Ang UCCP Community Christian Church ay sama-samang nagpapahayag ng pasasalamat at katapatan ng Dios sa masaganang pagpapala na ipinagkaloob sa pamilya ni Bro. Ang personal na hangaring ito na ipagpatuloy ang pangangaral ng Mabuting Balita ay bunga ng kanyang personal na karanasan sa pamamagitan ng isang pamilya ng misyonero na nagmulat sa kanya sa kaligtasang ipinagkaloob ng Panginoon. Noong 1997,
ipinagbigay alam ni Bro. Proximo sa Lupon ng Presbitero ng UCCP Ellinwood Malate Church ang kanyang planong magpatayo ng bahay sambahan sa kanilang subdivision sa Malolos. Makalipas ang isang buwan, inanyayahan niya ang mga kasapi ng konsilyo, at ang mga manggagawa ng Ellinwood Malate Church sa paglalagay ng batong panulok ng simbahan. Noong ika-15 ng Disembre, 1999, ang Ministerial Team ng UCCP Ellinwood Malate Church, mga kasaping konsilyo, at pamilya ni Bro. Juan ay nagsama-sama sa pagtatalaga ng bahay-sambahan at mga pasilidad nito para sa kapurihan ng Dios. Noong ika-16 ng Enero, 2000 naganap ang kauna-unahang pananambahan sa bahay-sambahan na ito at si Elder Juan F. Proximo ang nagbigay ng mensahe ng buhay, ang Psalm Ensemble Choir ng Ellinwood Church ang naghandog ng mga awit ng pagpupuri sa Panginoon. Nagpatuloy sa paghahandog ng mga awitin ang iba’t ibang koro ng Ellinwood Church sa panlinggong pananambahan, hanggang noong Abril, 2000, nabuo ang Community Christian Church Choir sa pangunguna ni Diakonisa Fe Dorcas C. Nagkaroon ng Student Center, nagsagawa ng Bible Study, Christian Formation at recollection sa mga mag-aaral ng International Center at Marcelo H.del Pilar High School. Noong Nobyembre, 2004 itinatag ang Sunbeam Kiddie Center sa pangunguna ni Kap. Proximo at ng Konsilyo ng Iglesya, upang matugunan ang pangangailangan ng pamayanan sa larangan ng edukasyon ng mga bata. Sa ika-60 Taunang Pagpupulong ng Manila North Conference noong taong 2005, pinagtibay ang kahilingan ng Community Christian Church na maging “Worshipping Congregation”ng Manila North Conference. Noong May, 2007 sa ika-62 Taunang Pagpupulong sa Ungot, Tarlac City, pinagtibay na maging “Iglesya Lokal”ang UCCP Community Christian Church. Ang kasaysayan ng UCCP Community Christian Church, ang buhay at ministeryong ginagampanan ay nagpapatuloy upang marami pa ang maabot ng Mabuting Balita ng Kaligtasan. Ipagpatuloy natin ang matapat na paglilingkod sa ubasan ng Panginoon. Sa Diyos ang kapurihan at kaluwalhatian!
