San Lorenzo Ruiz Choir

23/03/2026

𝑰𝒌𝒂𝒍𝒊𝒎𝒂𝒏𝒈 𝑳𝒊𝒏𝒈𝒈𝒐 𝒏𝒈 𝑨𝒑𝒂𝒕𝒏𝒂𝒑𝒖𝒏𝒈 𝑨𝒓𝒂𝒘 𝒏𝒂 𝑷𝒂𝒈𝒉𝒂𝒉𝒂𝒏𝒅𝒂 (𝑨) | 𝑺𝒖𝒏𝒅𝒂𝒚 𝑺𝒆𝒓𝒗𝒊𝒄𝒆 | 3PM

𝐌𝐀𝐁𝐔𝐓𝐈𝐍𝐆 𝐁𝐀𝐋𝐈𝐓𝐀
Juan 11, 1-45

𝗔𝗻𝗴 𝗠𝗮𝗯𝘂𝘁𝗶𝗻𝗴 𝗕𝗮𝗹𝗶𝘁𝗮 𝗻𝗴 𝗣𝗮𝗻𝗴𝗶𝗻𝗼𝗼𝗻 𝗮𝘆𝗼𝗻 𝗸𝗮𝘆 𝗦𝗮𝗻 𝗝𝘂𝗮𝗻

Noong panahong iyon, nagpasabi kay Hesus ang mga kapatid na babae ni Lazaro, “Panginoon, ang kaibigan mong minamahal ay may sakit.” Ngunit nang marinig ito ni Hesus ay sinabi niya, “Hindi magwawakas sa kamatayan ang sakit na ito. Nangyari ito upang maparangalan ang Diyos at sa pamamagitan nito’y maparangalan ang Anak ng Diyos.”

Mahal ni Hesus ang magkakapatid na Marta, Maria at Lazaro. Gayunma’y pinaraan pa niya ang dalawang araw matapos mabalitaang may sakit si Lazaro bago sinabi sa kanyang mga alagad, “Magbalik tayo sa Judea.” Pagdating ni Hesus, nalaman niyang apat na araw nang nakalibing si Lazaro. Nang marinig ni Marta na dumarating si Hesus, sinalubong niya ito; ngunit si Maria’y naiwan sa bahay. Sinabi ni Marta, “Panginoon, kung kayo po’y narito, hindi sana namatay ang aking kapatid. Ngunit nalalaman kong kahit ngayo’y ibibigay sa inyo ng Diyos ang anumang hingin ninyo sa kanya.” “Muling mabubuhay ang iyong kapatid,” wika ni Hesus. Sumagot si Marta, “Nalalaman ko pong siya’y mabubuhay uli sa huling araw, sa muling pagkabuhay.” Sinabi naman ni Hesus, “Ako ang muling pagkabuhay at ang buhay. Ang nananalig sa akin, kahit mamatay ay muling mabubuhay, at sinumang nabubuhay at nananalig sa akin, ay hindi mamamatay kailanman. Pinaniniwalaan mo ba ito?” “Opo, Panginoon!” sagot niya. “Nananalig ako sa inyo. Kayo po ang Anak ng Diyos, ang Mesiyas na inaasahang paparito sa sanlibutan.”

Si Hesus ay napahimutok. “Saan ninyo siya inilibing?” tanong niya. Sumagot sila, “Panginoon, halikayo at tingnan ninyo.” Tumangis si Hesus; kaya’t sinabi ng mga Judio, “Talagang mahal na mahal niya si Lazaro!” Ngunit sinabi ng ilan, “Nakapagpadilat ng bulag ang taong ito. Bakit hindi niya nahadlangan ang pagkamatay ni Lazaro?”

Muling napahimutok si Hesus pagdating sa libingan. Ito’y yungib na natatakpan ng isang bato “Alisin ninyo ang bato,” sabi ni Hesus. Sumagot si Marta, “Panginoon, nangangamoy na po siya ngayon; apat na araw na siyang patay. Sinabi ni Hesus, “Hindi ba sinabi ko sa inyo na kung mananalig ka sa akin ay makikita mo kung gaano kadakila ang Diyos?” At inalis nila ang bato. Tumingala si Hesus at ang wika, “Ama, nagpapasalamat ako sa iyo, sapagkat dininig mo ako. Alam kong lagi mo akong dinirinig. Ngunit sinabi ko ito dahil sa mga taong nasa paligid ko, upang maniwala silang ikaw ang nagsugo sa akin.” Pagkasabi nito, sumigaw siya, “Lazaro, lumabas ka!” Lumabas nga si Lazaro; napupuluputan ng kayong panlibing ang kanyang mga kamay at paa, at nababalot ng panyo ang kanyang mukha. Sinabi ni Hesus sa kanila, “Kalagan ninyo siya, at nang makalaya.”

Marami sa mga Judiong dumalaw kay Maria ang nakakita sa ginawa ni Hesus at nanalig sa kanya.

𝗔𝗻𝗴 𝗠𝗮𝗯𝘂𝘁𝗶𝗻𝗴 𝗕𝗮𝗹𝗶𝘁𝗮 𝗻𝗴 𝗣𝗮𝗻𝗴𝗶𝗻𝗼𝗼𝗻.

15/03/2026

𝐈𝐤𝐚𝐚𝐩𝐚𝐭 𝐧𝐚 𝐋𝐢𝐧𝐠𝐠𝐨 𝐧𝐠 𝐀𝐩𝐚𝐭𝐧𝐚𝐩𝐮𝐧𝐠 𝐀𝐫𝐚𝐰 𝐧𝐚 𝐏𝐚𝐠𝐡𝐚𝐡𝐚𝐧𝐝𝐚

𝐌𝐀𝐁𝐔𝐓𝐈𝐍𝐆 𝐁𝐀𝐋𝐈𝐓𝐀�𝐉𝐮𝐚𝐧 9, 1-41

𝐀𝐧𝐠 𝐌𝐚𝐛𝐮𝐭𝐢𝐧𝐠 𝐁𝐚𝐥𝐢𝐭𝐚 𝐧𝐠 𝐏𝐚𝐧𝐠𝐢𝐧𝐨𝐨𝐧 𝐚𝐲𝐨𝐧 𝐤𝐚𝐲 𝐒𝐚𝐧 𝐣𝐮𝐚𝐧.

Noong panahong iyon: Sa paglalakad ni Hesus ay may nakita siyang isang lalaking ipinanganak na bulag. Tinanong siya ng kanyang mga alagad, “Rabi, sino po ang nagkasala at ipinanganak na bulag ang lalaking ito, siya o ang kanyang mga magulang?” Sumagot si Hesus, “Ipinanganak na bulag ang lalaking ito, hindi dahil sa nagkasala siya o ang kanyang mga magulang, kundi upang mahayag ang kapangyarihan ng Diyos. Dapat nating gawin ang mga ipinagagawa ng nagsugo sa akin samantalang araw pa; dumarating ang gabi at wala nang makagagawa. Habang ako’y nasa sanlibutan, ako ang ilaw ng sanlibutan.” Pagkasabi nito, si Hesus ay lumura sa lupa at gumawa ng putik. Ipinahid niya ito sa mata ng bulag. Sinabi sa kanya ni Hesus, “Pumunta ka sa deposito ng tubig sa Siloe.” (Ang kahulugan nito’y Sinugo.) “Maghilamos ka roon.” Gayon nga ang ginawa ng bulag at nang magbalik ay nakakita na.

Sinabi ng mga kapitbahay niya at ng mga nakakita sa kanya noong siya’y namamalimos pa, “Hindi ba iyan ang lalaking dating nagpapalimos?” Sumagot ang ilan, “Iyan nga!” “Hindi! Kamukha lang,” wika naman ng iba. At sumagot ang lalaki, “Ako nga po iyon.” “Paano kang nakakita?” tanong nila. Sumagot siya, “Ang lalaking tinatawag na Hesus ay gumawa ng putik at ipinahid sa aking mga mata. Pagkatapos, sinabi sa akin, ‘Pumunta ka sa Siloe at maghilamos.’ Kaya’t pumaroon ako at naghilamos, at nakakita na ako.” “Nasaan siya?” tanong nila sa kanya. “Ewan ko po,” sagot niya.

Dinala nila sa mga Pariseo ang dating bulag. Araw ng Pamamahinga nang gumawa si Hesus ng putik at padilatin ang bulag. Tinanong din siya ng mga Pariseo kung paano siya nakakita. Sinabi niya sa kanila, “Pinahiran niya ng putik ang aking mga mata, naghilamos ako pagkatapos, at ngayo’y nakakikita na ako.” Ang sabi ng ilan sa mga Pariseo, “Hindi mula sa Diyos ang taong iyan, sapagkat hindi niya ipinangingilin ang Araw ng Pamamahinga.” Ngunit sinabi naman ng iba, “Paanong makagagawa ng ganitong kababalaghan ang isang makasalanan?” At hindi sila magkaisa ng palagay.

Kaya’t tinanong nila uli ang dating bulag, “Ikaw naman, yamang pinadilat ni Hesus ang iyong mga mata, ano naman ang masasabi mo tungkol sa kanya?” “Siya’y isang propeta!” sagot niya. Ayaw maniwala ang mga Judio na siya’y dating bulag, kaya’t ipinatawag nila ang mga magulang ng taong iyon. At tinanong sila, “Anak ba ninyo ito? Talaga bang siya’y ipinanganak na bulag? Bakit nakakikita na siya ngayon?” Sumagot ang kanyang mga magulang, “Alam po naming siya ang aming anak, at siya’y ipinanganak na bulag. Ngunit hindi namin alam kung bakit nakakikita na siya ngayon, o kung sino ang nagpadilat sa kanya. Siya na po ang tanungin ninyo. Siya’y may sapat na gulang na at makapagsasabi ng tungkol sa kanyang sarili!” Ganito ang sabi ng kanyang mga magulang dahil sa takot sa mga Judio, sapagkat pinagkaisahan ng mga Judio na itiwalag sa sinagoga ang sinumang magpahayag na si Hesus ang Mesiyas. Ito ang dahilan kung bakit sinabi ng kanyang mga magulang, “Siya’y may sapat na gulang na; siya po ang tanungin ninyo.”

Kaya’t muli nilang ipinatawag ang dating bulag at sinabi sa kanya, “Sabihin mo ang totoo! Alam naming makasalanan ang taong iyon.” Hindi ko po alam kung siya’y makasalanan o hindi,” tugon niya. “Isang bagay ang alam ko: dati akong bulag ngunit ngayo’y nakakikita na.” “Ano ang ginawa niya sa iyo?” tanong nila. “Paano niya pinadilat ang iyong mga mata?” Sumagot siya, “Sinabi ko na po sa inyo, at ayaw ninyong pakinggan. Ano’t ibig ninyong marinig uli? Ibig din ba ninyong maging alagad niya?” At siya’y inalipusta nila. “Ikaw ang alagad niya,” sabi nila. “Ngunit kami’y mga alagad ni Moises. Nalalaman naming nagpakita ang Diyos kay Moises; ngunit ang taong iyon – ni hindi namin alam kung saan nanggaling!” Sumagot ang lalaki, “Iyan nga po ang kataka-taka! Hindi ninyo alam kung saan siya nanggaling, gayung pinadilat niya ang mga mata ko. Alam nating hindi pinakikinggan ng Diyos ang mga makasalanan, ngunit pinakikinggan niya ang mga tunay na sumasamba sa kanya at sumusunod sa kanyang kalooban. Buhat sa pasimula ng sanlibutan ay wala pang nakapagpapadilat ng mata ng taong ipinanganak na bulag. Wala pong magagawa ang taong iyon kung siya’y hindi mula sa Diyos!” Sumagot sila, “Ipinanganak kang makasalanan at ikaw pa ang magtuturo sa amin?” At siya’y itiniwalag nila.

Nabalitaan ni Hesus na ang lalaking pinagaling niya ay itiniwalag ng mga Pariseo. Kaya’t tinanong niya ang lalaki nang matagpuan niya ito, “Sumasampalataya ka ba sa Anak ng Tao?” Sumagot ang lalaki, “Sino po ba siya, Ginoo? Sabihin ninyo sa akin, upang ako’y manampalataya sa kanya.” “Siya’y nakita mo na. Siya ang nakikipag-usap sa iyo,” ani Hesus. “Sumasampalataya po ako, Panginoon!” sabi ng lalaki. At sinamba niya si Hesus.

Sinabi pa ni Hesus, “Isang kahatulan sa sanlibutan ang pagparito ko, upang makakita ang mga bulag at mabulag ang mga nakakikita.” Narinig ito ng ilang Pariseong malapit sa kanya at siya’y tinanong, “Ibig mo bang sabihi’y bulag din kami?” Sumagot si Hesus, “Kung kayo’y bulag, wala sana kayong kasalanan. Ngunit sinasabi ninyong nakakikita kayo, kaya’t nananatili ang inyong mga kasalanan.

𝐀𝐧𝐠 𝐌𝐚𝐛𝐮𝐭𝐢𝐧𝐠 𝐁𝐚𝐥𝐢𝐭𝐚 𝐧𝐠 𝐏𝐚𝐧𝐠𝐢𝐧𝐨𝐨𝐧.

10/03/2026

𝐇𝐚𝐩𝐩𝐲 𝐁𝐢𝐫𝐭𝐡𝐝𝐚𝐲, 𝐙𝐲𝐳𝐚!💜

A decade and eight! Today, as you enter the chapter of legality, may your life be filled with blessings, guidance, and joy. You are a friend to all, a loving daughter, and a true servant of God, and we are grateful for the light you bring to everyone. May this new journey open doors of opportunities while keeping your heart rooted in faith and kindness.

Wishing you a blessed birthday, filled with love, laughter, and God’s endless grace!

- 𝑺𝒂𝒏 𝑳𝒐𝒓𝒆𝒏𝒛𝒐 𝑹𝒖𝒊𝒛 𝑪𝒉𝒐𝒊𝒓 𝑭𝒂𝒎𝒊𝒍𝒚

01/03/2026

𝐈𝐤𝐚𝐥𝐚𝐰𝐚𝐧𝐠 𝐋𝐢𝐧𝐠𝐠𝐨 𝐧𝐠 𝐀𝐩𝐚𝐭𝐧𝐚𝐩𝐮𝐧𝐠 𝐀𝐫𝐚𝐰 𝐧𝐚 𝐏𝐚𝐠𝐡𝐚𝐡𝐚𝐧𝐝𝐚

𝐌𝐀𝐁𝐔𝐓𝐈𝐍𝐆 𝐁𝐀𝐋𝐈𝐓𝐀�𝐌𝐚𝐭𝐞𝐨 17, 1-9

𝐀𝐧𝐠 𝐌𝐚𝐛𝐮𝐭𝐢𝐧𝐠 𝐁𝐚𝐥𝐢𝐭𝐚 𝐧𝐠 𝐏𝐚𝐧𝐠𝐢𝐧𝐨𝐨𝐧 𝐚𝐲𝐨𝐧 𝐤𝐚𝐲 𝐒𝐚𝐧 𝐌𝐚𝐭𝐞𝐨

Noong panahong iyon, isinama ni Hesus si Pedro, at ang magkapatid na Santiago at Juan, at sila’y umakyat sa isang mataas na bundok. Samantalang sila’y naroon, nakita nilang nagbagong anyo si Hesus: nagliwanag na parang araw ang kanyang mukha, at pumuting parang busilak ang kanyang damit. Nakita na lamang at sukat ng tatlong alagad sina Moises at Elias na nakikipag-usap kay Hesus. Kaya’t sinabi ni Pedro kay Hesus, “Panginoon, mabuti pa’y dumito na tayo. Kung ibig ninyo, gagawa ako ng tatlong kubol: isa sa inyo, isa kay Moises at isa kay Elias.” Nagsasalita pa siya nang liliman sila ng isang maningning na ulap. At mula rito’y may tinig na nagsabi, “Ito ang minamahal kong Anak na lubos kong kinalulugdan. Pakinggan ninyo siya!” Ang mga alagad ay natakot nang gayun na lamang nang marinig nila ang tinig, at sila’y napasubasob. Nguni’t nilapitan sila ni Hesus at hinipo. “Tumindig kayo,” sabi niya, “huwag kayong matakot.” At nang tumingin sila ay wala silang nakita kundi si Hesus.
At habang bumababa sila sa bundok, iniutos ni Hesus sa kanila, “Huwag ninyong sasabihin kaninuman ang pangitain hangga’t hindi muling nabubuhay ang Anak ng Tao.”

𝐀𝐧𝐠 𝐌𝐚𝐛𝐮𝐭𝐢𝐧𝐠 𝐁𝐚𝐥𝐢𝐭𝐚 𝐧𝐠 𝐏𝐚𝐧𝐠𝐢𝐧𝐨𝐨𝐧.

26/02/2026

𝐇𝐚𝐩𝐩𝐲 𝐁𝐢𝐫𝐭𝐡𝐝𝐚𝐲 𝐭𝐨 𝐨𝐮𝐫 𝐀𝐬𝐬𝐭.𝐂𝐨𝐨𝐫, 𝐒𝐢𝐬.𝐑𝐨𝐬𝐞 𝐋𝐚𝐫𝐢𝐛𝐚!🥳

On your special day, we give thanks for the beautiful gift of your voice and your faithful heart. As we lift our songs in praise together, you bring life to our choir’s mission of honoring God and celebrating the legacy of San Lorenzo Ruiz whose courage and devotion continue to inspire us all.

May the Lord fill your year ahead with abundant blessings, joy that resonates like harmonious melody, and strength to keep serving through music. Your dedication enriches our choir family and touches the hearts of all who listen.

Wishing you a blessed birthday, filled with love, laughter, and God’s endless grace!

- 𝑺𝒂𝒏 𝑳𝒐𝒓𝒆𝒏𝒛𝒐 𝑹𝒖𝒊𝒛 𝑪𝒉𝒐𝒊𝒓 𝑭𝒂𝒎𝒊𝒍𝒚.

24/02/2026

𝐏𝐀𝐀𝐍𝐘𝐀𝐘𝐀 | 𝐁𝐀𝐓𝐀𝐍𝐆 𝐇𝐄𝐑𝐔𝐒𝐀𝐋𝐄𝐌

𝙃𝙤𝙨𝙨𝙖𝙣𝙖 𝙁𝙞𝙡𝙞𝙤 𝘿𝙖𝙫𝙞𝙙 𝘽𝙚𝙣𝙚𝙙𝙞𝙘𝙩𝙪𝙨 𝙌𝙪𝙞 𝙑𝙚𝙣𝙞𝙩

Inaanyayahan ang mga bata edad 7-10 taon gulang upang lumahok bilang mga Batang Herusalem para sa Prusisyon sa Linggo ng Palaspas sa Pagpapakasakit ng Panginoon.

Ito ay isang Tradisyon sa Bayan ng Tundo tuwing Domingo de Ramos (Linggo ng Palaspas) kung saan nakikiisa ang mga bata na umawit ng Hossana sa mga Veranda tangan ang mga palaspas. Maaga nawa nating imulat ang mga bata sa katolikong pananampalataya at debosyon.

Para sa mga detalye makipag-ugnayan lamang sa mga numerong nakatala. Manatiling nakasubaybay sa ating Official page para sa mga detalye ng gawain sa Panahon ng Kwaresma, Mahal na Araw at Pasko ng Muling Pagkabuhay.

𝙄𝙣 𝙉𝙤𝙢𝙞𝙣𝙚 𝘿𝙤𝙢𝙞𝙣𝙞 𝙍𝙚𝙭 𝙄𝙨𝙧𝙖𝙚𝙡 𝙃𝙤𝙨𝙨𝙖𝙣𝙖

̃odeTondo

21/02/2026

𝐏𝐀𝐑𝐈𝐒𝐇 𝐋𝐄𝐍𝐓𝐄𝐍 𝐑𝐄𝐂𝐎𝐋𝐋𝐄𝐂𝐓𝐈𝐎𝐍

Upang tayo’y higit na magabayan at mahubog sa ating buhay espiritwal sa pagdiriwang ng Apatnapung Araw ng Paghahanda sa Pasko ng Pagkabuhay ng Panginoon, binibigyan natin ng mahalagang puwang ang patuloy na paghuhubog espiritwal ng pamayanan.

Inaanyayahan ang lahat sa Parish Lenten Recollection na gaganapin sa ika-26 ng Pebrero (Huwebes), ganap na ika-7:00 ng gabi. Ang ating tagapaghubog ay si Reb. P. EJ San Diego, Parochial Vicar ng San Juan Nepomuceno Parish, Malibay, Pasay.

Nawa’y maging pagkakataon ito ng mas malalim na pagninilay, pagbabalik-loob, at paghahanda ng ating mga puso sa dakilang pagdiriwang ng Pasko ng Pagkabuhay.

𝐏𝐀𝐑𝐈𝐒𝐇 𝐋𝐄𝐍𝐓𝐄𝐍 𝐑𝐄𝐂𝐎𝐋𝐋𝐄𝐂𝐓𝐈𝐎𝐍

Upang tayo’y higit na magabayan at mahubog sa ating buhay espiritwal sa pagdiriwang ng Apatnapung Araw ng Paghahanda sa Pasko ng Pagkabuhay ng Panginoon, binibigyan natin ng mahalagang puwang ang patuloy na paghuhubog espiritwal ng pamayanan.

Inaanyayahan ang lahat sa Parish Lenten Recollection na gaganapin sa ika-26 ng Pebrero (Huwebes), ganap na ika-7:00 ng gabi. Ang ating tagapaghubog ay si Reb. P. EJ San Diego, Parochial Vicar ng San Juan Nepomuceno Parish, Malibay, Pasay.

Nawa’y maging pagkakataon ito ng mas malalim na pagninilay, pagbabalik-loob, at paghahanda ng ating mga puso sa dakilang pagdiriwang ng Pasko ng Pagkabuhay.

20/02/2026

𝐒𝐋𝐑𝐂 𝐆𝐑𝐎𝐔𝐏 𝐃𝐘𝐍𝐀𝐌𝐈𝐂𝐒
February 20, 2026

Ang 𝐒𝐚𝐧 𝐋𝐨𝐫𝐞𝐧𝐳𝐨 𝐑𝐮𝐢𝐳 𝐂𝐡𝐨𝐢𝐫 (𝖲𝖫𝖱𝖢) ay nagkaroon ng 𝐆𝐫𝐨𝐮𝐩 𝐃𝐲𝐧𝐚𝐦𝐢𝐜𝐬 sa Pangunguna ng Assistant Coordinator ng 𝐏𝐚𝐫𝐢𝐬𝐡 𝐘𝐨𝐮𝐭𝐡 𝐌𝐢𝐧𝐢𝐬𝐭𝐫𝐲 na si 𝐒𝐢𝐬. 𝐑𝐢𝐚𝐧𝐧𝐞 𝐉𝐚𝐲𝐧𝐞 𝐂𝐨𝐧𝐭𝐢 (𝖸𝗇𝖺 𝖢𝗈𝗇𝗍𝗂) sa Temang, 𝐏𝐔𝐋𝐒𝐎 (𝖪𝖾𝖾𝗉 𝗍𝗁𝖾 𝗁𝖾𝖺𝗋𝗍 𝗈𝖿 𝗌𝖾𝗋𝗏𝗂𝖼𝖾 𝖻𝖾𝖺𝗍𝗂𝗇𝗀!)

18/02/2026

𝐌𝐢𝐲𝐞𝐫𝐤𝐮𝐥𝐞𝐬 𝐧𝐠 𝐀𝐛𝐨
February 18, 2026 | (Wednesday)

𝐌𝐀𝐁𝐔𝐓𝐈𝐍𝐆 𝐁𝐀𝐋𝐈𝐓𝐀
𝐌𝐚𝐭𝐞𝐨 6, 1-6. 16-18

𝐀𝐧𝐠 𝐌𝐚𝐛𝐮𝐭𝐢𝐧𝐠 𝐁𝐚𝐥𝐢𝐭𝐚 𝐧𝐠 𝐏𝐚𝐧𝐠𝐢𝐧𝐨𝐨𝐧 𝐚𝐲𝐨𝐧 𝐤𝐚𝐲 𝐒𝐚𝐧 𝐌𝐚𝐭𝐞𝐨

Noong panahong iyon, sinabi ni Hesus sa kanyang mga alagad: “Pag-ingatan ninyo na huwag maging pakitang-tao lamang ang paggawa ninyo ng mabuti. Kapag ganyan ang ginawa ninyo, wala kayong matatamong gantimpala buhat sa inyong Amang nasa langit.

“Kaya nga, kapag naglilimos ka, huwag mo nang ipagmakaingay ito, katulad ng ginagawa ng mga mapagpaimbabaw doon sa sinagoga at sa mga lansangan. Ginagawa nila ito upang purihin sila ng mga tao. Sinasabi ko sa inyo: tinanggap na nila ang kanilang gantimpala. Ngunit kung naglilimos ka, huwag mo nang ipaalam ito kahit sa iyong pinakamatalik na kaibigan upang malihim ang iyong paglilimos. At gagantihin ka ng iyong Amang nakakikita ng kabutihang ginagawa mo nang lihim.

“At kapag nananalangin kayo, huwag kayong tumulad sa mga mapagpaimbabaw. Mahilig silang manalangin nang patayo sa mga sinagoga at sa mga panulukang-daan, upang makita ng mga tao. Sinasabi ko sa inyo: tinanggap na nila ang kanilang gantimpala. Ngunit kapag mananalangin ka, pumasok ka sa iyong silid at isara mo ang pinto. Saka ka manalangin sa iyong Amang hindi mo nakikita, at gagantihin ka ng iyong Amang nakakikita ng kabutihang ginagawa mo nang lihim.

“Kapag nag-aayuno kayo, huwag kayong magmukhang malungkot, tulad ng mga mapagpaimbabaw. Hindi sila nag-aayos upang malaman ng mga tao na sila’y nag-aayuno. Sinasabi ko sa inyo: tinanggap na nila ang kanilang gantimpala. Kapag ikaw ay nag-aayuno, mag-ayos ka ng buhok at maghilamos upang huwag mapansin ng mga tao na nag-aayuno ka. Ang iyong Amang hindi mo nakikita ang siya lamang nakaaalam nito. Siya, na nakakikita ng kabutihang ginagawa mo ng lihim, ang gaganti sa iyo.”

𝐀𝐧𝐠 𝐌𝐚𝐛𝐮𝐭𝐢𝐧𝐠 𝐁𝐚𝐥𝐢𝐭𝐚 𝐧𝐠 𝐏𝐚𝐧𝐠𝐢𝐧𝐨𝐨𝐧.

18/02/2026

𝐌𝐀𝐈𝐊𝐋𝐈𝐍𝐆 𝐆𝐀𝐁𝐀𝐘 𝐒𝐀 𝐏𝐀𝐆-𝐀𝐀𝐘𝐔𝐍𝐎 𝐀𝐓 𝐏𝐀𝐆-𝐀𝐀𝐁𝐒𝐓𝐈𝐍𝐄𝐍𝐒𝐘𝐀 𝐒𝐀 𝐏𝐀𝐍𝐀𝐇𝐎𝐍 𝐍𝐆 𝐊𝐔𝐖𝐀𝐑𝐄𝐒𝐌𝐀

Narito ang isang maikling paalala tungkol sa pag-aayuno at pag-aabstinensya ngayong banal na panahon ng Kuwaresma.

Nawa’y maging daan ito upang lalo tayong mapalapit sa Diyos at mapabanal ang ating buhay.

15/02/2026

𝐒𝐀𝐀𝐍 𝐍𝐀𝐆𝐌𝐔𝐌𝐔𝐋𝐀 𝐀𝐍𝐆 𝐀𝐁𝐎 𝐍𝐀 𝐆𝐈𝐍𝐀𝐆𝐀𝐌𝐈𝐓 𝐓𝐔𝐖𝐈𝐍𝐆 𝐌𝐈𝐘𝐄𝐑𝐊𝐔𝐋𝐄𝐒 𝐍𝐆 𝐀𝐁𝐎?

Ang abong ipinapahid sa noo tuwing Miyerkules ng Abo ay nagmumula sa mga palaspas na ginamit noong Linggo ng Palaspas ng nakaraang taon, na sinusunog bilang bahagi ng paghahanda sa panahon ng Kuwaresma.

Isa itong paalala ng pagsisisi, pagpapakumbaba, at pagbabalik-loob sa Diyos.

̃odeTondo

15/02/2026

𝐑𝐈𝐓𝐔 𝐍𝐆 𝐏𝐀𝐆𝐒𝐔𝐒𝐔𝐍𝐎𝐆 𝐍𝐆 𝐌𝐆𝐀 𝐋𝐔𝐌𝐀𝐍𝐆 𝐏𝐀𝐋𝐀𝐒𝐏𝐀𝐒

Isasagawa ang ritu pagsusunog ng mga lumang palaspas sa ika-17 ng Pebrero, ganap na ika-5:30 ng hapon, sa Garden of the Saints.

Inaanyayahan ang mga mananampalataya na iwan ang kanilang mga tuyong palaspas sa likurang bahagi ng ating simbahan bilang paghahanda sa nasabing gawain.

Maraming Salamat po.