06/05/2026
Ang Panginoon ang nagbibigay ng aming SWELDO🥰❤️
WAG GAWING NEGOSYO ANG SIMBAHAN
Bato-bato sa langit…
ang tamaan, huwag magalit,
magbago. Hindi ko po nilalahat
Kasi may mga Lingkod din talaga
ng Diyos na tapat na naglilingkod
Hindi ito atake,
ito ay paalala.
Hindi ito paninira,
kundi panawagan ng konsensya.
Dahil nakakalungkot isipin
na sa panahon ngayon,
may mga simbahan
na tila naging tindahan,
ang pulpito naging entablado ng kita,
at ang pananampalataya…
ginawang puhunan.
Sabi sa Mateo 21:13
“Ang aking bahay ay tatawaging bahay-dalanginan, ngunit ginagawa ninyo itong lungga ng mga tulisan.”
Masakit.
Diretso.
Walang paligoy-ligoy.
Hindi sinabi—“bahay ng negosyo,”
hindi sinabi—“bahay ng pakinabang,”
kundi bahay-dalanginan.
Pero bakit ngayon,
parang mas malakas ang boses ng sobre
kaysa sa Salita?
Mas mabigat ang pressure sa pagbibigay
kaysa sa pag-aalaga ng kaluluwa?
May mga pastor
na dati, pusong apoy,
tunay ang tawag,
tapat sa paglilingkod…
Pero habang tumatagal,
may nagbago.
Hindi na ang Diyos ang sentro
kundi ang kita.
Hindi na ang mga tupa ang inuuna
kundi ang koleksyon.
Sabi sa 1 Pedro 5:2
“Pangalagaan ninyo ang kawan ng Diyos… hindi dahil sa pakinabang, kundi bukal sa kalooban.”
Hindi negosyo ang pastol.
Hindi customer ang tupa.
At lalong hindi produkto ang ebanghelyo.
Ang tawag ay maglingkod
hindi magpayaman.
Ang misyon ay magligtas
hindi maningil.
At oo
may bahagi ang pagbibigay.
May lugar ang offering.
Pero kapag ang puso ay naging sakim,
kapag ang motibo ay naging marumi,
kahit gaano kalaki ang simbahan
mali pa rin.
Sabi sa 1 Timoteo 6:10
“Ang pag-ibig sa salapi ay ugat ng lahat ng uri ng kasamaan.”
Hindi pera ang masama
pero ang pag-ibig dito…
ang sumisira sa puso.
Kaya kung ikaw ay tinatamaan
huwag mong depensahan ang sarili mo.
Suriin mo.
Pastor ka ba na unti-unting nalilihis?
Lingkod ka ba na dati’y tapat,
pero ngayon, nalulunod sa sistema?
Hindi pa huli ang lahat.
Sabi sa Apocalipsis 2:5
“Alalahanin mo kung saan ka nahulog, magsisi ka at gawin mo ang dati mong ginagawa.”
Balikan mo.
Yung unang apoy.
Yung unang pag-ibig.
Yung panahong hindi pera ang dahilan
kundi ang Diyos lang.
Ito ay rebuke
oo.
Pero may kasamang pag-asa.
Dahil ang tunay na layunin nito
hindi para manira,
kundi para magpanumbalik.
Kaya ngayon
kung may mali sa puso,
kung may halong motibo,
kung may bahid ng kasakiman
Magsisi.
Ibalik sa Diyos ang simbahan.
Ibalik sa Diyos ang ministeryo.
Ibalik sa Diyos ang puso.
Dahil sa huli
hindi dami ng koleksyon ang tatanungin,
kundi kung paano mo inalagaan ang Kanyang kawan.
Wag gawing negosyo ang simbahan
dahil hindi ito sa atin.
Ito ay sa Diyos.
