Ina ng Malolos - Virgen Inmaculada Concepción

10/09/2026

𝐃𝐚𝐥𝐚𝐰 𝐏𝐚𝐭𝐫𝐨𝐧𝐚 𝐬𝐚 𝐁𝐚𝐫𝐚𝐧𝐠𝐚𝐲 𝐒𝐚𝐧𝐭𝐨 𝐑𝐨𝐬𝐚𝐫𝐢𝐨

Sambayanan ng Diyos sa Santo Rosario, iwagayway na ang mga puting panyo at salubungin ang pagdating ng ating Patrona sa inyong pamayanan!

Inaanyayahan po ang lahat na makiisa sa unang yugto ng Dalaw Patrona na gaganapin sa Barangay Santo Rosario sa darating na Sabado, ika-12 ng Setyembre, 2026.

Magkakaroon ng Banal na Misa sa ganap na ika-7 ng umaga sa ating Katedral kasunod ang pagsundo ng imahen ng Nuestra Señora del Santisimo Rosario sa imahen ng Virgen Inmaculada Concepcion de Malolos patungo sa Bisita ng Santo Rosario.

Viva, Virgen Inmaculada Concepcion de Malolos!

10/09/2026

𝐃𝐀𝐋𝐀𝐖 𝐏𝐀𝐓𝐑𝐎𝐍𝐀 𝟐𝟎𝟐𝟔
𝐴𝑛𝑔 𝐵𝑖𝑟ℎ𝑒𝑛 𝑎𝑦 𝑝𝑎𝑝𝑎𝑟𝑎𝑡𝑖𝑛𝑔 𝑛𝑎, ℎ𝑎𝑙𝑖𝑛𝑎'𝑡 𝑠𝑎𝑙𝑢𝑏𝑢𝑛𝑔𝑖𝑛 𝑠𝑖𝑦𝑎!

Muli na namang sumapit ang panahon ng pagdalaw ng ating Mahal na Patrona, ang Virgen Inmaculada Concepcion de Malolos, sa ating mga pamayanan! Sama-sama tayong manabik, gumayak, at sumalubong sa kaniyang pagdating!

Narito ang talatakdaan ng Dalaw Patrona sa mga SPPC:

Setyembre 12: Barangay Santo Rosario
Setyembre 19: Barangay Calero
Setyembre 26: Sitio Sabitan
Oktubre 3: Barangay San Vicente
Oktubre 10: Barangay Caniogan
Oktubre 17: Barangay Santiago
Oktubre 24: Barangay Canalate
Oktubre 31: Barangay Sto. Niño
Nobyembre 7: Barangay Sto. Cristo
Nobyembre 14: Barangay Atlag
Nobyembre 21: Barangay San Juan
Nobyembre 28: Pagtatapos ng Dalaw Patrona 2026

𝐕𝐢𝐫𝐠𝐞𝐧 𝐈𝐧𝐦𝐚𝐜𝐮𝐥𝐚𝐝𝐚 𝐂𝐨𝐧𝐜𝐞𝐩𝐜𝐢𝐨𝐧 𝐝𝐞 𝐌𝐚𝐥𝐨𝐥𝐨𝐬,
𝐢𝐩𝐚𝐧𝐚𝐥𝐚𝐧𝐠𝐢𝐧 𝐦𝐨 𝐤𝐚𝐦𝐢!

29/05/2026

𝐈𝐧𝐚 𝐧𝐠 𝐌𝐚𝐥𝐨𝐥𝐨𝐬 𝐬𝐚 𝐁𝐨𝐜𝐚𝐮𝐞

Samahan natin ang ipinagdarangal na Patrona ng Diyosesis, Reyna ng Bulacan, at Ina ng Malolos sa kaniyang paglibot sa mga lansangan ng Bayan ng Bocaue sa Sabado, ika-30 ng Mayo, 2025 sa ganap na ika-6 ng hapon sa Parokya ng San Martin ng Tours at Pandiyosesis na Dambana ng Mahal na P**ng Krus sa Wawa para sa 40th Bocaue Grand Marian Procession.

Viva la Virgen!

29/05/2026

𝐈𝐧𝐚 𝐧𝐠 𝐌𝐚𝐥𝐨𝐥𝐨𝐬 𝐬𝐚 𝐌𝐚𝐤𝐚𝐬𝐚𝐲𝐬𝐚𝐲𝐚𝐧𝐠 𝐒𝐢𝐦𝐛𝐚𝐡𝐚𝐧 𝐧𝐠 𝐁𝐚𝐫𝐚𝐬𝐨𝐚𝐢𝐧

Ating samahan ang ating ipinagdarangal na Patrona, ang Virgen Inmaculada Concepcion de Malolos, sa kaniyang paglibot sa lansangan ng ating dakilang lungsod para sa Barasoain Grand Marian Procession na gaganapin sa Sabado, ika-30 ng Mayo, 2026 sa ganap na ika-7 ng gabi sa karangalan ng Nuestra Señora de las Flores de Barasoain.

Viva, Virgen Inmaculada Concepcion de Malolos!

02/05/2026

21/03/2026

Inaanyayahan ang mga lingkod ng Simbahan, mga kabataan, at ang mga matagal na o pausbong pa lamang na mga Camarero sa:

𝐌𝐈𝐒𝐀 𝐚𝐭 𝐁𝐈𝐇𝐈𝐒: 𝐈𝐬𝐚𝐧𝐠 𝐊𝐚𝐭𝐞𝐬𝐢𝐬𝐦𝐨 𝐭𝐮𝐧𝐠𝐤𝐨𝐥 𝐬𝐚 𝐦𝐠𝐚 𝐓𝐚𝐠𝐮𝐛𝐢𝐥𝐢𝐧 𝐬𝐚 𝐏𝐚𝐠𝐝𝐚𝐥𝐨 𝐬𝐚 𝐁𝐚𝐧𝐚𝐥 𝐧𝐚 𝐌𝐢𝐬𝐚 𝐚𝐭 𝐏𝐚𝐠𝐬𝐚𝐬𝐚𝐧𝐚𝐲 𝐬𝐚 𝐀𝐧𝐠𝐤𝐨𝐩 𝐧𝐚 𝐏𝐚𝐠𝐛𝐢𝐛𝐢𝐡𝐢𝐬 𝐧𝐠 𝐦𝐠𝐚 𝐁𝐚𝐧𝐚𝐥 𝐧𝐚 𝐈𝐦𝐚𝐡𝐞𝐧

Ito ay isang seminar na tatalakay sa mga gabay sa tamang asal at kilos sa Banal na Misa na susundan ng isang workshop para sa pagbibihis ng imahen ng mga santo lalo na't nalalapit ang mga prusisyon ngayong darating na mga Mahal na Araw.

Magkita-kita po tayo sa BUKAS, ika-22 ng Marso, sa ganap na ika-1 ng hapon sa Bisita ng Mahal na Birhen ng Santo Rosario sa Brgy. Santo Rosario, Lungsod ng Malolos.

Ito ay bukas sa lahat ng nagnananais na mapalawig ang kanilang kaalaman sa Banal na Misa at sa Pagbibihis ng mga P**n.

10/03/2026

Pagbati ng ika - 14 taon ng anibersaryo ng Coronation Canonical sa Virgen Inmaculada Concepcion de Malolos - Ina at Patrona ng Lungsod ng Malolos sa Malolos Cathedral - Immaculate Conception Parish Cathedral & Minor Basilica

𝐏𝐀𝐍𝐀𝐋𝐀𝐍𝐆𝐈𝐍 𝐒𝐀 𝐕𝐈𝐑𝐆𝐄𝐍 𝐈𝐍𝐌𝐀𝐂𝐔𝐋𝐀𝐃𝐀 𝐂𝐎𝐍𝐂𝐄𝐏𝐂𝐈𝐎𝐍 𝐃𝐄 𝐌𝐀𝐋𝐎𝐋𝐎𝐒

O Virgen Inmaculada Concepcion de Malolos,
aming kalinis-linisan at kaibig-ibig na Ina,
pinasasalamatan ka namin sa biyayang ipinagkaloob sa amin
ng Ama sa pamamagitan mo.

Akayin mo kami patungo sa iyong Anak
nang lumalim ang aming pananampalataya,
pag-asa, at pag-ibig sa gitna ng kadilimang dulot ng kasalanan.

Matularan nawa namin ang iyong kalinisan at kabanalan
sa ikararangal ng iyong anak na si Hesukristo na aming Panginoon.
Amen.

Viva La Virgen Inmaculada Concepcion de Malolos!

10/03/2026

Ika-14 na taong Anibersaryo ng Paggawad ng Pontipikal na Koronasyon sa Virgen Inmaculada Concepcion de Malolos.