31/08/2026
PANALANGIN SA ARAW-ARAW SA MAHAL NA P**N NG SANTO SEPULCRO
Hari ng Paco, Maynila
Tinanggap namin ang Iyong Katawan na napako para sa amin. Ininom naming ang Iyong Banal na dugo na dumaloy para sa amin. Ang katawan Mo nawa ang aming maging kaligtasan at ang Iyong dugo ang magpatawad sa aming mga kasalanan. Nang dahil sa amin, uminom Ka ng Alak, mapalitan nawa ang aming kahinaan ng lakas. Nang dahil sa amin tinampal ka ng mga tampalasan, ang hamog nawa ng Iyong kagandahang-loob; ay bumaba sa amin. Nang dahil sa amin, Ikaw ay hinampas at pinahirapan, makatagpo nawa kami ng kanlungan sa katapusan. Tinaggap Mo ang koronang tinik, kami nawa na nagmamahal sa Iyo ay makoronahan ng mga bulaklak, ang Iyong nawang ‘di masupil na kapangyarihan ang bumalot sa amin. Dahil sa bagong puntod at libingan, matanggap nawa namin ang pagbabago ng kaluluwa at katawan. Dahil sa ikaw ay nabuhay na muli, madala mo nawa kami sa bagong buhay at makaharap sa Iyo at mahatulan nang makatarungan.
AMEN.
