Minor Basilica and Archdiocesan Shrine Parish of Santo Niño de Tondo

29/08/2026

𝐈𝐊𝐀-𝟐𝟐 𝐋𝐈𝐍𝐆𝐆𝐎 𝐒𝐀 𝐊𝐀𝐑𝐀𝐍𝐈𝐖𝐀𝐍𝐆 𝐏𝐀𝐍𝐀𝐇𝐎𝐍 (𝐀) | 𝐀𝐆𝐎𝐒𝐓𝐎 𝟑𝟎, 𝟐𝟎𝟐𝟔

𝐀𝐧𝐠 𝐌𝐚𝐛𝐮𝐭𝐢𝐧𝐠 𝐁𝐚𝐥𝐢𝐭𝐚 𝐧𝐠 𝐏𝐚𝐧𝐠𝐢𝐧𝐨𝐨𝐧 𝐚𝐲𝐨𝐧 𝐤𝐚𝐲 𝐒𝐚𝐧 𝐌𝐚𝐭𝐞𝐨

Noong panahong iyon, sinimulang ipaalam na ni Hesus sa kanyang mga alagad na dapat siyang magtungo sa Jerusalem at magbata ng maraming hirap sa kamay ng matatanda ng bayan, ng mga punong saserdote at ng mga eskriba, at kanilang ipapapatay siya. Ngunit sa ikatlong araw siya’y muling mabubuhay. Niyaya siya ni Pedro sa isang tabi at pinagsabihan ng ganito: “Panginoon, huwag nawa ng itulot ng Diyos! Hindi po dapat mangyari ito sa inyo.” Ngunit hinarap siya ni Hesus at sinabihan, “Lumayo ka, Satanas! Hadlang ka sa aking landas. Ang iniisip mo’y hindi sa Diyos kundi sa tao.”

Sinabi ni Hesus sa kanyang mga alagad, “Kung ibig ninumang sumunod sa akin, limutin niya ang ukol sa kanyang sarili, pasanin ang kanyang krus at sumunod sa akin. Ang naghahangad na magligtas ng kanyang buhay ay siyang mawawalan nito; ngunit ang mag-alay ng kanyang buhay alang-alang sa akin ay siyang magkakamit noon. Ano nga ang mapapala ng isang tao, makamtan man niya ang buong daigdig kung ang katumbas naman nito’y ang kanyang buhay? Ano ang maibabayad ng tao para mabalik sa kanya ang kanyang buhay? Sapagkat darating ang Anak ng Tao na taglay ang dakilang kapangyarihan ng kanyang Ama at kasama ang kanyang mga anghel. Sa panahong yao’y gagantihin niya ang bawat tao ayon sa kanyang ginawa.”

𝐀𝐧𝐠 𝐌𝐚𝐛𝐮𝐭𝐢𝐧𝐠 𝐁𝐚𝐥𝐢𝐭𝐚 𝐧𝐠 𝐏𝐚𝐧𝐠𝐢𝐧𝐨𝐨𝐧.

29/08/2026

𝐏𝐀𝐍𝐀𝐋𝐀𝐍𝐆𝐈𝐍 𝐒𝐀 𝐔𝐌𝐀𝐆𝐀 | 𝐀𝐆𝐎𝐒𝐓𝐎 𝟑𝟎, 𝟐𝟎𝟐𝟔

29/08/2026

𝐋𝐈𝐕𝐄: 𝐁𝐀𝐍𝐀𝐋 𝐍𝐀 𝐌𝐈𝐒𝐀

Ika-22 Linggo sa Karaniwang Panahon

Agosto 30, 2026 | 6:00 N.U.

Punong Tagapagdiwang: Reb. Padre Rolly Martinez, Bisitang Pari

29/08/2026

𝐏𝐀𝐍𝐀𝐋𝐀𝐍𝐆𝐈𝐍 𝐒𝐀 𝐆𝐀𝐁𝐈 | 𝐀𝐆𝐎𝐒𝐓𝐎 𝟐𝟗, 𝟐𝟎𝟐𝟔

29/08/2026

𝐊𝐀𝐏𝐈𝐒𝐓𝐀𝐇𝐀𝐍 𝐍𝐆 𝐏𝐀𝐆𝐒𝐈𝐋𝐀𝐍𝐆 𝐍𝐆 𝐌𝐀𝐇𝐀𝐋 𝐍𝐀 𝐁𝐈𝐑𝐇𝐄𝐍𝐆 𝐌𝐀𝐑𝐈𝐀

Narito ang talaan ng gawain sa ating dambahan kaugnay ng kapistahan ng pagsilang ng Mahal na Birheng Maria.

"𝙊 𝙈𝙖𝙧𝙞𝙖𝙣𝙜 𝙞𝙥𝙞𝙣𝙖𝙜𝙡𝙞𝙝𝙞𝙣𝙜 𝙬𝙖𝙡𝙖𝙣𝙜 𝙨𝙖𝙡𝙖, 𝙞𝙥𝙖𝙣𝙖𝙡𝙖𝙣𝙜𝙞𝙣 𝙢𝙤 𝙠𝙖𝙢𝙞𝙣𝙜 𝙙𝙪𝙢𝙪𝙙𝙪𝙡𝙤𝙜 𝙨𝙖 𝙞𝙮𝙤."

29/08/2026

𝐏𝐀𝐍𝐀𝐋𝐀𝐍𝐆𝐈𝐍 𝐒𝐀 𝐏𝐀𝐍𝐀𝐇𝐎𝐍 𝐍𝐆 𝐌𝐀𝐋𝐀𝐊𝐀𝐒 𝐍𝐀 𝐏𝐀𝐆-𝐔𝐋𝐀𝐍 𝐀𝐓 𝐏𝐀𝐆𝐁𝐀𝐇𝐀

Panginoon ipakita mo na ang iyong pag-ibig na wagas.
Kami ay lingapin at sa sakuna at panganib ay iyong iligtas.

𝗠𝗮𝗻𝗮𝗹𝗮𝗻𝗴𝗶𝗻 𝘁𝗮𝘆𝗼:

Amang makapangyarihan, nilikha mo at nilagyan ng kaayusan ang mundong walang hugis sa simula. Nang ang mga alagad ng iyong Anak ay naharap sa malakas na unos sa dagat sa Galilea, inutusan Niyang huminto ito. Ang unos ay tumalima at ang mga alagad ay napanatag.

Ngayong kami'y nakakaranas matinding ulan dulot ng habagat dalangin nami'y ipagsanggalang kami sa hagupit ng unos at pinsalang dulot nito, bigyan ng kapanatagan ang aming kalooban at sa iyong kapangyarihan, ibalik ang kaayusan at kapayapaan.

Amang mapagmahal, lingapin mo ang aming mga kapatid
na ngayo’y giniginaw, nagugutom at lubog sa baha.
Pawiin mo ang lahat ng aming mga takot at pangamba at Imulat ang aming mga mata at buksan ang aming mga puso upang makatugon kami sa pangangailangan ng bawa’t isa.

Hinihiling namin ito sa pamamagitan ni Hesukristo kasama ng Espiritu Santo magpasawalang hanggan. Amen.

𝐒𝐚𝐧𝐭𝐨 𝐍𝐢ñ𝐨 𝐝𝐞 𝐓𝐨𝐧𝐝𝐨, 𝐢𝐥𝐢𝐠𝐭𝐚𝐬 𝐌𝐨 𝐤𝐚𝐦𝐢!

29/08/2026

𝗣𝗔𝗚𝗚𝗨𝗡𝗜𝗧𝗔 𝗞𝗔𝗬 𝗦𝗔𝗡 𝗔𝗚𝗨𝗦𝗧𝗜𝗡 | 𝗢𝗕𝗜𝗦𝗣𝗢 𝗔𝗧 𝗣𝗔𝗡𝗧𝗔𝗦 𝗡𝗚 𝗦𝗜𝗠𝗕𝗔𝗛𝗔𝗡

Pinamunuan ni Reb. Padre Rolly Martinez, Guest Priest ng Basilika Menor at Arkidiyosesanong Dambana Parokya ng Santo Niño de Tondo, ang banal na misa kaugnay ng Paggunita kay San Agustin, na ginanap noong ika-28 ng Agosto sa ganap na ika-6 ng gabi.

Bilang isa sa mga Ama ng Simbahan, si San Agustin ay kapwa itinanghal na santo at kinilala bilang isa sa Apat na Pantas ng Kanluraning (Latin) Tradisyon ng Simbahang Katolika noong 1298 ni Papa Bonifacio VIII, kasama sina San Ambrosio ng Milan, San Jeronimo, at ang Dakilang Papa San Gregorio. Tinagurian din si San Agustin bilang "Pantas ng Biyaya (Doctor Gratiæ / Doctor of Grace)".

𝙎𝙖𝙣 𝘼𝙜𝙪𝙨𝙩𝙞𝙣, 𝙞𝙥𝙖𝙣𝙖𝙡𝙖𝙣𝙜𝙞𝙣 𝙢𝙤 𝙠𝙖𝙢𝙞!

29/08/2026

𝗣𝗔𝗥𝗜𝗦𝗛 𝗜𝗠𝗣𝗟𝗘𝗠𝗘𝗡𝗧𝗜𝗡𝗚 𝗔𝗡𝗗 𝗖𝗢𝗢𝗥𝗗𝗜𝗡𝗔𝗧𝗜𝗡𝗚 𝗖𝗢𝗨𝗡𝗖𝗜𝗟 (𝗣𝗜𝗖𝗖) 𝗠𝗢𝗡𝗧𝗛𝗟𝗬 𝗠𝗘𝗘𝗧𝗜𝗡𝗚 | 𝗔𝗴𝗼𝘀𝘁𝗼 𝟮𝟳, 𝟮𝟬𝟮𝟲

Pinamunuan ni Reb. Msgr. Geronimo F. Reyes, JCD, Rektor at Kura Paroko ng Basilika Menor at Arkidiyosesanong Dambana Parokya ng Santo Niño de Tondo, ang Parish Implementing and Coordinating Council meeting o buwanang pagpupulong ng mga lider mula sa iba't ibang mga ministri at organisasyon.

Tinalakay sa pagpupulong ang mga darating na gawain ng Basilika Menor sa buwan ng Setyembre.

29/08/2026

28/08/2026

𝐏𝐀𝐆𝐆𝐔𝐍𝐈𝐓𝐀 𝐒𝐀 𝐏𝐀𝐆𝐏𝐀𝐏𝐀𝐊𝐀𝐒𝐀𝐊𝐈𝐓 𝐍𝐈 𝐒𝐀𝐍 𝐉𝐔𝐀𝐍, 𝐀𝐍𝐆 𝐓𝐀𝐆𝐀𝐏𝐀𝐆𝐁𝐈𝐍𝐘𝐀𝐆, 𝐌𝐀𝐑𝐓𝐈𝐑 | 𝐀𝐆𝐎𝐒𝐓𝐎 𝟐𝟗, 𝟐𝟎𝟐𝟔

𝐀𝐧𝐠 𝐌𝐚𝐛𝐮𝐭𝐢𝐧𝐠 𝐁𝐚𝐥𝐢𝐭𝐚 𝐧𝐠 𝐏𝐚𝐧𝐠𝐢𝐧𝐨𝐨𝐧 𝐚𝐲𝐨𝐧 𝐤𝐚𝐲 𝐒𝐚𝐧 𝐌𝐚𝐫𝐜𝐨𝐬

Noong panahong iyon, si Herodes ang nagpahuli, nagpagapos at nagpabilanggo kay Juan dahil kay Herodias. Ang babaing ito’y asawa ni Felipe na kapatid ni Herodes ngunit kinakasama niya. Laging sinasabi sa kanya ni Juan, “Hindi matuwid na kunin ninyo ang asawa ng inyong kapatid.” Kaya’t si Herodias ay nagkimkim ng galit kay Juan. Hinangad niyang ipapatay ito, ngunit hindi niya magawa, sapagkat natatakot si Herodes kay Juan. Alam niyang ito’y taong matuwid at banal, kaya’t ipinagsasanggalang niya. Gustong-gusto niyang makinig kay Juan, bagamat labis siyang nababagabag sa mga sinasabi nito.

Sa wakas ay nagkaroon ng pagkakataon si Herodias nang anyayahan ni Herodes sa kanyang kaarawan ang kanyang mga kagawad, mga pinuno ng hukbo, at ang mga pangunahing mamamayan ng Galilea. Pumasok ang anak na babae ni Herodias at nagsayaw. Labis na nasiyahan si Herodes at ang mga panauhin, kaya’t sinabi ng hari sa dalaga, “Hingin mo sa akin ang anumang ibig mo at ibibigay ko sa iyo.” At naisumpa pa niyang ibibigay kahit ang kalahati ng kanyang kaharian kung ito ang hihilingin. Lumabas ang dalaga at tinanong ang kanyang ina, “Ano ang hihingin ko?” “Ang ulo ni Juan Bautista,” sagot ng ina. Dali-daling nagbalik ang dalaga sa kinaroroonan ng hari. “Ang ibig ko po’y ibigay ninyo sa akin ngayon din, sa isang pinggan, ang ulo ni Juan Bautista,” sabi niya. Labis na nalungkot ang hari, ngunit dahil sa kanyang sumpa na narinig ng kanyang mga panauhin, hindi niya matanggihan ang dalaga. Kaagad niyang iniutos sa isang bantay na dalhin sa kanya ang ulo ni Juan. Sumunod ang bantay at pinugutan si Juan sa bilangguan, inilagay ang ulo sa isang pinggan, at ibinigay sa dalaga. Ibinigay naman iyon ng dalaga sa kanyang ina. Nang mabalitaan ito ng mga alagad ni Juan, kinuha nila ang kanyang bangkay at inilibing.

𝐀𝐧𝐠 𝐌𝐚𝐛𝐮𝐭𝐢𝐧𝐠 𝐁𝐚𝐥𝐢𝐭𝐚 𝐧𝐠 𝐏𝐚𝐧𝐠𝐢𝐧𝐨𝐨𝐧.