Sacred Mission of Father Abraham

Sacred Mission of Father Abraham The SACRED MISSION OF FATHER ABRAHAM, is a non-profit, non-earning Religious Catholic Organization aim to serve and preach the word of GOD to everyone.

Good morning❤God Bless you All🙏🙏🙏
06/10/2021

Good morning❤God Bless you All🙏🙏🙏

11/01/2021

TITLE: LET US PRAY

2 Tesalonica 1:11-12 Dahil dito, lagi namin kayong idinadalangin sa DIYOS, na nawa'y maging karapat-dapat kayo sa pagkatawag niya sa inyo. At sa pamamagitan ng kanyang kapangyarihan, nawa'y ipagkaloob niya sa inyo ang lahat ng mabuti ninyong hinahangad, at maging ganap ang inyong mga gawaing ibinunga ng pananampalataya. Sa gayon, mapaparangalan ninyo ang ating PANGINOON JESUS, at kayo naman ay maparangalan din niya, ayon sa kagandahang-loob ng DIYOS at ng ating PANGINOONG JESU-CRISTO.

MENSAHE:

Heto ang second series na topic natin itong buwan na ito, about praying. Itong buwan na ito ang aaralin natin ay tungkol sa pananalangin o prayer. Ang panalangin ay pang-araw-araw na pagkain ng ating kaluluwa. Kung paanong mahalaga ang uri ng pagkaing kinakain sa araw-araw sa magiging kalagayan ng ating kalusugang pisikal, gayundin kahalaga ang uri ng panalangin sa araw-araw sa magiging kalagayan ng ating kalusugang espiritwal. Suriin natin ang nilalaman ng ating pang-araw-araw na panalangin. Karamihan ba rito'y panalangin para sa mga pagpapalang materyal? Hindi naman masama ito sapagkat ang pagpapalang materyal ay talagang kabilang sa biyaya ng DIYOS. Ngunit kung puro ganito ang panalangin, hihina ang ating kalusugang espiritwal. Ano ang dapat nating ipanapalangin bukod sa mga pagpapalang materyal?

Ang ginawang panalangin ni Pablo para sa mga taga-Tesalonica ay isang magandang gabay sa araw-araw na panalangin.
UNA, IPANALANGIN NATING NAWA'Y MAGING KARAPAT-DAPAT TAYO SA PAGKATAWAG O CALLING NG DIYOS. -- Lahat ay tinawag ng DIYOS sa isang kaukulang paglilingkod. Kailangan lamang matuklasan natin ito. Pagkatapos ng pagkakatuklas ay doon pa lamang mapasisimulan ng DIYOS ang empowerment process hanggang sa tayo'y maging karapat-dapat sa tawag NIYA. Ang pagtawag ng DIYOS ay laging mas malaki kaysa ating sarili. If you work for something smaller than yourself, the result is underperformance. If you work for something only as big as yourself, the result is mediocrity. But if you work for something bigger than yourself, the result is excellence and significance.
IKALAWA, IPANALANGIN NATING IPAGKALOOB NAWA NG DIYOS ANG LAHAT NG MABUTING HANGARIN NATIN. (Let's pray that GOD will fulfill our desire for goodness through HIS power). Ang kapangyarihang ito ay tinatawag na Resurrection_Power. Ito ang kapangyarihang ginamit ng DIYOS upang ibangon si JESUS mula sa libingan. Ang kapangyarihan din ito ang gagamitin ng DIYOS upang bigyan-buhay at katuparan ang lahat ng ating magagandang pangarap; upang tayo'y itaas sa mga sandali ng panghihina at kabiguan tulad nang nangyayari ngayon panahon ng pandemya; upang igulong ang anumang batong maaaring humadlang sa katuparan ng ating plano. Next week ay tatalakayin natin ito, the Resurrection Power. Ang salitang ginagamit ng mga Hebrew sa power ay dunamis. Dito kinuha ang salitang dynamite. Sa pamamagitan ng kapangyarihang nagmumula sa DIYOS, mayroon tayong lakas na tulad ng lakas ng dinamita.
IKATLO, IPANALANGIN NATING LUBUSIN NAWA NG DIYOS ANG ATING MGA GAWA NA BUNGA NG PANANAMPALATAYA. (Let's pray that GOD will complete our acts of faith.) Kanina'y desire of goodness, ngayon naman ay acts of faith. Kailangang ang acting ay tumutugma sa desires. Kailangang magsimula sa good desire upang magkaroon ng good acts. Iyong good desire ang ating being. Samakatuwid, ang pundasyon ay ang being sapagkat ito ang nagdidikta sa lahat ng ating ginagawa. Kaya nga ang tawag sa atin ay human being at hindi human doing.
Acts_of_faith -- Kailangang tiyakin natin na lahat ng ating ginagawa'y bunga ng pananampalataya. Ang pagkilos na dikta ng pananampalataya ay hindi basta sumusuko. Ang pagkilos na dikta ng pananampalataya ay nakakakita ng mga possibilities maging sa gitna ng impossibilities. Ang pagkilos na dikta ng pananampalataya ay tigib ng katapatan at integridad. Sabi nga ni Pablo sa Roma 14:23b, "Kasalanan ang paglabag sa sariling paniniwala." Ang pagkilos na dikta ng pananampalataya ay nagbibigay-kasiyahan sa DIYOS. Kapag nabigyan natin ng kasiyahan ang DIYOS, ang ipagkakaloob NIYANG pabor sa atin ay hindi lamang sky is the limit. GOD'S favor knows no limit, knows no boundary. A step of faith is not just a simple and small step; it is a giant leap. Maganda ang salin ng The Message Bible (MSG) sa 2 Tesalonica 1:11b, "He'll(GOD) fill your ideas and acts of faith with his own energy." Pupunuin ng DIYOS ang KANYANG kapangyarihan at kalakasan ang iyong desire for goodness and acts of faith. May tatalo pa ba diyan? Wika ni JESUS sa Mateo 17:20b, "Sapagkat katotohanang sinasabi ko sa inyo, kung mayroon kayong pananampalataya na kasinglaki ng butil ng mustasa, sasabihin ninyo sa bundok na ito, 'Lumipat ka roon mula rito,' at ito'y lilipat; at sa inyo ay walang hindi maaaring mangyari."
IKAAPAT, IPANALANGIN NATING NAWA'Y MABIGYAN NATIN NG KARANGALAN ANG PANGALAN NG ATING PANGINOONG JESUS. (Let us pray that we will be able to bring glory to Christ). Sabi sa verse 12, “Kung magkagayon, mabibigyan ninyo ng karangalan ang pangalan ng ating Panginoong Jesus.” In this way the name of our Lord Jesus will receive glory from you. Ang glory ay nangangahulugan ng weight o bigat. Lahat ng gagawin natin ay kailangang nagpapakita sa bigat ng Diyos—sa kahusayan, kadakilaan at kapangyarihan ng Diyos.
Ganito ang kabuuan ng v12, “Sa gayon, mapaparangalan ninyo ang ating Panginoong Jesus, at kayo naman ay pararangalan din niya, ayon sa kagandahang loob ng Diyos at ng ating Panginoong Jesu-Cristo.” Kung pararangalan pala natin ang Diyos, pararangalan din niya tayo. Kung gagawin pala nating number one sa atin ang Diyos, gagawin din nita tayong number one. Wala nang dadaig sa karangalang nagmumula sa kagandahang loob ng Diyos sa pamamgitan ni Jesus. Itoý karangalang maghahatid sa atin sa tagumpay hindi lamang sa buhay na ito, kundi maging sa kabilang buhay.
Kapag tayoý pinarangalan ng Diyos, ang parangal ay pataas ng pataas, from one degree of glory to another. Wika sa 2 Corinthians 3:18, “and we all, with unveiled face, beholding the glory of the Lord, are being transformed into the same image from one degree of glory to another.”

PANALANGIN:

Marami pong salamat aming dakilang Ama na nasa langit, sa gabay ng iyong Salita kung ano ang mga dapat naming ipanalangin sa araw-araw. Salamat po sa pagbubukas mo sa aming isipan na kailangang maging buo ang pagtanaw namin sa buhay. Hindi lamang mga bagay na material ang dapat naming ipinanalangin kundi higit sa lahat ay ang pagkakaroon ng mabuting hangarin, mga gawang bunga ng pananampalataya at pagbibigay ng karangalan sa iyo. sa pangalan po ni Jesus na aming Panginoon at Tagapagligtas. Amen.

10/01/2021

Mabiyayang umaga po sa inyong lahat. Nawa ang pagpapala ng ating Diyos Ama ay ating pasalamatan.

Ama naming Diyos na Makapangyarihan. Papuri at pasasalamat po ang ibinabalik namin sa iyo sa umagang ito. Salamat po sa buhay na patuloy mo pong piapahiram sa amin. Salamat po sa kalakasan ng aming pangangatawan. Salamat po sa kagalingan sa aming mga karamdaman. Salamat po Ama sa patuloy na pagkalinga mo sa amin at sa pagpapadama ng iyong walang hanggang pagmamahal sa bawat anak mo na sumasamapalataya sa iyo.

Anuman po ang mga pagsubok na aming kinakaharap at ahaharapin, patnubayan mo po kami na maging matatag,. Pagkalooban mo nawa po kami ng iyong Holy Spirit upang ikaw ang maging batong panulukan ng bawat isa.

Tulungan mo po kami na maging tagaakay ng mga kapatid namin na hindi pa kumikilala sa iyo. Nawa po Ama, gamitin mo po kaming channel of blessing para sa mga anak mo. Maipagpatuloy nawa namin ang nasimulan mong misyon dito sa lupa. tulad ng nasasaas sa
Mateo 6:6-7 "Hanapin ninyo ang mga nawawalang tupa ng sambayanang Israel. HUmayo kayot ipangaral na malapit nang dumating ang kaharian ng langit"

Hallelujah. Amen.

10/01/2021

TITLE: PAANO IPAPANALANGIN ANG IBA?

Colosas 1:9 Kaya't mula nang marinig namin ito, patuloy naming idinadalangin sa DIYOS na sana'y ipaunawa niya sa inyo nang lubusan ang kanyang kalooban, sa pamamagitan ng karunungan at pang-unawang kaloob ng Espiritu.

MENSAHE:

Ang sulat sa Colosas, kasama ng sa Filipos, Efeso, at Filemon ay kabilang sa tinatawag na prison letters -- isinulat ni Pablo habang siya'y nakabilanggo. Nang sumulat si Pablo sa mga taga-Colosas, laganap noon ang paniniwalang kung tawagin ay Gnosticism. Ito'y ang paniniwalang kinakailangan ang espesyal na karunungan upang maging katanggap-tanggap sa DIYOS. Sa kanila, ang kaligtasan ay base sa kung ano ang nalalaman mo. Kumbaga, hindi lamang si JESUS ang daan tungo sa kaligtasan. Ngunit para kay Pablo, ang mahalaga sa kaligtasan ay kung kilala mo si JESUS sapagkat tanging SIYA ang daan tungo sa kaligtasan.
Nasa gitna ng kontrobersyang ito ang mga taga Colosas. Marami sa kanila ang nalilito dahil sa magkatiwalas na katuruan ng Cristianismo at Gnosticism. Hindi nakapunta si Pablo sa Colosas at hindi niya kakilala ang mga mananampalataya doon. Bagamat siya'y nakakulong at walang pagkakataong makabisita sa Colosas, pinaglingkuran niya sila sa pamamagitan ng kanyang marubrob at walang humpay na panalangin para sa kanila.
Ang Colosas 1:9-12 ay isang magandang gabay na tinatawag na ministry of intercession. Maaari tayong makapaglingkod sa iba sa pamamagitan ng ating panalangin sa ating kapwa. Maaari nating maabot kahit ang malalayo at hindi natin kakilala sa pamamagitan ng panalangin. Ayon sa mga talata, naririto ang maaari nating idulog sa PANGINOON para sa mga pinaglilingkuran natin sa pamamagitan ng panalangin:

1. IDALANGIN NATING PAGKALOOBAN SILA NG DIYOS NG KAALAMANG ESPIRITWAL. Ang kaalamang ito ang magbubukas ng spiritual eyes ng isang tao upang mapag-unawa ang kahalagaan ng pangangalaga sa buhay-espiritwal. Sa sandaling ang tao ay makaranas ng pagkagutom sa mga bagay na espiritwal, noon pa lamang siya makararanas ng tunay na pagkabusog na magpapalusog sa kabuuan ng kanyang pagkatao. Until this happens, there is a vacuum to be filled. Ang dahilan ay sapagkat ang tao ay nilalang na kapwa pisikal at espiritwal.
2. IDALANGIN NATING LUBUSAN NILANG MAUNAWAAN ANG KALOOBAN NG DIYOS. Hindi sa pamamagitan ng sarili nilang karunungan kundi sa pamamagitan ng kapangyarihan ng Banal na Espiritu. Ang pagkaunawa sa kalooban ng DIYOS ang pinakamabuting maaaring mangyari sa sinuman. Ito ang magbibigay sa isang tao ng kapanatagan sa gitna ng krisis, ng pag-asa sa gitna ng mga kabiguan. Ito ang makapagpapanatili sa katinuan ng isang tao sa harap ng mga sitwasyong mahirap unawain ng isip.
3. IDALANGIN NATING MATUTUHAN NILA KUNG PAANO MABIBIGYAN NG KASIYAHAN AT KARANGALAN ANG DIYOS. Ito ang saligan ng tunay na satisfaction. Kung ginagawa ng isang tao ay para bigyan ng kasiyahan ang iba, tiyak na madalas siyang mabibigo. Sabi nga, "We cannot please everyone." In fact, we can never please everyone. Kahit ano ang gawin mong mabuti, maaaring may pumintas o may maghinala sa iyong motibo. Kaya't ang pinakamabuti, gawing layunin sa anumang ginagawa ay ang mabigyan-kasiyahan at karangalan ang DIYOS. Ang pagkakaroon ng ganitong layunin ang siya ring magsisilbing check sa motibo ng anumang gawain.
4. IDALANGIN NATING SILA'Y SUMAGANA SA MABUTING GAWA THAT THEY BEAR GOOD FRUIT. Ang batas sa kaharian ng DIYOS ay ang pamumunga. Ang hindi namumunga ng mabuting gawa ay KANYANG pinuputol. Wika ni JESUS sa Juan 15:1-2, "Ako ang tunay na puno ng ubas at ang aking AMA ang tagapag-alaga. Inaalis niya ang bawat sangang hindi nagbubunga, at kanya namang pinuputulan at nililinis ang bawat sangang nagbubunga upang magbunga pa nang sagana." Hangga't ang isang tao'y nakaugnay sa DIYOS, tiyak na siya'y sasagana sa mabuting gawa.
5. IDALANGIN NATING LUMAWAK ANG KANILANG PAGKILALA SA DIYOS. Ibig sabihin, tumibay ang kanilang pananampalataya. Marami tayong mga tanong na marahil ay hindi masasagot in our lifetime. Tulad ng, "Bakit nagdurusa ang mga taong matuwid?" Itinanong ni Job. Libong taon na ang nakaraan, ito pa rin ang pinakamalaking tanong ng sangkatauhan. Sa pamamagitan ng pananampalataya sa DIYOS, nagagawa ng tao na sumunod kahit mas marami siyang tanong kaysa sagot. It is only through faith in a sovereign GOD that we can make sense of seemingly meaningless things happening before our eyes. It is only our faith in GOD who is in control that keeps our sanity in a human society that seems to have lost its morality.
6. IDALANGIN NATING SILA'Y MAPUSPOS NG KALAKASANG NAGMUMULA SA DIYOS. Ito ang kalakasang nagbibigay sa kanila ng staying power upang ipagpatuloy ang anumang magandang bagay na napasimulan. Madaling magpasimula ngunit ang mahirap ay ipagpatuloy ang napasimulan. May mga taong nagsimula nang malakas ngunit natapos nang lulugu-lugo. We need God’s power in order to start strong and end strong. Sa Filipos 1:6 ay ang assurance ni Pablo, “Natitiyak kong ang mabuting gawang pinasimulan sa inyo ng Diyos ay kanyang lulubusin hanggang sa araw ng pagbabalik ni Jesu-Cristo.”
7. IDALANGIN NATING MAGING MAHABA ANG KANILANG PASENSIYA UPANG MASAYA NILANG MAPAGTIISAN ANG LAHAT NG BAGAY. Mahirap pagsamahin iyong kaligayahan at pagtitiis. Maaari ngang makapagtiis ang isang tao, ngunit pagtitiis na naroroon ang paghihinagpis. Ang idalangin natin ay pagtitiis na naroon ang kagalakan, katulad ng isang inang nanganganak. Bagamat tinitiis ng isang ina ang hirap, ang nangingibabaw ay ang kagalakan dahil sa isisilang niyang sanggol. Pagtitiis na may kagalakan dahil sa pag-asa na may magandang mangyayari. Hindi ito madaling maranasan, kaya’t ayon sa ating teksto, ang kailangan ay ang dakilang tulong ng kapangyarihan ng Diyos.
8. IDALANGIN NATING MANGIBABAW SA KANILANG PUSO ANG DIWA NG PAGPAPASALAMAT SA HARAP NG ANUMANG SITWASYON. Sabi sa 1 Tesalonica 5:16-18, “be joyful always, pray at all times, be thankful in all circumstances. This is what God wants from you in your life in union with Christ Jesus.” Itoý nangangahulugan ng pagiging mapagpasalamat dahil sa buhay mismo at hindi dahil sa mga circumstances ng buhay. Sinabi ni Cicero, “Gratitude is not only the greatest virtues, but the parent of all others.” Ang ating pagiging mapagpasalamat ay hindi dapat nakasalig sa mga pangyayari. We cannot control our circumstances but we surely can control our responses by being joyful always, by praying unceasingly, and by giving thanks whatever the situation may be.

PANALANGIN:

Salamat po aming Panginoong Diyos sa itinuro mo sa aming gabay kung ano ang mga dapat naming idulog sa iyo kapag ipapanalangin namin ang aming kapwa. Marami pong salamat aming Ama na nakahanda kang tumugon sa aming mga panalangin dahil sa pananampalataya namin sa iyong Anak na si Jesus. Tulungan mo kaming maging masigasig sa panalnagin para sa iba bilang paraan ng paglilingkod sa aming kapwa. Sa pangalan ni Jesus na aming Panginoon at Tagapagligtas. Amen.

10/01/2021

TITLE: MAGSISI AT MANUMBALIK SA DIYOS

Joel 2:12-13 "Gayunman," sabi ni YAHWEH, "Mataimtim kayong magsisi at manumbalik sa akin; mag-ayuno kayo, manangis, at magdalamhati. Magsisi kayo ng taos sa puso at hindi pakitang tao lamang." Magbalik loob kayo kay YAHWEH na inyong DIYOS! Siya'y mahabagin at mapagmahal, hindi madaling magalit at wagas ang pag-ibig; laging handang magpatawad at hindi nagpaparusa sa nagsisisi.

MENSAHE:

Upang tayo'y mahango from disgrace to grace of salvation bilang isang bansa at indibidwal, kailangan nating gawin ang mga sumusunod:
1. PAGSISIHAN ANG ATING MGA KASALANAN NANG BUONG PUSO, PAG-IISIP, AT KALULUWA. -- Ito'y nangangahulugan ng pagsisising nagbubunga ng pagbabago ng isip at katapatan, at pagtalikod sa mga kasalanang ginawa.
2. GAWING PANLOOB ANG PAGBABAGO, HINDI PAKITANG TAO LAMANG. -- May mga pagbabago kasing peke, tulad ng fake news, hindi totoo. Ang tunay na pagbabago ay dalisay, puro, walang halong pagkukunwari, at paglilinlang, sapagkat ito'y pagbabagong iniaalay sa kaluwalhatian at kapurihan ng DIYOS.
3. MAGBALIK-LOOB SA DIYOS -- Ang pagbabalik loob sa DIYOS ay nangangahulugan ng pagsusuko ng buong sarili sa DIYOS bilang ating DIYOS at PANGINOON (submission) at pagsunod sa KANYANG banal na kalooban (obedience). Kapag tayo'y nagbalik loob sa DIYOS, doon natin makikilala at mararanasan na ang DIYOS ay may magandang loob, puspos ng awa, mapagpahinuhod, tapat sa KANYANG pangako, at laging handang magpatawad at hindi nagpaparusa. Sabi nga ni Pablo sa Roma 8:31b, "Kung ang DIYOS ay panig sa atin, sino ang makakalaban sa atin." Bilang bansa at indinidwal, marami tayong pinagdaanang kasalanan, kahirapan, at pagsubok. Talikuran natin ang mga kasalanang ito at manumbalik sa DIYOS.

PANALANGIN:

Aming DIYOS AMA, tulungan MO po kaming matuto sa mga kabiguan ng kahapon at patawarin MO po kami sa aming mga kasalanan. Tulungan MO po kaming magbago nang lubusan at manumbalik po sa IYO nang buong katapatan. Sa pangalan po ni PANGINOONG JESUS na aming TAGAPAGLIGTAS, Amen.

09/01/2021

"Maraming rason para sumuko, pero mas maraming rason para magpatuloy ka sa PANGINOON".

, kung ang rason mo lang naman para sumuko ay ang mga problema o pagsubok mo sa buhay, kapatid hindi po 'yan valid reason para hindi ka magpatuloy sa PANGINOON. Dahil kung tutuusin, kulang pa 'yung ginagawa nating paglilingkod sa KANYA, sa ginawa NIYANG sacrifice para sa atin--sa krus ng kalbaryo. That's the main reason kung bakit kailangan nating magpatuloy sa buhay, sa paglilingkod sa KANYA.

lang naman magpahinga kung pagod ka na, pero 'wag mong gawing solusyon ang 'pagsuko', para lang hindi mo maranasan ang mga problemang ito. Dapat nga mas lalo ka pang lumapit kay LORD, kapag may problema ka eh. Kasi kay LORD mo matatagpuan yung solusyon na hinahanap mo.

ikaw kapatid, tuloy ka lang ha?
Alam kong mahirap minsan, pero lagi mong tatandaan na, walang salitang "mahirap" sa taong nagtitiwala at naniniwala sa PANGINOON.

--1 Mga Taga-Corinto 10:13
Apostol Paul says, "Wala pang pagsubok na dumating sa inyo na hindi nararanasan ng lahat ng tao. TAPAT ANG DIYOS, at hindi niya ipapahintulot na kayo'y subukin nang higit sa inyong makakaya. Sa halip, pagdating ng pagsubok, bibigyan Niya kayo ng lakas upang mapagtagumpayan iyon."

Yung VICTORY natin, nandyan na yun, naibigay na 'yun ng PANGINOON. Ang kailangan na lang natin gawin ay ang LAKARAN ito. At sa paglakad mo, tuloy-tuloy ka lang, hanggang sa makarating ka sa FINISH LINE. 😊

ko kapatid, WAG KANG SUMUKO HA? LABAN LANG, DAHIL KASAMA MO ANG PANGINOON 'DYAN. 🥀💛

04/01/2021

Good morning!!!

Have a blessed day ahead!

Whatever happen, always remember that God is always with you.
Kaya kapatid, have faith!

08/12/2020

Ecclesiastico 3:12-15
V12 Anak, kalingain mo ang iyong ama kapag siya'y matanda na, at huwag mo siyang dudulutan ng sama ng loob habang buhay.
V13 Pagpaumanhinan mo siya kapag nanalalabo na ang kanyang isip; huwag mo siyang lalapastanganin ngayong nasa kasibulan ka ng iyong lakas.
V14 ang paglingap mo sa iyong ama ay di malilimutan, iyan ay magiging kabayaran sa iyong mga kasalanan.
V15 ang ginawa mo sa iying ama ay aalalahanin ng Panginoon, at ang mg kasalanan mo'y matutunaw na parang yelo pagdating ng tag init.

07/11/2020

TITLE: SARILING SIKAP AT RESPETO SA SARILI AT NG KAPWA.

1 Tesalonica 4:11-12 “Pagsikapan ninyong mamuhay nang tahimik, pakialaman ang sariling gawain, at magtrabaho kayo upang mabuhay tulad ng itinuro namin sa inyo. Dahil dito, kayo ay igagalang ng mga hindi mananampalataya at hindi kayo aasa sa iba para sa inyong ikabubuhay.”

MENSAHE:

Makatayo sa sariling paa at igalang ng kapwa: ito'y dalawang pagpapala na nais nating makamtan habang tayo'y nabubuhay dito sa lupa. Ang pagtayo sa sariling paa o pagiging independent is one of the most fulfilling human achievements. Ito'y nagpapataas sa self-worth and self-confidence. Ang mga may kakayahang suportahan ang sarili at hindi umaasa sa iba ang siya lamang maaaring makasuporta sa iba. Ang respeto ay hindi maaaring sapilitang hingin. Respect is earned. Tayo ang gumagawa ng dahilan upang tayo'y respetuhin o hindi respetuhin. Ang taong respetado ng kapwa ay isang taong magtatagumpay sa anumang larangang kanyang papasukin.
Paano ba natin makakamtan ang dalawang ito? Ang 1 Tesalonica 4:11-12 ay nagsasabi sa atin kung paano.
PAGSIKAPANG MAMUHAY NG TAHIMIK.
o Lead a quiet and simple life -- pagsikapang mamuhay ng tahimik. Sa ating panahon na uso ang ingay at bongga, napakahalaga ng payong ito. Maraming buhay ang naging miserable dahil sa pagpatol sa luho at alok ng materyalismo. Ang nararanasang pagbagsak ng pandaigdigan ekonomiya dahil sa pandemya ay sinasabing bunga ng extrabagant and materialistic living ng maraming tagapamahala ng negosyo at sobrang paggastos ng mga consumer. Akala ng tao ay wala nang katapusan ang pagkita ng pera kaya gastos dito, gastos doon, nang magkaroon ng pandemic at nawala na ang lahat. Para magkaroon ng quiet and simple life, sundin ang mga sumusunod:
o Living within your means. May kasabihan sa Tagalog, "Magtiis mamaluktot habang maliit ang kumot." Iwasan ang pangungutang o ang paggamit ng credit card para lamang mabili ang mga hindi naman talagang kailangan. Minsan, si Henry Ford, isang bilyonaryo sa America ay tinanong kung ano ang sikreto ng pagyaman. Ang sagot niya, "Huwag kang gagasta nang higit sa iyong kinikita."
o Don’t keep up with the Joneses. Ibig sabihin nito, huwag mong tangkaing sumabay sa istilo ng iyong kapitbahay. Hindi komo bumili siya ng bagong TV ay bibili ka rin dahil lamang sa ayaw mong masabing nadadaig ka.
o Try to save even a little. Gawin mong disiplina ang pag-iimpok. Hangga't magagawa, magtabi at least 10 percent sa iyong kinikita, para kapag in time of emergency na kailangan may gagastusin ay may mahuhugot ka.
o Pray that GOD will decrease your desire. Sa halip na ang lagi mong panalangin ay dagdagan ang iyong possessions, ang ipanalangin mo'y bawasan ang iyong mga desires at gawin NIYANG mababaw ang iyong kaligayahan. Remember, material things will never satisfy you because as one desire is satisfied, another will come.
HARAPIN ANG SARILING GAWAIN.
o Mind your own business. Harapin ang sariling gawain. Kung pinahahalagahan mo ang iyong sariling privacy, kailangan ding pahalagahan mo ang privacy ng iba. Iwasang ang panghihimasok sa buhay ng iba. Lalo na ang mga very personal matters. Naririto ang ilang maaaring gawin:
o Stay away from gossip. Ang tsismis ang isang pamamaraang Pinoy ng panghihimasok sa buhay ng may buhay. Wala pa akong nakitang tsismisan na ang pinag-uusapan ay ang magandang katangian ng kapwa. Ang tsismis ay pag-aaksaya ng oras at higit sa lahat ay isang uri ng pananakit at pagtataksil sa pinagtsitsismisan.
o Make yourself busy. Kung marami kang spare time, gamitin sa kapaki-pakinabang na personal na gawain, tulad ng pagbabasa, halimbawa ng Biblia, o gardening.
o Get involved in a community project. Magboluntaryo sa mga proyektong pambarangay o proyekto ng simbahan o eskwelahan. Ang paglilingkod ang isang mabisang paraan ng tsismisan o pag-iwas sa paghihimasok sa buhay ng iba.
o Beat your own record. Maging katulad ng isang runner na ang sinisikap talunin ay ang sariling record. Huwag mong hayaang pakilusin ka ng motibasyon na daigin o talunin ang iba. Ang sikaping mong talunin ay ang sarili mong record at hindi ang iba.
MAGPAGAL PARA SA SARILING IKABUBUHAY.
o Earn your keep. Magpagal para sa sariling ikabubuhay. Ibig sabihin, huwag magpabandying-bandying. Ang ikabubuhay ay kailangang pinagpagalan o pinagpaguran, pinagpawisan. Masakit sa kalooban ang maholdap o maloko sapagkat ang perang pinagpaguran mo lang nang matagal ay mapapasakamay ng iba nang walang kapagud-pagod. Ang bawat sentimong kinikita natin ay kumakatawan hindi lamang sa ating pawis kundi sa buo nating pagkatao. Kaya't mahalagang sa ating trabaho ay maisaalang-alang ang mga sumusunod:
o Your work should be consistent with your personal values. Kailangan ang ginagawa mo'y hindi laban sa iyong prinsipyo o hindi taliwas sa mga bagay na iyong pinaniniwalaan at pinahahalagahan. Kung ikaw ay galit sa sugal, hindi pwedeng magtrabaho sa casino, kahit malaki ang kita.
o Your work should give a sense of fulfilment. Hindi lamang sweldo ang mahalaga sa trabaho. Kung wala kang nadaramang fulfilment at meaning ng iyong trabaho, madali kang mabu-burnout. Ang walong oras na trabaho ay nagiging parang labingwalong oras.
o Your work should give you joy. Work that is enjoyable ceases to be work. Kung hindi ka nag-enjoy sa iyong trabaho, papangit ka, at tatanda ka agad. It’s not worth it. Kaya ka nga nagtatrabaho ay upang mabuhay. Hindi dapat pumatay sa iyo ang iyong trabaho.
o Your work should contribute to the good of mankind. Malaki nga ang kikitain mo, pero ang trabaho mo naman ay sumisira sa buhay ng iba, may malaki kang pananagutan sa Diyos.

Magandang maging panuntunan natin sa pamumuhay ang 1 Tesalonica 4:11-12 ay nagsasabi sa atin ng impact kapag ginawa natin ang verse 11. Sabi sa verse 12, “dahil dito, kayo ay igagalang ng mga hindi mananampalataya at hindi kayo aasa sa iba para sa inyong ikabubuhay.” In short, magkakaroon tayo ng self-independence and we will earn the respect for others. Ang mga itoý mangyayari dahil sa pagsunod natin sa verse 11. In short, ang magandang impact ay resulta ng leading quiet and simple life, minding your own business, earning your money. Ika nga, sariling sikap.

PANALANGIN:

Ama naming Diyos, pinupuri ka po namin at sinasamba. Salamat po sa iyong Salita na nagiging gabay po namin sa makabuluhan at matagumpay naming pamumuhay dito sa lupa. Tulungan mo kaming laging nakasunod sa iyong mga tagubulin. Hadlangan mo ang pagsunod sa sarili naming kagustuhan. Sundin mo ang iyong mabuting kalooban kung paano sa langit gayundin sa lupa. Sa makapangyarihang pangalan ni Jesus na aming Tagapagligtas. Amen.

29/10/2020

TITLE: STEWARDSHIP PRINCIPLES

Mateo 25:14 "Sapagkat tulad ng isang tao na maglalakbay, tinawag niya ang kanyang sariling mga alipin, at ipinagkatiwala sa kanila ang kanyang mga ari-arian."

MENSAHE:

Pag-aralan natin ang "Talinghaga tungkol sa mga aliping pinagkatiwalaan ng salapi" na mababasa sa Mateo 25:14-30 TALINHAGA TUNGKOL SA TATLONG ALIPIN
14 Ang paghahari ng Diyos ay maitutulad sa isang taong maglalakbay. Kaya’t tinawag niya ang kanyang mga tauhan at ipinagkatiwala sa kanila ang kanyang ari-arian. 15 Binigyan niya ng salaping ginto ang bawat isa ayon sa kanilang kakayahan. Binigyan niya ang isa ng limanlibong salaping ginto, ang isa namaý dalawang libong salaping ginto, at ang isa ay isanlibong salaping ginto. Pagkatapos nito, siya ay umalis. 16 kumilos agad ang tumanggap ng limanlibong salaping ginto at ipinangalakal iyon. Kumita siya ng limanlibong salaping ginto. 17 Gayundin naman, ang tumanggap ng dalawang libong salaping ginto ay kumita pa ng dalawang libong salaping ginto. 18 Ngunit ang tumanggap ng isanlibong salaping ginto ay humukay sa lupa at itinago ang salaping ginto ng kanyang panginoon.
19 Pagkaraan ng mahabang panahon, bumalik ang panginoon ng mga tauhang iyon at silaý nag-ulat. 20 Lumapit ang tumanggap ng limanlibong salaping ginto at sinabi, ‘Panginoon, ito po ang limalibong salaping ginto na iniwan ninyo sa akin. Heto naman po ang limanlibong salaping ginto na tinubo nito.’
21 Sinabi sa kanya ng panginoon, ‘Magaling! Tapat at mabuting lingkod! Halika, makihati ka sa aking kagalakan. Naging tapat ka sa kaunting halaga, kaya’t gagawin kitang tagapamahala ng malaking halaga.’
22 Lumapit din ang tumanggap ng dalawang libong salaping ginto at ang sabi, ‘Panginoon, ito po ang iniwan ninyo sa aking dalawang libong salaping ginto. Heto naman po ang dalawang libong salaping ginto na tinubo nito.’
23 “Sinabi sa kanya ng panginoon, ‘Magaling! Tapat at mabuting lingkod! Naging tapat ka sa kaunting halaga, kaya’t pamamahalain kita ng malaking halaga. Makihati ka sa aking kagalakan!’
24 Lumapit naman ang tumanggap ng isanlibong salaping ginto at sinabi, ‘Alam ko pong kayoý mahigpit at pinipitas ninyo ang bunga ng hindi ninyo itinanim at inaani ninyo ang hindi ninyo inihasik. 25 Natakot po ako, kaya’t ibinaon ko sa lupa ang salaping ginto. Heto po ang salaping iniwan ninyo sa akin.’
26 Masama at tamad na lingkod! Alam mo palang pinipitas ko ang bunga ng hindi ko tanim at inaani ko ang hindi ko hinahasik, 27 bakit hindi mo na lamang inilagay sa bangko ang aking salapi! Kahi’t paanoý may tinubo sana ito! 28 Kunin ninyo sa kanya ang isanlibong salaping ginto at ibigay sa may sampung libong salaping ginto. 29 Sapagkat ang mayroon ay bibigyan pa at mananagana; ngunit ang wala kahit kakaunting nasa kanya ay kukunin pa. 30 Itapon ninyo sa kadiliman sa labas ang walang silbing taong iyan! Dooý mananangis siya at mangngangalit ang kanyang mga ngipin.

Isang pagkakatiwala ang buong buhay. All of life is a stewardship -- we do not own anything. GOD owns everything.
Ang buhay natin mismo ay hindi natin pag-aari. Ipinahiram lamang ito ng DIYOS kung kaya't kailangang gamitin natin ito ayon sa KANYANG kagustuhan. Sinasabi sa 2 Corinto 1:21-22, "Ang DIYOS ang nagpapatibay sa amin at sa inyo sa pamamagitan ng pakikipag-isa kay CRISTO, at siya rin ang humirang sa amin. Nilagyan niya kami ng kanyang tatak at pinagkalooban ng kanyang Espiritu bilang patunay na tutuparin niya ang kanyang mga ipinangako."
Nagkaroon tayo ng halaga hindi dahil sa tayo'y mamahalin. Nagkaroon tayo ng halaga sapagkat inari tayo ng DIYOS na KANYA. A piece of property can become valuable not because of it’s inherit value but because an important person owns it. Minsan ay nabasa ko ang isang balitang ang pares na salamin ni John Lennon ng bantog na bandang Beatles ay nabili nang $1.5 million dollar. Ordinaryong salamin lamang iyon pero nabili sa gayon kalaking halaga, sapagkat iyon ay minsang pag-aari ni John Lennon. Sapagkat tayo'y inari ng DIYOS sa pamamagitan ni CRISTO, wala nang kapantay ang ating halaga.
Ito ang malungkot -- bagamat tunay tayong pinahahalagahan ng DIYOS, sa maraming pagkakataon, hindi natin SIYA pinahahalagahan bilang DIYOS at PANGINOON ng lahat ng nilikha. Ipinagkatiwala sa atin ang kapamahalaan sa lahat ng nilikha subalit hindi tayo nakaabot sa inaasahan NIYA sa atin, maging sa sarili nating buhay. Kaya nga kailangan pang isugo ang Bugtong na ANAK upang mailigtas ang buhay na ito sa tiyak na kapahamakan.
Ayon sa 1 Tesalonica 2:4, "Sapagkat minarapat ng DIYOS na ipagkatiwala sa amin ang Magandang Balita, nangangaral kami sa inyo, hindi upang bigyang-kasiyahan tao, kundi ang DIYOS na, nakakasiyasat ng ating puso." Sapagkat tayong lahat ay mga katiwala, kailangang unawain natin at ipamuhay ang mga prinsipyo ng mabuting pagkakatiwala tulad ng mga sumusunod:
STEWARDSHIP IS NOT EQUALITY OF GIFTS BUT ABOVE EQUALITY OF OPPORTUNITIES. Ang isang tauhan ay pinagkalooban ng limanlibong salaping ginto. Ang isa nama'y dalawang libong salaping ginto. At ang isa pa'y isanlibong salaping ginto. Hindi pare-pareho ang ipinagkaloob ngunit sila'y pinagkalooban ayon sa kanilang kakayahan. Ang mahalaga rito, lahat ay binigyan ng oportunidad -- walang pinagkaitan. Huwag ipagdaramdam kung mas maraming talento ang ipagkaloob sa iba. Ang mahalaga, tiyak na may talentong ipagkakaloob sa iyo. At kung ano iyon, ipagpasalamat mo at gamiting mabuti.
STEWARDSHIP IS NOT ABOUT CONTROL BUT ABOUT TRUST. Pagkatapos na maipagkaloob ang mga salaping ginto, umalis kaagad ang amo. Hindi niya binantayan ang kanyang mga tauhan. Bilang mga mabuting katiwala, kailangang ginagawa nating mabuti ang ating trabaho kahit walang nakakakita; kahit wala ang boss. Hindi mangyari sa atin iyong kasabihan, "When the cat is away, the mice will play." Kailangang lagi tayong may strong sense of responsibility. Maraming Pilipino ang sumusunod lang sa batas kapag may nanghuhuli. Sa traffic, halimbawa, marami ang hindi hihinto kahit na red light na kung walang nanghuhuli. Bago natin gawin ang isang bagay, itanong muna natin, "Makapagbibigay-lugod ba ito sa DIYOS?"
STEWARDSHIP IS NOT ABOUT SAVING BUT ABOUT INVESTING. Ang dalawang tauhan ay pinuri ng amo sapagkat ipinangalakal nila ang mga salaping ginto. Iyong huli'y pinagalitan at pinalayas dahil ang tangi niyang ginawa ay itinago ang mga salaping ginto. Bilang mabuting katiwala, kailangang maparami natin ang mga bagay na ipinagkatiwala sa atin. GOD is not interested about our savings. GOD is interested about our investments. Ang itatanong NIYA'Y kung paano natin sinikap palaguin ang mga bagay na ipinagkatiwala NIYA sa atin.
May dalawang batas sa pamumuhunan o investments:
 Una, kailangang mabilis ang pagkilos. Sabi sa Mateo 25:16a, "Kumilos agad ang tumanggap ng limanlibong salaping ginto at ipinangalakal iyon." Bilang mabuting katiwala, hindi pwedeng pautay-utay; hindi pwedeng pakuya-kuyakoy; hindi pwedeng natutulog sa pansitan.
 Ikalawa, kailangang matutong makipagsapalaran o mag take ng risk. Gusto ng DIYOS ang mga risk-takers; iyong mga taong hindi natatakot sa mga bagong gawain. Iyong mga taong pinagkalooban ng limang libo at dalawang libong salaping ginto ay nag-take ng risk, at dumoble ang kanilang puhunan. Iyong pinagkalooban ng isang libo, naniguro. Itinago niya ang salaping ginto at ibinalik niya ito sa kanyang amo nang buo -- walang labis, walang kulang. Pero sinermunan siya nang husto. Hindi lang sinermunan, ipinatapon pa.

STEWARDSHIP DEMANDS ACCOUNTABILITY. Hindi nga binantayan ng amo ang kanyang mga tauhan. Pero sabi sa Mateo 25:19, “Pagkaraan ng mahabang panahon, bumalik ang panginoon ng mga tauhang iyon at silaý pinag-ulat.” Sabi sa Roma 14:12, “Kaya, pananagutan natin sa Diyos ang mga bagay na ating ginagawa.”
STEWARDSHIP GUARANTEES REWARDS. Ang stewardship ay kumikilala at nagpapahalaga sa pagsisikap. Sabi ng amo sa verse 21, “Magaling! Tapat at mabuting lingkod! Halika, makihati ka sa aking kagalakan. Nagiing tapat ka sa kaunting halaga, kaya gagawin kitang tagapamahala sa malaking halaga.”

Tatlong uri ng rewards ang binabanggit dito:

1. Commendation—sabi noong amo sa dalawang tauhan, “Magaling! Tapat at mabuting lingkod!” kung tayoý magiging mabuting katiwala, pupurihin tayo ng Panginoon. Pararangalan tayo ng Panginoon. Kung hinahangad natin ang plaque of appreciation mula sa tao, lalong dapat nating hangarin ang plaque of appreciation mula sa Diyos. Itoý isang malaking plakeng hindi nasisira.
2. Promotion—sabi noong amo sa dalawang tauhan, “Naging tapat ka sa kaunting halaga, kaya gagawin kitang tagapamahala ng malaking halaga.”
Sa anumang opisina, maaari lamang tayong pagkalooban ng malaking responsibilidad kung naging tapat tayo sa maliit na responsibilidad. Kung doon sa maliit ay naging pabaya tayo, paano tayo pagkakatiwalaan ng Panginoon. He won’t stop giving us bigger responsibilities if He finds us faithful.
3. Commission—sabi noong amo sa dalawang tauhan, “Halika, makihati ka sa aking kagalakan.” Ibig sabihin, hahatian sila sa pakinabang. Iyong tumubo ng limanlibo, bibigyan ng dalawang libo, bibigyan ng isang libo. Fair enough, isn’t it? Pero ang Diyos, mas galanteng magbigay sa katiwala. Anumang gawin nating paglilingkod sa Diyos, gagantihan niya ng biyayang hindi natin kayang bilangin ni isipin man.
Ang tagumpay ng anumang gawain ay nakasalalay sa pagiging mabuting katiwala. Ang pagiging mabuting katiwala ay hindi isang option. Itoý marching order. Hindi pwedeng tanggihan—kailangang gawin, hindi bukas, ni sa isang lingo, kundi ngayon na. kung hindi, humanda tayong tanggapin ang dinanas ng di-tapat na katiwala. Inutos ng kanyang panginoon, “Ang aliping walang pakinabang ay itapon sa kadiliman sa labas. Doon ay magkakaroon ng pagtangis at pangangalit ng ngipin.” Nasa atin ang pagpili.

PANALANGIN:

Aming Ama na nasa langit, gamitin nawa naming nang buong katapatan ang mga ipinagkaloob mong kakayahan upang makapag-bigay loob po sa iyo. matagpuan mo nawa kaming ginagamit ang kaloob mo nang buong husay upang handa kami sa pagsusulit sa takdang panahon, salamat po sa buhay na ito na iyong ipinagkatiwala at sa pamamahala ng lahat ng iyong nilikha. Salamat din po na handa mong ibigay kapag natagpuan mo kaming nagsisikap na palaguin ang mga ipinagkatiwala mong talent at pati ang aming tinatangkilik. Sa pangalan po ni Jesus na aming Panginoon at Tagapagligtas. Amen at Amen.

Address

2433 B Zafiro Street San Andres Bukid
Manila
1017

Telephone

( +63 2 ) 561 98 19

Website

Alerts

Be the first to know and let us send you an email when Sacred Mission of Father Abraham posts news and promotions. Your email address will not be used for any other purpose, and you can unsubscribe at any time.

Contact The Place Of Worship

Send a message to Sacred Mission of Father Abraham:

Shortcuts

Share

Category