National Shrine and Parish of Our Lady of Loreto

28/08/2026

𝐀𝐠𝐨𝐬𝐭𝐨 𝟐𝟗 | 𝐏𝐚𝐠𝐠𝐮𝐧𝐢𝐭𝐚 𝐬𝐚 𝐏𝐚𝐠𝐩𝐚𝐩𝐚𝐤𝐚𝐬𝐚𝐤𝐢𝐭 𝐧𝐢 𝐒𝐚𝐧 𝐉𝐮𝐚𝐧, 𝐀𝐧𝐠 𝐓𝐚𝐠𝐚𝐩𝐚𝐠𝐛𝐢𝐧𝐲𝐚𝐠
𝑀𝑎𝑟𝑡𝑖𝑟

𝐏𝐀𝐍𝐀𝐋𝐀𝐍𝐆𝐈𝐍: Ama naming makapangyarihan, niloob mong sa pagkasilang at pagkamatay ang Iyong Anak ay pangunahan ni San Juan Bautista ang kanyang pagpapakasakit para sa matapat mong katotohanan at ang kanyang pagsisikap na sundin ang loob mong makatarungan ay amin nawang dibdibang mapanindigan sa pananalig sa iyong aral, sa pamamagitan ni Hesukristo kasama ng Espiritu Santo magpasawalang hanggan. Amen.

𝑺𝒂𝒏 𝑱𝒖𝒂𝒏 𝑩𝒂𝒖𝒕𝒊𝒔𝒕𝒂, 𝒊𝒑𝒂𝒏𝒂𝒍𝒂𝒏𝒈𝒊𝒏 𝒎𝒐 𝒌𝒂𝒎𝒊.

28/08/2026

28/08/2026

𝐓𝐈𝐍𝐆𝐍𝐀𝐍

Kaninang ika-anim ng gabi sa ating paggunita kay San Agustin, Obispo at Pantas ng Simbahan, nakiisa sa Banal na Misa ang mga mag-aaral ng Batangas State University na kasalukuyang naghahanda para sa Mechanical Engineering Board Examination.

Isama natin sila sa ating mga panalangin. Sa pamamagitan ng panalangin at pagkalinga ng ating Patronang Mahal, ang Mahal na Birhen ng Loreto, nawa’y pagkalooban sila ng karunungan, lakas ng loob, at pagtitiyaga sa kanilang paghahanda.

Nawa’y mapagtagumpayan nila ang kanilang nalalapit na pagsusulit, maabot ang kanilang mga pangarap, at magamit ang kanilang mga kakayahan upang makapaglingkod sa kapwa at sa lipunan—ayon sa kalooban ng Diyos. 🙏✨

Inaanyayahan din ang lahat ng mga mag-aaral at mga naghahanda para sa mga board examination na umuwi sa ating Parokya at Dambana, magtiwala sa Panginoon, at idulog ang kanilang mga pangarap at pagsusumikap sa panalangin sa pamamagitan ng Mahal na Birhen ng Loreto. 💙

Mahal na Birhen ng Loreto, ipanalangin mo kami. 🙏

✨ Magalak sa Loreto! Sa Loreto, magalak!



(Video: James Santiago)

27/08/2026

𝐀𝐠𝐨𝐬𝐭𝐨 𝟐𝟖 | 𝐏𝐚𝐠𝐠𝐮𝐧𝐢𝐭𝐚 𝐤𝐚𝐲 𝐒𝐚𝐧 𝐀𝐠𝐮𝐬𝐭𝐢𝐧
𝑂𝑏𝑖𝑠𝑝𝑜 𝑎𝑡 𝑃𝑎𝑛𝑡𝑎𝑠 𝑛𝑔 𝑆𝑖𝑚𝑏𝑎ℎ𝑎𝑛

𝐏𝐀𝐍𝐀𝐋𝐀𝐍𝐆𝐈𝐍: Ama naming makapangyarihan, ipagkaloob mo sa Iyong sambayanan ang panibagong bugso ng Espiritu na pumuspos kay San Agustin. Malubos nawa sa amin ang pananahan ng Espiritu upang Ikaw na batis ng karunungan ay magbunsod ng aming pananabik at Ikaw na bukal ng buhay ay aming masaliksik sa pamamagitan ni Hesukristo kasama ng Espiritu Santo magpasawalang hanggan. Amen.

𝑺𝒂𝒏 𝑨𝒈𝒖𝒔𝒕𝒊𝒏, 𝒊𝒑𝒂𝒏𝒂𝒍𝒂𝒏𝒈𝒊𝒏 𝒎𝒐 𝒌𝒂𝒎𝒊.

27/08/2026

✨ 𝑴𝒂𝒈-𝒊𝒏𝒅𝒂𝒌 𝒂𝒕 𝒎𝒂𝒈-𝒂𝒍𝒂𝒚 𝒏𝒈 𝒔𝒂𝒚𝒂! ✨

Muli tayong magkakasama sa isang gabing puno ng musika, sayawan, at pagmamalasakit! Ang ating taunang Ballroom & Dinner Dance for a Cause ay nagbabalik upang magtipon ng tulong para sa mga pangkalahatang proyekto ng ating Dambana.

Ang ticket ay nagkakahalaga ng Php 1,000 (buffet dinner included). Mabibili ang inyong mga ticket sa ating Parish Office araw-araw.

Tara na, ayain ang buong pamilya, barkada, at ang iyong dance partner!
Kitakits tayo sa gitna ng entablado sa 4th Floor ng Loreto Parish Rectory sa darating na September 25, 2026! 💃🕺

27/08/2026

𝗣𝗔𝗡𝗔𝗪𝗔𝗚𝗔𝗡 𝗣𝗔𝗥𝗔 𝗦𝗔 𝗢𝗥𝗗𝗜𝗡𝗔𝗦𝗬𝗢𝗡 𝗦𝗔 𝗣𝗔𝗚𝗜𝗚𝗜𝗡𝗚 𝗗𝗜𝗔𝗞𝗢𝗡𝗢

Malugod naming ipinababatid sa sambayanan na si 𝗦𝗲𝗺. 𝗜𝗮𝗻 𝗚𝗮𝗯𝗿𝗶𝗲𝗹 𝗤𝘂𝗶𝗮𝗺𝗻𝗼 𝗡𝘂ñ𝗲𝘇, 𝗟𝗥𝗠𝗦 ay nakatakdang 𝗺𝗮𝗼𝗿𝗱𝗶𝗻𝗮𝗵𝗮𝗻 𝘀𝗮 𝗣𝗮𝗴𝗶𝗴𝗶𝗻𝗴 𝗗𝗶𝗮𝗸𝗼𝗻𝗼 sa darating na 𝟭𝟵 𝗻𝗴 𝗦𝗲𝘁𝘆𝗲𝗺𝗯𝗿𝗲 𝟮𝟬𝟮𝟲, na gaganapin sa 𝗦𝗮𝗻 𝗖𝗮𝗿𝗹𝗼𝘀 𝗦𝗲𝗺𝗶𝗻𝗮𝗿𝘆 𝗖𝗵𝗮𝗽𝗲𝗹, 𝗘𝗗𝗦𝗔, 𝗚𝘂𝗮𝗱𝗮𝗹𝘂𝗽𝗲, 𝗠𝗮𝗸𝗮𝘁𝗶 𝗖𝗶𝘁𝘆.

Alinsunod sa mga alituntunin ng Simbahan, kung mayroon po kayong nalalaman na 𝗮𝗻𝘂𝗺𝗮𝗻𝗴 𝗵𝗮𝗱𝗹𝗮𝗻𝗴 𝗼 𝗱𝗮𝗵𝗶𝗹𝗮𝗻 𝗻𝗮 𝗺𝗮𝗮𝗮𝗿𝗶𝗻𝗴 𝗺𝗮𝗸𝗮𝗮𝗽𝗲𝗸𝘁𝗼 𝘀𝗮 𝗸𝗮𝗻𝘆𝗮𝗻𝗴 𝗽𝗮𝗴𝘁𝗮𝗻𝗴𝗴𝗮𝗽 𝗻𝗴 𝗕𝗮𝗻𝗮𝗹 𝗻𝗮 𝗢𝗿𝗱𝗲𝗻 𝗻𝗴 𝗗𝗶𝗮𝗸𝗼𝗻𝗼, hinihiling namin na ito ay 𝗶𝗽𝗮𝗴𝗯𝗶𝗴𝗮𝘆-𝗮𝗹𝗮𝗺, nang may buong katapatan at pagiging kumpidensyal, sa aming 𝗥𝗲𝗸𝘁𝗼𝗿 𝗮𝘁 𝗧𝗲𝗮𝗺 𝗠𝗶𝗻𝗶𝘀𝘁𝗿𝘆 𝗠𝗼𝗱𝗲𝗿𝗮𝘁𝗼𝗿, 𝗥𝗱𝗼. 𝗣. 𝗘𝗻𝗿𝗶𝗰𝗼 𝗠𝗮𝗿𝘁𝗶𝗻 𝗙. 𝗔𝗱𝗼𝘃𝗶𝘀𝗼.

Hinihiling din namin ang inyong mga 𝗽𝗮𝗻𝗮𝗹𝗮𝗻𝗴𝗶𝗻 𝗽𝗮𝗿𝗮 𝗸𝗮𝘆 𝗦𝗲𝗺. 𝗡𝘂ñ𝗲𝘇 upang siya ay patuloy na gabayan ng Espiritu Santo sa kanyang paghahanda at sa pagtugon sa panawagan ng Panginoon sa paglilingkod bilang isang diakono.

“𝙄𝙥𝙖𝙜𝙠𝙖𝙩𝙞𝙬𝙖𝙡𝙖 𝙢𝙤 𝙨𝙖 𝙢𝙜𝙖 𝙩𝙖𝙤𝙣𝙜 𝙢𝙖𝙥𝙖𝙜𝙠𝙖𝙠𝙖𝙩𝙞𝙬𝙖𝙡𝙖𝙖𝙣 𝙖𝙣𝙜 𝙞𝙮𝙤𝙣𝙜 𝙣𝙖𝙧𝙞𝙣𝙞𝙜 𝙨𝙖 𝙖𝙠𝙞𝙣… 𝙣𝙖 𝙢𝙖𝙠𝙖𝙥𝙖𝙜𝙩𝙪𝙩𝙪𝙧𝙤 𝙧𝙞𝙣 𝙨𝙖 𝙞𝙗𝙖.”
— 2 𝙏𝙞𝙢𝙤𝙩𝙚𝙤 2:2

27/08/2026

𝐇𝐀𝐏𝐀𝐆 𝐍𝐈 𝐋𝐎𝐑𝐈𝐍𝐆
(𝐀𝐮𝐠.𝟐𝟕,𝟐𝟎𝟐𝟔)

Kaninang tanghali, muling nakapagbahagi ang ating Parokya ng mga packed meals bilang munting pantawid-gutom at tanda ng pagmamalasakit sa kapwa.

“𝘈𝘯𝘶𝘮𝘢𝘯 𝘢𝘯𝘨 𝘨𝘪𝘯𝘢𝘸𝘢 𝘯𝘪𝘯𝘺𝘰 𝘴𝘢 𝘪𝘴𝘢 𝘴𝘢 𝘱𝘪𝘯𝘢𝘬𝘢𝘮𝘢𝘭𝘪𝘪𝘵 𝘬𝘰𝘯𝘨 𝘮𝘨𝘢 𝘬𝘢𝘱𝘢𝘵𝘪𝘥, 𝘨𝘪𝘯𝘢𝘸𝘢 𝘯𝘪𝘯𝘺𝘰 𝘪𝘵𝘰 𝘴𝘢 𝘢𝘬𝘪𝘯.”
— 𝘔𝘢𝘵𝘦𝘰 25:40

Maraming salamat sa lahat ng patuloy na nagbibigay, tumutulong, at naglilingkod. Sa bawat pagkaing naibabahagi, patuloy nating ipadama ang pag-ibig ni Kristo sa ating mga kapatid.

𝓜𝓪𝓰𝓪𝓵𝓪𝓴 𝓼𝓪 𝓛𝓸𝓻𝓮𝓽𝓸! 𝓢𝓪 𝓛𝓸𝓻𝓮𝓽𝓸, 𝓶𝓪𝓰𝓪𝓵𝓪𝓴!
𝓜𝓪𝓰𝓶𝓪𝓱𝓪𝓵𝓪𝓷 𝓼𝓪 𝓛𝓸𝓻𝓮𝓽𝓸! 𝓢𝓪 𝓛𝓸𝓻𝓮𝓽𝓸, 𝓶𝓪𝓰𝓶𝓪𝓱𝓪𝓵𝓪𝓷!

26/08/2026

𝐀𝐠𝐨𝐬𝐭𝐨 𝟐𝟕 | 𝐏𝐚𝐠𝐠𝐮𝐧𝐢𝐭𝐚 𝐤𝐚𝐲 𝐒𝐚𝐧𝐭𝐚 𝐌𝐨𝐧𝐢𝐜𝐚

𝐏𝐀𝐍𝐀𝐋𝐀𝐍𝐆𝐈𝐍: Ama naming makapangyarihan, dinaramayan Mo ang mga nagdadalamhati. Ang matimyas na pagluha ni Santa Monica ay tinugon Mo ng pagbubunsod na magbagong-buhay si Agusting anak niya. Bilang tugon sa kanilang magkatuwang na pananalangin, loobin Mong aming tangisan ang pagsuway namin at marapatin Mong ang kapatawaran Mo ay aming kamtin sa pamamagitan ni Hesukristo kasama ng Espiritu Santo magpasawalang hanggan. Amen.

𝑺𝒂𝒏𝒕𝒂 𝑴𝒐𝒏𝒊𝒄𝒂, 𝒊𝒑𝒂𝒏𝒂𝒍𝒂𝒏𝒈𝒊𝒏 𝒎𝒐 𝒌𝒂𝒎𝒊.

26/08/2026

𝐏𝐀𝐍𝐀𝐋𝐀𝐍𝐆𝐈𝐍 𝐒𝐀 𝐌𝐀𝐇𝐀𝐋 𝐍𝐀 𝐁𝐈𝐑𝐇𝐄𝐍 𝐍𝐆 𝐋𝐎𝐑𝐄𝐓𝐎 𝐏𝐀𝐑𝐀 𝐒𝐀 𝐊𝐀𝐏𝐀𝐘𝐀𝐏𝐀𝐀𝐍

O Masintahin at mapagmahal na Birhen ng Loreto, Reyna ng kapayapaan, dumudulog kami sa’yo nang may mapagpakumbabang puso, humihiling ng iyong pamamagitan sa isang mundong nasasadlak sa digmaan at alitan. Sa iyong banayad na awa, pagmasdan mo ang mga bansang nasasangkot sa labanan at dalhin ang kanilang mga puso sa pagkakasundo at pagkakaunawaan.

Mahal na Ina, ikaw na itinalaga upang dalhin sa’yong sinapupunan ang Prinsepe ng Kapayapaan, ipamagaitan mo kami nang maghari ang kapayapaan sa lahat ng dako ng mundo. Papanatagin mo ang mga unos ng pagkapoot at karahasan, at liwanagan ang mga pinuno at mga tao na hangarin ang katarungan, pag-uugnayan at pagmamalasakit.

Idalangin mo kami, mapagmahal na Ina, upang kami ay maging daan ng iyong kapayapaan, nag-uugnay sa lahat kung saan may hidwaan, nagpapayabong ng pag-ibig kung saan may alitan, at naghahasik ng pag-asa kung saan may pagkalugmok.

Nawa hipuin ng iyong maka-inang pag-ibig ang puso ng tanan, at nawa’y pangunahan tayo ng Espiritu Santo tungo sa pagkakasundo at pagkakaisa. Tulungan mo kaming magunita na ang wagas na kapayapaan ay nagmumula sa puso ng bawat tao at dumadaloy patungo sa paghihilom ng lahat ng mga bansa.
Ipinauubaya namin ang mga hangarin ng panalanging ito sa iyong masintahing paglingap, nang may pagtitiwala sa iyong makapangyarihang pamamagitan. Nawa’y ang iyong maka-inang presensya ay magdulot ng kaaliwanan sa mga nagdurusa, lakas sa mga nanghihina, at pag-asa sa mga nasasadlak.

O Mahal na Birhen ng Loreto, ipanalangin mo kami, ngayon at magpakailanman.
Amen.

24/08/2026

𝐏𝐀𝐆𝐓𝐀𝐓𝐀𝐍𝐆𝐇𝐀𝐋 𝐒𝐀 𝐊𝐀𝐁𝐀𝐍𝐀𝐋-𝐁𝐀𝐍𝐀𝐋𝐀𝐍𝐆 𝐒𝐀𝐊𝐑𝐀𝐌𝐄𝐍𝐓𝐎
Tuwing Martes hanggang Sabado | 5:15NH

Halina at sambahin si Hesus sa Kabanal-banalang Sakramento!

Pagtatanghal ng Kabanal-banalang Sakramento at Panalangin sa Takipsilim
5:15NH

Sakramento ng Kumpisal
6:00NG-7:00NG