Cofradia de Nuestra Señora del Carmen - Barasoain Church

25/12/2025

#𝐏𝐀𝐒𝐊𝐎𝐒𝐀𝐁𝐀𝐑𝐀 Banal na Misa Live mula sa Parokya ng Nuestra Señora del Carmen - Simbahan ng Barasoain | 7:30 N.U.

Dakilang Kapistahan ng Pasko ng Pagsilang ng Panginoon
Misa sa Araw ng Pasko

Mass Presider: Rdo. P. Niño Jomel H. De Leon - Parochial Vicar

"Naging tao ang Salita at Siya'y nanirahan sa piling natin."

Unang Pagbasa: Propeta Isaias 52:7-10
Salmong Tugunan: Salmo 97 - Kahit saa'y namamalas tagumpay ng nagliligtas.
Ikalawang Pagbasa: Hebreo 1:1-6
Mabuting Balita: +San Juan 1:1-18
Panalangin ng Bayan: Panginoon, dinggin ang aming panalangin.



Disclaimer:
Our Lady of Nuestra Señora del Carmen - Barasoain Church do not own the music featured in this video. All rights belong to its rightful owners. No copyright infringement intended.

06/12/2025

𝐔𝐍𝐀𝐍𝐆 𝐒𝐀𝐁𝐀𝐃𝐎
Palagiang Debosyon sa Nuestra Señora del Carmen de Barasoain

Santa Maria, Mahal na Birhen ng Bundok ng Carmelo,
nagpakita ka kay San Simon Stock,
upang gabayan kami sa amimg paglalakbay sa lupa
at bigyan ng pag-asa sa aming buhay
lalo na sa oras ng paghihirap at tiisin.

Inihahandog namin sa iyo ang aming sarili at kalooban.
Pagpalain mo at gabayan ang aming
mahal sa buhay,pamilya at bayan.
Itinataas namin sa iyong pamamagitan ang aming
saya at kalungkutan, tagumpay at kabiguan,
kasaganaan at kahirapan, kalusugan at karamdaman.
Maialay nawa ito sa iyong anak na si Hesus
upang magkamit para sa aming mga pagpapala.

Isinasamo namin O katamis-tamisang Ina,
na lagi mo kaming samahan.
(Banggitin ang kahilingan)
Huwag mo kaming iiwan at pababayaan
lalo na sa panahon ng pagsubok at kapighatian.
Sa sandali ng aming kamatayan.
Pangunahan mo kami sa iyong anak na si Hesus
na aming Panginoon at kaligtasan. Amen.

Nuestra Señora del Carmen de Barasoain,
ipanalangin mo kami.

22/11/2025

13/11/2025

𝐎𝐁𝐈𝐓𝐔𝐀𝐑𝐈𝐎

Ang Cofradia de Nuestra Señora del Carmen - Barasoain, kasama ng Regina Carmeli TOC Community - Barasoain, ay kaisa sa panalangin at pagdadalamhati sa pagpanaw ni + 𝐒𝐢𝐬. 𝐑𝐨𝐬𝐚𝐫𝐢𝐨 𝐌. 𝐏𝐞𝐧𝐠𝐬𝐨𝐧, na kilala ng marami bilang si "Sister Aring".

Siya ay pormal na nasuotan ng Eskapularyo at naging bahagi ng Cofradia noong taong 2022. Ang kanyang tapat na paglilingkod sa Simbahan at hindi matatawarang pagmamahal sa Mahal na Birhen ng Bundok ng Carmelo ay masasalamin sa kanyang pagsusumikap na mamuhay bilang mabuting Kristyano.

Patuloy nating ipanalangin ang kanyang kaluluwa, at siya nawa ay samahan ng Mahal na Ina sa kanyang paglalakbay pabalik sa piling ng ating Ama sa Langit.

Maraming Salamat at Paalam po, Sis. Aring.

24/10/2025

𝗔𝗡𝗚 𝗜𝗬𝗢𝗡𝗚 𝗥𝗢𝗦𝗔𝗥𝗬𝗢 𝗜𝗡𝗔𝗡𝗚 𝗠𝗔𝗛𝗔𝗟, 𝗞𝗔𝗣𝗔𝗬𝗔𝗣𝗔𝗔𝗡 𝗡𝗚 𝗦𝗔𝗡𝗟𝗜𝗕𝗨𝗧𝗔𝗡!

Inaanyayahan po ang lahat na makiisa sa ating Pamparokyang Living Rosary na gaganapin sa darating na ika-30 ng Oktubre, Huwebes. Magsisimula po ang Banal na Misa ganap na ika-6 ng gabi na susundan ng Pagdarasal ng Buhay na Santo Rosaryo, tampok ang pagninilay ng Misteryo ng Liwanag, kasama tayong lahat bilang isang Parokya. Sama-sama nating ipanalangin ang ating Pamilya, Parokya, Bansa at buong Sansinukob.

Inaanyayahan po ang lahat na makiisa.

Mahal na Birhen ng Santo Rosaryo, ipanalangin mo kami.

04/10/2025

𝐃𝐄𝐕𝐎𝐓𝐈𝐎𝐍, 𝐎𝐑𝐈𝐄𝐍𝐓𝐀𝐓𝐈𝐎𝐍 𝐀𝐍𝐃 𝐅𝐎𝐑𝐌𝐀𝐓𝐈𝐎𝐍

TINGNAN: Mga Larawan kuha sa ginanap na Orientation at Formation ng Cofradia de Nuestra Señora del Carmen matapos ang Pagdiriwang ng Banal na Misa ngayong unang Sabado ng Buwan. Bahagi ito ng Apostolado ng Regina Carmeli TOC Community ng Barasoain para sa pagpapayabong ng debosyon sa Mahal na Birhen at sa Eskapulario.

Viva Nuestra Señora del Carmen de Barasoain!

03/10/2025

𝐃𝐄𝐕𝐎𝐓𝐈𝐎𝐍, 𝐎𝐑𝐈𝐄𝐍𝐓𝐀𝐓𝐈𝐎𝐍 𝐀𝐍𝐃 𝐅𝐎𝐑𝐌𝐀𝐓𝐈𝐎𝐍

Ang Regina Carmeli TOC Community ng Barasoain ay malugod na nag-aanyaya sa mga Kasapi at Nagnanais na maging Kasapi ng Cofradia de Nuestra Señora del Carmen na dumalo sa First Saturday Mass sa darating na ika-4 ng Oktubre 2025, alas-6 ng umaga, na susundan ng MONTHLY FORMATION para sa Cofradia.

Layunin nito na mapagyabong ang pagka-unawa ng lahat ng kasapi sa kahalagahan ng pagsusuot ng Eskapularyo, pagtupad at pagtugon sa layunin ng Kapatiran at pagdalo sa mga mahahalagang gawain. Ito ay upang maipakilala na din ang Debosyon sa Nuestra Señora del Carmen at sa Carmel.

Inaasahan po ang inyong pagdalo at pakikibahagi. Maraming Salamat po!
AVE REGINA DECOR CARMELI!

Sama-sama nating parangalan Ang ating Inang Nililiyag.

Viva Nuestra Señora del Carmen de Barasoain!

21/09/2025

"𝐃𝐔𝐘𝐀𝐍 𝐍𝐆 𝐌𝐀𝐆𝐈𝐆𝐈𝐓𝐈𝐍𝐆"
Ang Lunduyan ng Unang Republika sa Asya, saksi sa ating Kasaysayan, Lipunan man at Pananampalataya, ay kaisa ng Bayan sa Paglaban sa Katiwalian.

Kaisa ang Parokya ng Nuestra Señora del Carmen - Simbahan ng Barasoain ng Sambayanang Pilipino sa panalangin at paglaban para sa ating Bayan.

05/09/2025

𝐀𝐕𝐄 𝐑𝐄𝐆𝐈𝐍𝐀 𝐃𝐄𝐂𝐎𝐑 𝐂𝐀𝐑𝐌𝐄𝐋𝐈!

Bayan ng Diyos, halina at samahan natin ang Ina, Reyna, Kapatid at Patrona ng Makasaysayang Simbahan ng Barasoain, 𝗡𝗨𝗘𝗦𝗧𝗥𝗔 𝗦𝗘Ñ𝗢𝗥𝗔 𝗗𝗘𝗟 𝗖𝗔𝗥𝗠𝗘𝗡 sa kanyang muling paglahok sa Malolos Cathedral Marian Procession sa darating na Linggo, ika-7 ng Setyembre, Bisperas ng Kapistahan ng kanyang kapanganakan, sa ganap na ika-5 ng hapon.

Viva Nuestra Señora del Carmen de Barasoain!

29/08/2025

𝐒𝐀𝐁𝐀𝐃𝐎
Palagiang Debosyon sa Nuestra Señora del Carmen de Barasoain

Santa Maria, Mahal na Birhen ng Bundok ng Carmelo,
nagpakita ka kay San Simon Stock,
upang gabayan kami sa amimg paglalakbay sa lupa
at bigyan ng pag-asa sa aming buhay
lalo na sa oras ng paghihirap at tiisin.

Inihahandog namin sa iyo ang aming sarili at kalooban.
Pagpalain mo at gabayan ang aming
mahal sa buhay,pamilya at bayan.
Itinataas namin sa iyong pamamagitan ang aming
saya at kalungkutan, tagumpay at kabiguan,
kasaganaan at kahirapan, kalusugan at karamdaman.
Maialay nawa ito sa iyong anak na si Hesus
upang magkamit para sa aming mga pagpapala.

Isinasamo namin O katamis-tamisang Ina,
na lagi mo kaming samahan.
(Banggitin ang kahilingan)
Huwag mo kaming iiwan at pababayaan
lalo na sa panahon ng pagsubok at kapighatian.
Sa sandali ng aming kamatayan.
Pangunahan mo kami sa iyong anak na si Hesus
na aming Panginoon at kaligtasan. Amen.

Nuestra Señora del Carmen de Barasoain,
ipanalangin mo kami.