19/03/2025
DAKILANG KAPISTAHAN NI SAN JOSE, KABIYAK NG PUSO NG MAHAL NA BIRHEN
MGA PAGBASA:
Unang Pagbasa:
2 Samuel 7, 4-5a. 12-14a. 16
Salmong Tugunan:
Salmo 88, 2-3. 4-5. 27 at 29
Lahi niya’y walang wakas,
kailanma’y hindi lilipas.
Ikalawang Pagbasa
Roma 4, 13. 16-18. 22
MABUTING BALITA:
Mateo 1, 16. 18-21. 24a
Si Jacob, ang ama ni Jose na asawa ni Maria. Si Maria naman ang ina ni Hesus na tinatawag na Kristo.
Ganito ang pagkapanganak kay Hesukristo. Si Maria na kanyang ina at si Jose ay nakatakda nang pakasal. Ngunit bago sila nakasal, si Maria’y natagpuang nagdadalang-tao. Ito’y sa pamamagitan ng Espiritu Santo. Isang taong matuwid itong si Jose na kanyang magiging asawa, ngunit ayaw niyang mapahiya si Maria, kaya ipinasiya niyang hiwalayan ito nang lihim. Samantalang iniisip ni Jose ito, nagpakita sa kanya sa panaginip ang isang anghel ng Panginoon. Sabi niya sa kanya, “Jose, anak ni David, huwag kang matakot na tuluyang pakasalan si Maria, sapagkat siya’y naglihi sa pamamagitan ng Espiritu Santo. Manganganak siya ng isang lalaki at ito’y pangangalanan mong Hesus, sapagkat siya ang magliligtas sa kanyang bayan sa kanilang mga kasalanan.”
Nang magising si Jose, sinunod niya ang utos ng anghel ng Panginoon.
