01/05/2026
๐จ๐ก๐๐ก๐ ๐ฆ๐๐๐๐๐ข ๐ก๐ ๐๐จ๐ช๐๐ก
๐๐ซ๐๐ฐ ๐ง๐ ๐๐๐๐จ๐ฌ๐ฒ๐จ๐ง ๐ฌ๐ ๐๐ญ๐ข๐ง๐ ๐๐๐ก๐๐ฅ ๐ง๐ ๐๐๐ญ๐ซ๐จ๐ง๐
๐ฃ๐๐ก๐๐๐๐ก๐๐๐ก ๐ก๐ ๐ฃ๐๐๐ง๐๐ง๐๐๐๐๐ ๐ฆ๐ ๐๐๐๐๐ก๐๐ฆ-๐๐๐ก๐๐ฆ๐๐ก๐ ๐ฃ๐จ๐ฆ๐ข ๐ก๐ ๐ ๐๐ฅ๐๐
O Mahal na Ina ng Diyos, dumudulog kami sa iyo, kami na bumubuo ng โKatawang Mahiwaga ni Kristoโ sa bansang ito.
O Ina ng sambayanang nagagalak batid mo ang lahat ng aming pagdurusa at pag-asa. Natatanto mo bilang Ina ang tunggalian ng mabuti at masama, ng liwanag at dilim, na ngayon ay kinakaharap ng daigdig.
O Ina at Lingkod ng Panginoon, yapusin mo nang may pagmamahal ang aming sambayanan at bansa na ngayon ay itinatalaga namin sa iyo, dahil hangad namin sa bawat isa at sa buong sambayanan ang isang mabuti, payapa, at banal na buhay.
O Mahal na Ina ng Diyos, lumalapit kami sa iyong kalinga; huwag mo nawang tanggihan ang aming mga kahilingan sa aming pangangailangan.
O Mahal na Ina ni Kristo, sa harap ng iyong kalinis-linisang Puso, nais sana naming ang buong sambayanang Pilipino ay makaisa ng Iyong Anak sa pagtatalaga ng Kanyang Sarili sa Diyos Ama, dahil sa pagmamahal Niya sa aminโsapagkat alang-alang sa amin ay itinalaga ni Hesus ang Kanyang sarili upang maitalaga naman namin ang aming sarili sa katotohanan. Lubos naming nadarama ngayon ang pangangailangan para sa pagtatalaga ng aming bayan kaisa ni Hesukristo, sapagkat sa pamamagitan ng Simbahan ang Kanyang pagliligtas ay dapat na mabatid ng buong daigdig at ng bawat Pilipino.
O Ina ng Simbahan! Liwanagan ang Bayan ng Diyos sa landas ng pananampalataya, pag-asa at pag-ibig! Tulungan mo kaming mamuhay sa katotohanan at pananalig kay Kristo.
O Kalinis-linisang Puso! Tulungan mo kaming magapi ang banta ng kasamaan na madaling nakapapasok at nag-uugat sa puso ng tao sa kasalukuyan anupaโt ang malawak na pinsala nito ay nagpapahirap sa aming bansa at nagiging balakid sa pagkakamit ng maaliwalas na bukas!
Mula sa pagkamuhi, karahasan at paglalaban-labang sumisira sa aming bayan,
ipag-adya mo kamiโฆ
Mula sa pagkitil sa buhay ng tao, lalo ang nasa sinapupunan,
ipag-adya mo kamiโฆ
Mula sa pagyurak sa karangalan ng mga anak ng Diyos,
ipag-adya mo kamiโฆ
Mula sa lahat ng uri ng kawalang-katarungan sa lipunan,
ipag-adya mo kamiโฆ
Mula sa walang-pakundangang paglabag sa mga utos ng Diyos,
ipag-adya mo kamiโฆ
Mula sa kawalan ng pagkaunawa sa mabuti at masama,
ipag-adya mo kamiโฆ
Mula sa kasalanan laban sa Banal na Espiritu,
ipag-adya mo kamiโฆ
Hibik namiโy pakinggan, O Mahal na Ina ni Hesus, kalakip nito ang aming pag-asa at mga pasanin. Tulungan mo kaming mapagtagumpayan ang kasalanan sa lahat ng anyo nito. Tulungan mo kami upang muli naming maranasan ang kapangyarihan ng pagliligtas at ang kapangyarihan ng maawaing pag-ibig! Puksain nawa nito ang kapangyarihan ng kasalanan at kasamaan! Baguhin nawa nito ang aming budhi!
O Maria, aming Ina, ikaw ang aming buhay, ang aming katamisan, at ang aming pag-asa! Amen.
๐๐ฎ๐น๐ถ๐ป๐ถ๐-๐น๐ถ๐ป๐ถ๐๐ฎ๐ป๐ด ๐ฃ๐๐๐ผ ๐ป๐ถ ๐ ๐ฎ๐ฟ๐ถ๐ฎ,
ipanalangin mo kami.
