13/01/2025
Sabi ng isang tatay sa kanyang anak, “Kaka-graduate mo lang. Ito ang regalo ko sayo anak. Luma na pero kabibili ko lang nyan. Bago ko ibigay sa’yo, dalhin mo muna sa car dealer yan. Ibenta mo. Tingnan mo kung magkano ang offer nya sayo.”
Dinala ito ng kanyang anak saka bumalik sa tatay. “Binibili sa akin ng 10,000 pesos ‘tay. Luma na raw kasi.”
Sagot ng tatay: “Okay. Dalhin mo naman ngayon sa 2nd hand car dealer.
Hapon na ng makabalik ang bata sa kanyang tatay. “Binibili sa akin ng 20,000 pesos. Dami na raw kasing pagawain bago mapakinis uli yan, ‘Tay.”
Pinayuhan ng tatay ang bata na sumali sa passionate club saka ipakita sa kanila ang lumang sasakyan.
Matapos dumalaw ang bata sa passionate club, nagbalik sya sa kanyang tatay.
“May nag offer po sa akin na bilhin ito ng 100,000. Bibihira na raw kasi ang ganitong modelo tapos running condition pa. Mahirap raw makahanap ng ganyan.”
Sagot ng tatay, “Gusto kong maintindihan mo anak na walang kwenta ang halaga mo kung maling tao ang mga kasama mo.”
Kung hindi ka nila ma-appreciate, ‘wag kang magagalit. Ibig sabihin lang nun, hindi ka angkop sa lugar nila. “Huwag kang manatili sa isang lugar na hindi nakikita ang totoo mong halaga.”
