https://www.facebook.com/102086069380170/

Salitang Kristiyano

Home
Philippines
Mandaluyong
Salitang Kristiyano

REACHING OUT PEOPLE TO SHARE THE GOODNESS OF GOD AND HIS WORD.

11/08/2026

Huwag ninyong hadlangan ang Espiritu, at huwag ninyong hamakin ang mga propesiya. Sa halip, suriin ninyong mabuti ang lahat upang malaman kung galing ito sa Diyos o hindi. Panghawakan ninyo ang mabuti, at iwasan ang lahat ng uri ng kasamaan.

Pakabanalin nawa kayong lubos ng Diyos na siyang nagbibigay ng kapayapaan. At nawaʼy panatilihin niyang walang kapintasan ang buo ninyong pagkatao; ang espiritu, kaluluwa at katawan, hanggang sa pagbabalik ng ating Panginoong Hesu-Kristo. 1 Mga Taga-Tesalonica‬ ‭5‬:‭19‬-‭23‬ ‭ASD‬‬

08/08/2026

Mga kapatid, magalak kayo sa tuwing dumaranas kayo ng ibaʼt ibang uri ng pagsubok, sapagkat alam ninyong ang pagsubok ng inyong pananampalataya ay nagdudulot ng katatagan. Kaya dapat kayong magpakatatag hanggang wakas upang maging ganap at walang anumang pagkukulang ang buhay ninyo. Santiago‬ ‭1‬:‭2‬-‭4‬ ‭ASD‬‬

Mapalad ang taong nananatiling matatag sa kabila ng mga pagsubok dahil pagkatapos niyang mapagtagumpayan ang mga ito, tatanggapin niya bilang gantimpala ang buhay na walang hanggan, na ipinangako ng Diyos sa mga nagmamahal sa kanya. Santiago‬ ‭1‬:‭12‬ ‭ASD‬‬

06/08/2026

Dahil sa pananampalataya natin sa kanya, tinatamasa natin ang kagandahang-loob ng Diyos at nagagalak tayo dahil sa ating pag-asang makakabahagi tayo sa kaluwalhatian ng Diyos. At hindi lamang iyon, nagagalak din tayo kahit na dumaranas tayo ng mga paghihirap, dahil natututo tayong magtiis. Alam natin na ang pagtitiis ay nagpapabuti sa ating pagkatao. At kung mabuti ang ating pagkatao, nagbubunga ito ng pag-asa. At hindi tayo mabibigo sa ating pag-asa dahil ibinuhos sa atin ng Diyos ang kanyang pagmamahal sa pamamagitan ng Banal na Espiritu na ibinigay niya sa atin. Mga Taga-Roma‬ ‭5‬:‭2‬-‭5‬ ‭ASD‬‬

04/08/2026

Nawaʼy bigyan kayo ng Panginoon ng higit pang pag-ibig para sa bawat isa at sa lahat ng tao, gaya ng nag-uumapaw na pag-ibig namin para sa inyo. Sa ganitong paraan magiging malakas ang loob ninyo, at magiging banal at walang kapintasan ang inyong buhay sa harapan ng Diyos sa araw ng pagbabalik ng ating Panginoong Hesus kasama ang mga pinili niya. Amen. ‭‭1 Mga Taga-Tesalonica‬ ‭3‬:‭12‬-‭13‬ ‭ASD‬‬

31/07/2026

Nawa ang Diyos na nagbibigay sa atin ng pag-asa ang siya ring magbigay sa inyo ng buong kagalakan at kapayapaan dahil sa inyong pananampalataya sa kanya, upang patuloy na lumago ang inyong pag-asa sa pamamagitan ng kapangyarihan ng Banal na Espiritu. Mga Taga-Roma‬ ‭15‬:‭13‬ ‭ASD‬‬

At hindi tayo mabibigo sa ating pag-asa dahil ibinuhos sa atin ng Diyos ang kanyang pagmamahal sa pamamagitan ng Banal na Espiritu na ibinigay niya sa atin. Mga Taga-Roma‬ ‭5‬:‭5‬ ‭ASD‬‬

28/07/2026

Alam nʼyo ang mga paghihirap at pag-aalipusta na dinanas namin sa Filipos bago pa man kami dumating diyan. Ngunit sa kabila nito, binigyan kami ng Diyos ng lakas ng loob na ipangaral ang Magandang Balita sa inyo, kahit na marami ang kumokontra sa amin.

Sapagkat ang pangangaral namin ay hindi batay sa kamalian o sa hangaring mandaya o manloko. Bagkus, sinubok kami ng Diyos at napatunayan kaming mapagkakatiwalaan. Hinirang niya kami upang ipahayag ang Magandang Balita at sa dahilan lamang na ito kamiʼy nangangaral.

Ginagawa namin ito hindi upang bigyang-lugod ang tao, kundi ang Diyos na patuloy na sumisiyasat sa aming mga puso. Kahit minsan ay hindi namin kayo ginamitan ng mabulaklak na pananalita.

Ang Diyos ang aming saksi na hindi kami nagpanggap na kaibigan ninyo upang makuha ang inyong pera. Hindi namin hinangad ang papuri ng tao, mula man sa inyo o sa iba. 1 Mga Taga-Tesalonica‬ ‭2‬:‭2‬-‭6‬ ‭ASD‬‬

21/07/2026

Maging masigasig kayo sa patuloy ninyong pananalangin nang may pag-iingat at pasasalamat. Maging matalino kayo sa pakikitungo sa mga hindi mananampalataya, at samantalahin ninyo ang lahat ng pagkakataon na maibahagi ang pananampalataya nʼyo. Kung nakikipag-usap kayo sa kanila, gumamit kayo ng mga kawili-wiling salita upang makinig sila sa inyo, at dapat alam nʼyo kung paano sumagot sa tanong ng bawat isa. Mga Taga-Colosas‬ ‭4‬:‭2‬, ‭5‬-‭6‬ ‭ASD‬‬

16/07/2026

Kaya bilang mga banal at minamahal na mga pinili ng Diyos, dapat kayong maging mapagmalasakit, mabuti ang kalooban, mapagpakumbaba, mabait at mapagtiis.

Maging mapagparaya kayo sa isaʼt isa at magpatawaran kayo kung may hinanakit kayo kaninuman, dahil pinatawad din kayo ng Panginoon. At higit sa lahat, pairalin ninyo ang pag-ibig na nagdudulot ng tunay na pagkakaisa.

Paghariin ninyo sa mga puso nʼyo ang kapayapaan ni Kristo. Sapagkat bilang mga bahagi ng iisang katawan, tinawag kayo ng Diyos upang mamuhay nang mapayapa. Dapat din kayong maging mapagpasalamat. Mga Taga-Colosas‬ ‭3‬:‭12‬-‭15‬ ‭ASD‬‬

13/07/2026

Huwag hahawak nito! Huwag titikim niyon! Huwag hihipo niyan!”? Ang mga itoʼy batay lang sa utos at turo ng tao tungkol sa mga bagay na nawawala pagkatapos kainin o inumin. Sa unang tingin, wariʼy may karunungan ang mga ganitong katuruan tungkol sa gusto nilang pagsamba, pagpapakumbaba, at pagpapahirap sa sariling katawan. Subalit ang totoo, wala namang naitutulong ang mga ito sa pagpipigil sa masasamang hilig ng laman.
‭‭Mga Taga-Colosas‬ ‭2‬:‭21‬-‭23‬ ‭ASD‬‬

11/07/2026

Si Kristo ang pinagmumulan ng lahat ng karunungan at kaalaman. Sinasabi ko sa inyo ang mga bagay na ito upang hindi kayo malinlang ninuman sa pamamagitan ng magagaling nilang pangangatwiran. Mga Taga-Colosas‬ ‭2‬:‭3‬-‭4‬ ‭ASD‬‬

Address

Mandaluyong
1550

Website

facebook.com

Alerts

Be the first to know and let us send you an email when Salitang Kristiyano posts news and promotions. Your email address will not be used for any other purpose, and you can unsubscribe at any time.

Want your place of worship to be the top-listed Place Of Worship in Mandaluyong?