Brgy. Alas STO. NIÑO Chapel

07/08/2026

Maayo na Aga mga Kamaranghod sa pagtuod!

Ginapaabot po san aton Kora na bwas sabado, Agosto 08, 2026 Alas Dyes san Aga (10:00AM) amo an Selebrasyon san Banal na Misa dd saaton Kapilya sabay san pagbisita san Imahen san aton Patron, San Bernardo Abad. Ginaimbitaran tanan na kamanghod sa pagtuod sa intero Baranggay san Alas kaupod an mga taga Sitio na makig-usad sani na Banal na Selebrasyon.

Salamat sa Dyos!

18/07/2026

[July 18, 2026]

Anticipated Mass Celebration para sa ika-Dise Sais (16th) na Domingo sa Ordinary na panahon.

Yana na adlaw nag selebrar san misa para sa ika dise-sais na domingo sa ordinaryo na panahon sa kapilya san Santo Niño sa Alas. Ginpahayag didi an Ebanghelyo manugod sa kahadian san Dyos paagi sa pag istorya san aton Ginoo san tatlo na parabola kun hain nag gamit siya san mga bagay na adi saaton palibot oara ipahayag kag ipakita sa mga natauod kun nano an kahadian san Dyos.

Nabati naton an istorya san usad na manug uma na nag sabwag san mga maayo na pisog san trigo kag san siya nakaturog, guin sabwagan man ini san iya kaaway san mga malain na sagbot. Sa kadugayan, sabay nagtubo an sagbot kag an trigo. Sabi san suruguon sa manug-uma na nag sabwag san maayo na trigo, kun gagabuton ba an mga sagbot pero siya insabat na huhulaton an anihan kay ilalain an maayo na trigo sa sagbot kun hain an trigo, dadarahon sa kamalig kag an sagbot susunogon. - Usad ini sa mga oarabola na gnpahayag san Ginoo na kun hain gnpakita dd an duwa na klase san tawo. an maayo kag an dili. pagpadumdum ini saaton na mgaabot an panahon san paghusgar kag an matanos dadarahon sa kahadian an Dyos. Tanda ini na kita bilang mga Kristyano, padayon na magin malulot kag magtuod sa pagbalik na Gloryoso san Dyos.

Amen.

17/07/2026

Maayo na Adlaw mga kaigmanghudan kay Kristo!

Gina imbitaran kamo san aton Simbahan na maki usad sa Selebrasyon san Banal Misa saaton Kapilya kada sabado alas Kwatro san Hapon.

Salamat sa Dyos!

04/07/2026

[July 04, 2026]

Selebrasyon san ika katorse na Domingo san ordenaryo na panahon.

Sa Ebanghelyo, ginpadumdum kita san manungod pa pagtuod na pareho sa mga bata na kun hain waran iba na gnaisip kundi an pagkamuot kag paglaom sa Dyos na waran pagduwa-duwa. Ginpadumdum man kita na ginaimbitaran kita ni Kristo na bitbiton an iya san yugo kay magaan lang ini kag amo ini an pagtuod saiya.

Gin pangulohan ni Rev. Fr. Ruel Mendoza an Selebrasyon.

Salamat sa Dyos!

31/03/2026

Gina-imbitaran po an tanan na Kristyano Katoliko sa pakig-usad sa Selebrasyon san mga Ultimo na Adlaw san Kuwaresma.

Sabay sani, amo po an pagpadumdum san pagkompisal. Magkadto lang po bwas na aga Alas Otso sa Parokya ni San Bernardo Abad amo man sa Huwebes.

Salamat

21/03/2026

[03/21/2026]

Selebrasyon san ika-lima na Domingo san Kwaresma sa Kapilya san Balaang Bata, Sto. Niño sa Barangay Alas.

Ginpadumdum sa Homiliya sani na Selebrasyon an importansya san pagbaya sa Kasal-an. An pagkabuhay utro hali sa espiritwal na kamatayon na epekto san padayun na pagkasala.

Pareho san pagsabi san Ginoo sa lubungan ni Lazaro: "Lumabas ka dida Lazaro" amo man an pagsugo saaton san Ginoo na maglabas na kita sani na aton lubungan - na amo an kasal-an.

Ginpanguluhan ni Rev. Ruel Mendoza an Selebrasyon.

Salamat sa Dyos!

27/02/2026

Maayo na Adlaw!

Guinapaabot po sa pumoluyo san Barangay Alas na wara po anay san Selebrasyon didi saaton Kapilya bwas na sabado.

Ini sa dahilan na buwas na alas singko san hapon an ika duwa na misa san TRIDUUM MASS parte san preparasyon para sa paarabuton na Kapyestahan ni San Bernardo Abad, Patron san aton Parokya.

Padayun na gna imbitaran an mga kaigmanghudan sa pagtuod na makig usad sani na mga Selebrasyon sa Poblacion. Amo man an pagpadumdum na mag atendir sa Banal na Misa pagkadomingo sa pinakamalapit na Simbahan o Kapilya.

Salamat sa Dyos!

22/02/2026

Hali sa Kapilya san Santo Niño, Dako an amon pagpasalamat kay Rev. Fr. Ruel Mendoza sani na iya regalo sa kapilya.

Ini na mga libro, dako na bulig para sa mga Selebrasyon.

Salamat sa Dyos!

17/02/2026

Bwas na po ini mga kaigmanghudan!

Maayo na Adlaw!

An Katuninungan san Ginoo mapasaaton tanan!

Sani na maabot na Pebrero Dise Otso, magatuna na an Cuaresma. An panahon san pagdumdum sa buhay san aton Ginoong Jesus, amo man an iya pagtios para sa katawhan kag an iya Gloryoso na pagkabuhay Utro!

Sabay sani na pagtuna san Cuarisma an pagpadumdum saaton na kita hali sa Abo kag magabalik didi.

Gina imbitaran an tanan na Kristyano Katoliko sa baryo kag sa mga sitio san Alas na makig-usad sani na Selebrasyon sa nasabi na adlaw. Magkakaigwa san Banal na Misa kag pagbadlis didi sa Kapilya san Balaang bata Alas Dyes san Aga. Pagapanguluhan ini san aton Padre Kora, Rev. Fr. Ruel Mendoza.

Ano: Ash Wednesday (PAGBADLIS)
San o: February 18, 2026
Diin: Sto. Niño Chapel, Alas.
Oras: 10:00 AM

SALAMAT SA DYOS!

16/02/2026

Maayo na Adlaw!

An Katuninungan san Ginoo mapasaaton tanan!

Sani na maabot na Pebrero Dise Otso, magatuna na an Cuaresma. An panahon san pagdumdum sa buhay san aton Ginoong Jesus, amo man an iya pagtios para sa katawhan kag an iya Gloryoso na pagkabuhay Utro!

Sabay sani na pagtuna san Cuarisma an pagpadumdum saaton na kita hali sa Abo kag magabalik didi.

Gina imbitaran an tanan na Kristyano Katoliko sa baryo kag sa mga sitio san Alas na makig-usad sani na Selebrasyon sa nasabi na adlaw. Magkakaigwa san Banal na Misa kag pagbadlis didi sa Kapilya san Balaang bata Alas Dyes san Aga. Pagapanguluhan ini san aton Padre Kora, Rev. Fr. Ruel Mendoza.

Ano: Ash Wednesday (PAGBADLIS)
San o: February 18, 2026
Diin: Sto. Niño Chapel, Alas.
Oras: 10:00 AM

SALAMAT SA DYOS!