IHMP Malabon Nuestra Señora Dela Paz Y Buenviaje Maysilo Chapel

31/05/2026

PAKIKIISA | PASASALAMAT | MAY FLOWER DEVOTION 2026 l MAYO 31, 2026

Buong pusong nakiisa ang mga bata ng Pamayanan ng Nuestra Señora dela Paz 'y Buenviaje Chapel sa pagdiriwang ng Huling Araw ng May Flower Devotion nitong Mayo 31, 2026, kasama ang mga kabataan mula sa iba't ibang pamayanan ng ating Parokya ng Kalinis-linisang Puso ni Maria at ilang mga pinuno ng mga samahang pang-parokya.

Tunay ngang "Araw-araw kay Maria kami ay nagdarasal, si Maria aming Reyna, ibig naming marangal," sapagkat sa pamamagitan ng ating panalangin, pag-aalay ng bulaklak at pakikiisa bilang isang pamayanang Kristiyano, ating pinararangalan ang Mahal na Birheng Maria at pinapalalim ang ating pananampalataya kay Hesus.

Mahal na Birheng Maria, patuloy mo kaming akayin sa iyong Anak at pag-alabin ang aming puso sa pananampalataya, pag-asa at pagmamahal sa Diyos araw-araw.

Birheng Maria, ipanalangin mo kami.

Amen.

31/05/2026

LIVE | Dakilang Kapistahan ng Santatlo "Papuri sa Banal na Santatlo: Ang Diyos Ama at ang Anak ang Espiritu Santo " | May 31, 2026
Misa Tagapagdiwang : Rev. Fr. Amando V. Gino

25/05/2026

ULAT PASASALAMAT SA PAKIKIISA l "IKA-156 TAON NG DEBOSYON, BANGKONG HANDOG NG PANAHON!" l MAYO 24, 2026

BUONG PUSONG NAGPAPASALAMAT ang Nuestra Señora Dela Paz 'y Buenviaje Chapel at ang Maysilo Chapel Mini-Pastoral Council kina Congressman Antolin "Lenlen" A. Oreta III at Konsehal Jose Lorenzo "Enzo" A. Oreta sa kanilang taos-pusong handog na DALAWANG (2) BAGONG PEWS para sa ating kapilya ngayong araw, Mayo 24, 2026, Linggo.

Nagkaloob sila ng halagang P41,000.00 sa pamamagitan ng tseke bilang donasyon para sa Chapel Pews Fund Raising Project.

Ang nasabing handog ay malugod na tinanggap nina Sis. Analissa G. Pastrana, Vice Coordinator at Sis. Carmelita P. Dela Cruz, Treasurer ng Maysilo Chapel Mini-Pastoral Council.

Sa kasalukuyan, LABINGWALO (18) pang bagong pews ang kinakailangan upang ganap na maisakatuparan ang proyektong ito para sa higit na maayos, komportable at marangal na pagsamba ng ating mga deboto at mananampalataya.

Patuloy po naming hinihiling ang inyong pakikiisa at bukas-palad na pagtulong bilang donor, sponsor o sa anomang kusang-loob na handog para sa ating Chapel Pews Fund Raising Project.

"Sa bawat bangkong maiaaalay, nagpapatuloy ang 156 taong pananampalataya, pagkakaisa at debosyon para sa susunod pang henerasyon."

Maraming salamat po sa inyong pagmamahal at suporta para sa ating mahal na kapilya.

VIVA NUESTRA SEÑORA DELA PAZ 'Y BUENVIAJE!

24/05/2026

PANYAYA SA PAKIKIISA l
"IKA-156 TAON NG DEBOSYON, BANGKONG HANDOG NG PANAHON!" l MAYO 24, 2026

OFFICIAL LAUNCHING
CHAPEL PEWS FUND RAISING PROJECT ng Nuestra Señora Dela Paz 'y Buenviaje Chapel

Kaisa ng pagdiriwang ng IKA-156 NA TAONG KAPISTAHAN NG MAHAL NA NUESTRA SEÑORA DELA PAZ 'Y BUENVIAJE, buong puso po nating inilulunsad ang proyektong naglalayong makapagpagawa ng DALAWAMPUNG (20) BAGONG CHAPEL PEWS para sa ating kapilya.

📌 PROJECT DETAILS:
- 20 bagong chapel pews
- Halaga bawat pew: ₱20,500
- Kabuoang target: ₱410,000
- Panahon ng pagsasakatuparan: 6 na buwan (simula May 17, 2026)

📌 MGA IMPORTANTENG PAALALA:
- Sa oras na makalikom ng sapat na donasyon para sa isang pew, ito ay agad nang ipapagawa kahit hindi pa kumpleto ang buong target.
- Bawat handog ay agad nagiging bahagi ng aktwal na pagsasakatuparan ng proyekto.

📌 TRANSPARENT UPDATES:
- Magkakaroon ng regular na anunsyo tungkol sa:
- Bilang ng natatapos na pews
- Kasalukuyang pondo
- Natitirang target

📌 PAMAMARAAN NG PAGTULONG:
- Bukas sa lahat bilang DONOR o SPONSOR
- Tumatanggap ng full sponsorship, partial donation o anomang kusang-loob na handog
- Maaaring ialay bilang pasasalamat o alay sa mahal sa buhay
- Eksklusibong ilalaan para sa Chapel Pews Project
- Isasama sa espesyal na panalangin ang lahat ng sponsors at benefactors
- Ilalagay ang pangalan ng donor sa inialay na pew bilang pagkilala

📌 Makipag-ugnayan lamang sa Maysilo Mini-Pastoral Council Officers.

"Sa bawat bangkong maiaaalay, nagpapatuloy ang 156 taong pananampalataya, pagkakaisa, at debosyon para sa susunod pang henerasyon."

VIVA NUESTRA SEÑORA DELA PAZ 'Y BUENVIAJE!

24/05/2026

LIVE | Solemnity of Pentecost "Come Holy Spirit" | May 24, 2026

Mass Celebrant : Rev. Fr. Amando V. Gino

23/05/2026

PAKIKIRAMAY AT PAKIKIDALAMHATI l SA ALAALA NI LUCY ONG NG

Buong pusong nakikiramay sina Bro. Percy Tisbe, Maysilo Chapel–Mini Pastoral Council Coordinator at Sis. Analissa Pastrana, Maysilo Chapel–Mini Pastoral Council Vice Coordinator, sa ngalan ng pamunuan ng Maysilo Chapel–Mini Pastoral Council at buong komunidad ng Nuestra Señora Dela Paz ‘Y Buenviaje Chapel, Maysilo, sa pamilya ni Hon. Malabon City Mayor Jeannie Sandoval sa pagpanaw ng kanyang minamahal na ina, si Gng. Lucy Ong Ng.

Sa gitna ng inyong pagdadalamhati, kaisa ninyo kami sa panalangin na nawa’y yakapin kayo ng pag-ibig at kapayapaan ng Panginoon.

Sa pamamagitan ng mapagkalingang paggabay ng Nuestra Señora Dela Paz ‘Y Buenviaje, nawa’y matagpuan ninyo ang lakas at pag-asa sa panahong ito ng pagluluksa.

“Pinapawi Niya ang kanilang mga luha; hindi na magkakaroon ng kamatayan, dalamhati, pag-iyak, o sakit.” — Pahayag 21:4

Nawa’y pagkalooban ng walang hanggang kapahingahan si Gng. Lucy Ong Ng at mapasailalim siya sa mapagmahal na pagkalinga ng ating Panginoon at Mahal na Birhen.

At liwanagan nawa siya ng walang hanggang liwanag.
Pahintulutan mo siyang mamahinga sa kapayapaan.

AMEN. 🙏

STATEMENT FROM MALABON TIMES

With deep sorrow and heartfelt sympathy, the entire group of Malabon Times Admins extends our sincerest condolences to the family of Hon. Mayor Jeannie Sandoval on the passing of her beloved mother, Mrs. Lucy Ong Ng.

In this time of grief, we stand in prayer and solidarity with Mayor Jeannie Sandoval, her family, relatives, and loved ones. May they find comfort in the beautiful memories they shared and strength in the overwhelming support of the community.

May the eternal light shine upon Mrs. Lucy Ong Ng, and may she rest peacefully in God’s loving embrace. - From Malabon Times

19/05/2026

GRAND PROCESSION | IKA-156 NA TAONG KAPISTAHAN NG MAHAL NA NUESTRA SEÑORA DELA PAZ ‘Y BUENVIAJE | MAYO 17, 2026 | LINGGO

Sa loob ng 156 na taon, nananatiling buhay sa puso ng komunidad ang pananampalataya at debosyon sa Mahal na Nuestra Señora Dela Paz ‘Y Buenviaje.

Sa pakikiisa ng buong pamayanan at ng Parokya ng Kalinis-linisang Puso ni Maria, muling naging makahulugan ang banal na paglalakbay sa isinagawang GRAND PROCESSION noong Mayo 17, 2026.

Tulad ng panalangin sa Hymno ng Antipolo, kinikilala natin si Maria bilang "Ina naming minamahal, Bituin naming gabay", ang Reyna nating Kayumanggi na patuloy na umaakay sa sambayanang Pilipino tungo sa kapayapaan, pagkakaisa at kay Kristo.

Sa bawat hakbang ng prusisyon, muling nabubuhay ang kasaysayan, pananampalataya at pag-asang minana pa mula sa ating mga ninuno.

Nuestra Señora Dela Paz 'Y Buenviaje,

Ipanalangin Mo kami.

AMEN.

18/05/2026

PASASALAMAT | MISA MAYOR | IKA-156 NA TAONG KAPISTAHAN NG MAHAL NA NUESTRA SEÑORA DELA PAZ ‘Y BUENVIAJE | MAYO 17, 2026 | LINGGO

Buong galak at taos-pusong pasasalamat ang aming ipinapaabot sa lahat ng mga mananampalatayang nakiisa sa makulay, banal at makasaysayang pagdiriwang ng IKA-156 NA TAONG KAPISTAHAN NG MAHAL NA NUESTRA SEÑORA DELA PAZ ‘Y BUENVIAJE na ginanap kahapon MAYO 17, 2026 | LINGGO, na may temang:

"Pamayanang Kaisa kay Kristo sa Misyon, Kaagapay si Maria sa Pagkakaisa at Kapayapaang Layon"

Sa pamamagitan ng PANALANGIN, PAGKAKAISA at masiglang DEBOSYON, sama-sama nating pinarangalan at dinakila ang kabutihan ng Diyos sa tulong at paggabay ng ating Mahal na Ina.

Naging makahulugan ang pagdiriwang sa pamamagitan ng TATLONG ARAW NA TRIDUO kasama ang ating mga kaparian, mga organisasyon, ministries at mga debotong mananampalataya.

Lubos din ang aming pasasalamat sa lahat ng nakiisa sa MARINGAL NA MISA MAYOR noong ika-9:00 ng umagang pinangunahan ni REB. PD. AMADO V. GINO.

Tunay na naging buhay ang pananampalataya ng sambayanan sa sama-samang pagpupuri at pananalangin kay Maria, "Ina naming minamahal, bituin naming gabay."

Sa bawat debotong dumalo, naglingkod, tumulong at nagbahagi ng kanilang oras at pagmamahal para sa tagumpay ng kapistahan, maraming salamat po. Nawa’y patuloy tayong akayin ng ating "Reyna naming kayumanggi" sa ating paglalakbay sa landas ng buhay tungo sa kapayapaan, pagkakaisa at Kaharian ng Diyos Ama.

"Tulungan mong lumaganap ang kapayapaan at katarungan sa bayang Pilipinong namimintuho sa Iyo."

NUESTRA SEÑORA DELA PAZ ‘Y BUENVIAJE,

IPANALANGIN MO KAMI,

AMEN! 🙏🏼

18/05/2026

MAY 17 | 156 na Taong Kapistahan ng Mahal na Nuestra Señora Dela Paz y Buenviaje - Brgy. Maysilo Barrio Fiesta; Dakilang Kapistahan ng Pag-akyat sa Langit ng Panginoon “Humayo Kayo, Gawin Silang Alagad Ko, Binyagan at Turuan.”
-
HOMILY:
"Jesus is GONE FROM OUR SIGHT, but NEVER FROM OUR LIFE."
Reb. Pdr. Amando V. Gino
Mass Celebrant
-
(The full sermon is available on our Facebook Live recording of today's celebration.)
-

18/05/2026

VIVA, NUESTRA SEÑORA DELA PAZ Y BUENVIAJE!

Isang mapagpala at masayang kapistahan sa buong Pamayanan ng Brgy. Maysilo!

Ngayong Linggo, Mayo 17, 2026, buong puso tayong nagkakaisa sa pagdiriwang ng Barrio Fiesta ng Maysilo Chapel, sa pangunguna ng ating Mahal na Ina, ang Nuestra Señora Dela Paz 'Y Buenviaje.