https://www.facebook.com/110444905303641/

Cofradia dela Virgen de Candelaria, Tondo, Manila., 600 Lorenzo Chacon Street Tondo, Philippines, Manila (2026)

24/08/2026

𝐏𝐀𝐆𝐆𝐔𝐍𝐈𝐓𝐀 𝐊𝐀𝐘 𝐒𝐀𝐍 𝐀𝐆𝐔𝐒𝐓𝐈𝐍

Inaanyayahan ang lahat na makiisa sa mga gawain kaugnay sa Paggunita kay San Agustin.

22/08/2026

𝗗𝗔𝗟𝗔𝗪 𝗧𝗔𝗛𝗔𝗡𝗔𝗡
‎Agosto 1 - Agosto 16, 2026
‎
‎Maraming Salamat sa Pamilya Alcantara sa inyong malugod na pagtanggap sa imahen ng Mahal na Birhen ng Candelaria sa inyong tahanan. Nawa’y lalo pa kayong pagpalain ng Diyos sa pamamagitan ng kanyang Ina, ang Mahal na Birheng Maria at patuloy na gabayan at protektahan ang inyong pamilya.
‎
‎Ang imahen ng ating Mahal na Ina ay nanatili sa kanilang tahanan mula ika-1 hanggang ika-16 ng Agosto.
‎
‎¡VIVA LA VIRGEN DE CANDELARIA!
‎______
‎
‎*𝘔𝘢𝘢𝘢𝘳𝘪 𝘯𝘢 𝘱𝘰 𝘵𝘢𝘺𝘰 𝘮𝘢𝘬𝘪𝘱𝘢𝘨-𝘶𝘨𝘯𝘢𝘺𝘢𝘯 𝘴𝘢 𝘢𝘮𝘪𝘯𝘨 𝘨𝘳𝘶𝘱𝘰 𝘥𝘪𝘵𝘰 𝘱𝘰 𝘴𝘢 𝘍𝘢𝘤𝘦𝘣𝘰𝘰𝘬 𝘱𝘢𝘨𝘦 𝘯𝘨 𝘊𝘰𝘧𝘳𝘢𝘥𝘪𝘢 𝘥𝘦 𝘭𝘢 𝘝𝘪𝘳𝘨𝘦𝘯 𝘥𝘦 𝘊𝘢𝘯𝘥𝘦𝘭𝘢𝘳𝘪𝘢 𝘴𝘢 𝘮𝘨𝘢 𝘯𝘢𝘪𝘴 𝘱𝘰 𝘮𝘢𝘨𝘱𝘢𝘭𝘪𝘴𝘵𝘢 𝘱𝘢𝘳𝘢 𝘴𝘢 𝘭𝘪𝘯𝘨𝘨𝘶𝘩𝘢𝘯𝘨 𝘱𝘢𝘨𝘥𝘢𝘭𝘢𝘸 𝘴𝘢 𝘢𝘵𝘪𝘯𝘨 𝘮𝘨𝘢 𝘵𝘢𝘩𝘢𝘯𝘢𝘯 𝘯𝘨 𝘪𝘮𝘢𝘩𝘦 𝘯𝘨 𝘢𝘵𝘪𝘯𝘨 𝘔𝘢𝘩𝘢𝘭 𝘯𝘢 𝘉𝘪𝘳𝘩𝘦𝘯 𝘯𝘨 𝘊𝘢𝘯𝘥𝘦𝘭𝘢𝘳𝘪𝘢.*
‎
‎
‎
‎
‎____________________
‎
‎Para sa karagdagang kaalaman sa Basilica bumisita sa: https://www.facebook.com/stoninodetondoparish?mibextid=ZbWKwL https://www.facebook.com/profile.php?id=100090211787319&mibextid=ZbWKwL
‎
‎☎️ 𝗣𝗟𝗘𝗔𝗦𝗘 𝗙𝗢𝗟𝗟𝗢𝗪, 𝗟𝗜𝗞𝗘 and 𝗦𝗛𝗔𝗥𝗘:
‎Minor Basilica and Archdiocesan Shrine Parish of Sto. Niño de Tondo
‎Cofradia de la Virgen de Candelaria Tondo, Manila

21/08/2026

𝗣𝗔𝗡𝗔𝗟𝗔𝗡𝗚𝗜𝗡 𝗦𝗔 𝗠𝗔𝗛𝗔𝗟 𝗡𝗔 𝗕𝗜𝗥𝗛𝗘𝗡 𝗡𝗚 𝗖𝗔𝗡𝗗𝗘𝗟𝗔𝗥𝗜𝗔
(Sabadong Pagdedebosyon)

O Birhen ng Candelaria, ang aming Inang nagdadala sa Batang si Hesus upang maihain sa templo.
Dumudulog kami sa iyo, taglay ang pagtitiwala at kapayakan tulad ng isang bata.
Lumalapit kami dala ang aming mga pagkabahala, mga kagalaka't kalumbayan, kasama ang kapaguran sa paggawa at bigat ng aming mga kahinaan na nagdudulot ng kasalanan.

O Birhen ng Candelaria, ikaw ang tagapagdala ng Liwanag na si Kristong aming Panginoon;
ikaw ang aming Ina at pag-asa, kaginhawaan at ligaya; kalakbay ka namin tuwina, saan man kami pumaroon.
Ikaw ang maliwanag na bituin; gabay tungo sa Dakilang Ama.
Ikaw ang aming landas upang makatagpo si Kristo.

O Birhen ng Candelaria,
Birheng lubhang mahabagin, pakinggan mo ang mga pasasalamat at dalangin
( tahimik na banggitin ang mga dalangin ).
Pagpalain mo ang aming mga tahanan, ipagkamit mo kami ng gawain at kalusugan, turuan mo kaming makinig sa Salita ng iyong Anak, maisabuhay ito sa bawat araw at tumalima sa Banal na Espiritu Santo.
Turuan mo kaming maging mga mamamayang may pakikipagkaisa sa aming simbahan at sa aming bansa.
Amen.

O Birhen ng Candelaria, ang aming liwanag at pag-asa,
Ipanalangin mo kami tuwina kay Hesus na iyong kinalinga sa iyong sinapupunang sakdal linis.

21/08/2026

𝗣𝗔𝗚𝗚𝗨𝗡𝗜𝗧𝗔 𝗦𝗔 𝗣𝗔𝗚𝗞𝗔𝗥𝗘𝗬𝗡𝗔 𝗡𝗚 𝗠𝗔𝗛𝗔𝗟 𝗡𝗔 𝗕𝗜𝗥𝗛𝗘𝗡𝗚 𝗠𝗔𝗥𝗜𝗔

Ang pagkareyna ng Mahal na Birheng Maria ay makikita sa Banal na Kasulatan. Sa pagpapahayag ng Anghel Gabriel ng Mabuting Balita, kaniyang binanggit na si Maria ay magiging ina ng Mesias na magmumula sa linya ng Haring David. Sa Lumang Tipan mababasa ang impluwensya at katungkulan ng Inang Reyna sa Korte ng Hari.

Noong ikaapat na siglo, tinawag ni San Efren si Maria bilang Reyna na siyang ginamit ng mga sinaunang mga pari at pantas ng Simbahan.

Ang paggunita ng Pagkareyna ng Mahal na Birhen ay sinimulan noong 1954 ayon sa utos ni Papa Pio XII; tuwing ika-22 ng Agosto sa Oktaba ng Dakilang Kapistahan ng pag-akyat sa kaniya sa langit.

𝐌𝐀𝐍𝐀𝐋𝐀𝐍𝐆𝐈𝐍 𝐓𝐀𝐘𝐎

Ama naming makapangyarihan,
ginawa mong aming maging Ina at Reyna
ang nagsilang sa iyong Anak.
Ipagkaloob mong kaming
lubos niyang idinadalangin
ay makarating nang maluwalhati
sa iyong paghahari sa iyong mga supling
sa pamamagitan ni Hesukristo
kasama ng Espiritu Santo
magpasawalang hanggan.
Amen.

𝙊 𝙈𝙖𝙧𝙞𝙖, 𝙍𝙚𝙮𝙣𝙖 𝙣𝙜 𝙡𝙖𝙣𝙜𝙞𝙩 𝙖𝙩 𝙡𝙪𝙥𝙖, 𝙞𝙥𝙖𝙣𝙖𝙡𝙖𝙣𝙜𝙞𝙣 𝙢𝙤 𝙠𝙖𝙢𝙞.

20/08/2026

𝐇𝐀𝐏𝐏𝐘 𝐁𝐈𝐑𝐓𝐇𝐃𝐀𝐘✨️💙
To our beloved Florista, Bro.James Emmanuel Lopez!

Warmest wishes to you on your very special day. We hope you continue to change the lives of others with your passion, love, and beautiful spirit. May our Blessed Mother, Nuestra Señora de Candelaria continue to intercede and guide you in serving the Church of her Son, our Lord Jesus Christ.

17/08/2026

𝑺𝑼𝑩 𝑻𝑼𝑼𝑴 𝑷𝑹𝑨𝑬𝑺𝑰𝑫𝑰𝑼𝑴

Sa ilalim ng iyong pagkalinga, kami ay sumisilong, O Santa Mariang Ina ng Diyos.
Huwag mong tanggihan ang aming mga kahilingan sa oras ng pangangailangan, bagkus iadya mo kami sa lahat ng panganib.
O Birheng maluwalhati at pinagpala. Amen.

Mahal na Birhen ng Candelaria,
Ipanalangin mo kami.

15/08/2026

𝗣𝗔𝗚𝗚𝗨𝗡𝗜𝗧𝗔 𝗞𝗔𝗬 𝗦𝗔𝗡 𝗥𝗢𝗤𝗨𝗘 | 𝗡𝗔𝗚𝗣𝗔𝗣𝗔𝗚𝗔𝗟𝗜𝗡𝗚

Si San Roque ay anak ng Gobernador sa Montpellier sa Pransya. Mula pa man ng isilang marami nang nagaakala na magiging santo siya sapagkat ipinanganak siyang may balat na tila krus sa kanyang dibdib. Iniwan niya ang marangyang buhay sa Pransya, ibinigay ang kanyang mga ari-arian sa mga dukha at nagtungo sa Roma. Doon siya naglingkod sa mga biktima ng peste. Marami ang gumaling dahil sa kanyang pagkukrus sa kanila. Dumating ang pagkakataon na nahawa na rin siya ng sakit. Kaya nagtungo siya sa gubat at sa isang yungib tumira. Doon ay inalagaan siya ng isang a*o na palaging nililinis ang kanyang mga sugat sa pamamagitan ng pagdila sa mga ito. Napagbintangan naman si San Roque na erehe nang siya'y matagpuan sa gubat kaya siya'y ikinulong nila. Sa preso inalagaan niya ang mga kasamahang bilango bilang kanyang banal na tungkulin noong nasa piling nila.

𝐌𝐀𝐍𝐀𝐋𝐀𝐍𝐆𝐈𝐍 𝐓𝐀𝐘𝐎

Ama naming makapangyarihan,
Ikaw lamang ang banal
at walang mabuting iiral kundi dahil sa Iyo lamang.
Pakundangan sa pagdalangin ni San Roque
ipag-utos Mong kami’y mamuhay
nang ‘di dapat makabawas sa Iyong kadakilaan
sa pamamagitan ni HesuKristo
kasama ng Espiritu Santo
magpasawalang hanggan.
Amen.

14/08/2026

𝗗𝗔𝗞𝗜𝗟𝗔𝗡𝗚 𝗞𝗔𝗣𝗜𝗦𝗧𝗔𝗛𝗔𝗡 𝗡𝗚 𝗣𝗔𝗚-𝗔𝗔𝗞𝗬𝗔𝗧 𝗦𝗔 𝗟𝗔𝗡𝗚𝗜𝗧 𝗦𝗔 𝗠𝗔𝗛𝗔𝗟 𝗡𝗔 𝗕𝗜𝗥𝗛𝗘𝗡𝗚 𝗠𝗔𝗥𝗜𝗔

𝑨𝒕 𝒔𝒊𝒏𝒂𝒃𝒊 𝒏𝒊 𝑴𝒂𝒓𝒊𝒂,
“𝑨𝒏𝒈 𝒑𝒖𝒔𝒐 𝒌𝒐’𝒚 𝒏𝒂𝒈𝒑𝒖𝒑𝒖𝒓𝒊 𝒔𝒂 𝑷𝒂𝒏𝒈𝒊𝒏𝒐𝒐𝒏,
𝒂𝒕 𝒏𝒂𝒈𝒂𝒈𝒂𝒍𝒂𝒌 𝒂𝒏𝒈 𝒂𝒌𝒊𝒏𝒈 𝒆𝒔𝒑𝒊𝒓𝒊𝒕𝒖
𝒅𝒂𝒉𝒊𝒍 𝒔𝒂 𝑫𝒊𝒚𝒐𝒔 𝒏𝒂 𝒂𝒌𝒊𝒏𝒈 𝒕𝒂𝒈𝒂𝒑𝒂𝒈𝒍𝒊𝒈𝒕𝒂𝒔.
𝑺𝒂𝒑𝒂𝒈𝒌𝒂𝒕 𝒏𝒊𝒍𝒊𝒏𝒈𝒂𝒑 𝒏𝒊𝒚𝒂 𝒂𝒏𝒈 𝒌𝒂𝒏𝒚𝒂𝒏𝒈 𝒂𝒃𝒂𝒏𝒈 𝒂𝒍𝒊𝒑𝒊𝒏!
𝑨𝒕 𝒎𝒖𝒍𝒂 𝒏𝒈𝒂𝒚𝒐𝒏, 𝒂𝒌𝒐’𝒚 𝒕𝒂𝒕𝒂𝒘𝒂𝒈𝒊𝒏𝒈 𝒎𝒂𝒑𝒂𝒍𝒂𝒅
𝒏𝒈 𝒍𝒂𝒉𝒂𝒕 𝒏𝒈 𝒔𝒂𝒍𝒊𝒏𝒍𝒂𝒉𝒊,
𝒅𝒂𝒉𝒊𝒍 𝒔𝒂 𝒎𝒈𝒂 𝒅𝒂𝒌𝒊𝒍𝒂𝒏𝒈 𝒃𝒂𝒈𝒂𝒚 𝒏𝒂 𝒈𝒊𝒏𝒂𝒘𝒂 𝒔𝒂 𝒂𝒌𝒊𝒏
𝒏𝒈 𝑴𝒂𝒌𝒂𝒑𝒂𝒏𝒈𝒚𝒂𝒓𝒊𝒉𝒂𝒏 - 𝑩𝒂𝒏𝒂𝒍 𝒂𝒏𝒈 𝒌𝒂𝒏𝒚𝒂𝒏𝒈 𝒑𝒂𝒏𝒈𝒂𝒍𝒂𝒏!" (𝐋𝐮𝐜𝐚𝐬 𝟏:𝟒𝟔-𝟒𝟗)

Sa araw na ito, ipinagdiriwang ng Simbahan ang isang dakilang karangalang ibinigay kay Maria, Ina ng Diyos.

Ang dakilang kapistahan ay ipinagdiriwang sa liturhiya ng mga Rito sa Silangan mula noong ika-6 na dantaon, at sa Roma mula noong ika-7 dantaon.

Ang kanyang Anak, ang Panginoong Hesukristo, na nagtagumpay sa kasalanan at kamatayan, ay kabahagi niya ngayon sa tagumpay na ito.

Binigyang-kahulugan ni Papa Pio XII ang Dogma ng Pag-aakyat sa Langit sa Mahal na Birheng Maria noong ika-1 ng Nobyembre, 1950. Marubdob, mataimtim at maringal niyang ipinahayag na ang Mahal na Birheng Maria ay dinala, samakatuwid iniakyat, katawan at kaluluwa, sa kaluwalhatian ng langit sa pagtatapos ng kanyang buhay sa lupa ay bumubuo sa kalagakan ng pananampalataya (depositum fidei) ng Simbahan, na natanggap mula sa mga apostol.

Ipinaaalala ng Dakilang Kapistahang ito na isang araw makakapiling ang Panginoon sa langit, sundin at isakatapuran lamang ang kanyang kalooban dito sa lupa.

𝐌𝐀𝐍𝐀𝐋𝐀𝐍𝐆𝐈𝐍 𝐓𝐀𝐘𝐎

Ama naming makapangyarihan,
nilingap mo ang iyong alipin
at bukod mong pinagpala
upang maging Inang tunay ng iyong Anak
na sumilang at nag-akyat ngayon
sa langit sa kanya.
Bilang tugon sa kanyang pagdalangin,
kaming mga tinubos ay marapatin mong
itampok sa langit
sa pamamagitan ni Hesukristo
kasama ng Espiritu Santo
magpasawalang hanggan.
Amen.

Cofradia dela Virgen de Candelaria, Tondo, Manila.

24/08/2026

22/08/2026

21/08/2026

21/08/2026

20/08/2026

17/08/2026

15/08/2026

14/08/2026

Address

Website

Alerts

Shortcuts

Share

Category

Listing takedown request