St. Dominic Savio Parish

06/09/2026

Ngayon ang ika-6 na araw ng buwan. Ating ginugunita si Santo Domingo Savio, ang ating patron.

𝗣𝗔𝗡𝗔𝗟𝗔𝗡𝗚𝗜𝗡 𝗞𝗔𝗬 𝗦𝗔𝗡𝗧𝗢 𝗗𝗢𝗠𝗜𝗡𝗚𝗢 𝗦𝗔𝗩𝗜𝗢

Santo Domingo Savio, sa pamamatnubay ni San Juan Bosco, lumaki ka sa kabanalan, tulungan mong matularan ka namin sa iyong pagmamahal kina Hesus at Maria, sa iyong pagmamalasakit sa iba, at sa iyong katapatan sa mga tungkulin mo, ipanalangin mo na sa pagtitika naming mamatay kaysa magkasala, kami ay makarating sa kaluwalhatian ng langit. Amen.

Santo Domingo Savio, ipanalangin mo kami.

05/09/2026

03/09/2026

Inaanyayahan ang lahat na makibahagi sa 𝗕𝗔𝗡𝗔𝗟 𝗡𝗔 𝗢𝗥𝗔𝗦 ngayong Unang Biyernes, 𝗶𝗸𝗮-𝟰 𝗻𝗴 𝗦𝗲𝘁𝘆𝗲𝗺𝗯𝗿𝗲, 𝟮𝟬𝟮𝟲 pagkatapos ng ika-6:30 na gabing Misa.

Mayroon ding 𝗦𝗔𝗞𝗥𝗔𝗠𝗘𝗡𝗧𝗢 𝗡𝗚 𝗞𝗨𝗠𝗣𝗜𝗦𝗔𝗟 para sa mga may nais na tumanggap nito.
Salamat po.

30/08/2026

Ngayon ang huling araw ng buwan. Ating ginugunita si San Juan Bosco, ang Ama at G**o ng mga kabataan.

𝗣𝗔𝗡𝗔𝗟𝗔𝗡𝗚𝗜𝗡 𝗞𝗔𝗬 𝗦𝗔𝗡 𝗝𝗨𝗔𝗡 𝗕𝗢𝗦𝗖𝗢

San Juan Bosco, ama at g**o ng mga kabataan, ikaw na puspusang nagpunyagi para sa ikaliligtas ng mga kaluluwa, maging gabay ka nawa namin sa ikabubuti ng aming kaluluwa at kaligtasan ng aming kapwa. Tulungan mo kaming mapagtagumpayan ang mga pagsisikap at maisabuhay palagi ang pananampalataya. Turuan mo kaming mahalin si Hesus sa kabanal-banalang Sakramento, si Maria mapag-ampon sa mga Kristiyano, at ang ating Santo Papa. Ipagkamit sa amin ang biyayang pumanaw na kaibigan ng Diyos, nang sa gayo’y kami’y makasama mong lahat sa langit. Amen.

30/08/2026

📢 𝗠𝗢𝗡𝗧𝗛𝗟𝗬 𝗖𝗢𝗠𝗠𝗘𝗠𝗢𝗥𝗔𝗧𝗜𝗢𝗡 𝗢𝗙 𝗦𝗧. 𝗝𝗢𝗛𝗡 𝗕𝗢𝗦𝗖𝗢

Inaanyayahan ang lahat sa 𝗕𝗔𝗡𝗔𝗟 𝗡𝗔 𝗠𝗜𝗦𝗔 sa Paggunita kay SAN JUAN BOSCO tuwing huling araw ng buwan. Susundan ito ng pagbabasbas at pagbibigay-galang sa kanyang Relic.

📅 Ika-31 ng Agosto, 2026 (Biyernes)
🕒 6:30 AM

𝙎𝙖 𝙎𝙖𝙫𝙞𝙤 𝙈𝙖𝙨𝙖𝙮𝙖, 𝙎𝙖𝙢𝙖-𝙎𝙖𝙢𝙖!

23/08/2026

Ngayon ay ika-24 na araw ng buwan. Ating ginugunita si Maria, Mapag-ampon sa mga Kristiyano.

𝗣𝗔𝗚𝗧𝗔𝗧𝗔𝗟𝗔𝗚𝗔 𝗔𝗧 𝗣𝗔𝗚-𝗔𝗔𝗟𝗔𝗬 𝗡𝗚 𝗧𝗔𝗛𝗔𝗡𝗔𝗡 𝗞𝗔𝗬 𝗠𝗔𝗥𝗜𝗔, 𝗠𝗔𝗣𝗔𝗚-𝗔𝗠𝗣𝗢𝗡 𝗦𝗔 𝗠𝗚𝗔 𝗞𝗥𝗜𝗦𝗧𝗜𝗬𝗔𝗡𝗢

O Kalinis-linisang Birheng Maria, niloob ng Diyos na ikaw ay maging Tagapag-ampon ng mga Kristiyano. Ngayon ay itinatalaga at iniuukol namin ang aming tahanan at mag-anak sa iyong Kalinis-linisang Puso. Pangalagaan mo, Inang kaibig-ibig, ang aming pamilyang sa iyo’y nagmamahal. Ilayo mo kami sa anumang kapahamakan sa bawat nakapipinsalang sunog, baha, kidlat at lindol, sampu ng mga magnanakaw at masasamang-loob. Pagpalain at patnubayan mo kami sa lahat ng sandali. Pagindapatin mo na ang lahat ng miyembro ng aming mag-anak, narito man o wala, ay maligtas sa lahat ng kasamaang-palad. At sa lahat, ipag-adya mo kami sa lahat ng tukso at kasalanan. Ikaw sana ay maging Reyna ng aming pamamahay, na magmula ngayon ay iyung-iyo, magpasawalang hanggan. Amen.

23/08/2026

21/08/2026