03/11/2025
Sa paglipas ng panahon, nananatiling buhay ang diwa ng pananampalataya at pagkakaisa ng sambayanang Marikeño sa taunang Sambayaw Festival. Sa taong ito, ating ipinagdiriwang ang ika-labing-isang taon ng Kapistahan sa ilalim ng temang “Niño Hesus: Liwanag at Pag-asa ng Sambayanan.”
Ang Kapistahang ito ay paanyaya sa bawat mananampalataya na magnilay sa kabutihan ng Diyos at sa liwanag na hatid ni Niño Hesus sa gitna ng ating mga pagsubok. Sa bawat awit, sayaw, at panalangin, nawa’y maramdaman natin ang biyaya ng pagkakaisa at pag-asa bilang isang sambayanan ng pananampalataya.
