https://www.facebook.com/715451225289779/

𝐈𝐬𝐥𝐚𝐦𝐢𝐜 𝐑𝐞𝐦𝐢𝐧𝐝𝐞𝐫, Davao City (2026)

25/04/2026

Maraming Celebrity na mayayaman ang nagpapakamatay o nagpapatiwakal dahil lang sa problema sa buhay o dahil sa matinding depression.

Alhamdulillah! Tayong mga Muslim ay masyadong binigyang-diin sa Atin ang paniniwala sa o pagtatakda ni Allah. Bagkus, ito'y ginawang haligi ng Ating Faith o paniniwala.

Ang lahat ng mapapait at masasakit na pagsubok ay pinaniniwalaan Natin na ang lahat ng ito ay sa pagtatakda at kapahintulutan ni Allah ayon sa kanyang karunungan (Wisdom).

At ang lahat ay pagsubok sa Atin ni Allah.

At nangako si Allah na ang sinumang tiisin nya ang mga masasakit na pagsubok na ito tulad ng matinding ay sa kanya ang malaking gantimpala, dito sa Mundo higit lalo sa kabilang buhay.

Kaya bilang mga Muslim, magaan Nating natatanggap ang mga nangyayari at malugod Nating tinatanggap dahil sa paniniwala Natin sa o pagtatakda ni Allah.

sa lahat ng itinakda ni Allah.

YA ALLAH, PAGAANIN MO PO ANG AMING PINAGDADAANAN, AT TAWFIQAN MO PA KAMI NA MAGING MAPANATAG SA AMING MGA SARILI ANG PANINIWALA SA O KAPALARAN.

Ámeen ya Rabb.

~✍Sheikh (Abu Haneen) Nasruddin Ibn Abdullah.

16/04/2026

LAHAT NG KAHIRAPAN NA NARANASAN AY MAKAKALIMUTAN SA SANDALING ISAWSAW SA PARAISO❗❗❗

👉 Sa sandaling isawsaw ang tao sa PARAISO, sila ay tatanungin:
“NAKARANAS KANABA SA BUONG BUHAY MO NG KAHIRAPAN / MATINDING PAGSUBOK? “ KANYANG SASABIHIN: “KAILANMAN HINDI“❗❗❗🌹

Ang pinaka-dukha (pinaka mahirap) na tao sa mundo na dumanas ng matinding paghihirap mula pagkasilang hanggang sa pagpanaw (halos hindi makakain ng ilang araw), Ngunit sa sandaling isawsaw (ipasok) sa Paraiso (Jannah) ay wala siyang matatandaan na kahirapan na kanyang naranasan sa buong buhay niya❗❗❗

👉Sinabi ng Mahal na Propeta (sumakanya ang kapayapaan): “Ang pinaka mahirap o dukha sa mundo ay isasawsaw (ipasok) sa Paraiso at sasabihin sa kanya: O anak ni Adan, nakakita ka na ba ng masama? nakaranas ka ba ng kahirapan?

kanyang sasabihin: Hindi!, Ako ay sumusumpa o Panginoon ko! Kailanman hindi ako nakaranas ng anumang kahirapan, Kailanman hindi ako nakaranas ng anumang matinding pighati!.”Inulat ni Imam Muslim

Kahit ang taong dumaan ng parusa sa impiyerno (naging uling) sanhi ng paggawa ng pagsuway kay Allah, Sa sandaling pagpasok niya sa Paraiso (kapag siya ay napatawad) ay makakalimutan din niya ang mga parusang kanyang natamo sa impiyerno sa tindi ng kaligayan na kanyang natamo sa Paraiso❗

Note: Anumang kahirapan na natamo ng isang Muslim ay pagsubok lamang ito. Tanggapin ng buong puso dahil sa likod nito ay walang katapusang kaligayan🌹🌹🌹

👉 Gaano man kahirap ang iyong mararanasan sa buhay sa mundo ay huwag mong ibenta ang iyong dangal✌🌹

PINAGKUHANAN SA USAPIN:
حديث: "ويُؤْتَى بأَشَدِّ النَّاسِ بُؤْسًا في الدُّنْيا، مِن أهْلِ الجَنَّةِ، فيُصْبَغُ صَبْغَةً في الجَنَّةِ، فيُقالُ له: يا ابْنَ آدَمَ هلْ رَأَيْتَ بُؤْسًا قَطُّ؟ هلْ مَرَّ بكَ شِدَّةٌ قَطُّ؟ فيَقولُ: لا، واللَّهِ يا رَبِّ ما مَرَّ بي بُؤْسٌ قَطُّ، ولا رَأَيْتُ شِدَّةً قَطُّ" رواه مسلم

~✍️Sheikh Zulameen Sarento Puti

16/04/2026

[ KABILANG SA MASASAMANG IDINUDULOT NG PAGIGING SUWAIL SA MAGULANG ]

• Ang pagiging suwail at masamang pakikitungo sa mga magulang ay kabilang sa malalaking kasalanan at kasumpa-sumpang gawain.

Bagkus, ito'y kabilang sa mga kasalanan na ipapauna at ipapataw ang kaparusahan nito dito sa mundo bago pa s'ya pumanaw.

Kaya, kabilang sa MASASAMANG IDINUDULOT NG MASAMANG PAKIKITUNGO SA MAGULANG AY ANG SUMUSUNOD:

1.) Nagiging masaklap at masalimuot ang pamumuhay ng taong suwail dahil sa sya'y isinusumpa ni Allah, kaya malayo siya sa habag at awa ni Allah.

Sinabi ng Mahal na Propeta (sallallahu alayhi wasallam):

لعن الله من لعن الوالدين

"isinusumpa ni Allah ang sinumang nasusuklam sa mga magulang."

2.) Walang Barakah ang pamumuhay ng taong suwail sa magulang.

Kaya, kahit anong yaman at karangyaan ang meron sya ay hindi nagdudulot ng kabutihan sa kanya.

3.) P**t at galit ni Allah sa taong masama at nasusuklam sa mga magulang.

Sinabi ng Mahal na Propeta (sallallahu alayhi wasallam):

{رِضى اللَّهِ في رِضى الوالِدَينِ ، وسَخَطُ اللَّهِ في سَخَطِ الوالدينِ}

"Ang kaluguran ni Allah ay nasa kaluguran ng mga magulang, at ang pagkapoot ni Allah ay nasa pagkapoot ng mga magulang."

4.) Nawawala ang dangal at karangalan ng taong suwail sa magulang sa pangingin ng mga tao; kaya sinumang kanyang kinasusuklaman ang kanyang magulang ay hindi sya nirerespeto ng mga tao bilang parusa sa kanya ni Allah.

5.) Anumang pakikitungo mo sa iyong magulang ay ganun din ang magiging pakikitungo sa'yo ng iyong mga anak kapag ika'y naging magulang.

كما تدين تدان

Kaya, kung masama ka sa iyong magulang ay ganun din ang iyong mga Anak. At ito'y nangyayari na ating mismong nasasaksihan bilang kaparusahan ni Allah sa taong suwail sa magulang.

6.) Higit sa lahat; ipagkakait sa kanya ang Paraiso.

Sinabi ng Mahal na Propeta (sallallahu alayhi wasallam):

"Tatlong uri ng tao na hidi makakapasok sa Paraiso, (at nabanggit nya mula rito): Ang Anak na suwail sa magulang."

👉 LAGI MONG TANDAAN:

Kahit ano pang pagsasakripisyo mo para sa makamundong bagay, at kahit ano pang karangyaan ang iyong nakamtan, Ito'y walang saysay at halaga sa paningin ni Allah kung ang iyong magulang lalo na ang iyong Ina ay may sama ng loob sa'yo.

Kaya, higit mong mahalin ang iyong magulang lalo na ang iyong Ina, Bago pa sila mawala sa piling mo.

BIYAYAAN NAWA TAYO NI ALLAH NG MAGANDANG PAG-UUGALI AT PAKIKITUNGO SA ATING MGA MAGULANG.

Ámeen ya Rabb

~✍ Sheikh Abu Haneen Ibn Abdullah

15/04/2026

Dati, akala ko kapag palagi akong available, mas pahahalagahan ako ng mga tao.
Kaya palagi akong present.
Mabilis akong mag-reply.
Oo ako nang oo… kahit pagod na ako, kahit may kailangan akong unahin sa sarili ko.

Pero may mali pala sa akin.
Habang mas pinapadali kong lapitan ako…
mas lalo akong nagiging madaling balewalain.

Doon ko napagtanto ang isang tahimik ngunit mabigat na katotohanan.
Hindi ka nirerespeto ng tao dahil lagi kang nandiyan…
Nirerespeto ka nila kapag may “value-halaga” ka.

At ang value na iyon, hindi nasusukat sa pera.
Ito ay makikita sa paraan ng pagdadala mo sa sarili mo
sa oras mo, sa lakas mo, at sa standards na pinaninindigan mo.

Kapag lagi kang nandiyan, iniisip ng tao na lagi ka ring nandiyan.
Walang effort.
Walang pagpapahalaga.
Walang takot na mawala ka.

Pero kapag natutunan mong piliin ang sarili mo
Kapag ang pag “yes” mo ay hindi na basta-basta…
At ang pag “no” mo ay may timbang at paninindigan…
Kapag inuna mo ang paglago mo kaysa sa paghahanap ng atensyon…

May magbabago.

Mapapansin nila ang pagkawala mo.
Mararamdaman nila ang presensya mo sa ibang paraan.
Igagalang nila ang mga bagay na dati nilang binabalewala.

Hindi ito tungkol sa pagiging mayabang o malamig.
Ito ay tungkol sa pag-unawa sa tunay mong halaga.

Hindi ka nilikha para maging available sa lahat ng tao.
Nilikha ka para maging mahalaga sa tamang lugar…
at sa tamang mga tao.

Ingatan mo ang oras mo.
Bantayan mo ang lakas mo.
I-build mo ang sarili mo hanggang sa ang presensya mo ay maging pribilehiyo… hindi obligasyon.

At doon mo makikita
mag-iiba ang pakikitungo ng mundo sa’yo.

Sinabi ng Allah:
﴿وَلَا تُطِعْ مَنْ أَغْفَلْنَا قَلْبَهُ عَن ذِكْرِنَا وَاتَّبَعَ هَوَاهُ وَكَانَ أَمْرُهُ فُرُطًا﴾
(سورة الكهف: 28)

“At huwag mong sundin ang sinumang pinabayaang maging pabaya ang kanyang puso sa pag-alaala sa Amin at sumunod sa kanyang pagnanasa, at ang kanyang gawain ay lagpas sa hangganan.”

Kaya hindi lahat ng tao ay karapat-dapat sa oras at atensyon mo. May mga tao na kapag lagi mong pinagbigyan, lalo ka lang malalayo sa tama. Kaya piliin mo kung kanino mo ibibigay ang sarili mo, ito ay bahagi ng hikmah o karunungan at pagprotekta sa iyong pananampalataya at pagkatao.

Sinabi ni Propeta Mohammed ﷺ
«احرص على ما ينفعك، واستعن بالله ولا تعجز»
(رواه مسلم)

“Pangalagaan mo kung ano ang kapaki-pakinabang sa iyo, humingi ka ng tulong sa Allah, at huwag kang maging mahina.”

Ang isang Muslim ay hindi dapat basta-basta nag-aaksaya ng oras at enerhiya sa mga bagay o tao na walang pakinabang. May direksyon siya. May limitasyon siya. At marunong siyang pumili kung saan niya ilalagay ang sarili niya.

Sa Qa‘idah sa Uṣūl al-Fiqh sabi dito:
"درء المفاسد مقدم على جلب المصالح"
“Ang pag-iwas sa kapahamakan ay inuuna kaysa sa pagkuha ng kapakinabangan.”

Kaya't kung ang pagiging laging available ay nagdudulot ng pagbalewala sa’yo, pagkapagod, o pagkalayo sa mas mahalagang bagay (tulad ng ‘ibādah, self-respect, at personal growth), mas dapat mo itong iwasan kaysa pilitin ang sarili mong “maging mabait” sa paraang nakakasama na sa’yo.

~✍️𝙆𝙝𝙖𝙡𝙚𝙚𝙡

13/04/2026

Mag-ingat po tayo mga kapatid sa ganitong uri na mangangaral sa Islam

Pangilagaan ng bawat isa ang ganitong uri ng gawain, dahil ito ay Shirkul Akbar

Ang Shirk ay walang katumbas na kasalanan, sinabi ni Allâh (Subhânahu wa ta’âlâ): ﴾Katiyakan na si Allâh ay hindi Niya ipapatawad ang itambal Siya, at ipapatawad niya ang iba doon (iba sa Shirk) sa sinumang naisin Niya, at sinuman ang itambal niya si Allah ay tunay na naligaw nang pagkaligaw na malayo.﴿ Qur’an 4:116

قَالَ تَعَالٰى : ﴿ إِنَّ اللهَ لَا يَغْفِرُ أَنْ يُشْرَكَ بِهِ وَيَغْفِرُ مَا دُونَ ذَلِكَ لِمَنْ يَشَاءُ وَمَنْ يُشْرِكْ بِاللهِ فَقَدْ ضَلَّ ضَلَالًا بَعِيدًا ﴾ سورة النساء ، رقم الآية : ١١٦

Kanya pang sinabi: ﴾Katiyakan na sinuman ang itambal niya si Allâh ay tunay na ipinagbawal sa kanya ni Allâh ang Paraiso, at ang patutunguhan niya ay ang Apoy (ng Empiyerno).﴿ Qur’an 5:72

قَالَ تَعَالٰى : ﴿ إِنَّهُ مَنْ يُشْرِكْ بِاللهِ فَقَدْ حَرَّمَ اللهُ عَلَيْهِ الجَنَّةَ وَمَأْوَاهُ النَّارُ ﴾ سورة المائدة ، رقم الآية : ٧٢

Sinabi ni Abdullah Bin Mas’uod (kalugdan nawa sya ng Allah), sinabi ng Sugo ng Allâh ﷺ: ‪❝‬Sinuman ang namatay habang nananalangin/nananawagan bukod pa sa Allâh bilang kapantay nito papasok sa Impiyerno.❞ Bukhari

قال عبد الله بن مسعود رضي الله عنه ، قال رسول الله ﷺ : ❞ من مات وهو يدعو من دون الله ندًّا دخل النار ‪❝‬ البخاري في صحيحه

• Ang ganitong uri ng gawain ay Shirkul Akbar (malaking pagtatambal) at walang pagtatalo ang mga salaf (scholars) ng Islam sa bagay na ito!

• Maglalabas sa isang gumagawa nito sa pananampalatayang Islam. Sinuman ang namatay sa gawaing ito mananatili sa Impiyernong apoy.

Sinabi ng Sugo ng Allâh ﷺ: ‪❝‬Kapag ikaw ay humiling ng isang bagay, humiling ka sa Allâh at kapag ikaw ay humingi ng tulong, humingi ka ng tulong sa Allâh.❞ At-Tirmidhie

قال رسول الله ﷺ : ❞ إذا سألت فاسأل الله ، وإذا استعنت فاستعن بالله ‪❝‬ الترمذي

• Kung ang paghingi ng tulong kay Propeta Muhammad ﷺ noong siya ay buhay pa, ay depende sa ihihingi kung may kakayanan ba sya o wala.

• At kung ang paghingi ng tulong kay Propeta Muhammad ﷺ noong sya ay namatay na ay hindi pinahihintulutan sapagkat ito ay pagtatambal sa Allâh. Sakabila ng kanyang kadakilaan na pinatawad na sa kanya ni Allah ang mga nauna at huli nyang kasalanan... Papano nalang kaya ang paghingi ng tulong sa iba na walang kakayanan sa bagay na iyon at lalo na sa isang patay?, malinaw na ito ay kaligawan, at malaking pagtatambal sa Allâh.

Hindi pinahihintulutan ang paglalakbay ng may layong pagsamba maliban sa tatlong lugar na nabanggit ng Mahal na Propeta Muhammad ﷺ.

Sinabi ng Sugo ng Allâh ﷺ: ‪❝‬Hindi pinahihintulutan ang paglalakbay ng may layong pagsamba maliban sa tatlong masjid (mosque): Masjid Al-Haram (Makkah), Masjid An-Nabawi (Madinah) at Masjid Al-Aqsa (Palestine).❞ Bukhari at Muslim

قال رسول الله ﷺ : ❞ لا تُشَدُّ الرِّحالُ إلا إلى ثلاثةِ مساجد : المسجد الحرام ، ومسجدي هذا ، والمسجد الأقصى ‪❝‬ البخاري ومسلم

Sinabi ni Imam Malik (rahimahullâh): ‪❝‬Sinuman ang gumawa ng isang makabagong gawain sa Islam at nakikita nya na ito ay mabuti/mainam, para nyang kini-claim na hindi naiparating ng Mahal na Propeta Muhammad ﷺ ang Mensahe ng islam. Sapagkat binanggit mismo ng Allâh: At sa araw na ito ay ginawa kong ganap para sa inyo ang Islam bilang inyong relehiyon. Al-Mâidah: 3. Ang hindi naging bahagi ng relihiyong Islam noon ay hindi itinuturing bahagi ng Islam ngayon.❞ Al-‘E’tisâm, Li Ash-Shâtibie (1/64)

قال الإمام مالك رحمه الله : ❞ من ابتدع في الإسلام بدعة يراها حسنة ، فقد زعم أن محمدًا ﷺ خان الرسالة ؛ لأن الله يقول : اليوم أكملت لكم دينكم ، وأتممت عليكم نعمتي ورضيت لكم الإسلام دينا [ المائدة ، ٣ ] ، فما لم يكن يومئذ دينا ، فلا يكون اليوم دينا ‪❝‬ الاعتصام للشاطبي ( ١ / ٦٤ )

Sinabi ng Sugo ng Allâh ﷺ: ‪❝‬Ang sinuman ang gumawa ng pagbabago dito sa ating kalagayan (Islam) na ito ay hindi nagmula sa (Islam), ito ay hindi tatanggapin.‪❞‬ Muslim 2/821: Hadeeth Bilang: 1718

قَالَ رَسُوْلُ اللّٰهِ ﷺ : ‪❞‬ من أحدث في أمرنا هذا ما ليس منه فهو رد ‪❝‬ رواه مسلم

Sinabi ng Sugo ng Allâh ﷺ: ❝‬Mag-ingat kayo sa mga pagbabago/bagong gawain (sa relihiyon); sapagka’t katotohanan na ang bawat pagbabagong ito (sa relihiyon) ay pagkaligaw.‪❞‬ Abu Dawuod

قَالَ رَسُوْلُ اللّٰهِ ﷺ : ‪❞‬ إِيَّاكُمْ وَمُحْدَثَاتِ الأُمُورِ فَإِنَّ كُلَّ مُحْدَثَةٍ بِدْعَةٌ وَكُلَّ بِدْعَةٍ ضَلالَةٌ ‪❝‬ رواه أبو داود

Sinabi ng Sugo ng Allâh ﷺ: ‪❝‬Sinuman ang magsagawa ng gawaing pagsamba na hindi nababatay (sa relihiyon na ipinahayag at isinabuhay ng Propeta ﷺ, kung gayon, ito ay hindi tatanggapin mula sa kanya.‪❞‬ Bukhari at Muslim

قَالَ رَسُوْلُ اللّٰهِ ﷺ : ‪❞‬ مَنْ عَمِلَ عَمَلًا لَيْسَ عَلَيْهِ أَمْرُنَا فَهُوَ رَد ‪❝‬ رواه البخاري ومسلم

Sabi ni Sufyân Ath-Thawree (kahabagan nawa siya ng Allâh): ❝Ang gawaing BID’AH ay mas nagugustuhan (kaibig-ibig) at mahal ni IBLEES (Satanas) kaysa sa gawaing MASAMA. Ang gawaing MASAMA pwede at may pagkakataon ang gumawa nito para magsisi at magbalik-loob (sa Allâh), ngunit ang gawaing BID’AH walang pagkakataon ang gumagawa nito para magsisi at magbalik-loob (sa Allâh).❞ Talbeesu Iblees (P.13)

قال سفيان الثوري : ❞ البدعة أحب إلى إبليس من المعصية , المعصية يتاب منها والبدعة لا يتاب منها ❝ تلبيس الإبليس ، ص : ١٣

Pagtibayin nawa tayo ng Allâh sa Matuwid na Landas na tinahak ng Mahal na Propeta Muhammad ﷺ at ng kanyang mga Sahâbah (ridwanullâhi ‘alayhim ajma’een) at ng Salaful Ummah.

____________________
~✍️Ust.MohammedAveroun (FaceBook | X | Instagram | YouTube | SnapChat | Google)

13/04/2026

Nawa'y ihiwalay tayo ng Allah sa sinumang nagpopoot sa atin nang palihim ngunit nagpapanggap na mahal tayo

اللهم آمين
~✍️ctto

13/04/2026

“Ang mga nagsasabi na ang alitan sa pagitan natin at ng mga Shi‘a ay katulad lamang ng pagkakaiba sa pagitan ng apat na madhhab—ang mga ito ay mga manlilinlang at mga taksil na nililinlang ang mga Muslim. Dahil sa ganitong pagluluwag (o pagpapalabnaw), maraming mula sa Ahlus-Sunnah ang napunta sa panig ng mga Rafidah.”

العلامة ربيع المدخلي رحمه الله
المجموع ٤٤٩/١٤

11/04/2026

UGALIING MAGHINALA NG MABUTI SA KAPWA KAHIMA'T SA TINGIN MO AY DI MAGANDA❗❗❗

👉 Marami tayong nagagawang mainam ngunit sa paningin ng iba ay di maganda dahil nauuna na ang masamang panghihinala👍

Halimbawa nito ay:
1- may na-seen na message ngunit nakalimutang magreply

2- Nagkawanggawa ng hayag at hinatulan na ito ng pakitang tao.

3- Nagsuot lang ng maganda ay sinabihan na ng mayabang

4- Kapag di nakadalo sa kanyang imbitasyon ay sasabihin ang: hindi tayo mahalaga etc...

👉👉Kabilang sa pagpapatibay ng mabuting samahan ng magkakaibigan, kapatiran o sa pagitan ng mag asawa ay pagkaroon ng mabuting hinala sa isa't isa

Kung may narinig ka sa iyong kapwa na salita o nakitang gawain na sa tingin mo ay negative ngunit nakitaan mo naman ng mabuting palagay ay ilagay mo ito sa mabuting palagay at huwag sa negatibong paningin

Sinabi ni Umar: "Huwag akalain ang anumang lumabas mula sa iyong kapatid na Muslim na isang masama habang nakikita mo o makatatagpo para rito sa kanya ng isang mabuting palagay”

👉 Siinabi ng Mahal na Propeta: "Iwasan ninyo ang paghihinala, Sapagkat tunay na ang paghihinala ang pinakasinungaling na pag-uusap (ito ay masama at karamihan dito ay pawang kasinungalingan)" Iniulat ni Bukhari at Muslim

PINAGKUHANAN SA USAPIN:

حديث: "إِيَّاكُمْ وَالظَّنَّ فَإِنَّ الظَّنَّ أَكْذَبُ الْحَدِيثِ"

قال عمر: "لا تظن بكلمة خرجت من أخيك المؤمن شرًّا، وأنت تجد لها في الخير محملاً"

~✍️Sheikh Zulameen Sarento Puti

09/04/2026

Kung totoong may concern pakialam sila iran sa amin mga Palestino sana hindi sila pumayag ng ceasefire kapag di kasama sa condition nila na umalis ang mga Zionista sa GaZa at West bank Palestin.
At itigil ang pag patay sa pamilya namin doon araw araw.

Pang ilan beses na gera na nila ito pero di nila sinama ang deal na ito.

Tapos ung mga uto uto na sawsaw walang alam sa history. Ginagamit kami Palestino para lang maging idol nila ang iran.

Tama na pag gamit samin puno na kami ng problema at kahirapan sa buhay.

Habang ginagago nga ako ng iba sa comments di nila alam mga oras na un kachat ko pamilya namin naghihirap sa GaZa at problemado kami pano ipadala mga sadaqa sa kanila. Tapos itong mga jahil na concern daw kuno sa amin mga Palestino pero ang totoong gusto nila is maging ahlul bidaa kami maging mushrik kami kagaya ng idol nila na sumasamba kay Ali at husain

Naway gabayan ng Allah ang kamangmangan mo.

~✍️Ust.Ibrahim Al-Kaisy

07/04/2026

"Ang plano ng Allah (ﷻ) para sayo ay higit na mas mainam kaysa iyong mga plano kaya panatilihin mo ang pagtitiwala at sabr.
Magiging alhamdulillah din🤲🏻

06/04/2026

HUWAG LUMAPIT SA MASJID ANG MAY PUTOK ❗❗❗

👉 Hindi kanais-nais sa isang tao na may amoy na lumapit sa Masjid o saan may pinagtitipon, Dhikr, Ibadah etc..❗

Kaya ito ipinagbawal dahil nakakawala ng fucos sa Salah, napipinsala ang mga anghel, tao at nakakapigil-hininga narin😅✌

👉 Sinabi ng Mahal na Propeta: "Sinumang kumain ng masangsang amoy mula sa halamang ito (bawang) ay hindi dapat lumapit (pumunta) sa Masjid, Katunayan ang mga Anghel ay napipinsala sa mga bagay na ikakapinsala ng mga tao.” Iniulat nila Imam Albukhari at Musim

Kinamumuhian ng mga anghel ang anumang kinamumuhian ng tao❗

👉Ayon sa salaysay ni Umar Bin Khattab: “Sinuman ang nais kumain nito (bawang) ay tatangalin niya ang amoy nito sa pamamagitan ng pagluto”

Sakop nito may mabahong bibig, kili-kili, paa, mabahong hininga sanhi ng paninigariliyo o may putok❌

Gayundin ang may mabahong damit, medyas etc..❌

👉Sinabi ni Shaikh Bin Bazz:
“Ang lahat ng may hindi kanais-nais na amoy ay magkapareho rin ng hatol sa bawang at sibuyas katulad ng naninigarilyo, may amoy sa kili-kili etc. na nakapinsala sa kanyang katabi ay kinamumuhian na mag-Salah (dasal) ng Jamaah hangga’t ito ay kaniyang malinis at ang matanggal ang nasabing amoy!!”
Mula sa Aklat na Majmoo Fatawa Bin Bazz v12/ p83

Kaya sinumang nais magdasal sa Masjid o dumalo sa isang pagtitipon ay sikapin niyang maging malinis at kaakit-akit ang amoy sa pamamagitan ng pagligo, pagpabango (sa mga kalalakihan) at pagsuot ng mabango at malinis na damit!!!

Ang wisdom (magandang aral) sa pagiging malinis at mabango bago tumungo sa Masjid ay upang hindi makapinsala sa konsentrasyon ng taong nagdarasal na kanyang katabi❗❗❗

Paalaala:

♦️ Sila na namamahinga o natutulog sa loob ng masjid, sikaping linisin ang lugar na kanyang tinulugan at tanggalin ang pawis o laway na naiwan dito upang hindi mapinsala ang mga taong nagdarasal sa amoy nito

♦️ Gayundin sila na kumakain sa loob ng masjid ay pagkatapos nilang kumain ay sikaping maging malinis ang lugar na pinagkainan sa masjid at lagyan ito ng pabango upang hindi rin mapinsala ang mga taong nagdarasal!!

PINAGKUHANAN SA USAPIN:

حديث: (من أكل من هذه الشجرة المنتنة فلا يقربن مسجدنا، فإن الملائكة تتأذى مما يتأذى منه الإنس) رواه البخاري برقم (5452)، ومسلم برقم (564)
-قال عمر بن الخطاب - رضي الله عنه -: (فمن أكلهما فليمتهما طبخاً) (3) أخرجه مسلم برقم (567)
-قال الشيخ ابن باز: “وكل ما له رائحة كريهة حكمه حكم الثوم والبصل كشارب الدخان ومن له رائحة في إبطيه أو غيرهما يؤذي جليسه فإنه يكره له أن يصلي مع الجماعة، وينهى عن ذلك حتى يستعمل ما يزيل هذه الرائحة. (مجموع فتاوى ومقالات الشيخ ابن باز 12/83)

~✍️Sheikh Zulameen Sarento Puti

𝐈𝐬𝐥𝐚𝐦𝐢𝐜 𝐑𝐞𝐦𝐢𝐧𝐝𝐞𝐫

25/04/2026

16/04/2026

16/04/2026

15/04/2026

13/04/2026

13/04/2026

13/04/2026

11/04/2026

09/04/2026

07/04/2026

06/04/2026

Address

Website

Alerts

Contact The Place Of Worship

Shortcuts

Share

Category