Parokya ng Santisima Trinidad, Malolos, Bulacan

23/08/2026

14/08/2026

and Biblical Apostolate Malolos present Live: Ang Salita sa Buhay Ko S2 Episode 126 - KASAKIMAN

14/08/2026

𝙋𝘼𝙍𝙄𝙎𝙃 𝙐𝙋𝘿𝘼𝙏𝙀 | 𝗣𝗔𝗚𝗦𝗔𝗦𝗔𝗚𝗔𝗪𝗔 𝗡𝗚 𝗥𝗘𝗟𝗜𝗘𝗙 𝗢𝗣𝗘𝗥𝗔𝗧𝗜𝗢𝗡 𝗕𝗜𝗟𝗔𝗡𝗚 𝗧𝗨𝗚𝗢𝗡 𝗦𝗔 𝗛𝗔𝗠𝗢𝗡 𝗡𝗔 𝗗𝗨𝗟𝗢𝗧 𝗡𝗚 𝗛𝗔𝗕𝗔𝗚𝗔𝗧

Bilang tugon sa patuloy na pag-ulan at pagbaha na dulot ng Habagat, ang Commission on Social Action (CSA) ng Parokya ng Santisima Trinidad ay matagumpay na nagdaos ng isang relief operation ngayong araw, Agosto 14, 2026.

Layunin ng inisyatibong ito na magpaabot ng agarang tulong at pangunahing pangangailangan sa mga pamilyang lubos na naapektuhan ng kalamidad sa mga nasasakupang barangay ng ating parokya: Barangay Pinagbakahan, Barihan, at Santisima.

Ang bawat pamilya ay nakatanggap ng relief packs na naglalaman ng mga pangunahing suplay tulad ng bigas, mga pagkaing de-lata, instant noodles, kape, at iba pang mahahalagang pangangailangan.
Naging posible ang operasyong ito sa pamamagitan ng pondong nalikom mula sa mga stalls ng komisyon, tulad ng pagtitinda sa Café Santisima at ang Barbeque-han ng CSA.

Ang buong pamunuan ng Parokya ng Santisima Trinidad ay nagpapaabot ng taos-pusong panalangin para sa kaligtasan at mabilis na pagbangon ng ating mga kapwang kasalukuyang sinusubok ng habagat. Taos-puso rin ang aming pasasalamat sa lahat ng mga indibidwal at pamilyang patuloy na sumusuporta sa mga gawaing panlipunan at pastoral ng ating simbahan.

Sa gitna ng ating mga kinakaharap na unos, patuloy nawa tayong magkaisa sa pananampalataya at buong-tiwalang humingi ng gabay at proteksyon sa Mahal na Poong Santisima Trinidad.

07/08/2026

and Biblical Apostolate Malolos present Live: Ang Salita sa Buhay Ko S2 Episode 125 - INGGIT

04/08/2026

"𝑰𝒌𝒂𝒘 𝒂𝒚 𝑷𝒂𝒓𝒊 𝒎𝒂𝒈𝒑𝒂𝒌𝒂𝒊𝒍𝒂𝒏𝒎𝒂𝒏."

Bilang bahagi ng paggunita kay San Juan Maria Vianney ngayong araw, ika-4 ng Agosto, ang buong komunidad ng ating parokya ay bumabati ng maligayang Araw ng mga Pari sa ating Kura Paroko, Rdo. Padre Conrado R. Santos, Jr., at sa ating panauhing pari, Rdo. Padre Avelino Santos. Sa pamamagitan ng pintakasi ng mga pari, San Juan Maria Vianney, patuloy nawa kayong gabayan ng Poong Maykapal sa inyong bokasyon bilang Kanyang lingkod at isa sa mga tinawag ni Kristo upang maging instrumento ng pagkakabuklod at pagmamahalan.

Maligayang Araw ng mga Pari po!

San Juan Maria Vianney, ipanalangin mo ang mga Pari!