27/11/2025
Ika-27 ng Nobyembre
Paggunita sa Mahal na Birhen ng Medalla Milagrosa
(Ang Sugunda Patrona ng Mojon)
Ang Mahal na Birhen ng Medalla Milagrosa ay isang mapagkalingang Ina na patuloy na nagbibigkis ng ating komunidad sa pananampalataya at pag-asa. Kilala Siya sa kanyang dakilang pagmamahal at patnubay sa mga nananalangin sa kanya.
Ipinapakita Niya ang kanyang banal na kapangyarihan sa pamamagitan ng mga himala at biyayang mula sa Diyos.
Tuwing ika-27 ng Nobyembre, ating inaalala ang pagpakikita ng Mahal na Birhen ng Medalla Milagrosa kay Santa Katarina Laboure sa Paris, France.
Sa ikatlong pagpapakita ng Mahal na Ina, isinasalaysay na nakatayo Siya sa isang globo, may mukhang nagtataglay ng pambihirang ganda, at may mga kamay na pinagmumulan ng mga nakasisilaw na liwanan. Narinig ni Santa Catalina ang mga katagang ito, βTingnan mo ang sagisag ng mga biyayang ipinagkakaloob ko sa mga humihingi sa akin.β Sa paligid ng Ina ng Diyos ay nakasulat ang mga katagang ito,βO Mariang ipinaglilihing walang kasalanang orihinal ipanalangin mo kaming dumudulog sa iyo.β Pagkaraan ay tumalikod ang larawan at nakita ang titik M na may krus sa ibabaw at sa ibaba naman ay ang dalawang puso ni Jesus at ni Maria. Sa Puso ni Mariaβy may nakatarak na balaraw, ang kay Jesus ay may koronang tinik. Sa paligid, ang labindalawang bituin. Sinabi ng Mahal na Birhen βMagpapagawa ka ng ganitong medalya. Ang taong magsusuot nito ay magkakamit ng maraming biyaya, lalung-lalo na kung itoβy isasabit sa leeg.β Ang pangyayaring ito ang nagsilbing simula ng paglaganap ng debosyon sa buong mundo.
Kaya sa araw na ito, sama-sama nating ipagdiwang ang ating mahal na Segunda patrona, ang ating liwanag at lakas. Naway patuloy tayo na maganalig at magtiwala sa kanyang walang hanggang awa at pagmamahal!
Viva La Virgen!
Viva Nuestra SeΓ±ora de la Medalla Milagrosa! Viva!
(Ang imahen po ng Mahal na Birhen ng Medalla Milagrosa ay nasa pangangalaga nina G. Wendell Macinas at Inh. Jennilyn M. Pulumbarit at Pamilya, Hermano 2024-2025)
