Parokya ng Santisima Trinidad, Malolos, Bulacan

24/05/2026

𝐆𝐚𝐦𝐞 𝐧𝐚, 𝐏𝐚𝐫𝐢 𝐊𝐨!

Halina’t makiisa sa isang gabing puno ng saya, pagkakaisa, at palakasan sa pagitan ng kaparian at mga layko!

Bilang bahagi ng pagdiriwang ng Kapistahan ng Santisima Trinidad, buong galak naming inaanyayahan ang lahat sa “Game na, Pari Ko!”
isang natatanging palaro sa basketball na tampok ang mga pari mula sa Diyosesis ng Malolos at mga kinatawan ng mga layko.

Tunghayan ang masayang laban na hindi lamang nagpapakita ng husay sa laro kundi pati na rin ng pagkakaisa, pakikipagkapwa, at matibay na samahan ng Simbahan at pamayanan.

📅 Mayo 25, 2026
🕕 Ika-6 ng gabi
📍 Malolos Sports and Convention Center

Maghanda sa isang gabi ng sigawan, tawanan, at walang sawang suporta para sa ating mga manlalaro sa loob ng court!

,PariKo!

24/05/2026

𝗠𝗮𝘆𝗼 𝟮𝟯 𝟮𝟬𝟮𝟲 | 𝗜𝗻𝘁𝗲𝗴𝗿𝗶𝘁𝘆 𝗥𝘂 𝗻

Narito ang ilang larawan mula sa matagumpay na pagdaraos ng Integrity Run sa ating parokya. Isang makabuluhang gawain na nagbigay ng sigla, kasiyahan, at pagkakataong mapagtibay ang pagkakaisa ng bawat isa habang isinusulong ang pangangalaga sa kalusugan bilang mga anak ng Diyos.

Nawa’y naging masaya ang lahat at magpatuloy ang ating pakikiisa sa mga gawaing nagdudulot ng kabutihan, inspirasyon, at mas matibay na samahan bilang isang pamayanang Kristiyano.

Lubos din po ang aming pasasalamat sa lahat ng nakiisa, tumulong, at sumuporta upang maging matagumpay ang gawaing ito. Nawa’y patuloy tayong magkaisa sa paglilingkod, pagmamahalan, at pagpapalaganap ng kabutihan sa ating kapwa.

24/05/2026

Matagumpay na naisakatuparan ang proyektong “𝐀𝐥𝐚𝐲 𝐌𝐨, 𝐊𝐚𝐫𝐮𝐠𝐭𝐨𝐧𝐠 𝐧𝐠 𝐁𝐮𝐡𝐚𝐲 𝐊𝐨” sa pangunguna ng Block Rosary Group at El Shaddai, bilang pagpapakita ng tunay na diwa ng pagmamahal, pagkakaisa, at paglilingkod sa kapwa.

Taos-puso po kaming nagpapasalamat sa lahat ng nakiisa, nagbahagi ng kanilang oras, panalangin, at biyaya para sa mga kabataang nasa Betlehem House of Bread. Ang bawat munting donasyon at simpleng pagtulong ay naging daan upang maipadama sa kanila na sila ay mahalaga, hindi nakakalimutan, at patuloy na sinusuportahan ng komunidad.

Sa pamamagitan ng gawaing ito, muli nating napatunayan na ang pagtutulungan at malasakit ay may kakayahang magbigay-liwanag at pag-asa sa buhay ng ating kapwa. Tunay ngang ang bawat handog na nagmumula sa puso ay nagiging karugtong ng buhay at pangarap ng iba.

Nawa’y magpatuloy ang ating diwa ng pagbibigayan at sama-sama nating ipalaganap ang kabutihan at pagmamahal sa ating pamayanan.

Maraming salamat po sa inyong walang sawang suporta at pakikiisa. Nawa’y pagpalain tayo ng Dakilang Santatlo!

24/05/2026

24/05/2026

𝗠𝗔𝗦𝗗𝗔𝗡 | Narito ang mga larawan sa naganap na Sagala bilang bahagi ng maringal na pagdiriwang ng Flores de Mayo.

Ang Flores de Mayo ay isang banal na paggunita at makulay na tradisyong Katoliko na isinasagawa tuwing buwan ng Mayo, kung saan iniaalay ang mga bulaklak bilang sagisag ng dalisay na debosyon at pagdakila sa Mahal na Birheng Maria.

Kaakibat nito ang Santacruzan o Sagala, prusisyong tumatalakay sa makasaysayang matagumpay na paghahanap sa Krus kung saan ipinako si Kristo, at natagpuan ito ni Santa Elena, ina ni Emperador Constantino ng Roma. Ang bawat Reyna na lumalahok sa prusisyon ay hindi lamang larawan ng kagandahan, kundi tagapagdala rin ng mas malalim na kahulugan ng pananampalataya at birtud.

Si Reyna Elena, na karaniwang tangan ang Banal na Krus, ay sumisimbolo sa pagkatagpo sa liwanag ng pananampalataya, habang ang iba pang Reyna ay kumakatawan sa mga kabanalan at birtud na ginagabayan ng diwa ng Kristiyanismo.

Sa pagtatapos ng maringal na prusisyon, nawa’y ang bawat bulaklak na inialay ay maging dalangin ng pagpupugay, pasasalamat, at pananalig sa Mahal na Birheng Maria at sa Banal na Krus ni Kristo.

23/05/2026

𝐇𝐚𝐥𝐢𝐧𝐚 𝐚𝐭 𝐌𝐚𝐤𝐢𝐬𝐚𝐲𝐚, 𝐬𝐚 𝐋𝐚𝐫𝐨 𝐧𝐠 𝐋𝐚𝐡𝐢 𝐚𝐲 𝐌𝐚𝐤𝐢𝐢𝐬𝐚!

Sa nalalapit na Kapistahan ng Santisima Trinidad, buong galak naming inihahandog sa inyo, sa pangunguna ng Parish Commission on Youth at Ministry of Altar Servers, ang taunang Laro ng Lahi 2026!
Muling buhayin natin ang mga larong Pilipinong sumasalamin sa ating kultura, pagkakaisa, at masayang samahan. Inaanyayahan ang lahat ng kabataan at mamamayan na makilahok at makiisa sa hapon ng saya, tawanan, at palaro para sa lahat.
📅 Mayo 24, 2026
🕑 2:00 ng hapon
📍Parokya ng Santisima Trinidad

Maghanda sa iba’t ibang tradisyunal na laro, masasayang paligsahan, at makabuluhang samahan bilang bahagi ng ating pagdiriwang ng kapistahan ng Santisima Trinidad.

Tara na at sama-sama nating
ipagdiwang ang ating kultura at pananampalataya sa pamamagitan ng pagkakaisa at kasiyahan!

23/05/2026

Tapos na ang takbuhan, pero ang enerhiya , wala paring kapantay!

Narito ang quick post-run highlight natin mula sa nagdaang Integrity Run 2026 kahapon!

Manatiling nakasubaybay sa ating page para sa mga recap ng mga gampanin kaugnay ng ating nalalapit na Dakilang Kapistahan ng Santisima trinidad.

22/05/2026

22/05/2026

MAYO 22, 2026 | UNANG ARAW NG MISA NOBENARYO

Bilang bahagi ng paghahanda sa nalalapit na Dakilang Kapistahan ng Santisima Trinidad, ang Unang Araw ng Nobenaryo ay mamayang hapon, sa ganap na ika-5:30, na susundan ng pagdiriwang ng Banal na Misa sa ganap na ika-6:00 ng gabi. Ang Banal na Misa ay ipagdiriwang sa pangunguna ng ating Panauhing Pari, Rdo. P. Avelino Sampana, Kura Paroko ng Pandiyosesis na Dambana at
Parokya ni San Miguel Arkanghel, San Miguel Bulacan.

Inaanyayahan po ang lahat na makibahagi sa ating mga aktibidad bilang paghahanda sa ating kapistahan. Taimtim tayong manalangin at humingi ng awa sa ating Banal na Santatlo.

Maraming salamat po, at nawa’y pagpalain tayong lahat ng Mahal na Poong Santisima Trinidad!

21/05/2026

𝗜𝗡𝗧𝗘𝗚𝗥𝗜𝗧𝗬 𝗥𝗨𝗡 𝟮𝟬𝟮𝟲

Sa pangunguna ng mga samahan ng ating parokya—mga Lectors and Commentators, Lay Ministers, Carmelites, at ang Komisyon ng Panlipunang Pamamahayag, atin pong gaganapin ang fun run ngayong taon—Integrity Run 2026. Narito po ang mga mahahalagang detalye:

Registration Fee: ₱1000.00 (Inclusions: Dri-Fit Shirt, Finisher's Medal, and Race Bib)
Assembly Time: 4:00 AM
Gun Start Time: 5:00 AM
Starting Point: Parokya ng Santisima Trinidad

Nakatala rin ang ating route map para sa magiging daloy ng ating fun run. Maaari pa pong mag-register para sa gawaing ito, ngunit Large at 2XLarge limited shirts na lamang po ang available. Para po sa mga kukuha ng shirts na may sizes: Small, Medium, Large, Extra Large, at 2XLarge, maaari po itong makuha sa ating parokya mula ika-3 hanggang ika-5 ng hapon araw-araw. Ang ibang sizes po ay maaaring makuha sa Biyernes.

Para sa mga katanungan, makipag-ugnayan po sa Coordinator ng Integrity Run 2026 o sa opisina ng ating parokya.

Halina at makisaya sa ating pagtakbo at sa marami pang nakahandang saya at surpresa, maraming salamat po!