Breaking Chain Ministry Mandaue

Call Directions Contact the place of worship

Breaking Chain Ministry Mandaue “The Spirit of the Lord is upon me,
because he has chosen me to bring good news to the poor.

He has sent me to proclaim liberty to the captives
and recovery of sight to the blind,
to set free the oppressed
and announce that the time has come.

04/10/2026

DAILY DEVOTIONAL
Lunes, October 5, 2026

Lucas 21:17–19

“17 Kasilagan kamo sa tanan tungod kanako, apan walay bisan usa ka buhok sa inyong ulo nga mawala. 19 Pinaagi sa inyong paglahutay maluwas kamo.”

PAMALANDONG

Gipahimangnoan kita ni Jesus nga ang pagsunod Kaniya dili kanunay dalan nga sayon. Adunay mga panahon nga mahimong isalikway kita, kasilagan, o dili sabton tungod sa atong pagtuo. Apan bisan pa niini, gitawag kita ni Jesus nga magpabiling lig-on.

Ang pagtuo dili lamang makita kung malinawon ang tanan. Mas makita kini kung naa ta sa panahon sa pagsulay ug kinahanglan nato mopili kung magpadayon ba kita sa pagsalig sa Dios o mohunong tungod sa kalisdanan.

Ang pulong ni Jesus, “Pinaagi sa inyong paglahutay maluwas kamo,” usa ka pahinumdom nga dili nato kinahanglan nga mosurender kung lisod na ang dalan. Ang Dios nakakita sa atong mga pakigbisog ug nag-awhag kanato nga magpadayon nga matinud-anon.

Busa kung adunay panahon nga imong gibati nga ikaw ra usa, ayaw kalimot nga ang Dios wala mobiya kanimo. Padayon sa pag-ampo, padayon sa pagsalig, ug padayon sa pagbuhat sa husto bisan pa kon dili sayon.

PAG-AMPO

Ginoo, hatagi ako og kusog nga maglahutay sa matag pagsulay. Kung isalikway o kasilagan ako tungod sa akong pagtuo, tabangi ako nga dili mohunong sa pagsalig Kanimo. Himoa akong matinud-anon hangtod sa katapusan. Amen.

“Ayaw pagsurender sa panahon sa pagsulay; padayon sa pagtuo ug paglahutay uban kang Cristo.”

SundayWorshipServiceOct 4 2026
04/10/2026

SundayWorshipService
Oct 4 2026


04/10/2026

SundayWorshipService

03/10/2026

🔥 GUARD YOUR FAMILY BEFORE IT’S TOO LATE 🔥

Mga igsoon, karong Dominggo, ayaw lang pag-adto sa simbahan nga ikaw ra—dad-a usab ang imong pamilya ngadto sa presensya sa Dios.

Daghan kaayong butang ang atong gihunahuna para sa atong pamilya—panginabuhian, kaluwasan, edukasyon, ug kaugmaon. Apan labaw sa tanan, kinahanglan nato silang madala ngadto kang Cristo.

Atong pamalandongan ang mensahe:

“GUARD YOUR FAMILY BEFORE IT’S TOO LATE”
A Christian’s Responsibility to Lead Their Home to God Before Christ Returns.

🙏 Iampo ang imong pamilya.
❤️ Tudloi sila sa Pulong sa Dios.
👨‍👩‍👧‍👦 Dad-a sila ngadto sa presensya sa Ginoo.
✝️ Ug tabangi sila nga mas makaila ug mas maduol kang Jesus.

Ayaw hulata nga moabot ang panahon nga mangita pa ta og higayon nga wala na nato. Samtang aduna pa kitay panahon, atong atimanon ang espirituhanong kinabuhi sa atong pamilya.

📍 Breaking Chain Ministry
🕔 Dominggo | 5:00 PM

Walay gipili. Walay edad, trabaho, marital status, o background nga babag. Tanan welcome basta adunay kasingkasing nga andam modawat kang Jesus.

Ang imong pamilya bililhon. Ang imong panimalay angay nga madala ngadto kang Cristo. Ug karon mao ang panahon sa pagsugod.

✨ Dali, simba ta. Mag-ampo ta. Magtubo ta sa pagtuo. Ug dad-a nato ang atong pamilya ngadto sa Ginoo.

Para sa dugang detalye, bisitaha ang bcministry.netlify.app

03/10/2026

DAILY DEVOTIONAL
Dominggo, October 4, 2026

Lucas 20:17–18

“Unya mitan-aw si Jesus kanila ug nangutana, ‘Unsa man diay ang buot ipasabot niining bahina sa Kasulatan? Ang bato nga gisalikway sa mga magtutukod kay walay kapuslanan nahimo hinuong bato nga labing mahinungdanon.’ Ang tanan nga mahulog ngadto niadtong batoha mapusgay apan ang mahulogan niini madugmok.”

PAMALANDONG

Ang bato nga gisalikway sa mga magtutukod nahimo nga labing mahinungdanong bato. Kini nagpakita kang Jesus nga bisan gisalikway Siya sa mga tawo, Siya gihapon ang sentro ug pundasyon sa plano sa Dios.

Usahay, kita usab makasinati nga dili kita dawaton, dili paminawon, o dili hatagan og bili sa uban. Apan ang atong bili dili nakabase sa pagdawat sa mga tawo. Ang Dios adunay katuyoan sa atong kinabuhi, bisan pa kon adunay mga tawo nga dili makakita niini.

Apan ang pulong ni Jesus adunay seryosong pahimangno: unsaon nato pag-atubang Kaniya? Ang bato mahimong pundasyon nga atong tukoran, apan mahimo usab kini nga bato nga atong mapandol kon atong isalikway ang Iyang kamatuoran.

Busa karong adlawa, atong pangutan-on ang atong kaugalingon: Si Jesus ba tinuod nga pundasyon sa akong kinabuhi, o akong gisalikway ang Iyang pulong kung dili kini mouyon sa akong gusto?

Dili igo nga makaila lamang kita kang Jesus. Gitawag kita nga mosalig Kaniya, mosunod sa Iyang pulong, ug tukoron ang atong kinabuhi diha Kaniya. Kay ang lig-on nga kinabuhi dili gitukod sa opinyon sa tawo, kundili kang Cristo nga mao ang atong labing mahinungdanong bato.

PAG-AMPO

Ginoo Jesus, tabangi ako nga Ikaw mahimong pundasyon sa akong kinabuhi. Ayaw tugoti nga ang opinyon sa mga tawo o akong kaugalingong gusto makapahimo kanako sa pagsalikway sa Imong pulong. Tudlui ako nga mosalig ug mosunod Kanimo matag adlaw. Amen.

“Tukora ang imong kinabuhi kang Cristo, ang bato nga dili matarog.”

03/10/2026

✨ YOU ARE INVITED — GUARD YOUR FAMILY BEFORE IT’S TOO LATE ✨

Have you ever stopped and asked yourself:

“Am I really leading my family closer to God?”

This Sunday, we invite everyone—young or old, student or working, married or single. No one is left out.

Join us at Breaking Chain Ministry as we worship together, hear God’s Word, pray, and reflect on one important question:

Are we truly preparing our family to meet Christ?

📖 “As for me and my house, we will serve the Lord.” — Joshua 24:15

📍 Breaking Chain Ministry
📅 Tomorrow, Sunday, October 4, 2026
🕔 5:00 PM

Bring your family. Bring a friend. Come as you are.

Guard your family. Lead them to God. Don’t wait until it’s too late.

🌐 For more information: bcministry.netlify.app

Everyone is welcome. We’d love to see you there! ❤️

02/10/2026

DAILY DEVOTIONAL
Sabado, October 3, 2026

Job 18:20–21

“Gikan sa sidlakan ngadto sa kasadpan, ang tanang makabati sa iyang gidangatan mangurog sa kalisang. Kini ang dangatan sa mga tawong daotan, ang sangkoan niadtong dili moila sa Dios.”

PAMALANDONG

Ang Job 18:20–21 usa ka seryosong pahimangno mahitungod sa sangputanan sa kinabuhi nga mipili sa daotan ug mipahilayo sa Dios. Ang atong mga desisyon adunay mga sangputanan, bisan pa kon dili nato kini makita dayon.

Usahay, ang sayop nga dalan daw sayon ug makapahimuot. Mahimo natong hunahunaon nga gamay ra ang pagpamakak, pagdumot, pagpanimalos, o pagkadili matinud-anon. Apan ang gagmayng kompromiso mahimong mahimong batasan, ug ang batasan mahimong mahimong direksyon sa atong kinabuhi.

Busa importante nga dili lamang nato pangutan-on, “Unsa akong gibuhat karon?” Kondili, “Asa padulong ang akong kinabuhi tungod sa akong mga desisyon?”

Ang pulong sa Dios usa ka pahimangno aron kita makamata ug makasusi sa atong kasingkasing. Kung adunay mga butang nga nagpalayo kanato sa Dios, ayaw nato hulata nga modako pa kini. Aduna pa kitay higayon nga maghinulsol, mobiya sa sayop nga dalan, ug mobalik ngadto Kaniya.

Karong adlawa, atong susihon ang atong kinabuhi: Ang akong mga pagpili ba nagdala kanako palapit sa Dios o nagpalayo kanako Kaniya?

Pilia ang dalan nga magpaduol kanimo sa Dios, bisan pa kon dili kini kanunay sayon.

PAG-AMPO

Ginoo, ipakita kanako ang mga butang nga nagpalayo kanako Kanimo. Hatagi ako og kaisog nga mobiya sa daotan ug mopili sa dalan sa pagkamatarong. Tabangi ako nga magpabilin nga matinud-anon Kanimo. Amen.

“Ayaw pagpadayon sa sayop nga dalan; samtang aduna pay higayon, balik ug duol sa Dios.”

01/10/2026

DAILY DEVOTIONAL
Byernes, October 2, 2026

Panultihon 2:6–8

“Ang Ginoo maoy naghatag sa kaalam. Ang kahibalo ug pagsabot naggikan sa iyang mga pulong. Naghatag siyag kaalam ug nanalipod sa mga matarong. Bantayan niya ang mga makiangayon ug kadtong nagmatinumanon kaniya.”

PAMALANDONG

Daghan ang nangita og kaalam pinaagi sa ilang kaugalingong kasinatian, kahibalo, ug mga tambag sa uban. Apan gipahinumdoman kita sa Panultihon 2:6 nga ang tinuod nga kaalam naggikan sa Dios.

Ang pulong sa Dios dili lamang basahon aron makadugang sa atong kahibalo. Kini gihatag aron magtudlo kanato unsaon paghunahuna, paghimo og husto nga desisyon, ug pagkinabuhi nga matarong.

Usahay, adunay mga sitwasyon nga dili nato masabtan nganong nahitabo. Adunay mga desisyon nga lisod pilion ug mga dalan nga dili nato makita kung asa padulong. Apan kung atong pangitaon ang kaalam sa Dios ug saligan ang Iyang pulong, dili kita kinahanglan magsalig lamang sa atong kaugalingong pagsabot.

Ang Dios dili lamang naghatag og kaalam; Siya usab nanalipod ug nagbantay sa mga nagmatinud-anon Kaniya. Busa kung wala ka kahibalo unsay imong buhaton, ayaw dayon pagsalig sa imong kaugalingong panghunahuna. Pangitaa ang Dios. Basaha ang Iyang pulong. Pag-ampo ug pangayo og kaalam.

PAG-AMPO

Ginoo, hatagi ako og kaalam ug pagsabot sa matag desisyon nga akong atubangon. Tudlui ako nga mosalig sa Imong pulong labaw sa akong kaugalingong pagsabot. Bantayi ug giyahe ako aron magpabilin nga matinumanon Kanimo. Amen.

“Kung nanginahanglan ka og kaalam, duol sa Dios ug paminaw sa Iyang pulong.”

30/09/2026

DAILY DEVOTIONAL
Huwebes, October 1, 2026

Lucas 17:3–4

“Pagmatngon kamo! Kon ang imong isigkatawo makasala, badlonga siya ug kon maghinulsol, pasayloa. Kon makasala siya kanimo sa makapito sulod sa usa ka adlaw ug sa matag higayon moanha siya kanimo ug moingon, ‘Naghinulsol ako,’ kinahanglan imo siyang pasayloon.”

PAMALANDONG

Ang pulong ni Jesus sa Lucas 17:3–4 nagtudlo kanato sa duha ka butang nga usahay lisod buhaton—ang pagbadlong ug ang pagpasaylo.

Kung adunay nakasala, gitawag kita ni Jesus nga dili lang pasagdan ang sayop, apan badlungon siya sa husto nga paagi. Ang tumong dili ang pagdaot o pagpakaulaw, kundili ang pagtabang kaniya nga makaamgo sa iyang sayop ug maghinulsol.

Apan kung ang tawo maghinulsol, kinahanglan nato siyang pasayloon. Bisan pa kon balik-balik ang iyang sayop ug balik-balik usab ang iyang paghangyo og pasaylo, gipakita ni Jesus nga ang atong kasingkasing kinahanglan dili mahimong bihag sa kasuko ug kapungot.

Ang pagpasaylo dili nagpasabot nga atong giingon nga husto ang sayop. Nagpasabot kini nga gipili nato nga dili magpabilin sa kasakit ug kasuko, kondili itugyan nato ang paghukom ngadto sa Dios.

Busa karong adlawa, pangutan-a ang imong kaugalingon: Aduna ba koy tawo nga kinahanglan nakong pasayloon? O aduna ba koy kinahanglan nga mapaubsanong badlungon tungod sa gugma?

Ang Dios nagtawag kanato dili lamang nga mahimong sakto, kundili nga mahimong sama kang Cristo—mapainubsanon, matinud-anon, ug andam mopasaylo.

PAG-AMPO

Ginoo, hatagi ako og kasingkasing nga andam mopasaylo ug kaisog nga mosulti sa kamatuoran uban sa gugma. Tabangi ako nga dili magpabilin sa kasuko ug kasakit, kondili mosalig Kanimo. Amen.

“Ang kasingkasing nga nakaila sa grasya sa Dios, nakakat-on usab sa pagpasaylo.”

30/09/2026

🙏🔥 TONIGHT, LET’S SEEK GOD TOGETHER!

Sa tunga sa atong ka-busy, kakapoy, mga problema, ug mga butang nga atong giatubang matag adlaw, ayaw nato kalimti ang usa ka butang—kinahanglan nato ang presensya sa Dios.

Tonight is another opportunity to pause, pray, listen to God’s Word, and be strengthened in faith. Dili kinahanglan nga perfect ka. Dili kinahanglan nga kompleto na imong kinabuhi. Come as you are, and let God meet you where you are. ❤️

📖 PRAYER MEETING & BIBLE STUDY
📍 BCM Prayer Center
🕖 7:00 PM SHARP

Bata man o tigulang, trabahanti man o studyante, minyo man o dili minyo, ulitawo man o dalaga—TANAN PWede! 🙌

Ayaw pasagdi nga molabay ang gabii nga wala ta nakagahin og panahon alang sa Dios.

Come and pray with us.
Come and learn with us.
Come and grow with us.

🔥 Let’s seek God together. Let’s strengthen one another. Let’s grow in His Word.

See you tonight at BCM Prayer Center!
Everyone is welcome. ❤️🙏

Address

Breaking Chain Ministry Mandaue
Mandaue City
6014

Telephone

+639939395766

Website

Alerts

Be the first to know and let us send you an email when Breaking Chain Ministry Mandaue posts news and promotions. Your email address will not be used for any other purpose, and you can unsubscribe at any time.

Contact The Place Of Worship

Send a message to Breaking Chain Ministry Mandaue:

Shortcuts

Share

Category