Ang Tinghoy - Bisita ng Santisima Trinidad 1776

26/06/2026

DEBOSYONG NAKATANIM NG MALALIM

Gaya ng iba pang mga bata sa kinasasakupan ng Bisita, ang debosyon nila sa Mahal na P**ng Santisima Trinidad ay parang halaman na ang pagkakabaon ng ugat ay malalim dahil ito ay nakakatandaan na.

Gaya ng batang ito nasi Dwayne, 4 na taong gulang at lubhang sinusuportahan ito at ikinagagalak ng kanyang mga magulang. Tangan nya ang isang hindi improvised na estampa, kundi totoong iniukit na estampa kung saan ang larawan ng Mahal na P**ng Santisima Trinidad na Mayor ang nakalagay.

Gabayan nawa ng Mahal na P**n ang mga batang tulad ni Dwayne at iba pang mga batang mag-aalaga ng mga maliliit na estampa ng mahal na P**ng Santisima Trinidad.

(Ang larawan ng bata ay may pahintulot ng magulang)

Sa mga nagnanais magpagawa at magkaroon ng ganitong estampa hanapin at imessage si Danriel Magkasi.

Maraming Salamat po!

26/06/2026

‎BIYERNES, HUNYO 26, 2026
‎Biyernes ng Ika-12 Linggo sa Karaniwang Panahon
‎
‎2 Hari 25, 1-12
‎Salmo 136, 1-2. 3. 4-5. 6
‎
‎Kung ika’y aking limutin,
‎wala na ‘kong aawitin.
‎
‎Mateo 8, 1-4
‎
‎TAGAPAGDIWANG
‎Rdo. Padre. Avelino Santos

26/06/2026

24/06/2026

SAN JUAN DE MALOLOS 1775

Ang Bisitang Matanda ng Santisima Trinidad ay nakikigalak at bumabati ng Ika-251 taong Kapistahan ng Mahal na Patrong San Juan (de Balayong)dito sa Lungsod ng Malolos.

1.)Noong sinaunang panahon,ang lugar na kilalang ngayon bilang San Juan kasama ng Calero ay bahagi lamang ng mas matandang Sitio ng Balayong at ang imahen ni San Juan Bautista ay unang nakatira at nakalagak sa Visita ng Balayong na ang patronato naman ay Santa Krus.
2.) Sa talang lokal, may pangyayari na ang imahen ay biglang nawawala sa loob ng Visita ng Balayong at natatagpuan sa isang lugar sa ilalim ng punongkahoy (na kinatitirikan ng visita ng San Juan ngayon) iniuwi ang imahen sa Visita ng Balayong ngunit muling nawala at natagpuan sa parehong lugar at paulit-ulit itong nangyari na humantong sa pasya ng mga taga Balayong na ipinagpatayo ng dambana at sariling ermita (mas maliit sa visita) si San Juan sa lugar na iyon na siyang kalaunan ay naging Visita ni San Juan (de Malolos)

3)Noon namang Enero 1775, ang Sitio San Juan ay unang nasumilay sa Libro de Bautismo ng Simbahan ng Malolos at pagsapit ng Hunyo 24,1775 ginanap ang kanyang Kapistahan sa sitiong pinangalanang San Juan.

Isa sa natatanging yaman ng Bisita ay ang imahen ni San Juan sa pinaka-itaas na bahaging harapang patsada ng Bisita na matutunton pa sa pagsilang ng Visita ng nayon na masasabing ito ang orihinal na imahen ng San Juan na syang daluyan ng biyaya sa pamamatnugot ni San Juan noonh unang panahon.

May Akda:
Bisita ng Santisima Trinidad
Historical Archives and Heritage Museum

Pinagkunan ng datos:
1).1775 Registros Paroquiales (Iglesia dela Inmaculada Concepcion)
2-3).Ika-400 Taon ng Kristiyanismo sa Malolos
1580-1980 (Komite ng Ika-400 Taon ng Malolos)
4. Larawan: Bisita ng San Juan Bautista Bisita ni San Juan Bautista de Malolos

21/06/2026

Ang pinanggalingan ng mga Ama nating lahat...

21/06/2026

‎LINGGO, HUNYO 21, 2026
‎Ika-12 Linggo sa Karaniwang Panahon
‎
‎Jeremias 20, 10-13
‎Salmo 68, 8-10. 14 at 17. 33-35
‎
‎Panginoon, iyong dinggin
‎akong iyong ginigiliw.
‎
‎Roma 5, 12-15
‎Mateo 10, 26-33
‎
‎TAGAPAGDIWANG
‎Rdo. Padre. Avelino Santos

21/06/2026

Isang Maligayang Araw ng mga Ama para sa mga Haligi ng ating Tahanan!

Halina't ating tularan ang mapag-ampon at mapagkalingang esposo ni Maria at Amang turing ng ating Panginoong Hesukristo.

Panalangin kay San Jose

Dakilang Patriarkang San Jose, ulirang ama ng tahanan, amang turing ni Hesus, at kalinis-linisang kabiyak ng puso ng Birheng Maria, kami po ay dumudulog sa iyong maka-amang pagmamahal at tanging pag-aampon.

Mahal naming San Jose, itinataas po namin sa Diyos Ama ang aming mga pangangailangan sa buhay at mga hangarin sa buhay espirituwal, nasa iyong tulong ay makamit ang pagpapala ayon sa kalooban ng Panginoon.

(Banggitin ang mga panalangin)

Pangindapatin mo po na ihatid sa Diyos Amang bukal ng awa ang aming taos-pusong panalangin na may lubos na pasasalamat sa lahat ng mga biyayang kaloob.

San Jose, Nabuhay po kayo sa piling ni Jesus. Sa lagi kong naaalala, na habang Siya'y dinuduyan sa iyong mga bisig at nakahimlay sa iyong dibdib, yakapin mo Siya at gawaran ng halik sa noo para sa akin, sa gayon po ang halik na yaon ay madama ko ngayon at sa oras ng aking kamatayan. Amen

San Jose, Ipanalangin mo kami!

Larawan:
San Jose Venerado
Bisita ng Santisima Trinidad
Vestmenta at Peluca: Meigan Gatchalian Blake

19/06/2026

Biyernes sa Ika-11 Linggo sa Karaniwang Panahon.

2 Hari 11, 1-4. 9-18. 20
Salmo 131, 11. 12. 13-14. 17-18

Pinili ng Panginoong
maging tahanan ang Sion.

Mateo 6, 19-23

19/06/2026

𝐑𝐄𝐐𝐔𝐈𝐄𝐒𝐂𝐀𝐓 𝐈𝐍 𝐏𝐀𝐂𝐄

Ngayong araw ay ating inaalala ang Ika-2 taon ng pagpanaw ng minamahal na kapatid G. Hermogenes F. Valerio, dating Pangulo ng Samahan ng Katandaan ng ating Bisita.

Sa kanyang paglilingkod, ipinamalas niya ang tunay na diwa ng pagkakaisa, pagmamalasakit, at dedikasyon sa kapakanan ng kanyang mga kasamahan at ng ating Bisitang Matanda. Ang kanyang mabubuting gawa, pamumuno, at mga naiambag sa samahan ay nananatiling buhay sa puso at alaala ng lahat ng kanyang nakasama.

𝐊𝐚𝐩𝐚𝐲𝐚𝐩𝐚𝐚𝐧 𝐤𝐚𝐢𝐥𝐚𝐧𝐦𝐚𝐧 𝐚𝐧𝐠 𝐢𝐠𝐚𝐰𝐚𝐝 𝐧𝐠 𝐌𝐚𝐲𝐤𝐚𝐩𝐚𝐥 𝐬𝐚 𝐲𝐮𝐦𝐚𝐨 𝐧𝐚𝐭𝐢𝐧𝐠 𝐤𝐚𝐩𝐚𝐭𝐢𝐝. 𝐒𝐢𝐲𝐚 𝐧𝐚𝐰?? 𝐚𝐲 𝐬𝐢𝐥𝐚𝐲𝐚𝐧 𝐧𝐠 ??𝐥𝐚𝐰 𝐧𝐠 𝐰𝐚𝐥𝐚𝐧𝐠 𝐡𝐚𝐧𝐠𝐠𝐚𝐧. 𝐌𝐚𝐩𝐚𝐧𝐚𝐭𝐚𝐠 𝐧𝐚𝐰𝐚 𝐬𝐢𝐲𝐚 𝐬𝐚 𝐤𝐚𝐩𝐚𝐲𝐚𝐩𝐚𝐚𝐧. 𝐀𝐦𝐞𝐧.

19/06/2026

Sa banaag ng kasalukuyan, bakas ang nakaraan