04/09/2026
APO MACALULU
Panalangin sa Panginoong Maawain
Lumalapit ako sa lyo, O Panginoong maawain, Sampu ng mabibigat na dalahin ng aking kaluluwa, Sampu ng lahat ng aking mga alalahanin at tiisin,
Sampu ng mga pagsubok na dapat kong harapin,
Sampu ng mga pangangailangan ng mga taong mahal sa akin,
Sampu ng aking mga kahinaan at pagkakasala,
Sampu ng mabuway kong pananampalataya,
Sampu ng pananalig kong nanghihina,
Sampu ng kulang kong pag-ibig.
Lumalapit ako sa lyo kung papaanong nilapitan ka noong babaeng nagdurugo, Upang tulad niya ay mahaplos ko man lamang ang laylayan ng damit Mo
At upang kagalinga'y akin ding matamo.
Lumalapit ako sa lyong katulad baga ng ketongin Na minsa'y nanikluhod sa lyo at nagmakaawa,
Upang ako di'y lyong hipuin at pagalingin,
Upang katawan ko't kaluluwa's lyong linisin
Upang ako'y dulutan ng bagong buhay at layunin.
Iniluluhog ko rin sa lyo ang mga mahal ko sa buhay
Katulad baga niyaong mga taong bumitbit sa paralitiko at bumutas sa bubong Upang kanilang maibaba at mailapit sa lyo ang kaibigan nilang may kapansanan; Ako man, Panginoon, nais ko ring ilapit sa lyo ang aking mga kaibigan
Upang kanila ring marinig ang Salita Mong nagbibigay kaginhawaan,
At upang ang makapangyarihan Mong biyaya ay magdulot ng bagong lakas
Sa mga tuhod nilang nangangatog at kalooban nilang pinapanawan ng lakas,
Upang sa lakbayin ng buhay ay hindi na sila muling matisod o maligaw ng landas.
Lumalapit ako sa lyo, O Panginoong maawain,
Katulad baga ng paglapit sa lyo ng babaeng taga Canaan,
Na nagmakaawa alang-alang sa anak niyang maysakit
At nanalig sa kabutihan ng Iyong puso,
Sa lyong awa at malasakit sa mga wala nang mahanap na kalutasan,
Katulad niya, lumalapit akong na para bang isang asong naghihintay ng pagkaing
Nahuhulog mula sa mesa ng kanyang amo.
Lumalapit ako sa lyong katulad baga ng babaeng nagkasala
Na muntik nang batuhin ng mga taong mapanghusga,
Dahil alam kong Ikaw ay mahabagin
At tanging ikaw lang ang makakapagpuno sa aking mga pagkukulang,
Tanging Ikaw din lang ang nakakapagkubli sa aking mga kahihiyan
Tanging Ikaw lang ang magpapabangon sa akin mula sa pagkakalugmok Lumalapit ako sa lyong katulad ni San Pedro
Noong nagpakita ka sa kanya at parang ibig niyang lumubog sa kahihiyan, Noong niyaya mo siyang kumain at muling magpahayag ng kanyang pag-ibig Sa kabila ng ginawa niyang pagtatwa sa lyo.
Lumalapit akong katulad ng mga alagad ng Emmaus
Upang kagaya nila'y makasama kita sa aking paglalakbay,
Upang aking mawari ang saysay ng tanang mga pangyayari sa aking buhay
At upang sa pamamagitan ng Salita Mong banal,
Ang puso kong nanlalamig sa karimlan ay muling uminit at masikatan ng liwanag
At upang kita'y makilala kapag tayo'y nagkasalo
At nang ako'y tubuan ng lakas ng loob na muling harapin ang mga bagay na aking tinatakasan.
Isinusuko ko sa lyo, O Panginoong Maawain, ang tanang akin,
Sapagkat tanging ikaw lamang Panginoon ko at Diyos
Ikaw na nabubuhay at naghahari kasama ng Ama at ng Espiritu Santo,
Magpasawalang-hanggan.
Amen.
