San Andres Apostol de Longos

San Andres Apostol de Longos Si San Andres ay isinilang sa Betsaida sa tabi ng dagat ng Galilea at kapatid ni San Pedro.

MALIGAYANG PASKO
25/12/2025

MALIGAYANG PASKO

Kapistahan ni SAN ANDRES APOSTOLIka-30 ng NobyembrePANALANGIN KAY APOSTOL SAN ANDRESMahal naming San Andres Apostol Kami...
29/11/2025

Kapistahan ni SAN ANDRES APOSTOL
Ika-30 ng Nobyembre

PANALANGIN KAY APOSTOL SAN ANDRES

Mahal naming San Andres Apostol Kami ay dumudulog at dumadalangin sa iyo na pagpalain at ingatan ang lahat ng nasa aming lugar, lalong lalo na ang aming mga kapatid na mangingisda at ang kanilang mga pamilya.

Patatagin mo ang pananampalataya at pagmamahalan ng bawat isa sa amin, ang mga magulang at kanilang mga anak.

Aliwin mo at bigyan ng pag-asa ang mga balo,mga ulila at mga kapatid naming nawawalan ng pag-asa dahil sa mga pagsubok na kanilang nararanasan.

Turuan mo kaming maglingkod sa Diyos at naway maging tapat kaming lahat sa aming pangakong mamahalin ang Diyos at ang aming kapwa.

Isinasamo namin na makamtan nawa namin ang mga biyayang ito sa pamamagitan mo kasama ni Hesus na nagmamahal sa lahat ng lubos. Amen.

San Andres Apostol, ipanalangin mo kami!

Ika-siyam na Araw Dalangin kay San Andres:Mahal na Poong San Andres, Patron ng aming pamilya, sa iyong sariling bayan, n...
29/11/2025

Ika-siyam na Araw
Dalangin kay San Andres:

Mahal na Poong San Andres, Patron ng aming pamilya, sa iyong sariling bayan, nagsimula kang mangaral ng Banal na Ebanghelyo ng Panginoon. Sa bandang-huli, ay nagtungo ka rin sa iba’t-ibang bansa.Nangaral ka sa Scythia at Thracia. Hindi ka tinanggap sa Patras, Grecia. Ikaw ay inusig, nilitis at hinatulang mamatay sa krus, na gayang nangyari sa Panginoon. Mahal naming Patron, sa huling araw na ito ng aming nobena sa karangalan mo, ay makagawa kami sa iyo, na sanay ihingi mo kami sa Panginoon ng damdaming, sigasig at giting ng kaloobang dapat taglayin ng isang misyonero, upang makatulong kami sa pagpapalaganap ng Banal na Ebanghelyo, hindi lamang sa aming bansa, kundi gayundin sa ibang mga bansa lalo nasa mga bansa sa Asya. Libu-libong mga tao sa Asya ang hindi panakakakilala kay Hesus. Hindi nila alam na Siya ang Tagapagligtas nila, at kami, bilang isang bansang Kristiyano, ay may malaking pananagutan at tungkuling maghatid ng banal na aral ni Kristo sa kanila. Mahal naming Patron, isinasamo namin sa iyo, na sanay hilingin mo sa Panginoon na bigyan Niya ng kalinga at lakas ng loob ang aming mga kamag-anak at mga kababayang kasalukuyang nagtatrabaho bilang mga misyonero sa ibang bansa na malayo sa kanilang tahanan, pamilya at bayang tinubuan. Amen.

(Banggitin ang sariling kahilingan)

SAN ANDRES APOSTOL,
IPANALANGIN MO KAMI.



Ika-walong Araw Dalangin kay San Andres:Mahal na Poong San Andres, Patron ng aming pamilya, kaharap ka ng mga apostoles ...
28/11/2025

Ika-walong Araw
Dalangin kay San Andres:

Mahal na Poong San Andres, Patron ng aming pamilya, kaharap ka ng mga apostoles nang pagtalunan kung sino ang pinakadakila. Diyan sinabi ng Panginoon sa inyong lahat, na ang pinakadakila sa kaharian ng langit ay yaong pinakamababa sa lahat at alipin ng lahat. Nababatid namin na ang salitang iyan ng Panginoon ay hindi lamang ng apostoles iniuukol kundi gayon sa amin. Madalas kaming nagmamataas at naghahangad ng kabantugan at kapangyarihan at nahihirapan kaming maglingkod sa iba. Mahal naming Patron, tulungan mo po kaming sundin at isagawa sa aming araw-araw napamumuhay ang salita at aral ng Panginoon. Tulungan mo kaming maging mababa sa isip, salita at gawa. Tulungan mo po ring tularan namin ang iyong halimbawa sa aming pakikitungo sa Panginoon at sa kapwa. Sana’y hindi namin masugatan ang damdamin ng iba,kahit na ng mga taong sumugat sa aming damdamin, at sana’y patawarin namin ng buong puso ang nakagawa sa amin ng masama. Ipamagitan mo po kami sa Panginoon. Hilingin mo po sa Panginoonna gawin Niya kaming, mababang-loob, mapagbigay at mapagpaumanhin, sapagka’t sinabi Niya, “Mag-aral kayo sa akin,sapagka’t Ako’y maamo at mapagkumbabang-puso.” Amen.

(Banggitin ang sariling kahilingan)

ANDRES APOSTOL.,
IPANALANGIN MO KAMI.



Ika-pitong ArawDalangin kay San Andres:Mahal na Poong San Andres, Patron ng aming pamilya, sinasabi sa Banal na Bibliya ...
26/11/2025

Ika-pitong Araw
Dalangin kay San Andres:

Mahal na Poong San Andres, Patron ng aming pamilya, sinasabi sa Banal na Bibliya na ikaw at ang ibang apostoles ay inabot ng malakas na sigwa sa dagat ng Galilea. Kahit sanay na kayo sa bagyo, ay natatakot kayo. Sinabi ng Panginoon sa inyong lahat na manalig kayo sa Kanya, at pagkatapos sabihin ito, pinahupa Niya ang bagyo. Mahal naming Patron, kung minsan mayroong ding dumarating na bagyo sa aming buhay, para kaming sinisiklot ng malalakas na alon, kaya natatakot kami. Ang Banal na simbahan ay maari ring datnan ng malakas na bagyong ikinaliligalig ng minamahal niyang mga anak. Kaya isinasamo naming sa iyo, na sana’y lagi mong sariwain sa aming alaala ang sinabi sa inyo ng Panginoon, upang kami ay lubos na manalig sa Kanya. Palakasin mo po at patatagin ang aming pananampalataya, lalo na kung mayroon kaming kinakaharap na mabibigat na suliranin sa aming buhay. Huwag mo pong itulot na maging totoo pa lalo kami, upang huwag naming isiping malulutas naming ang lahat ng aming problema, kahit hindi kami tulungan ng Panginoon. Ituro mo po sa amin na dumulog kami sa Panginoon, sa panahong masungit at sa panahong maaliwalas, sa panahong maligaya at sa panahong puno ng dalamhati at dusa. Amen.

(Banggitin ang sariling kahilingan)

SAN ANDRES APOSTOL,
IPANALANGIN MO KAMI.



Ika-anim na Araw Dalangin kay San Andres:Mahal na Poong San Andres, Patron ng aming pamilya, sa ika-anim na araw na ito ...
25/11/2025

Ika-anim na Araw
Dalangin kay San Andres:

Mahal na Poong San Andres, Patron ng aming pamilya, sa ika-anim na araw na ito ng aming nobena, gusto naming gunitain ang nangyari sa iyo at sa ibang mga apostoles sa dagat ng Galilea. Noon ay magdamag kayong namalakaya, ngunit wala kayong nahuli.Sinabi sa inyo ni Hesus na mamalakaya ulit kayo. Sumunod kayo sa Kanya, at kataka-taka ang dami ng inyong nahuling isda. Kayong lahat ay namangha. Pagkatapos, sinabi sa inyo ng Panginoon,“Gagawin Ko kayong mamamalakaya ng mga tao.” Batid namin,mahal naming Patron, na higit na mahirap ang mamalakaya ng tao kaysa manghuli ng isda. Ang tao ay mailap, magaling umiwas mapag-duda at mapag-alinlangan. Kahit gustuhin at sikapin ng Panginoon na tipunin kami sa piling Niya, ay humahanap kami ngsari-saring dahilan: tumatanggi kami, umiiwas kami, gayong walang higit na mahalaga at higit na gagantimpalaan ng Panginoon, kaysa maging malapit at makasama Niya. Mahal naming San Andres, tulungan mo po kaming magpasakop at sumunod sa Panginoon,upang maranasan namin ang kaligayahang, katulad ng dinanas mo.Amen.

(Banggitin ang sariling kahilingan)

SAN ANDRES APOSTOL,
IPANALANGIN MO KAMI.



Ika-limang ArawDalangin kay San Andres:Mahal na Poong San Andres, Patron ng aming pamilya, nababasa namin sa Banal na Bi...
25/11/2025

Ika-limang Araw
Dalangin kay San Andres:

Mahal na Poong San Andres, Patron ng aming pamilya, nababasa namin sa Banal na Bibliya na isang araw ay nagutom ang mga taong sumusunod sa Panginoon. Siya ay naawa sa kanila. Gusto Niyang mabigyan sila ng pagkain at gusto mo rin, kaya itinuro mo sa kanya ang isang batang lalaki, na may dalang ilang tinapay at ilang isda. Samalaking malasakit mo sa mga tao, sinabi mo pa sa Panginoon na iyon ay hindi magkakasya sa gayong karaming mga tao. Diyan na gumawa si Hesus ng Himala. Pinarami Niya ang ilang tinapay at isda, at nakakain at nabusog ang lahat. Mahabagin naming Patron, libu-libong mga tao sa daigdig ngayon ay gutom. Maging sa aming parokya ay may mga kinakapos sa pagkain, may mga walang hanapbuhay at may mga walang sariling tahanan. Pagkalooban mo po sana kami ng tunay na pagmamalasakit sa mga pangangailangan at mga problema ng aming mga kapatid. Tulungan mo po kaming humanap ng paraan para umiral ang katarungan at ang pag-ibig sa kapwa, upang ang lahat ng mga mamamayan ay mabuhay na may dignidad at karangalan. Huwag nawang mangyaring ang aming kapwa ay magtiis at magdanas ng hirap, dahil sa aming kasamaang-asal, kawalan ng pagmamahal at pagmamalasakit sa kanila. Amen.

(Banggitin ang sariling kahilingan)

SAN ANDRES APOSTOL,
IPANALANGIN MO KAMI.



Ika-apat na ArawDalangin kay San Andres:Mahal na Poong San Andres, Patron ng aming pamilya, sa ika-apat na araw na ito n...
23/11/2025

Ika-apat na Araw
Dalangin kay San Andres:

Mahal na Poong San Andres, Patron ng aming pamilya, sa ika-apat na araw na ito ng aming nobena, gusto naming gunitain ang pagdalaw ng Panginoon sa inyong tahanan sa Betsaida. Kasama moang iyong kapatid na si Pedro, nang isama ninyo noon ang Panginoon. Noon ay kasalukuyang may sakit ang biyenang babae ni Pedro. Mahal naming Patron, nais sana naming ipakiusap sa iyo, ang mga may sakit at matatandang nasa kanilang mga tahanan. Hindi sila makakarating sa simbahan para sumali sa amin, at maaring hirap nahirap ang katawan ng ilan sa kanila. Aming isinasamo sa iyo namangyaring ipakiusap mo sa Panginoon, na sana’y dalawin niya silasa kanilang tahanan,upang ang loob nila ay maaliw. Isinasamo rin po namin sa iyo, na sana’y dalhin mo ang Panginoon sa aming puso, gaya nang isama mo Siya sa inyong tahanan sa Betsaida upang pagalingin Niya ang sakit ng kasalanan ng aming kaluluwa, at ang kakulangan ng aming pananalig sa Kanya. Tulungan mo po kami upang umunlad aming kabanalan, para maging tunay kaming mga alagad ng Panginoon, gaya mo. Amen.

(Banggitin ang Sariling Kahilingan)

SAN ANDRES APOSTOL,
IPANALANGIN MO KAMI.



Ikatlong Araw Dalangin kay San Andres:Mahal na Poong San Andres, Patron ng aming pamilya, sa ikatlong araw na ito ng ami...
23/11/2025

Ikatlong Araw
Dalangin kay San Andres:

Mahal na Poong San Andres, Patron ng aming pamilya, sa ikatlong araw na ito ng aming nobena, gusto naming gunitain ang araw nang isama mo si Hesus sa inyong bayan sa Betsaida. Noon ay tiyak naibinalita mo sa iyong mga kababayan ang kabutihan at ang kapangyarihan ng Panginoon. Kaya hindi natagalan, at nagdala sila kay Hesus ng isang lalaking bulag. Nagmamakaawa silang mangyaring pagalingin ang sakit ng matandang lalaki, at pinagaling nga siya. Mahal naming Patron, sa pamamagitan mo, sumampalataya at nanalig sa Panginoon ang iyong mga kababayan.Kaya kaming mga nagnonobena sa iyo at mga deboto mo ay nakikiusap na akayin mo kami at ipamagitan sa Kanya, upang pagalingin Niya kami sa tulong ng iyong pakiusap at pamamagitan sa Panginoon, at tapunan Niya ng liwanag ang aming puso at isipan, upang maliwanag naming makita ang dapat naming gawin, kung kami ay may kinakaharap na mga suliranin, mga agam-agam at mga tiisin. Amen.

(Banggitin ang sariling kahilingan)

SAN ANDRES APOSTOL,
IPANALANGIN MO KAMI!



Address

Riverside
Malolos
3000

Website

Alerts

Be the first to know and let us send you an email when San Andres Apostol de Longos posts news and promotions. Your email address will not be used for any other purpose, and you can unsubscribe at any time.

Shortcuts

Share

Category