10/08/2025
VERSE:
† Mateo 4:1-11
[1] Unya gidala si Jesus sa Espiritu Santo ngadto sa dapit nga awaaw aron tintalon sa Yawa. [2] Didto nagpuasa si Jesus sulod sa 40 ka adlaw ug 40 ka gabii ug unya gigutom siya. [3] Ug miduol kaniya ang Yawa nga nag-ingon, “Anak ka man kaha sa Dios, himoang pan kining mga bato.” [4] Mitubag si Jesus, “Ang Kasulatan nag-ingon, ‘Ang tawo mabuhi dili sa pan lamang, kondili sa matag pulong usab nga isulti sa Dios.’ ” [5] Unya gidala si Jesus sa Yawa ngadto sa Jerusalem, ang Balaang Siyudad, ug gipatindog siya sa kinatas-ang bahin sa Templo [6] ug giingnan, “Anak ka man kaha sa Dios, ambak ngadto sa ubos kay nag-ingon man ang Kasulatan: ‘Ang Dios magsugo sa iyang mga anghel pagbantay kanimo; sapnayon ka nila aron dili maigo sa bato bisan gani ang imong tiil.’ ” [7] Si Jesus mitubag, “Apan nag-ingon usab ang Kasulatan, ‘Ayaw tintala ang Ginoo nga imong Dios.’ ” [8] Unya gidala si Jesus sa Yawa ngadto sa usa ka habog kaayong bukid ug gipakita kaniya ang tanang gingharian sa kalibotan ug ang ilang kaanindot. [9] Ang Yawa miingon, “Ihatag ko kanimo kining tanan kon moluhod ka ug mosimba kanako.” [10] Mitubag si Jesus, “Pahawa, Satanas! Ang Kasulatan nag-ingon, ‘Simbaha ang Ginoo nga imong Dios ug siya lamang ang alagari!’ ” [11] Busa ang Yawa mibiya kaniya ug unya nangabot ang mga anghel ug miatiman kaniya.
†† Exodo 16:14-20
[14] Sa pagkauga sa yamog, nakakita sila ug mga butang nga nipis ug puti, sama ka nipis sa yamog diha sa yuta. [15] Wala sila masayod kon unsa kadto ug nagpangutan-anay sila, “Unsa man kini?” Miingon si Moises kanila, “Mao kini ang pagkaon nga gihatag sa Ginoo kaninyo aron inyong kan-on. [16] Ang Ginoo nagsugo nga ang matag usa kaninyo magtigom sumala sa iyang gikinahanglan sa gidaghanon nga duha ka litro alang sa matag tawo. Ang matag usa magtigom sumala sa gikinahanglan sa tanan nga anaa sa iyang tolda.” [17] Gihimo kini sa mga Israelita; ang uban daghag gikuha, ang uban diyutay ra. [18] Sa pagtakos na nila niini, kadtong daghan ug gikuha wala makasobra ug kadtong diyutay rag gikuha, wala makulangi. Ang matag usa nakatigom ug igo ra gayod sa iyang gikinahanglan. [19] Si Moises miingon kanila, “Ayaw kamo pagsalin alang sa sunod adlaw.” [20] Apan ang uban wala mamati kang Moises ug nagsalin sila alang sa sunod adlaw. Sa pagkabuntag giulod kini ug nabaho. Busa nasuko si Moises kanila.
—
(“Ang Kasulatan nag-ingon, ‘Ang tawo mabuhi dili sa pan lamang, kondili sa matag pulong usab nga isulti sa Dios.’ ”) - ang pulong nga gipa buot pasabot kay ang pag sunod sa “instruction sa Ginoo”
-Let God's will be done, let his instructions be done.
-Kung kita hago sa karon nga adlaw pero wala mag sunod sa instruction sa Ginoo, wala ra gyud kini pulos, sama rana sa pulong sa Ginoo, ang tanan hago udlon ra gyud na tungod kay dili kana ang instruction sa Ginoo.
-Dili nata kinahanglan mag hago, di nata kinahanglan nga mabalaka sa ugma tungod gi andam nana sa Ginoo, ang atua lang kay ang pag sunod sa instruction sa Ginoo.
-Di ta mag salig sa atung kaugalingon kay asa ramana ang pan kung wala ta mag obey sa sugo sa Ginoo. Salig ta Ginoo og sa pulong sa Ginoo, dili sa pan lamang.
![Ezekiel 35:25-26 [NIV][25] Wisikan ko kamo ug limpyo nga tubig aron malimpyohan kamo sa tanang kahugaw, ug dili na kamo ...](https://img5.prayers1.com/455/365/122207421104553650.jpg)
![January 4,, 2026 SUNDAYVERSE:† Mateo 6:33[33] Apan labaw sa tanan, paharia ninyo ang Dios ug pagkinabuhi kamo uyon sa i...](https://img3.prayers1.com/855/365/122203295528553650.jpg)
![VERSE:† Mateo 2:1-12[1] Natawo si Jesus sa lungsod sa Betlehem, sa lalawigan sa Judea sa panahon nga naghari si Herodes....](https://img3.prayers1.com/255/365/122201830382553650.jpg)
![VERSE:† 2 Timoteo 3:1-5[1] Timan-i kini: sa kataposang mga adlaw moabot ang mga malisod nga panahon. [2] Ang mga tawo m...](https://img4.prayers1.com/055/365/122190292100553650.jpg)
![VERSE:† Mga Hebreo 11:6 [6] Walay makapahimuot sa Dios kon dili pinaagi sa pagtuo. Kay ang moduol sa Dios kinahanglan ga...](https://img3.prayers1.com/255/365/122183987612553650.jpg)
![August 24, 2025 SUNDAYVERSE:Mateo 28:18-19[18] Miduol si Jesus ug miingon kanila, “Gihatag kanako ang tanang gahom sa la...](https://img3.prayers1.com/255/365/122183051492553650.jpg)
![VERSE:† Mga Taga-Filipos 4:19 [19] Ug ang akong Dios magsangkap sa tanan ninyong gikinahanglan sumala sa naghingapin niy...](https://img3.prayers1.com/255/365/122181826172553650.jpg)
![VERSE:† Mateo 4:1-11 [1] Unya gidala si Jesus sa Espiritu Santo ngadto sa dapit nga awaaw aron tintalon sa Yawa. [2] Did...](https://img4.prayers1.com/055/365/122180693720553650.jpg)
