25/03/2026
SUNDAY SERVICE: Children Ministry- 03/22/26
Mateo 19:14 Sinabi ni Jesus, “Hayaan ninyong lumapit sa akin ang mga bata. Huwag ninyo silang pagbawalan sapagkat ang mga katulad nila ang mapapabilang sa kaharian ng langit.”
Mahalaga sa Panginoon ang mga bata sa Kanyang kaharian. Ang mga tulad nila ay pinapahalagahan at tinuturuan ng salita ng Diyos upang sila ay magkaroon ng takot sa Diyos at matutunan nilang sumunod sa Kanya ng sila'y magkaroon ng mabuting asal.
Dahil sa pagpapatuloy ng mga batang ito sa Harvest City, sila ay nababago, nagiging masipag at masunurin at higit sa lahat natutunan nilang magkaroon ng pananampalataya sa Panginoon. Ang mga dating ugali nila na palasagot sa magulang, tamad, nagmumura, hindi marunong makinig at hindi magalang at adik sa cellphone ay binago na ng Diyos. Sila ngayon ay may bago nang ugali. Wala na ang adiksyon sa gadget, sila ay masipag na, magalang at hindi na palasagot sa magulang. Natutunan rin nilang sumunod sa tithes and offering, at magkaroon ng vision sa kanilang room at natutunan nilang magtestimony at excited silang dumalo ng gawain ng Panginoon. Mga bata man sila sa paningin natin, sila naman ay espesyal sa paningin ng ating Panginoon. Kaya't wag natin silang baliwalain at isantabi dahil kapag sila ay magkaroon ng tamang ugali at matutunan nila ang turo ng Diyos habang sila ay mga bata pa, ito'y kanilang babaunin at dadalhin hanggang sila ay lumaki.
Kami po ay nagcelebrate ng kanilang birthday, naghanda at sinurpresa sila ng candy cake na alam naming magugustuhan nila. Nagpapasalamat at itinataas namin ang Diyos sa kabutihan at katapatan Niya sa mga batang ito! Purihin Siyang lubos! Salamat rin po sa mga magulang na nagpapatuloy at dinadala ang kanilang mga anak sa church.
Ang aming vision ay magkaroon pa ng malaki at maluwag na classroom ang mga batang ito, at gagamitin rin sila ng Lord para sa ibang mga bata. Marami pang bata ang ipapadala ng Lord sa Harvest City Mangatarem..
