Soledad Parish Youth Ministry

03/09/2026

𝐌𝐔𝐒𝐈𝐊𝐀 𝐀𝐓 𝐈𝐍𝐃𝐀𝐊: 𝐀 𝐒𝐎𝐋𝐄𝐃𝐀𝐃 𝐁𝐄𝐍𝐄𝐅𝐈𝐓 𝐂𝐎𝐍𝐂𝐄𝐑𝐓 🎶

𝗜𝘀𝗮𝗻𝗴 𝗴𝗮𝗯𝗶 𝗻𝗴 𝗺𝘂𝘀𝗶𝗸𝗮, 𝘁𝗮𝗹𝗲𝗻𝘁𝗼, 𝗮𝘁 𝗽𝗮𝗴𝗸𝗮𝗸𝗮𝗶𝘀𝗮 𝗽𝗮𝗿𝗮 𝘀𝗮 𝗮𝘁𝗶𝗻𝗴 𝘀𝗶𝗺𝗯𝗮𝗵𝗮𝗻. ⛪

Ngayong 𝐒𝐞𝐩𝐭𝐞𝐦𝐛𝐞𝐫 𝟐𝟕, 𝟐𝟎𝟐𝟔, samahan ninyo kami sa isang espesyal na gabi ng musika, talento, at pananampalataya sa MUSIKA AT INDAK: A Soledad Benefit Concert. 🎶💃🏽

Tampok ang mga natatanging orchestra mula Pilipinas at Japan para sa isang gabing puno ng magagandang himig at pagtatanghal.

Ang MUSIKA AT INDAK ay isang Soledad Benefit Concert na layuning makatulong sa pagpapatayo at pagsasaayos ng ating simbahan—isang lugar kung saan patuloy nating maipagdiriwang ang ating pananampalataya at sama-samang paglilingkod bilang isang komunidad.

Kaya tara, sama-sama nating tangkilikin ang musika, suportahan ang ating kabataan, at maging bahagi ng isang makabuluhang gabi para sa ating A Soledad Benefit Concert. 💙

🎻 FEATURING:
•ᴡᴏʀʟᴅꜱʜɪᴘ ᴏʀᴄʜᴇꜱᴛʀᴀ – ᴊᴀᴘᴀɴ
•ᴍᴀɴɪʟᴀ ꜱʏᴍᴘʜᴏɴʏ ᴏʀᴄʜᴇꜱᴛʀᴀ
•ᴍᴀɴɪʟᴀ ꜱʏᴍᴘʜᴏɴʏ ᴊᴜɴɪᴏʀ ᴏʀᴄʜᴇꜱᴛʀᴀ
•ꜱᴀɴ ᴘᴀʙʟᴏ ᴀᴘᴏꜱᴛᴏʟ ᴘᴀʀɪꜱʜ ᴄʜᴀᴍʙᴇʀ ᴏʀᴄʜᴇꜱᴛʀᴀ – ᴛᴏɴᴅᴏ

📅 𝐒𝐞𝐩𝐭𝐞𝐦𝐛𝐞𝐫 𝟐𝟕, 𝟐𝟎𝟐𝟔 | 𝗦𝘂𝗻𝗱𝗮𝘆
🕔 𝗚𝗮𝘁𝗲𝘀 𝗢𝗽𝗲𝗻 𝗮𝘁 𝟓:𝟎𝟎 𝗣𝗠
📍 𝗣𝗲𝗱𝗿𝗼 𝗚𝘂𝗲𝘃𝗮𝗿𝗿𝗮 𝗘𝗹𝗲𝗺𝗲𝗻𝘁𝗮𝗿𝘆 𝗦𝗰𝗵𝗼𝗼𝗹 𝗚𝘆𝗺𝗻𝗮𝘀𝗶𝘂𝗺

🎟️ 𝐅𝐑𝐄𝐄 𝐀𝐃𝐌𝐈𝐒𝐒𝐈𝐎𝐍 • 𝐎𝐏𝐄𝐍 𝐓𝐎 𝐀𝐋𝐋
Kita-kits mga Ka-soledad at Solmates! 💙
Soledad Parish Youth Ministry

26/08/2026

👀👀👀

May sapatos ka na?
May energy ka na?
Kumpleto na ba ang tropa?

Kasi baka kailangan mo sila… very soon.

Something exciting is coming this September.

Are you ready?

24/08/2026

🌟 SANTONG SIMULA 🌟

Isang panibagong linggo, isang panibagong pagkakataon upang mas makilala ang ating mga banal at matuto mula sa kanilang buhay, pananampalataya, at halimbawa ng paglilingkod kay Kristo.

Ngayong Santong Simula, ipinagdiriwang natin ang kapistahan ni Apostol San Bartolome, isa sa Labindalawang Apostol ni Hesus na kilala rin sa pangalang Natanael. Sa kanyang buhay, makikita natin ang isang alagad na tapat, matapang, at buong pusong tumugon sa tawag ni Kristo.

Itinuturo sa atin ni San Bartolome na hindi masama ang magtanong at maghanap ng katotohanan. Ang mahalaga ay magkaroon tayo ng pusong bukas upang makilala si Kristo at hayaan Siyang baguhin ang ating buhay.

Sa kanyang pagiging apostol, naglakbay si San Bartolome upang ipahayag ang Mabuting Balita sa iba't ibang lugar. Sa kabila ng mga panganib, pagtutol, at pagsubok, nanatili siyang tapat sa kanyang misyon. Sa huli, ibinigay niya ang kanyang buhay bilang saksi sa kanyang pananampalataya kay Kristo.

Bilang mga kabataan, marami rin tayong pagkakataong maging mga apostol sa ating panahon. Hindi man tayo naglalakbay sa malalayong lugar upang mangaral, maaari nating ipakita ang ating pananampalataya sa pamamagitan ng pagiging tapat, mabuting kaibigan, mapagpakumbaba, at handang tumulong sa nangangailangan.

Minsan, sapat nang maging mabuting halimbawa sa ating pamilya, paaralan, trabaho, komunidad, at mga kaibigan. Sa maliliit na paraan, maaari nating dalhin si Kristo sa mga taong nakapaligid sa atin.

❤️ Challenge for Today:

Ngayong araw, subukan nating maging isang “San Bartolome” sa ating sariling paraan.

Maghanap ng isang pagkakataon upang maipakita ang iyong pananampalataya sa pamamagitan ng isang mabuting gawa—tumulong sa nangangailangan, magbigay ng oras sa isang taong nangangailangan ng kausap, magpatawad, magsabi ng katotohanan nang may pagmamahal, o simpleng maging mabuting halimbawa sa iba.

Bago matapos ang araw, maglaan ng ilang minuto upang manalangin:

“Panginoong Hesus, turuan Mo akong maging tapat na alagad tulad ni San Bartolome. Bigyan Mo ako ng tapang na ipahayag ang aking pananampalataya, kababaang-loob na maglingkod, at pusong handang sumunod sa Iyong kalooban.” ✝️

Nawa'y turuan tayo ni San Bartolome na maging matapang sa pananampalataya, tapat sa ating bokasyon, at masigasig sa pagbabahagi ng pagmamahal ni Kristo.

Apostol San Bartolome, ipanalangin mo kami.

Nawa'y magkaroon kami ng pusong katulad ng sa iyo—isang pusong handang makilala si Kristo, sumunod sa Kanya, at maging saksi ng Kanyang Mabuting Balita saan man kami naroroon. 🤍

23/08/2026

𝗗𝗔𝗟𝗔𝗪 𝗦𝗢𝗟𝗘𝗗𝗔𝗗 | 𝗪𝗘𝗘𝗞 𝟯 | 𝗣𝗔𝗥𝗨𝗡𝗚𝗔𝗢 𝗙𝗔𝗠𝗜𝗟𝗬

Maraming salamat po sa 𝗣𝗔𝗥𝗨𝗡𝗚𝗔𝗢 𝗙𝗔𝗠𝗜𝗟𝗬 sa mainit na pagtanggap sa ating pinakamamahal na Inang Soledad sa unang linggo ng Dalaw Soledad. 🤍

Nawa'y patuloy na pagpalain ng Panginoon ang inyong buong pamilya at manatiling tahanan ng pananampalataya, pag-asa, at pagmamahalan. Salamat po sa pagbubukas ng inyong tahanan at puso para sa ating Mahal na Ina.

Nuestra Señora De La Soledad, ipanalangin mo kami.

18/08/2026

HAPPY BIRTHDAY, James Tom!!! 🎂🎈

Maraming salamat sa iyong oras, suporta, at pakikiisa sa mga gawain ng ating ministry. Nawa’y patuloy kang maging instrumento ng Diyos sa paglilingkod at maging inspirasyon sa kapwa kabataan. 🙏🏻

Dalangin namin ang iyong good health, happiness, wisdom, at maraming blessings sa iyong buhay. May God and Inay continue to guide and bless you in all your endeavors! 🤍

Happy Birthday, James! Enjoy your special day! 🥳🎂

-From your SPYM Family! 💙

17/08/2026

🌟 SANTONG SIMULA 🌟

Isang panibagong linggo, isang panibagong pagkakataon upang mas makilala ang ating mga banal at matuto mula sa kanilang buhay, pananampalataya, at halimbawa ng paglilingkod kay Kristo.

Ngayong Santong Simula, ipinagdiriwang natin ang kapistahan ni Santa Clara ng Montefalco, isang Augustinian religious na buong pusong nag-alay ng kanyang buhay sa Diyos at nagkaroon ng malalim na debosyon sa Pasyon at Krus ni Kristo.

Mula pa sa murang edad, pinili ni Santa Clara ang buhay ng panalangin, pagsasakripisyo, at paglilingkod. Sa kabila ng mga pagsubok, nanatili siyang matatag sa kanyang pagmamahal kay Kristo. Ang kanyang buhay ay naging patotoo na ang tunay na kabanalan ay hindi nasusukat sa mga bagay na nakikita ng mundo, kundi sa lalim ng ating pagmamahal at katapatan sa Diyos.

Para kay Santa Clara, ang Krus ni Kristo ay hindi lamang simbolo ng pagdurusa, kundi tanda ng pinakadakilang pag-ibig ng Diyos. Sa kanyang buhay, natutuhan niyang yakapin ang mga sakripisyo at pagsubok bilang daan upang higit na mapalapit kay Kristo.

Sa panahon natin ngayon, marami rin tayong mga krus na pasan—mga pangarap na hindi pa natutupad, mga desisyong mahirap gawin, mga pagkabigo, pag-aalala, at mga panahong tila hindi natin nauunawaan ang plano ng Diyos.

Ngunit itinuturo sa atin ni Santa Clara na hindi kailangang takasan ang bawat krus. Minsan, kailangan lamang natin itong dalhin kasama si Kristo, nang may pananampalataya at pagtitiwala.

Bilang mga kabataan, nawa'y matutuhan nating manatiling tapat sa Diyos kahit hindi malinaw ang ating tatahaking landas. Sa bawat pagsubok, piliin nating manalangin. Sa bawat pagkabigo, piliin nating magtiwala. At sa bawat pagkakataong tayo ay nanghihina, alalahanin nating hindi tayo nag-iisa sapagkat kasama natin si Kristo.

💚 Challenge for Today:
Ngayong araw, maglaan ng ilang minuto upang tahimik na manalangin at ialay kay Kristo ang isang bagay na mabigat sa iyong puso. Isuko sa Kanya ang isang problema, takot, pangarap, o desisyong matagal mo nang ipinagdarasal.

Sa halip na itanong lamang na, “Lord, kailan Mo ito aalisin?”, subukan nating manalangin:

“Lord, tulungan Mo akong dalhin ito kasama Ka.” ✝️

Nawa'y turuan tayo ni Santa Clara ng Montefalco na mahalin si Kristo nang buong puso, manatiling matatag sa gitna ng mga pagsubok, at makita ang bawat krus bilang pagkakataon upang higit na lumalim ang ating pananampalataya.

Santa Clara ng Montefalco, ipanalangin mo kami.
Nawa'y matuto kaming magtiwala sa Diyos kahit hindi pa namin nakikita ang buong daan. At sa bawat krus na aming pasan, nawa'y piliin naming manatili kay Kristo. 🤍✝️

15/08/2026

𝗦𝗣𝗬𝗠 𝗞𝗨𝗠𝗨𝗦𝗧𝗔𝗛𝗔𝗡 💙

Maraming salamat sa lahat ng nakiisa sa ating SPYM Kumustahan, Solmates! 🥹💙

Salamat sa bawat isa na naglaan ng oras, nakinig, nakipagkwentuhan, at higit sa lahat, nagkaroon ng courage na mag-share ng kanilang stories, thoughts, at experiences. 🫶

Hindi man madali ang mag-open up, pero tonight, we were reminded that we don’t have to go through things alone. May nakikinig, may nakakaintindi, at may komunidad na handang sumabay sa journey mo. 🤍

Thank you for making this space safe, real, and meaningful.

Let’s keep talking. Let’s keep listening. Let’s keep growing together in faith. 🙏✨

Kita-kits ulit, SOLMATES! 💙

You matter. You belong. You are loved. 🫂

15/08/2026

𝗗𝗔𝗟𝗔𝗪 𝗦𝗢𝗟𝗘𝗗𝗔𝗗 | 𝗪𝗲𝗲𝗸 𝟮 | 𝗕𝗔𝗟𝗔𝗚𝗦𝗢 𝗙𝗔𝗠𝗜𝗟𝗬

Maraming salamat po sa 𝗕𝗔𝗟𝗔𝗚𝗦𝗢 𝗙𝗔𝗠𝗜𝗟𝗬 sa mainit na pagtanggap sa ating pinakamamahal na Inang Soledad sa unang linggo ng Dalaw Soledad. 🤍

Nawa'y patuloy na pagpalain ng Panginoon ang inyong buong pamilya at manatiling tahanan ng pananampalataya, pag-asa, at pagmamahalan. Salamat po sa pagbubukas ng inyong tahanan at puso para sa ating Mahal na Ina.

Nuestra Señora De La Soledad, ipanalangin mo kami.

10/08/2026

🌟 SANTONG SIMULA 🌟

Isang panibagong linggo, isang panibagong pagkakataon upang mas makilala ang ating mga banal at matuto mula sa kanilang buhay at halimbawa ng pananampalataya.

Ngayong Santong Simula, ipininagdiriwang ngayon ang kanyang kapistahan, sama-sama nating pagnilayan ang buhay ni San Lorenzo, Diyakono at Martir—isang tapat na lingkod ng Simbahan na nag-alay ng kanyang buhay kay Kristo at nagpakita na ang tunay na kayamanan ng Simbahan ay hindi nasusukat sa ginto o materyal na bagay, kundi sa mga taong minamahal at pinaglilingkuran nito.

Si San Lorenzo ay isa sa pitong diyakono ng Simbahan sa Roma at naglingkod bilang katuwang ni Papa Sixto II. Ipinagkatiwala sa kanya ang pangangalaga sa mga ari-arian ng Simbahan at ang pagtulong sa mga mahihirap, balo, ulila, at mga nangangailangan. Noong siya ay itinawag bago pa man bitayin, inutusan siyang dalhin ang lahat ng kayamanan ng simbahan. Dumating siya kasama ang baldado, mahirap at may karamdamang tao, at nang siya’y tanungin, sinabi nya na “Ito ang lahat ng kayamanan ng Simbahan”. Dali-daling siyang dinala sa kanyang kamatayan sa pamamagitan ng pag-ihaw ng buhay sa parilya.

Sa kanyang buhay, makikita natin na ang paglilingkod kay Kristo ay hindi lamang tungkol sa pagsasalita tungkol sa pananampalataya, kundi sa konkretong pagmamahal, pagkalinga, at paglilingkod sa kapwa. Hindi niya hinayaang ang kanyang tungkulin bilang diyakono ay manatiling isang titulo lamang; isinabuhay niya ito sa pamamagitan ng paglilingkod sa mga taong higit na nangangailangan.

Sa huli, nanatiling matatag si San Lorenzo sa kanyang pananampalataya kahit harapin niya ang kamatayan. Pinili niyang manatiling tapat kay Kristo hanggang sa kanyang huling sandali. Ang kanyang buhay ay paalala sa atin na ang tunay na lakas ng isang Kristiyano ay sa pananatiling tapat sa Diyos sa gitna ng pagsubok.

Nawa’y turuan tayo ni San Lorenzo na makita si Kristo sa bawat taong nangangailangan, lalo na sa mga naaapi, nag-iisa, at kapos sa buhay. Bilang mga kabataan, nawa’y matutunan nating gamitin ang ating oras, talento, lakas, at mga biyayang ipinagkaloob sa atin upang maging instrumento ng Diyos sa paglilingkod sa iba.

❤️ Challenge for Today:

Maglaan ng oras upang tumulong, makinig, magbigay, o gumawa ng isang simpleng kabutihan para sa isang taong nangangailangan. Hindi kailangang malaki ang ating gawin—sapagkat sa bawat maliit na paglilingkod na ginagawa natin nang may pagmamahal, naipapakita natin ang mukha ni Kristo sa kapwa.

San Lorenzo, Diyakono at Martir, ipanalangin mo kami upang maging matatag kami sa pananampalataya, mapagkumbaba sa paglilingkod, at bukas-palad sa mga nangangailangan. Nawa’y matutunan naming makita si Kristo sa bawat taong aming pinaglilingkuran. ❤️🙏

04/08/2026

Happy Priests' Day, Fads Danichi Hui! 🤍

Sa pagdiriwang natin ng kapistahan ni San Juan Maria Vianney, patron ng mga pari, nais naming magpasalamat sa iyong tapat na paglilingkod at sa patuloy mong paggabay sa amin tungo kay Kristo.

Maraming salamat sa iyong buong pusong "oo" sa tawag ng Diyos, sa iyong mga panalangin, paggabay, at walang sawang suporta sa amin. Salamat sa paniniwala mo sa kabataan at sa patuloy mong paglalakbay kasama namin habang mas lalo naming nakikilala at minamahal si Kristo at ang Mahal na Birheng ng Soledad.

Nawa'y patuloy kang ipanalangin at gabayan ni San Juan Maria Vianney, at pagkalooban ka ng Panginoon ng lakas, karunungan, kagalakan, at pusong hindi napapagod sa paglilingkod sa Kanyang bayan.

Maraming salamat sa iyong buhay, sa iyong ministeryo, at sa iyong presensya sa ating parokya. Tulad ng lagi mo kaming ipinapanalangin, asahan mong lagi ka ring kasama sa panalangin ng Soledad Parish Youth Ministry. God bless you always Tatay Fads! 😇

"𝙏𝙝𝙚 𝙥𝙧𝙞𝙚𝙨𝙩𝙝𝙤𝙤𝙙 𝙞𝙨 𝙩𝙝𝙚 𝙡𝙤𝙫𝙚 𝙤𝙛 𝙩𝙝𝙚 𝙃𝙚𝙖𝙧𝙩 𝙤𝙛 𝙅𝙚𝙨𝙪𝙨."
— 𝙎𝙩. 𝙅𝙤𝙝𝙣 𝙈𝙖𝙧𝙮 𝙑𝙞𝙖𝙣𝙣𝙚𝙮 🤍