17/05/2026
𝐌𝐚𝐲𝐨 𝟏𝟕, 𝟐𝟎𝟐𝟔 | 𝐃𝐚𝐤𝐢𝐥𝐚𝐧𝐠 𝐊𝐚𝐩𝐢𝐬𝐭𝐚𝐡𝐚𝐧 𝐧𝐠 𝐏𝐚𝐠-𝐚𝐤𝐲𝐚𝐭 𝐬𝐚 𝐋𝐚𝐧𝐠𝐢𝐭 𝐧𝐠 𝐏𝐚𝐧𝐠𝐢𝐧𝐨𝐨𝐧
Sa Mabuting Balita, naramdaman ko na kahit minsan nagdududa o natatakot tayo, hindi tayo pinapabayaan ni Hesus. Pinapaalala Niya na lagi Siyang nasa tabi natin sa bawat problema at pagsubok. Bilang isang tao at kabataan, natutunan kong mas magtiwala sa Diyos at maging mabuti sa kapwa araw-araw. Nakaka-comfort isipin na may Diyos na laging gumagabay at nagmamahal sa atin.
- Pagninilay mula kay Bro. Jhan Cedrhick Torres, Social Actions Committee Member.
Upang mas palalimin ang repleksyon maaaring basahin ang buong Ebanghelyo mula sa Mabuting Balita ayon kay San Mateo 28, 16-20:
Noong panahong iyon, ang Labing-isang alagad ay nagpunta sa Galilea, sa bundok na itinuro sa kanila ni Hesus. Nang makita nila si Hesus, siya’y sinamba nila, bagamat may ilang nag-alinlangan. Lumapit si Hesus at sinabi sa kanila, “Ibinigay na sa akin ang lahat ng kapangyarihan sa langit at sa Lupa. Kaya, humayo kayo at gawin ninyong alagad ko ang lahat ng bansa. Binyagan ninyo sila sa ngalan ng Ama at ng Anak at ng Espiritu Santo, at turuang sumunod sa lahat ng ipinag-utos ko sa inyo. Tandaan ninyo: ako’y laging kasama ninyo hanggang sa katapusan ng sanlibutan.”
