https://www.facebook.com/155186824523273/

St. Jude Thaddeus Mission Station - Diocese of Kalookan, 32 Tiangco Street, Barangay Ibaba, Malabon (2026)

14/08/2026

“𝐒𝐚𝐩𝐚𝐠𝐤𝐚𝐭 𝐧𝐢𝐥𝐢𝐧𝐠𝐚𝐩 𝐧𝐢𝐲𝐚 𝐚𝐧𝐠 𝐤𝐚𝐧𝐲𝐚𝐧𝐠 𝐚𝐛𝐚𝐧𝐠 𝐚𝐥𝐢𝐩𝐢𝐧!
𝐀𝐭 𝐦𝐮𝐥𝐚 𝐧𝐠𝐚𝐲𝐨𝐧, 𝐚𝐤𝐨’𝐲 𝐭𝐚𝐭𝐚𝐰𝐚𝐠𝐢𝐧𝐠 𝐦𝐚𝐩𝐚𝐥𝐚𝐝 𝐧𝐠 𝐥𝐚𝐡𝐚𝐭 𝐧𝐠 𝐬𝐚𝐥𝐢𝐧𝐥𝐚𝐡𝐢.”

𝐀𝐠𝐨𝐬𝐭𝐨 𝟏𝟓 | 𝐃𝐚𝐤𝐢𝐥𝐚𝐧𝐠 𝐊𝐚𝐩𝐢𝐬𝐭𝐚𝐡𝐚𝐧 𝐧𝐠 𝐏𝐚𝐠-𝐚𝐚𝐤𝐲𝐚𝐭 𝐬𝐚 𝐋𝐚𝐧𝐠𝐢𝐭 𝐧𝐠 𝐌𝐚𝐡𝐚𝐥 𝐧𝐚 𝐁𝐢𝐫𝐡𝐞𝐧𝐠 𝐌𝐚𝐫𝐢𝐚

MGA PAGBASA

UNANG PAGBASA
Pahayag 11:19a; 12, 1-6. 10ab

Pagbasa mula sa aklat ng Pahayag

Nabuksan ang templo ng Diyos sa langit, at nakita ang Kaban ng Tipan.

Kasunod nito’y lumitaw sa langit ang isang kagila-gilalas na tanda: isang babaing nararamtan ng araw at nakatuntong sa buwan; ang ulo niya’y may koronang binubuo ng labindalawang bituin. Malapit na siyang manganak kaya’t napasigaw siya sa matinding sakit at hirap.

Isa pang tanda ang lumitaw sa langit: isang pulang dragon na napakalaki. Ito’y may pitong ulo at sampung sungay, at may korona ang bawat ulo. Sinaklot ng kanyang buntot ang ikatlong bahagi ng mga bituin sa langit at inihagis ang mga iyon sa lupa. Pagkatapos ay tumayo siya sa paanan ng babaing malapit nang manganak upang lamunin ang sanggol sa sandaling ito’y isilang. At ang babae ay nagsilang ng sanggol na lalaki, ngunit may umagaw sa bata at dinala ito sa Diyos, sa kanyang trono. Ang sanggol na ito ang itinakdang maghahari sa lahat ng bansa sa pamamagitan ng kamay na bakal. Ang babae naman ay tumakas patungo sa ilang, sa isang dakong inihanda ng Diyos para sa kanya.

At narinig ko ang isang malakas na tinig buhat sa langit na nagsasabi, “Dumating na ang pagliligtas ng Diyos! Ipinamalas na niya ang kanyang kapangyarihan bilang Hari! Ipinamalas na ng Mesiyas ang kanyang karapatan!”

Ang Salita ng Diyos.

SALMONG TUGUNAN
Salmo 44

Nasa kanan mo ang reyna,
maningning sa ginto’t ganda.

IKALAWANG PAGBASA
1 Corinto 15:20-27

Pagbasa mula sa unang sulat ni Apostol San Pablo sa mga taga-Corinto

Mga kapatid, si Kristo’y muling binuhay bilang katibayan na muling bubuhayin ang mga patay. Kung paanong dumating ang kamatayan sa pamamagitan ng isang tao, gayun din naman, dumating din ang muling pagkabuhay sa pamamagitan ng isang tao. Sapagkat kung paanong mamamatay ang lahat dahil sa kanilang kaugnayan kay Adan, gayun din naman, mabubuhay ang lahat dahil sa kanilang kaugnayan kay Kristo, ngunit ang bawat isa’y sa kanya-kanyang takdang panahon: Si Kristo ang pinakauna sa lahat; pagkatapos, ang mga kay Kristo sa panahon ng pagparito niya. At darating ang wakas, pagkatapos malupig ni Kristo ang lahat ng kaharian, pamahalaan at kapangyarihan; at ibibigay niya sa Diyos at Ama ang paghahari. Sapagkat si Kristo’y dapat maghari hanggang sa malupig niya at lubusang mapasuko ang kanyang mga kaaway. Ang kahuli-hulihang kaaway na kanyang pasusukuin ay ang kamatayan. Ganito ang sinasabi ng Kasulatan: “Ang lahat ng bagay ay lubusang pinasuko sa kanya ng Diyos.”

MABUTING BALITA
Lucas 1:39-56

Ang Mabuting Balita ng Panginoon ayon kay San Lucas

Si Maria’y nagmamadaling pumunta sa isang bayan sa kaburulan ng Juda. Pagdating sa bahay ni Zacarias, binati niya si Elisabet. Nang marinig ni Elisabet ang bati ni Maria, naggagalaw ang sanggol sa kanyang tiyan. Napuspos ng Espiritu Santo si Elisabet, at buong galak na sinabi, “Pinagpala ka sa mga babae, at pinagpala rin ang dinadala mo sa iyong sinapupunan! Sino ako upang dalawin ng ina ng aking Panginoon? Sapagkat pagkarinig ko ng iyong bati ay naggagalaw sa tuwa ang sanggol sa aking tiyan. Mapalad ka sapagkat nanalig kang matutupad ang ipinasabi sa iyo ng Panginoon!”

At sinabi ni Maria,
“Ang puso ko’y nagpupuri sa Panginoon,
at nagagalak ang aking Espiritu dahil sa Diyos na aking Tagapagligtas.
Sapagkat nilingap niya ang kanyang abang alipin!
At mula ngayon, ako’y tatawaging mapalad ng lahat ng salinlahi,
dahil sa mga dakilang bagay na ginawa sa akin ng Makapangyarihan —
Banal ang kanyang pangalan!
Kinahahabagan niya ang mga may takot sa kanya, sa lahat ng sali’t saling lahi.
Ipinakita niya ang lakas ng kanyang mga bisig,
pinangalat niya ang mga palalo ang isipan.
Ibinagsak niya ang mga hari mula sa kanilang trono,
at itinaas ang mga nasa abang kalagayan.
Binusog niya ng mabubuting bagay ang mga nagugutom,
at pinalayas niyang wala ni anuman ang mayayaman.
Tinulungan niya ang kanyang bayang Israel,
bilang pagtupad sa pangako niya sa ating mga magulang,
kay Abraham at sa kanyang lahi, magpakailanman!”
Tumira si Maria kina Elisabet nang may tatlong buwan, at saka umuwi.

Ang Mabuting Balita ng Panginoon.

06/08/2026

𝑯𝒖𝒘𝒆𝒃𝒆𝒔, 𝒂𝒓𝒂𝒘 𝒏𝒈 𝒑𝒂𝒈𝒅𝒆𝒅𝒆𝒃𝒐𝒔𝒚𝒐𝒏 𝒌𝒂𝒚 𝑺𝒂𝒏 𝑱𝒖𝒅𝒂𝒔 𝑻𝒂𝒅𝒆𝒐.

Nobena | 6:30 N.G
Banal na Misa | 7:00 N.G

Panalangin kay San Judas Tadeo

O dakilang Apostol na kinamtan mo sa Diyos ang kapangyarihang matulungan ang lahat ng nasa gipit na
pangangailangan at tumatawag sa iyo; huwag mong pabayaan sa iyo'y napatutulong.
Marami ang panganib na kinalalagyan ko araw-araw.
Huwang mong pabayaan akong mag-isa sa aking mga pangangailangan kundi laging tulungan mo ako upang sa pamamatnubay mo'y sundan ko ang iyong mga gawang kabanalan at paglingkuran ko si Hesus sa pamamagitan ng isang matiising pamumuhay at walang bahid ng sala.
Sa ganito'y matitiyak kong ako'y nasa mabuting daan at isang araw ay matatamasa ko ang pakikisama sa iyo, O pintakasi ko magpakailanman. Amen.

San Judas Tadeo, Ipanalangin mo kami.

05/08/2026

“𝐈𝐭𝐨 𝐚𝐧𝐠 𝐦𝐢𝐧𝐚𝐦𝐚𝐡𝐚𝐥 𝐤𝐨𝐧𝐠 𝐀𝐧𝐚𝐤 𝐧𝐚 𝐥𝐮𝐛𝐨𝐬 𝐤𝐨𝐧𝐠 𝐤𝐢𝐧𝐚𝐥𝐮𝐥𝐮𝐠𝐝𝐚𝐧. 𝐏𝐚𝐤𝐢𝐧𝐠𝐠𝐚𝐧 𝐧𝐢𝐧𝐲𝐨 𝐬𝐢𝐲𝐚!”

𝗔𝗴𝗼𝘀𝘁𝗼 𝟲 | 𝗞𝗮𝗽𝗶𝘀𝘁𝗮𝗵𝗮𝗻 𝗻𝗴 𝗣𝗮𝗴𝗹𝗶𝗹𝗶𝘄𝗮𝗻𝗮𝗴 𝘀𝗮 𝗕𝗮𝗴𝗼𝗻𝗴 𝗔𝗻𝘆𝗼 𝗻𝗴 𝗣𝗮𝗻𝗴𝗶𝗻𝗼𝗼𝗻

𝗕𝗮𝗻𝗮𝗹 𝗻𝗮 𝗠𝗶𝘀𝗮 | 𝟳:𝟬𝟬 𝗡.𝗚

Mga Pagbasa

UNANG PAGBASA
Daniel 7:9-10. 13-14

Pagbasa mula sa aklat ni propeta Daniel

Habang ako’y nakatingin, may naglagay ng mga trono. Naupo sa isa sa mga ito ang isang nabubuhay magpakailanman. Kumikinang sa kaputian ang kanyang kasuotan at parang lantay na lana ang kanyang buhok. Ang trono niya’y nagniningning. Ang mga gulong nito ay apoy na nagliliyab. Waring agos ng tubig ang apoy na bumubuga mula sa trono. Ang naglilingkod sa kanya’y isang milyon bukod pa sa milyon-milyong nakaantabay. Humanda na siya sa paggagawad ng hatol at binuksan ang aklat. Patuloy ang aking pangitain. Ang nakita ko naman ay isang tila taong nakasakay sa ulap. Bumaba ito at lumapit sa nabubuhay magpakailanman. Binigyan siya ng kapamahalaan, ng karangalan at ng kaharian. Siya ay paglilingkuran ng lahat ng tao, bansa at wika. Ang pamamahala niya ay di matatapos, at di babawiin, at hindi mawawasak ang kanyang kaharian.

Ang Salita ng Diyos.

SALMONG TUGUNAN
Salmo 96

Panginoo’y maghahari,
lakas n’ya’y mananatili.

IKALAWANG PAGBASA
2 Pedro 1, 16-19

Pagbasa mula sa ikalawang sulat ni Apostol San Pedro

Mga pinakamamahal, ang ipinahayag namin sa inyo tungkol sa muling pagparito ng ating Panginoong Hesukristo, na puspos ng kapangyarihan, ay hindi sa mga alamat na katha lamang ng tao. Nasaksihan namin ang kanyang kadakilaan nang ipagkaloob sa kanya ng Diyos Ama ang karangalan at kapurihan. Ito’y nangyari nang marinig ang tinig mula sa Dakilang Kaluwalhatian ng langit. “Ito ang pinakamamahal kong Anak; siya ang lubos kong kinalulugdan.” Narinig namin ito sapagkat kami’y kasama niya sa banal na bundok.

Kaya naman lalong tumibay ang aming paniniwala sa ipinahayag ng mga propeta. Makabubuting ito’y pag-ukulan ninyo ng pansin, sapagkat ang nakakatulad nito ay isang ilaw sa karimlan na tumatanglaw sa inyo hanggang sa mamanaag ang Araw ng Panginoon at ang sinag ng tala ng umaga’y maglagos sa inyong puso.

MABUTING BALITA
Mateo 17, 1-9

Ang Mabuting Balita ng Panginoon ayon kay San Mateo

Noong panahong iyon, isinama ni Hesus si Pedro, at ang magkapatid na Santiago at Juan, at sila’y umakyat sa isang mataas na bundok. Samantalang sila’y naroon, nakita nilang nagbagong-anyo si Hesus: nagliwanag na parang araw ang kanyang mukha, at pumuting parang busilak ang kanyang damit. Nakita na lamang at sukat ng tatlong alagad sina Moises at Elias na nakikipag-usap kay Hesus. Kaya’t sinabi ni Pedro kay Hesus, “Panginoon, mabuti pa’y dumito na tayo. Kung ibig ninyo, gagawa ako ng tatlong kubol: isa sa inyo, isa kay Moises at isa kay Elias.” Nagsasalita pa siya nang liliman sila ng isang maningning na ulap. At mula rito’y may tinig na nagsabi, “Ito ang minamahal kong Anak na lubos kong kinalulugdan. Pakinggan ninyo siya!” Ang mga alagad ay natakot nang gayun na lamang nang marinig nila ang tinig, at sila’y napasubasob. Ngunit nilapitan sila ni Hesus at hinipo. “Tumindig kayo,” sabi niya, “huwag kayong matakot.” At nang tumingin sila ay wala silang nakita kundi si Hesus.

At habang bumababa sila sa bundok, iniutos ni Hesus sa kanila, “Huwag ninyong sasabihin kaninuman ang pangitain hangga’t hindi muli nabubuhay ang Anak ng Tao.”

Ang Mabuting Balita ng Panginoon.

05/08/2026

Dalaw Patron | Ikatatlumpu’t walong Pamilya

Pasasalamat sa Pamilya Vidal, ang ikatatlumpu’t walong tahanan na tumanggap sa lmahen ng ating mahal na Patron, San Judas Tadeo noong Ika-23 ng Hulyo

Sa diwa ng pananampalataya at pasasalamat, nawa'y patuloy na dumaloy ang biyaya ng Diyos sa kanilang tahanan at sa buong pamayanan habang tayo'y naghahanda sa Ika-50 Anibersaryo ng ating Kapilya.

04/08/2026

𝐀𝐠𝐨𝐬𝐭𝐨 𝟒 | 𝐏𝐀𝐆𝐆𝐔𝐍𝐈𝐓𝐀 𝐊𝐀𝐘 𝐒𝐀𝐍 𝐉𝐔𝐀𝐍 𝐌𝐀𝐑𝐈𝐀 𝐕𝐈𝐀𝐍𝐍𝐄𝐘

𝗣𝗔𝗡𝗔𝗟𝗔𝗡𝗚𝗜𝗡 𝗞𝗔𝗬 𝗦𝗔𝗡 𝗝𝗨𝗔𝗡 𝗠𝗔𝗥𝗜𝗔 𝗩𝗜𝗔𝗡𝗡𝗘𝗬

Ama naming mapagmahal at makapangyarihan, ipinagkaloob mo sa iyong Simbahan si San Juan Maria Vianney bilang huwaran ng kabanalan, kababaang-loob, at wagas na paglilingkod sa iyong bayan. Sa kanyang halimbawa ng taimtim na panalangin, tapat na pagpapastol, at walang sawang pagmamalasakit sa mga makasalanan, turuan mo rin kaming magmahal at maglingkod nang may busilak na puso. Hinihiling namin ito sa pamamagitan ni Hesuskristo na aming Panginoon. Amen.

SAN JUAN MARIA VIANNEY, ipanalangin mo kami

02/08/2026

Maligayang Pagbati ng Araw ng mga Pari sa ating mga Kaparian!

Patuloy namin po kayong ipinagdarasal para sa inyong misyon.

02/08/2026

Dalaw Patron | Ikatatlumpu’t pitong Pamilya

Pasasalamat sa Pamilya Babo, ang ikatatlumpu’t pitong tahanan na tumanggap sa lmahen ng ating mahal na Patron, San Judas Tadeo noong Ika-16 ng Hulyo

Sa diwa ng pananampalataya at pasasalamat, nawa'y patuloy na dumaloy ang biyaya ng Diyos sa kanilang tahanan at sa buong pamayanan habang tayo'y naghahanda sa Ika-50 Anibersaryo ng ating Kapilya.

02/08/2026

Dalaw Patron | Ikatatlumpu’t anim na Pamilya

Pasasalamat sa Pamilya Rana, ang ikatatlumpu’t anim na tahanan na tumanggap sa lmahen ng ating mahal na Patron, San Judas Tadeo noong Ika-9 ng Hulyo

Sa diwa ng pananampalataya at pasasalamat, nawa'y patuloy na dumaloy ang biyaya ng Diyos sa kanilang tahanan at sa buong pamayanan habang tayo'y naghahanda sa Ika-50 Anibersaryo ng ating Kapilya.

01/08/2026

𝐀𝐠𝐨𝐬𝐭𝐨 𝟐 | 𝐈𝐤𝐚-𝟏𝟖 𝐋𝐢𝐧𝐠𝐠𝐨 𝐬𝐚 𝐊𝐚𝐫𝐚𝐧𝐢𝐰𝐚𝐧𝐠 𝐏𝐚𝐧𝐚𝐡𝐨𝐧
𝘚𝘵. 𝘑𝘰𝘩𝘯 𝘉𝘢𝘱𝘪𝘴𝘵𝘦 𝘔𝘢𝘳𝘪𝘦 𝘝𝘪𝘢𝘯𝘯𝘦𝘺 𝘚𝘶𝘯𝘥𝘢𝘺

𝐁𝐚𝐧𝐚𝐥 𝐧𝐚 𝐌𝐢𝐬𝐚 | 𝟖:𝟑𝟎 𝐍.𝐔

Mga Pagbasa

UNANG PAGBASA
Isaias 55:1-3

Pagbasa mula sa aklat ni propeta Isaias

Ito ang sinasabi ng Panginoon:
“Narito ang tubig, mga nauuhaw.
Ang mga walang salapi ay
kumuha rito at bumili ng pagkain,
halikayo at bumili ng alak at gatas,
Bumili kayo, ngunit walang bayad.
Bakit ginugugol ang salapi
sa mga bagay na hindi nakabubusog?
Bakit inuubos ang pera
sa mga bagay na walang halaga?
Makinig kayo sa akin at sundin ang utos ko
at matitikman ninyo ang pinakamasarap na pagkain.
Pumarito kayo,
kayo ay lumapit at ako’y pakinggan,
makinig sa akin nang kayo’y mabuhay;
ako’y may gagawing walang hanggang tipan,
at ipalalasap sa inyo ang pagpapalang
ipinangako ko kay David.

Ang Salita ng Diyos.

SALMONG TUGUNAN
Salmo 144

Pinakakain mong tunay kaming lahat, O Maykapal.

IKALAWANG PAGBASA
Roma 8:35. 37-39

Pagbasa mula sa sulat ni Apostol San Pablo sa mga taga-Roma

Mga kapatid:
Sino ang makapaghihiwalay sa atin sa pagmamahal ni Kristo? Ang paghihirap ba, ang kapighatian, ang pag-uusig, ang gutom, ang kahubaran, ang panganib, o ang tabak? Hindi! Ang lahat ng ito’y kayang-kaya nating pagtagumpayan sa pamamagitan niya na nagmamahal sa atin. Sapagkat natitiyak kong ang kamatayan, ang buhay, ang mga anghel, ang mga pamunuan, ang mga bagay sa kasalukuyan, ang mga bagay na darating, ang mga kapangyarihan, ang kataasan, ang kalaliman, o ang alinmang nilalang ay hindi makapaghihiwalay sa atin sa pag-ibig ng Diyos – pag-ibig na ipinadama niya sa atin sa pamamagitan ni Kristo Hesus na ating Panginoon.

MABUTING BALITA
Mateo 14:13-21

Ang Mabuting Balita ng Panginoon ayon kay San Mateo

Noong panahong iyon, nang marinig ni Hesus ang pagkamatay ni Juan Bautista, siya’y sumakay sa isang bangka at nag-iisang pumunta sa isang ilang na lugar. Nang mabalitaan naman iyon ng mga tao, sila’y lumabas ng bayan at lakad na sumunod sa kanya. Paglunsad ni Hesus sa dalampasigan, nakita niya ang napakaraming taong yaon. Nahabag siya sa kanila at pinagaling niya ang mga maysakit na dala nila.

Nang dapit-hapon na’y lumapit sa kanya ang mga alagad. Sinabi nila, “Ilang ang pook na ito at malapit nang lumubog ang araw. Papuntahin na po ninyo sa mga nayon ang mga tao upang makabili ng kanilang makakain.” “Hindi na sila kailangang umalis pa,” sabi ni Hesus. “Kayo ang magbigay sa kanila ng makakain.” Sumagot sila, “Lilima po ang tinapay at dadalawa ang isda natin.” “Dalhin ninyo rito,” sabi niya. Pinaupo niya sa damuhan ang mga tao, kinuha ang limang tinapay at dalawang isda; tumingala siya sa langit at nagpasalamat sa Diyos. Pinagpira-piraso niya ang mga tinapay at iniutos sa mga alagad na ipamigay iyon sa mga tao. Kumain silang lahat at nabusog. Tinipon ng mga alagad ang lumabis, at sila’y nakapuno ng labindalawang bakol ng hati-hating tinapay. May limanlibong lalaki ang kumain, bukod pa sa mga babae at mga bata.

Ang Mabuting Balita ng Panginoon.

28/07/2026

𝐇𝐮𝐧𝐲𝐨 𝟐𝟗 | 𝐏𝐚𝐠𝐠𝐮𝐧𝐢𝐭𝐚 𝐤𝐢𝐧𝐚 𝐒𝐚𝐧𝐭𝐚 𝐌𝐚𝐫𝐭𝐚, 𝐒𝐚𝐧𝐭𝐚 𝐌𝐚𝐫𝐢𝐚 𝐚𝐭 𝐒𝐚𝐧 𝐋𝐚𝐳𝐚𝐫𝐨

Panalangin kina Santa Marta, Santa Maria at San Lazaro ng Betania

O Mapalad na Santa Marta, Sta Maria At San Lazaro ang inyong pananampalataya ang nagudyok upang ipahayag ni Hesus, "Ako ang muling pagkabuhay;" at pananampalataya rin ang umakay sa inyo upang kilalanin si Hesus hindi lang bilang isang tao nang inyong ipahayag, "Kayo po ang Anak ng Diyos, ang Mesias." Taglay ang matibay na pagasa, winika nyo, "nalalaman kong kahit ngayo'y ibibigay sa inyo ng Diyos ang anumang hingin ninyo sa kanya," at tinawag ni Hesus ang kapatid nyong si Lazaro mula sa mga patay. Taglay ang dalisay na pag-ibig kay Hesus, tinanggap nyo siya sa inyong tahanan.
Kaibigan at lingkod ng Panginoon, ako rin ay"naliligalig sa maraming bagay
(banggitin dito ang kahilingan),
Ipanalangin nyo ako upang ako ay lumago sa
pananampalataya, pag-asa at pag-ibig upang si Hesus, na dumulog sa inyong hapag, ay makinig sa akin, at magkaloob ng isang lugar para sa akin sa piging ng buhay na walang hanggan. Amen.

Santa Marta, Santa Maria at San Lazaro, ipanalangin po n’yo kami.

St. Jude Thaddeus Mission Station - Diocese of Kalookan

14/08/2026

06/08/2026

05/08/2026

05/08/2026

04/08/2026

02/08/2026

02/08/2026

02/08/2026

01/08/2026

28/07/2026

Address

Website

Alerts

Contact The Place Of Worship

Shortcuts

Share

Category

Listing takedown request