Molave Riverside Christian Fellowship

10/05/2026

Church Summer Escapade 🌴
Quick dip. Big laughs. Blessed memories.

04/05/2026

06/01/2026

04/01/2026

Wali: Ang Pagkabililhon sa Balaang Panihapon ni Jesu-Cristo (1 Corinto 11:23-26)

Takeaway:
Ang Balaang Panihapon dili lang usa ka ritwal nga buhaton sa walay pagtagad. Kini usa ka kusgan nga pahinumdom sa gibuhat ni Jesu-Cristo alang kanato. Sa dihang ang magtutuo mokaon sa tinapay, siya gipahinumdom sa “tinapay sa kasakit” nga gihisgutan sa Deuteronomio 16:3. Kini nagatudlo sa mga pag-antos ni Cristo—ang Iyang lawas nga gilapas, ang Iyang kinabuhi nga gitugyan, ug ang Iyang pagtuman hangtod sa kamatayon. Sa pagkaon sa tinapay, ang magtutuo nagpakig-ambit sa mga kasakit ni Cristo ug nagpamatuod nga ang kaluwasan miabot pinaagi sa Iyang pag-antos.

Sa dihang ang magtutuo moinom sa kupa, siya gipahinumdom sa bililhong dugo ni Jesu-Cristo. Sumala sa Hebreohanon 9:14, ang Iyang dugo maoy naghinlo sa atong konsensya gikan sa mga patay nga buhat aron kita makaalagad sa buhing Dios. Ang dugo dili lamang pasaylo; kini mao ang selyo sa bag-ong kasabotan, usa ka lig-on nga kasigurohan nga ang atong pagtubos hingpit ug walay katapusan. Sa pag-inom sa kupa, kita nagpalig-on sa atong pagtuo sa gahum sa dugo ni Cristo nga giula sa makausa ug sa walay katapusan.

Busa, ang Balaang Panihapon nagtawag sa matag magtutuo nga mohinumdom, mopamatuod, ug mosusi sa kaugalingon. Atong hinumdoman ang pag-antos ni Cristo, atong ipahayag ang Iyang kamatayon hangtod Siya mobalik, ug atong susihon ang atong mga kasingkasing uban ang pagtahod ug pasalamat. Kini nga Balaang Panihapon nagpalig-on sa atong pagtoo, nagbag-o sa atong komitment, ug nagatudlo kanato balik sa krus diin ang atong kaluwasan hingpit nga natuman.

“Kay sa matag higayon nga mokaon kamo niining tinapay ug moinom sa kupa, inyong ipahayag ang kamatayon sa Ginoo hangtod Siya mobalik.”
—1 Corinto 11:26