kayo sa PREX Batch 22
📅 May 9–10, 2026

📩 Para sa pagpaparehistro at iba pang detalye,
mangyaring makipag-ugnayan sa mga contact details
o i-scan ang QR code sa comment section.

Address

1521 Paz Street Paco
Manila
1007

Website

Alerts

Be the first to know and let us send you an email when PREX San Fernando de Dilao Parish - Paco, Manila posts news and promotions. Your email address will not be used for any other purpose, and you can unsubscribe at any time.

Shortcuts

Share

Category