Holy Cross Chapel

11/05/2026

11/05/2026

𝐈𝐍 𝐏𝐇𝐎𝐓𝐎𝐒: 𝐒𝐀𝐍𝐓𝐀𝐂𝐑𝐔𝐙𝐀𝐍 𝟐𝟎𝟐𝟔 🌸✨

Sa bawat ilaw, bulaklak, at hakbang ng mga sagala, muling binibigyang-buhay ang kwento ng paghahanap sa Banal na Krus ni Reyna Elena. 👑✝️

11/05/2026

𝐈𝐍 𝐏𝐇𝐎𝐓𝐎𝐒: BANAL NA MISA SA PAGDIRIWANG NG KAPISTAHAN NG BANAL NA KRUS | MAY 10, 2026

Sa loob ng 84 na taon, nananatiling buhay ang debosyon at pananampalataya ng sambayanan ng Fabie sa Banal na Krus. Nawa'y magpatuloy itong maging ilaw at gabay ng bawat pamilya at magsilbing paalala na sa likod ng bawat krus na ating pasan ay may biyaya at tagumpay na inihanda ang Diyos.✝

𝑨𝒏𝒈 𝑲𝒓𝒖𝒔 𝒂𝒚 𝒉𝒊𝒏𝒅𝒊 𝒍𝒂𝒎𝒂𝒏𝒈 𝒊𝒔𝒂𝒏𝒈 𝒑𝒂𝒍𝒂𝒎𝒖𝒕𝒊 𝒐 𝒔𝒊𝒎𝒃𝒐𝒍𝒐 𝒏𝒈 𝒂𝒕𝒊𝒏𝒈 𝒑𝒂𝒏𝒂𝒏𝒂𝒎𝒑𝒂𝒍𝒂𝒕𝒂𝒚𝒂. 𝑰𝒕𝒐 𝒂𝒚 𝒂𝒏𝒈 𝑻𝒓𝒐𝒏𝒐 𝒏𝒈 𝑯𝒂𝒓𝒊 𝒏𝒈 𝒎𝒈𝒂 𝑯𝒂𝒓𝒊. 𝑫𝒊𝒕𝒐 𝒔𝒂 𝑲𝒓𝒖𝒔, 𝒂𝒏𝒈 𝒑𝒐𝒐𝒕 𝒂𝒚 𝒉𝒊𝒏𝒂𝒍𝒊𝒏𝒉𝒊𝒏𝒂𝒏 𝒏𝒈 𝒑𝒂𝒈-𝒊𝒃𝒊𝒈, 𝒂𝒏𝒈 𝒌𝒂𝒎𝒂𝒕𝒂𝒚𝒂𝒏 𝒂𝒚 𝒏𝒊𝒍𝒂𝒎𝒐𝒏 𝒏𝒈 𝒃𝒖𝒉𝒂𝒚, 𝒂𝒕 𝒂𝒏𝒈 𝒂𝒕𝒊𝒏𝒈 𝒑𝒂𝒈𝒌𝒂𝒌𝒂𝒔𝒂𝒍𝒂 𝒂𝒚 𝒕𝒊𝒏𝒖𝒃𝒐𝒔 𝒏𝒈 𝒃𝒂𝒏𝒂𝒍 𝒏𝒂 𝒅𝒖𝒈𝒐 𝒏𝒊 𝑲𝒓𝒊𝒔𝒕𝒐. 𝑺𝒂 𝒑𝒂𝒈𝒅𝒊𝒓𝒊𝒘𝒂𝒏𝒈 𝒏𝒂𝒕𝒊𝒏𝒈 𝒊𝒕𝒐, 𝒉𝒊𝒏𝒊𝒉𝒊𝒍𝒊𝒏𝒈 𝒌𝒐 𝒏𝒂 𝒃𝒂𝒘𝒂𝒕 𝒊𝒔𝒂 𝒔𝒂 𝒊𝒏𝒚𝒐 𝒂𝒚 𝒎𝒂𝒌𝒂𝒕𝒂𝒈𝒑𝒐 𝒏𝒈 𝒍𝒂𝒌𝒂𝒔 𝒔𝒂 𝑲𝒓𝒖𝒔 𝒏𝒂 𝒊𝒕𝒐. 𝑺𝒂 𝒎𝒈𝒂 𝒔𝒂𝒏𝒅𝒂𝒍𝒊 𝒏𝒈 𝒊𝒏𝒚𝒐𝒏𝒈 𝒑𝒂𝒈𝒉𝒊𝒉𝒊𝒓𝒂𝒑, 𝒂𝒍𝒂𝒍𝒂𝒉𝒂𝒏𝒊𝒏 𝒏𝒊𝒏𝒚𝒐𝒏𝒈 𝒉𝒊𝒏𝒅𝒊 𝒌𝒂𝒚𝒐 𝒏𝒂𝒈-𝒊𝒊𝒔𝒂; 𝒂𝒏𝒈 𝒂𝒕𝒊𝒏𝒈 𝑷𝒂𝒏𝒈𝒊𝒏𝒐𝒐𝒏 𝒂𝒚 𝒖𝒏𝒂𝒏𝒈 𝒏𝒂𝒈𝒑𝒂𝒔𝒂𝒏 𝒏𝒈 𝒌𝒓𝒖𝒔 𝒖𝒑𝒂𝒏𝒈 𝒊𝒉𝒂𝒏𝒅𝒂 𝒂𝒏𝒈 𝒂𝒕𝒊𝒏𝒈 𝒅𝒂𝒂𝒏 𝒑𝒂𝒕𝒖𝒏𝒈𝒐 𝒔𝒂 𝒌𝒂𝒍𝒖𝒘𝒂𝒍𝒉𝒂𝒕𝒊𝒂𝒏. 𝑯𝒖𝒘𝒂𝒈 𝒕𝒂𝒚𝒐𝒏𝒈 𝒎𝒂𝒕𝒂𝒌𝒐𝒕 𝒔𝒂 𝒌𝒓𝒖𝒔, 𝒔𝒂𝒑𝒂𝒈𝒌𝒂𝒕 𝒊𝒕𝒐 𝒂𝒏𝒈 𝒕𝒂𝒏𝒈𝒊𝒏𝒈 𝒍𝒂𝒏𝒅𝒂𝒔 𝒑𝒂𝒕𝒖𝒏𝒈𝒐 𝒔𝒂 𝒎𝒖𝒍𝒊𝒏𝒈 𝒑𝒂𝒈𝒌𝒂𝒃𝒖𝒉𝒂𝒚. (pambungad na mensahe ng Obispo sa pagdiriwang ng Banal na Eukaristiya)

𝘚𝘢𝘮𝘢-𝘴𝘢𝘮𝘢𝘯𝘨 𝘯𝘢𝘨p𝘶𝘱𝘶𝘳𝘪, 𝘴𝘢𝘮𝘢-𝘴𝘢𝘮𝘢𝘯𝘨 𝘯𝘢𝘨𝘥𝘪𝘳𝘪𝘸𝘢𝘯𝘨 - 𝘱𝘢𝘳𝘢 𝘴𝘢 𝘒𝘢𝘱𝘪𝘴𝘵𝘢𝘩𝘢𝘯 𝘯𝘨 𝘉𝘢𝘯𝘢𝘭 𝘯𝘢 𝘒𝘳𝘶𝘴 𝘴𝘢 𝘍𝘢𝘣𝘪𝘦! Happy Fiesta!! ✻

11/05/2026

Ang Pagdiriwang ng
Ika-84 na Kapistahan ng Banal na Krus ngayong Mayo 10, 2026.

Ang pamunuan ng ating Simbahan sa pangunguna ng ating Pari Rev. Fr. Allan Khen Apus ay taos pusong nagpapasalamat sa lahat ng tumulong upang ang ating Fiesta 2026 ay naging matagumpay kina:

Cong. Irwin Tieng sa inyong pagkakaloob ng ating Stage at Sound system gayundin sa pagkain ng ating mga sagala sa ating Santakrusan.
Sa Pamilya Cardinoza, De Castro at Cunanan para sa Karosa ng ating Patron sa Kanyang maringal na Prusisyon.
Sa pamilya Bernal para sa pagsponsor ng bulaklak ng ating Altar.
Sa pamilya Almeyda para sa pagsponsor ng bulaklak sa ating Karosa ng Banal na Krus.
Sa pamunuan ng ating Brgy. 808 sa pangunguna ng ating punong barangay, Chairwoman Erlinda Rosales, sa ating mga kagawad at mga tanod.
Sa pamunuan ng Brgy. 811 sa pangunguna nina Chairman Ernesto and Winnie Cruz para sa Inyong pagtulong sa ating Kapistahan.
Sa mga nagsponsor ng pakain sa ating musiko:
Agahan- Bernal family
Miryenda sa umaga- Andal family
Tangahalian- Fernando, Ballesteros, at Bernardo Family
Miryenda sa Hapon- Barcenas Family
Hapunan- Cong. Irwin Tieng
Sa lahat ng nagbigay tulong pinansyal para sa ating mga gawain ng Kapistahan.
Kay Adrian Salvador na nagdesign ng ating layouts.
Sa lahat ng ating mga sagala at sa kanilang mga pamilya na nakiisa sa ating Santakrusan. at
Sa lahat ng tumulong, nakiisa, nagkaloob ng oras, panahon, talento, kakayahan upang ang ating pagdiriwang ng ating Kapistahan ng Banal na Krus ay naging matagumpay. Higit sa lahat sa ating PANGINOONG DIYOS na gumabay sa atin.

Pagpalain po tayo ng Poong Maykapal.

10/05/2026

BANAL NA MISA SA PAGDIRIWANG NG KAPISTAHAN NG BANAL NA KRUS
10 MAY 2026

08/05/2026

Ikalawang Biyernes ng Buwan
Pamimintuho sa Mahal na Panginoong Hesus Nazareno.

Walang hanggang pasasalamat po Ama sa lahat ng biyaya na ibinubuhos sa amin. Kami po ay Iyong kaawaan at patawarin sa aming mga pagkakasala, pagkukulang at pagmamalabis. Kayo na po bahala sa amin, Ama. Pakadalisayin Mo ang aming mga kalooban. Ipagkaloob Mo po ang kahilingan ng aming idinalangin namin kung ito po ay naayon sa Iyong kalooban. Gayundin, para sa kagalingan ng mga maysakit at may mga pinagdadaanan sa buhay. Ito ang aming dalangin sa matamis na Pangalan ng Poong Hesus Nazareno. Amen

06/05/2026

Malapit na!!
Ipagdiwang natin ang Kanyang Kapistahan ng buong galak, pasasalamat at pagpupuri sa darating na Mayo 10, 2026 sa ganap na alas-9 ng umaga.

Ang mangunguna sa ating Pagdiriwang ng Banal na Misa ay ating
Obispo Diocesano, Rt. Rev. Vicente Salvador Ballesteros, katuwang ang ating pari si Rev. Fr. Allan Khen Apus .

Magkita-kita tayo sa ating Pagdiriwang.
Maligayang Kapistahan po sa ating lahat!!

06/05/2026

Mahal na Ina ng laging Saklolo,
Salamat po sa Inyong pananalangin, gabay at pagtulong sa amin. Akayin Mo po kami papalaapit sa Iyong Anak na aming Panginoon. Palakasin Mo po ang aming kalooban at pananampalataya sa oras ng mga pagsubok. Gumaling at manumbalik nawa ang lahat ng maysakit sa kanilang mga kalusugan upang makapaglingkod sa Diyos at kapwa. Ihingi mo po kami ng awa at patawad sa Diyos. Amen

01/05/2026

Pagsisimula ng siyam na araw na nobena sa Karangalan ng Banal na Krus

Kami po ay Iyong kaawaan Panginoon
Sa pamamagitan ng Iyong Banal na Krus
Kami ay lingapin at laging iligtas

01/05/2026

Unang Biyernes ng buwan ng Mayo
Pamimintuho sa Mahal na Panginoong Hesus Nazareno
Pamimintuho sa Kanyang Kamahal-mahalang Puso.

Panginoong Hesus,
Maraming salamat po sa lahat ng biyaya, sa panibagong buwan na ibinigay Ninyo sa amin. Kayo po ang manguna sa amin, gabayan Mo po kami sa buhay. Alam ko po hindi nyo po kami pinababayaan. Kami po ay Inyong patawarin sa aming mga pagkakasala at pagkukulang. Inyo po kaming biyayaan ng aming mga pangangailangan sa buhay. Ipagkaloob Mo po ang kagalingan para sa mga maysakit at karamdaman. Hilumin Mo po ang aming mga puso sa lahat ng sugat. Matulad nawa ang aming puso sa Iyong puso. Amen